اكسبيدشن او دورانجو

[ابوعمار98]

اهما افضل الاكسبيدشن ام الدورانجو علما بان الفرق بالسعر 30000
من حيث القوة والمتانة واوكيل وقطع الغيار


ولكم جزيل الشكر

[ادولف هتلر]

والله ان بغيت الصدق ان كانك ناوي على الدوج حط ال30 الف للصيانه هههه

انصحك بالاكسبدشن

[ابرهيم الدهمش]

والله ان بغيت الصدق ان كانك ناوي على الدوج حط ال30 الف للصيانه هههه

انصحك بالاكسبدشن
======================
كلام سليم

[.أبوعبدالرحمن]

مافيها كلام

الاكسبدشن افضل من جميع النواحي

[و لد ملهم]

حيااك الله و انا اخوك و انا أعرف أكثر من واحد مجربين درانجو دوج كلهم يمدحونه و سعره ستاندر ب90 الف و شاشه و كمره خلفيه و مرتبه خلفيه اكبر ب100 الف و و تبي نصيحه اسأل الي مجربين الدرانجو بنفسك لانهم هم ممكن يفتونك عن صيانه و اعطاله ... وفيه رساله لك على الخاص ...

[بن داود]

خذ الدورانجوا تراهم يمدحونه
واعرف واحد يحل ويقول انه ماشي عليه 270 الف كيلو وماغير الا قطعه مدري وش سمها ب 300 ريال واكيد انه غير الاشياء الاستهلاكيه والرجال راعي بر وكارف الموتر كرف موب صاحي

والوالد توه شاري دورانجو 2009

طبعا كلها 2009 مخزنه وواصله بالمخازن من قبل سنه وعليها اثار صدى واشوى كل الاثار راحت مع التنظيف بس بقى عامود الكاردن عليه اثار صدى وتقول الوكاله ماياثر

واي استفسار انا حاضر

[S4500]

خذلك الدورانجوا صدقني وحش في البر او زفلت

[ابوعمار98]

يقولون قطع غياره غالية وما توجد على الاغلب بالمدينة
قسم الصيانة بالمدينة عبارة عن ورشة بمحطة

[F250]

والله انامن عندي الدورانقووو

والله صلابه ومافيه خرابات

انا عندي ايااه

[ابو نوره 2006]

الاكسبدشن ,,,

[RASHED1384]

اخوي ابو عمار انحش عن الثنين وخذلك يوكن او تاهو وان كان عندك ميزانبة حلوه خذ لندكروزر لو مستعمل وافتك من المشاكل وعوار الراس بين الفورد والدوج
الدوج دجوا هله في اسبوع : وعجزو عن القسط يوفونه
الدوج شين وشين طبوع : واللي شرو يايبيعونه
وبالتوفيق انشاءالله لك

[ابوعمار98]

توكلنا على الله باخذ ان شاءالله الاكسبيدشن
ادعولي بالتوفيق

[واثق الخطوه-]

اخوي ابو عمار انحش عن الثنين وخذلك يوكن او تاهو وان كان عندك ميزانبة حلوه خذ لندكروزر لو مستعمل وافتك من المشاكل وعوار الراس بين الفورد والدوج
الدوج دجوا هله في اسبوع : وعجزو عن القسط يوفونه
الدوج شين وشين طبوع : واللي شرو يايبيعونه
وبالتوفيق انشاءالله لك

الدوج دجوا هله في اسبوع -- عجزو عن التنباك لايشترونه

[أبو عبدالرحمن 2010]

السلام عليكم
اخوي ابو عمار فيه فرق اكثر من ثلاثين الف اذا راح تاخذ اكسبدشين دبل مع ان الدورنجو استاندر دبل
بصراحة لو انا منك اختار الدورنجو من حيث تجربة اشخاص اعرفهم ولك الاخيار بعد الاستخاره
والله يوفقك

[msmr]

اخوي ابو عمار انحش عن الثنين وخذلك يوكن او تاهو وان كان عندك ميزانبة حلوه خذ لندكروزر لو مستعمل وافتك من المشاكل وعوار الراس بين الفورد والدوج
الدوج دجوا هله في اسبوع : وعجزو عن القسط يوفونه
الدوج شين وشين طبوع : واللي شرو يايبيعونه
وبالتوفيق انشاءالله لك
اخوي ابو عمار

