ماذا تعرف عن الشيروكي ... دعوة للنقاش

[عقيعقب]

السلام عليكم

إخواني من فترة وأنا ملاحظ أن الشيروكي ما عليه اقبال قوي مع أني أشوف أسعاره مناسبه نوعاً مــا (أقصد المستعمل)

فما أعرف ماهي الأسباب

هل هو غير مناسب لبيئتنا وغير مقاوم ؟؟ أم أن قطع غياره غالية مقارنة بغيره ... أم ماذا

فياليت اللي يعرف شيء عن هالسيارة يفيدنا فيها دون تعصب


والله يرزق الجميع

[سامع الشور]

أخوي عقيعقب ،،، يالله كتبت اسمك وعساه صح علي:D :D :D

معي واحد 2007 آخر دفعة ماشاء الله مووووتر بس إنه دلوع شوي ولايعرفله زين إلا وكالته
وإذا الواحد مستعد يشيك عليه فالوكالة كل 50000 ولايبخل يبشر بموتر يرقى الجدران :good2:

[ابوراس الدحمي]

جربت مرة واحدة جراند شيرويكي 2002 ... موتر يرفع الراس بس القطع والصيانة
حسب ما يقول رفيقي أشين الموجود
تحياتي

[مدمن فتك]

جربت شيروكي 99 حلو لكن حساس

[نواف الحربي19]

انا معاي جراند شروكي 2000 v6 استخدام امريكي
بصراحة سيارة وقوة
لاكن الله يعينك على خرباتها (ارتفاع الحرارة)

وقطع الغيار بصراحة نار

واذا رحت تبيعه لازم تضحي بنصف القيمة

واذا وديته البر ترجع تغير المساعدات كلهااا( قصدي اذا مشيت على ارض قاسية ووعرة )

كلمت حق/
في الرمال يعجبك والله
والاسفلت كذالك

وتقبل تحياتي

[براد نجد]

أنا والله ان الشروكي معجبني بالحيل وشكلة وخفة نفسة وكنت ادور لي واحد بس قالولي الناس هج عنة وأبعد تراة خراب بوسط خراب وانا والله اني ماقد جربتة وودي أشترية وبنفس الوقت خايف منة 0

[عقيعقب]

أخوي عقيعقب ،،، يالله كتبت اسمك وعساه صح علي:D :D :D

معي واحد 2007 آخر دفعة ماشاء الله مووووتر بس إنه دلوع شوي ولايعرفله زين إلا وكالته
وإذا الواحد مستعد يشيك عليه فالوكالة كل 50000 ولايبخل يبشر بموتر يرقى الجدران :good2:



حياك أخوي سامع الشور

مشكلة .. إذا هو دلوع يعني ماعنده صبر :good2:

[hadaj]

انحش .......القيمه إللي بتحطها فيه ذلك فيها باترول قديم مثلاً 97 أو 96 وبصراحه خويك إللي تحطه على يمناك.... هذا رائي

[شوار القلوب]

والله معروض علي شروكي موديل 95 بقيمة 8 لااف بفحص منتهي ولكن المكينة والقير والدبل على الشرط

هل هو سعر مناسب؟؟؟؟؟

وايش افحص فيه لان خايف يطلع فيه بلا واكره حياتي

[أبو سليمان888]

بالنسبه لشروكي
بصراحه موتر و يطيب الخاطر
للي يحب الطعوس و الفله

بس الله يعينك على صيانته
خصوصا الاستعمال الامريكي
انا جربت ثلاث شروكيات
بصراحه خساره بخساره

يعني بالعربي يبغاله راتب و مصروف شهري

و اذا على الوناسه انا اشهد انه يطرب العله
و يطيح الي براسك

لكن الي فيه فيه الشروكي و براسه شروكي
انصحه بـ موديل 97_98_99_200_2001 باب واحد ( سبورت )
هذا اقل صيانه و يعطيك بالبر
و اخف من البابين الكلسك او القراند شروكي
لنه اقل حساسات و اقل طلبات من الكلسك و القراند

و اي استفسار عن الاعطال او صيانه
انا تحت امر الجميع

[أبو سليمان888]

والله معروض علي شروكي موديل 95 بقيمة 8 لااف بفحص منتهي ولكن المكينة والقير والدبل على الشرط

