أيهما أدق في حساب السرعة،عداد القارمن أو عداد السيارة؟

[مضياف]

في سيارتي تاهو 2007 يوجد فرق يصل إلى 10 كم بين العدادين!
عداد القارمن يظهر السرعة الأقل، ولكن أيهما أقرب لعداد المرور؟
إذا كان عداد القارمن صحيحا ، فهل هناك وسيلة لتغيير الإعدادات في السيارة بحيث لاتقفل شاشة البيانات عند سرعة 120؟

[ابوطاقية]

عداد السياره اكثر دقه لان ارسال البينات من القمر الصناعي يتأخر ثواني

[_دربيل_999]

هلا فيك أخوي..
اعتقد القارمن ابطأ بقليل..
عندي العداد في السيارة 140 بينما قراءة القارمن 132

تحيتي لك

الروقي

[دانكن]

الغالب في السيارات اليابانية وبعض الامريكية .. ينقص 10 عن السرعة الحقيقة للقارمن ..

طبعا ً السرعه الحقيقية هي سرعة القارمن .. واللي يقول يتأخر الارسال في القارمن اقوله ثبت سرعتك لمدة ساعه مهوب ثواني وتلقاها في السرعه زايدة عن اللي في الطبلون ..

موفق يالغالي ..

ولاتحاول تتعبث بالسرعه لان واحد من الربع مفصول عنده الطبلون وكان يمشي بالدائري 125 على القارمن وقفه سري وعطاه مخالفة 130 سرعة ..

موفق يالغالي ..

.
.

[aboyagob]

اخوي بالنسبه لعداد السياره بالعادهـ هو يقيس السرعه على دوران العامود الي جاي من القير ..

يعني لو تغير الكفرات ويسير ارتفاعها اصغر او ارفع(( الارتفاع وليس العرض )) من كفرات الوكاله بيعطيك سرعه غلط !!

طبعا من سياره لسياره يفرق عندك الياباني عداد السياره اكثر من سرعه القارمن بـ ( 10-5)

وعندك الكوري اكثر من سرعه السياره بـ( 15- 30 )) << يفوت وااجد

راعين الجيوب الي يركبون كفرات بالون رفيعه مكتوب بالقارمن 130 وبالسياره 120 يعني فرق عشره اكثر من القارمن ..

من وجهت نظري القارمن ادق حساب من السياره خاصتا الجديد منه والي يوصل دقه تحديد المكان الا نص متر ..

والله يعين

[مضياف]

أشكر للإخوان ردهم، ونتمنى عرض المزيد من أصحاب الخبرة.

[المارينز]

انا اقول العكس

عداد سرعة السيارة ادق من القارمن للاسباب التالية:

اذا كانت كفرات السيارة نفس مواصفات وقياسات المصنع يعني نفس المقاسات اللي مكتوبه على باب السائق

فإن عداد سرعة السيارة صحيح !!

والمصنع اكيد عامل حساباته

والا كانت مشكلة في انظمة المرور من جهة تحديد السرعة على الطرق !!


والسبب الثاني :
انه القارمن يعتمد على التقاط الاقمار الصناعية وبالتالي يعطيك حسابات تقديرية مع نسبة خطأ يؤثر فيها انتقال الاتصال من قمر الى اخر


والله تعالى اعلم

[الدبل الثقيل]

موضوع مهم

ياليت اللي عنده اضافه يفيد الجميع
وجزاكم الله خير

[عاشق الحيسية]

باعتقادي القارمن أدق (من واقع تجربة)

لأني كنت مركب كفرات عاديه طبعا السياره جيب وكانت سرعة عداد السياره أكثر من القارمن (5-10)

لكن بعد ما ركبت البالون صارعداد السيارة أقل من القارمن وكل مازادت السرعه زاد الفرق

[دورانقو]

اخوي بالنسبه لعداد السياره بالعادهـ هو يقيس السرعه على دوران العامود الي جاي من القير ..

يعني لو تغير الكفرات ويسير ارتفاعها اصغر او ارفع(( الارتفاع وليس العرض )) من كفرات الوكاله بيعطيك سرعه غلط !!

طبعا من سياره لسياره يفرق عندك الياباني عداد السياره اكثر من سرعه القارمن بـ ( 10-5)

وعندك الكوري اكثر من سرعه السياره بـ( 15- 30 )) << يفوت وااجد



راعين الجيوب الي يركبون كفرات بالون رفيعه مكتوب بالقارمن 130 وبالسياره 120 يعني فرق عشره اكثر من القارمن ..

من وجهت نظري القارمن ادق حساب من السياره خاصتا الجديد منه والي يوصل دقه تحديد المكان الا نص متر ..

والله يعين


:good::good::good::good::good::good:

وبعض السيارات تاخذها من الوكاله وسرعتها ميب مضبوطه والسبب الوكيل طالب مقاس كفرات مختلف يعني البلا في الوكيل والقارمن ادق منه في السرعه مافيه القارمن دقيق مره وانصح كل واحد عنه اختلاف بين سرعه السياره وسرعه القارمن يمر الوكاله يضبطون له العداد