انا عندي دورانجو 2007 علي يدي من الوكالة

مانيب مادحن فيها لكن السيارة ممتازة ولله الحمد أنا متوفقن فيها

وممكن غيري ياخذها وتبدا معه خرابات الى مالا نهاية يعني الشغلة أولا وأخيرا توفيتز من رب العالمين

لكن انا بقولة شغلة

على الخط الموتر ما يحتاج :good2:

ممتازة رساوته

مطبه زين

بس مراتبه مهيب مريحة بالحيل لكن هفي ديوتي يعني تكد

صرفيته للبنزين

اعبيه فل من الخبر ب45 تقريبا اذا هو مصففر طبعا بنزين 91 تقريبا حول التسعين لتر

وعلى سرعة 120 - 130 ويبقى فيه النص يزود او ينقص

يعني يوفر في الاستهلاك غير كذا إذا ثبتت السرعة يشتغل 4 سلندر بس مع العلم انه 8 سلندر

في النفود طيب بالحيل ونشيط ويسحب السيارت المتعلقة

لكن الموتر ثقيل يعني لا تجيني كفراتك 35 وتبي تطعس وتسحب في هالعالم

انا في الكشتات البسيطة يعني ابطلع طعس بسيط ما انسم الكفرات وأشغل الدبل

لكن اذا بأبعد التنسيم فيك فيك مع الدبل الخفيف

قطع غيار يقولون غالي !!!

طيب قلي شي رخيص الحين

وبعدين اللي يقول غالي خله يقارن أسعار القطع الاستهلاكية في سيارات الجي ام الجديدة يعني الامريكي الجديد

ويقارنها بالدوج

ومن واقع تجربة لأني كان عندي تريل بليزر الله لا يعيده من موتر

بينهم فرق في السعر فضلا عن الجودة

ولا يجي احدن ويقولك قارنها بقطع كابريس 85 والا 95 ويقولك الجي ام ارخص والا كراسيدا 83 ويوقلك ارخص......خلك واقعي

يعني بالعربي القطع سعرها أرخص طبعا بكثير من السابق وأرخص من الهوندا والمستوبيشي

ولا هوب بعيد عن الجي ام الجديد بل الجي ام الجديد أغلى في القطع الاستهلاكية

لكن التويوتا والنيسان بالتأكيد أرخص ولكن ماهنا زود

الاخ اللي يقول اليوكون والتاهو أفضل

برد عليه بكمتين دورانجو fully made in usa

يعني مصنعة بالكامل في أمريكا

اليوكون 2006 الشكل القديم انا معك انه سيارة محترمة جدا ولكن الجديد مجرد شكل

ولا نيب اقول هالحتسي لأني ما اقدر اشتري يوكون أو تاهو

أنا موتري شاريه على وقته قبل الرخص بـ 108000 كاش وهو مهوب فل

والتاهو كان 109000

واليوكون كان 111000

يعني الفرق بسيط

والاكسبيديشن سيارة محترمة جدا ومكيبنتها تقربيا مثل الدورانجو لأن الدورانجو 5.8 لتر ماشاء الله

بس الاكسبيديشن سعره غالي وكبير الحجم يعني ما تقدر تستخدمه يوما

شف الدورانجو على أنه اصغر لكني اتثيقله وأوقفه واستخدم سيارتي الثانية

تبي نصيحتي

وفر قرشك والثلاثين جب فيها موتر صغير تورح وتجي علي وخذ لك دوراجو

ترى سعره جدا ممتاز

بس حط في بالك شغله مهمه

الدورانجو سيارة استخدام فقط

ويبي لها صيانة في الوكالة فقط

والصيانة جدا معقولة بالمقارنة بالجي ام

ولا هيب سيارة معارض يعني تشتريها............... حللها بما يرضي الله

آسف على الاطالة

أتمنى أني افدتك

[msmr]

حبيت أضيف شغله أخوي أبو عمار

بالنسبة للضمان الوكالة عندها نظام تمديد الضمان 5 سنوات مفتوح الكيلو

تقريبا ب 4000 ريال

يعني سيارتك مضمونة من الصدام للصدام بس بشرط أنك تنتظم بالصيانة كل 10 آلاف تجيبها لهم

أنا والله حتى الزيت أغيره كل عشرة آلاف مع التشييك اللي من 700 ريال تقريبا للصيانة العادية

الى 2700 ريال للصيانة الرئيسية

ولا تستكثر المبلغ ترى الكابريس واللومينا صيانتها أغلى

أتمنى اني أفدتك