هل هو سعر مناسب؟؟؟؟؟

وايش افحص فيه لان خايف يطلع فيه بلا واكره حياتي

مرحبا اخوي شوار القلوب
وش نوعه اخوي
باب ولا بابين
سبورت ولا قراند

واذا تبي تفحصه على السريع

افتح غطاء الزيت
و الموتر يشتغل
و حط يدك بمكان الغطا
خلك شوي نص دقيقه
و اشوف يدك
اذا فيها زيت او رطوبة زيت
او حط مكان غطاء الزيت قطعة ورقه مقويه و شوفها بعد دقيقه
اذا فيها زيت او رطوبه
فانصحك لا تشتري لن مكينته منتهيه
و افتح علبة الفلتر ( فلتر الهواء ) طلع الفلتر و شوفه اذا فيه زيت او لا
لكن قبل تفتح علبة الفلتر خذ لك شوط عليه قوي شوي
وشيك على الفلتر اذا فيه زيت او لا
و شيك على دفرنساته اهم شي و الدبل

تحياتي لك

واي خدمه انا حاضر

[شوار القلوب]

الله يعطيك العافية يابو سليمان

بجيب لك صورته وانت تعرف ايش نوعه

هو واحد عارضه هنا بالمنتدى

[شوار القلوب]

شوف هذا الموضوع اللي فيه الموتر

http://www.mekshat.com/vb/showthread.php?t=260131

[و لد ملهم]

أنا كان معي باترول 97 وحاليا معي شروكي 2000 أنا كنت اسب الشروكي و لاكنت انصح احد يشتريه المهم لاحظت الناس هبوا قدر الله وراح السفاري 97 مني قلت بجرب شروكي و أخذت شروكي 2000 كلاسيك و بصراااحه الموتر روعه مشاء الله خفه و نشااط و بالمناسبه الي يميز الشروكي عن الجيوب الثانيه تلقى قطع مقاربه بجودة الوكاله و صناعتها امريكيه و اسعارها رخيصه بس اهم شي حساسات الكهرب اشترها اصليه .

الشروكي المعروض عليك اذا هو نظيف محركااته ب8000 الف فترى سعره ممتاز

[شوار القلوب]

ايه بس يا ولد ملهم اخاف ادخله الفحص (لان فحصه منتهي)

وادفع فيه فلوسي كلها لأن الفحص الدوري يطلعون خرابات من تحت الارض

[و لد ملهم]

شف وأنا أخوك الفحص الدوري فيك فيك أول شي أفحصه بمعارض النسيم في واحد يمدحونه بس مدري وش اسمه و اذا كان الموتر نضيف توكل على الله و الفحص الدوري بيكلف 75 ريال

[واطي الجمرة]

كل نفس وماتهوى

والي يعرف للشيروكي بيرتاح معاه

[عقيعقب]

جربت مرة واحدة جراند شيرويكي 2002 ... موتر يرفع الراس بس القطع والصيانة
حسب ما يقول رفيقي أشين الموجود
تحياتي


الله يعين يا بو راس

اذا السيارة فيها غلاء بالقطع ولا تتحمل يعني السيارة كلها فيها علة:)

[سوبر VTC]

الشيروكي قبل فترة 15سنين كلن ينحاش منه
ماحد يعرف يشتغل به :no:
و قطع غيار غالي
الان تغيرت الامور صارت اغلب الورش تشتغل به :good:
لان مشاكله عرفت بعد تلك الفترة :good:
+ الان قطع غياره رخيصه احسن من اول :good:

الشيروكي مكينته + قيره قير لكزس300 + عدادات الطبلون من الخلف صنع في اليابان
صناعة يابانية

حرارته على النص
رقم بلفه 190
لدرجه لو تفتح الغطاء و الموتر شغال ثار الماء الحرارة 100
و غالبيه الشيروكي يركبون له بلف كابرس 160
و لو تفتح الغطاء و الموتر شغال ما عندك مشكله لان الحرارة ثابته على 85
تصير حرارته على الثلث تحت النص
مثل النيسان و التويوتا و الجمس :good:
بس اهم شي بالشيروكي اديتر نظيف او تسييخ
+ مقطر + محلول + غطاء اديتر جديد + بلف كابرس
و وقف الظهر لو تبي ساعه و حرارة الجو 48
الحرارة على الثلث :good:

الاديتر لا تركب الا كندي فقط لا غير :good:

احد الربع ركب اردني ب400ريال
بعد يومين نسم الاديتر من عند طبلة الاديتر :mad:
رجعه للمحل على الضمان و ركب جديد
بعد كم يوم نسم من عند رصات الاديتر :mad:
الرخيص بخيس
رجعه و اخذ من عندهم اصلي كندي
و الى يومك :good::good:

