عبداللطيف جميل .... ومازال للحديث بقية ... يا قوم ... ( نصب )

[جغرافي2000]

الدليل في نصب ابو جميل ... ولا يهون باقي إخوانه !!
السلام عليكم ورحمة الله وبركاته



اخواني


اتمنى انكم تقرون موضووعي للاخر



ولله الحمد اشتريت سياره قبل كم يوم من دولة الامارات العربيه المتحده


وهي لكزس GS 430 مديل 2008


وقبل ماارجع للسعوديه


قلت خلني امر على شركة الفطيم الوكيل لسيارات تويوتا ولكزس



علشان اشتري بعض القطع الاستهلاكيه للسياره


من فلاتر و بريكات وغيره



المهم


كلمني واحد من اخوياي


واوصاني بهذي الوصيه


ان اشتري من الامارات لانها الارخص


طبعا انا اعرف


بأن شركة عبداللطيف جميل اذا دخلت سيارتك اللكزس للصيانه


وطلبت تغيير قماشات ( البريك ) ياخذ منك تقريبا 1200 ريال


انا توقعت ان الامارات راح اشتري البريكات ب ب 800 درهم او 600 درهم



اقسم بالله ياشباااب اني ماني مصدق اللي شفته



طبعا انا مستبعد اني راح اشوف القطع نازله عن السعوديه بشكل كبير


فدخلت الوكيل


وقلت له


ابغى بريكات اماميه وخلفيه وجميع الفلاتر وبواجي




قال لي موضف الاستقبال ان القطع المتوفره حاليا فقط البريكات الاماميه والخلفيه وفلتر البنزين


وقال لي تعال بكره استلم الباقي الان الوكاله كانت راح تقفل


قلت له مو مشكله انت عطني الحين المتوفر والباقي مو لازم


لاني كنت راح ارجع للسعوديه في نفس اليوم


المهم


جاب لي القطع


وبعدها انا اصبت بالذهوووول



http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif)



والله اني سئلت الموضف


السعر بالدرهم ولا بالدولااار ههههههههههههه


والله من جد انا اتكلم


ماني مصدق اللي شايف


اقسم بالله ياجماعه


بريكات اماميه وخلفيه وفلتر بنزين


480 درهم




سيارتي القديمه لكزس موديل 98


البريكات الاماميه فقط ب 600ريال في السعودية



وهذا سياره موديل جديد


واماميه وخلفيه وفلتر


فقط ب 480 درهم
البريكات الاماميه والله العظيم ب 150 درهم




ايش رأيكم



هل الامارات لها معامله خاصه ؟؟؟؟؟؟؟؟
مع العلم ان السعوديه من اكبر الدول في بيع سيارات تويوتا



هل ابو جميل لديه حصانه ؟؟؟؟


لماذا لا يحاسب على هذه السرقه




اقسم بالله ياشباااب


هذي قصه اخرى


وحصلت قدامي


واحد من اصحابي يبغى يشتري لكزس مستخدم من شركة عبداللطيف جميل مديل 2007


ولما دخلنا وكلمنا موظف المبيعات المستعمل


وبتحديد في فرع الخبر


طلبنا من الموظف تقرير بسياره وفحصها من جديد


فاخبرنا


بان الصيانه سوف تضع المشكلااات الصغيره
وان الصيانه كذابه


مثلا


البريكات فيها نص العمر


راح يكتب في التقرير تغيير


واذا كان السياره تحتاج ميزان اذرعه سوف يكتب في التقرير تحتاج تغيير اذرعه


فانا http://mqataa.com/vb/images/smilies/eek.gif (http://mqataa.com/vb/images/smilies/eek.gif)http://mqataa.com/vb/images/smilies/eek.gif (http://mqataa.com/vb/images/smilies/eek.gif) قلت له بكل تعجب معقووووووول


فقال لي اكيـــــــــــد


وبالحرف الواحد كما قال ((( كيف يحقق الهدف المطلوب من المهندس ))



تخيلووو ياشباااااب


مطلووووب من موظفين الصيانه


target او الهدف


اقسم بالله هذي الوكاااله حراميه



انتبهو منهم ياشباااااب



اللي يبغى يتاكد من اسعاار القطع


يتصل على 905


ويطلب رقم استعلامات الشارقه او دبي


ويتصل ويطلب رقم الفطيم وكيل تويوتا ولكزس


ويتاكد



الحذر ياشباااب


قاطعووووهم



على فكره


انا الان سيارتي تحتاااج قطعه وهي الكليبر


ولقد فجعت عندما سالت الوكاله واخبروووني بان قيمتها 2400 ريال اليمين واليسار


وكان احد اصحابي سوف يذهب


للامارات


اقسم بالله شي غير معقووول
لقيت القطعه في الامارات ب


450 درهم
يعني القطعتين ب 900 درهم




واعذروني على الاطاله


وهذي صورة الفاتوره



http://www3.0zz0.com/2009/05/09/15/747765577.jpg (http://www3.0zz0.com/2009/05/09/15/747765577.jpg)