و اهم شي غسل السلندر
يحطون نص لتر اسيد + علبة زيت فرامل
ويطلع جديد :good:
و بعد الغسل حط جالونين 2 احمر تويوتا
اهم شي نظافة السلندر عشان ما يسكر الاديتر مع الايام
تركيب بلف كابرس 160
او تركب شد بلد 190
تغيير الغطاء
اذاحصلت اديتر ياباني مستعمل تقريبا ب350ريال :good:
سكراب ياباني

سبب الحرارة
اهمال من صاحب المركبة
عدم اصلاح التهريب سواء خراب طرمبة الماء
او تعبئة ماء عادي
يتحول الى طين بعد فترة و يسبب سدد لرصات الاديتر
+ صغر اديتر الشيروكي + صغر خانة السلندر حقت مجاري الماء

تبي موتر يحمل الكرف و الجلد
خذلك كلاسيك 6سلندر م2001 و تحت
بس اهم شي تدور النظيف :good:
طبعا تخطبه خطبه :)
به موتر يتردد راعيه من بريده على الشرقيه 700كيلو
و لا شاف الا العافيه
و موتر اخر من الرياض الى بريده و العكس
و اخر من بريده الى حائل
يوجد اعضاء من مكشات
يرحون عليه للصمان وقت الصيد ماشافوا الا العافية

اسعار القطع الان
للشيروكي م2001 و تحت
دفرنس خلفي 1500 امامي 1100
تشاليح خلفي 1500 امامي 900
دفرنس مفرغ ب400
قير تماتيك 1700 الرياض ربما ب1200 الى 1400
دبل تماتيك 1100كامل
دبل عادي 1200 كامل
جنزير لحاله 400 قير عادي جنزير تماتيك 700
شغله 200ريال
اديتر ماء 350 او 300
دينمو كهرب ب200 الى 350
سلف ب100 بلاش :good2:
مكينة ياباينة م96 و تحت ب2900
مكينة م97 و طالع ب3300 الى 3400
تشاليح ربما ب2800
المكاين ماشيات على 70الف او 110تقريبا
نظيفة جدا شد المصنع و الوكالة
عمود دبل نظيف جدا ب500 عمود خلفي كردان ب250
علبة دركسون 250 كمبرسور مكيف 400
فلنجه عكس امامي 200ريال شغله 50
دودة دركسون 250 اصلاح تهريب دودة شغل 80ريال
توضيب كامل مكينة شغل يد 700ريال
قطع غيار 1900 تقريبا => سبايك ثابت و متحرك + جلد بلوف + بساتم سعر البستم حول 85ريال + جلد عمود تيمن + وجه راس
صنفرة بلوف من 80 الى 120ريال

***
تغيير بساتم فقط => يسمى عند اهل الورش ((كرتير و راس))
يعني تفك البساتم فقط و الراس و المكينة تكون راكبة ماتنزل بالارض
شغل يد 450 + القطع وجه راس + وجه قزوز ان بغيت + بساتم + فحص الراس بالمخرطة و قد يحتاج صنفرة بلوف

على فكرة
اسافر و اكشت على شيروكي و لاكشت
على فتك او باثفندر
مع الربع باث م2004 قبل اسبوعين بالصمان بفيضة ام غرس
جارين الموتر الى محطة الرقيبة ردمية 70كيلو ثم شالوه بسطحه
و السبب
خراب حساس الدعسه مايتعدا سرعه 20
و خراب الباث يكون من حساس الدعسه اللي عند رجل الراكب + احيانا خراب حساس اللهاة تابع للدعسه

اي نوعية سيارة لابد من الاعطال
رح للورش و تحصل بنفسك كوم سيارات
سواء تويوتا او نيسان او امريكي





http://www.mekshat.com/vb/images/misc/progress.gif

[شوار القلوب]

صح لسانك يامشرفنا ومانستغني عنك

[عقيعقب]

مدمن فتك
شاكر مرورك واضافتك ياغالي


نواف الحربي 19
مشكلة ديرتنا مابها رمال .. ماعندنا غير الحزوم اللي ماترقاها الذيابه


براد نجد
والله اني مثلك .. مشتهي ومستحي ^_^

[عقيعقب]

انحش .......القيمه إللي بتحطها فيه ذلك فيها باترول قديم مثلاً 97 أو 96 وبصراحه خويك إللي تحطه على يمناك.... هذا رائي