م ن ق و ل للفائدة و أخذ الحذر و خلوها على الله

[التسعه شفر]

ياحبي لك
مافكرت تجيب لك كراتين فحمات وكراتين فلاتر وبواجي
وتفتح محل
انا اشهد كلها سنة وانت متكي جنب الوليد

[سوبر مكشات]

السعوديين ماكولين من كل جنب

كنك جالس على مفطح بس صار عظام من الشفاحه



لاهنت وكيل نيسان هناك
من هو

لاني ابرسل احد الشباب هناك وودي يمر عالوكيل

واذا كان فيه ارقام اكون لك من الشاكرين

[جغرافي2000]

ياحبي لك
مافكرت تجيب لك كراتين فحمات وكراتين فلاتر وبواجي
وتفتح محل
انا اشهد كلها سنة وانت متكي جنب الوليد



هلا بك ( التسعة شفر )
لو كنت مكانه لعملت بنصيحتك

[محب طيبة]

تووووك تدري

[جغرافي2000]

السعوديين ماكولين من كل جنب

كنك جالس على مفطح بس صار عظام من الشفاحه



لاهنت وكيل نيسان هناك
من هو

لاني ابرسل احد الشباب هناك وودي يمر عالوكيل

واذا كان فيه ارقام اكون لك من الشاكرين



و الله ما أعرفه بس أنا أتيت بهذا الموضوع ونسيت أكتب ( منقول ) كلي أسف أخوي و لكن تقدر تسأل 905
أو تسأل طير شلوى ( قوقل ) و يجيب لك الخبر .... بس ألي أنا متأكد منه إن السعر يفرق بشكل كبير .

[جغرافي2000]

تووووك تدري



والله أدري وخلها على الله بس يا إخي الى متى و هذا الجشع بنا حنا يالسعوديين .... !!!!؟؟؟؟؟؟

[سديرآوي]

للأسف عندنا بالسعوديه أسوأ الخدمات من هالنواحي ,, والتلاعب والغش عيني عينك ,,
ماسمعتو بالجميح وش مسوي الحين , سيارات التأمين الي بجدة الي تضررت من السيول , قام يبيعها بأسعار رخيصة من 25 ألف إلى 45 ألف وماعليها ضمان بعض الناس اشتروها وماتحركت واذا ودوها الصيانة بتكلفهم دبل الي دفعوه ,,
وعلى فكرة الوكالات عندنا يشيلون كثير من القطع بالسيارات اذا جت من الخارج ,,
والي راح لمعارض الدول الثانيه بيصدق ,, وأقربها الكويت والأمارات ,,

لكن الله يحاسب كل ظالم ومحتال الي يلعبون بفلوس ويغشونهم ,,

[أبو فيصل]

ما و دكم كل 3 شهور نوصي أحد ربعنا من الأمارات يشحن لنا القطع اللي نبيها ولاّ يزرق واحد يجيبها

خيار آخر... ما ودكم أسوي نفسي تاجر شنطه بعد التقاعد و أجيب لكم كل اللي تبونه وتدفعون الكلفه ( سفر و فندق الخ) وآخذ عليكم 10% .... بعد تراها زينه للطرفين وش قلتو

[هويدي]

حسبي الله ونعم الوكيل

هذا اكل اموال المسلمين بالباطل الله لايوفقه

[نجد 2007]

الله يعطيك العافية أخي جغرافي
والله إنا يالسعوديين فريسه لطروش البحر والإجانب
وطي رأسك أنت سعودي *** غيرك يأكل ونت تجوعي

[jasser]

اخي العزيز انا معك ان اغلب وكلاء المملكه فيهم نصب وجشع
ولكن من الخطأ تعميم هذا الشيء على الكل فالموضوع الذي طرحته قد وصلني قبل ما يقارب السنه على الايميل ولا نعلم عن صحته من خطأه ولو انني ارجح صحته لما تعارف عليه الناس من غش عبداللطيف فجميع سياراته التي يستوردها لتويوتا هي اقل فئه ويبدا بعدها في تركيب الاكسسوارات الصينيه هنا في المملكه

ولكن ارجع واقول من الخطا التعميم على الكل فمثلا يوجد توكيلات الجزيره لفورد ( وهي ليست دعايه ) ولكن يشهد الله انهم ومن يقف وراءهم نعم الرجال
فقد احتلت المركز الاول في الشرق الاوسط لوكالة فورد
ودليل على عدم غشهم في البيع انني ولله الحمد امتلك اكسبيدشن 2009 وقبل ان اشتريه سالت عنه عن سعره ومواصفاته في المواقع الامريكيه ووجدت انه لايفرق عن اللي عندنا بقطعه واحده حتى السعر الفرق بين امريكا واللي عندنا 2000 ريال فقط لا غير
فهذا ان دل على شيء فيدل على ان بعض وكلائنا لا زالوا يخافون الله ويهتمون بسمعتهم وليس مثل ابن جميل اللي ضرب بالمستهلك عرض الحائط
وقال الناس محفور في عقولهم - تويوتا وبس -
وشكرا

[براد نجد]

عبد اللطيف جميل أكبررررر نصااااااااااب وحرامي

[Riyadh City]

السلام عليكم اخوي العزيز

لو لاحظت اخر الفاتورة ماجلان يبيع قطع غيار نيسان وتويوتا ولكزس وانفينتي

يعني مو هو الوكيل هو مفوض بس

أنا راح اصدق هالموضوع لو كانت الفاتورة من الفطيم نفسه ..

وواضح من فرق السعر أن القطع أصلي درجة ثانية لأن بريكات الألتيما 2005 ماخذها بحول هالسعر

يعني معقولة يالأخوان فحمات التيما مثل قيمة فحمات لكزس 2008 !!

مره كان معي أوبل وحدى شمعاتها مرمله رحت للجميح قال بـ 1600 وعليها للوحده

بعدها كنت في الإمارات قلت دامني في الإمارات آخذها من هناك أرخص وأخذتها من الوكيل في الشارقة

بـ 1500 وكسور يعني مع فرق العمله تطلع القطعه متقاربه والله على ما أقول شهيد ...

بالعربي يأخوان حنا نعرف أنا ملعوب علينا من جميل وشلة حسب الله لكن حدث العاقل بما يعقل

الإمارات تشهد موجة إرتفاع أسعار حاد والكل عارف هالشي ويمكن بعد فترة قريبة أهل الخليج بيجون يشرون من عندنا ,,,

ممكن أحد يقولي طيب ماجلان مفوض بقولكم قصة في الجوالات وما أدري هل تتشابه أو لا ..

الحين تروح للحداد مثلا تلقى سعر الجهاز بمبلغ وقدره وتروح للمحلات برى وتلقى نفس الجهاز ونفس ضمان الوكيل وأرخص ..

سألت الحداد مره عن هالشي .. قال الي برى ما تضمن إن كانوا مغيرين شي في الجهاز ,,
وهذا يعني أن المفوضين ممكن يتلاعبون أحيانا ..

شكراً

[الجمــــــــــــــل]

حسبي الله على بعض الوكلاء والتجار ولا كأن فيه رقابة

[fj44]

لا يهمك
عندي الهوك الخلفي للأف جي شاريه
من وكالة عبداللطيف جميل بــ 685 ريال
وفي وكالة الفطيم سعره 2200 ريال
شفت الفرق
يعني الحمد لله على كل حال
وهذا اللي تسويه انت تشويه سمعه
وانتبه لا تتعاقب من القانون
يمكن مقالك هذا يسببلك مشاكل وانت غني عنها
واخرتها موضوع منقول

[قطب 999]

لا تروح للامارات شفلك اطرف محل عندك يبيع قطع غيار يفرق نصف السعر عن الوكاله بس مثل ماجلان ما تدري عن وضع القطعه

[الكَنْدَرة]

الله يرزق الجميع ويصلح الجميع

والله يوفق فورد ووكيلها انا اشهد انهم احسن وكاله في الشرق الاوسط ومواترهم مواتر

الله يهدي الجميع قولوا آمين

[جغرافي2000]

لا يهمك
عندي الهوك الخلفي للأف جي شاريه
من وكالة عبداللطيف جميل بــ 685 ريال
وفي وكالة الفطيم سعره 2200 ريال
شفت الفرق
يعني الحمد لله على كل حال
وهذا اللي تسويه انت تشويه سمعه
وانتبه لا تتعاقب من القانون
يمكن مقالك هذا يسببلك مشاكل وانت غني عنها
واخرتها موضوع منقول



أبشر طال عمرك .. !!!