تفكيرك يعجبني




والله معروض علي شروكي موديل 95 بقيمة 8 لااف بفحص منتهي ولكن المكينة والقير والدبل على الشرط

هل هو سعر مناسب؟؟؟؟؟

وايش افحص فيه لان خايف يطلع فيه بلا واكره حياتي

الله يوفقك لمافيه الخير


بالنسبه لشروكي
بصراحه موتر و يطيب الخاطر
للي يحب الطعوس و الفله

بس الله يعينك على صيانته
خصوصا الاستعمال الامريكي
انا جربت ثلاث شروكيات
بصراحه خساره بخساره

يعني بالعربي يبغاله راتب و مصروف شهري

و اذا على الوناسه انا اشهد انه يطرب العله
و يطيح الي براسك

لكن الي فيه فيه الشروكي و براسه شروكي
انصحه بـ موديل 97_98_99_200_2001 باب واحد ( سبورت )
هذا اقل صيانه و يعطيك بالبر
و اخف من البابين الكلسك او القراند شروكي
لنه اقل حساسات و اقل طلبات من الكلسك و القراند

و اي استفسار عن الاعطال او صيانه
انا تحت امر الجميع


بيض الله وجهك يابو سليمان على المعلومات

وماتقصر يا الاجودي




أنا كان معي باترول 97 وحاليا معي شروكي 2000 أنا كنت اسب الشروكي و لاكنت انصح احد يشتريه المهم لاحظت الناس هبوا قدر الله وراح السفاري 97 مني قلت بجرب شروكي و أخذت شروكي 2000 كلاسيك و بصراااحه الموتر روعه مشاء الله خفه و نشااط و بالمناسبه الي يميز الشروكي عن الجيوب الثانيه تلقى قطع مقاربه بجودة الوكاله و صناعتها امريكيه و اسعارها رخيصه بس اهم شي حساسات الكهرب اشترها اصليه .

الشروكي المعروض عليك اذا هو نظيف محركااته ب8000 الف فترى سعره ممتاز



تسلم على مرورك وافادتك ياغالي

[7BKK]

السلام عليكم ورحمة الله وبركاته
والله يا أخوان أشوف الكل يمدح ويسب الموتر
يقول المثل اسأل مجرب ولا تسأل طبيب

وأنا من رائي كل السيارات إذا تحافظ عليها أول بأول ماتشوف الخربات والمشاكل اللي يمر بها الناس

وعلى فكره كل شى وله حل مهما كان الخراب في ورشه تصليح ولله الحمد كل شى متوفر الأن من قطع غيار ومن كل شى



:)

دمت بخير وعافيه

[صدى الآهات]

انا من 15 سنة شروكي ورى شروكي طبعاً تكون هي السيارة الثانية

الكشتات عليه ما فيه اي مكان إلا وصلته واحياناً اطلع لوحدي الصمان الدهناء ام عشر المهم المحافظة عليه اما قطع غيارة فأنا اقول ارخص بكثير من اليابان واتحدى.

الآن يوجد البديل من قطعه اصلي تجاري امريكي واسعاره معقولة.
تصور انني تفاجئة بواحد من الشباب مسافر عليه الى صلالة من القصيم يعني 4600 كيلو رايح جاي وبعز القوايل.

مثل ما قلت لك حاول تحصل النظيف لأن بعض الشباب هداهم الله يكرفونه كرف ما تتصوره.

والله الموفق

[حزم نجد]

وعليكم السلام

افضل موديلات للشيروكي من 98 إلى 2001 خاصه السعودي لأن الامريكي حساساته اكثر من السعودي والفرق بين السعودي والامريكي في آخر الرد ..


وقبل تشتري الشيروكي لا يغرك الممشى القليل لأن اكثر اصحاب الشيروكيات يركبون طبلون امبيرات وتحصل عداده ماشي قليل وبالواقع هو ماشي اكثر ..

واهم شي بالشيروكي :

دفرنساته والتشييك على زيت الدفرنس والمحلول و (كلتشات الدفرنس) والهواء يكون متساوي بالكفرات لأنه يأثر على كلتشات الدفرنس ..

الدبل افحصه وافحص فلنجة الدبل والعمود ..

الرديتر يكون شد بلده رصتين .. والالفضل فاليو رصتين المنيوم سعره 750 ريال

ونصيحه لا تأخذ الى شيروكي يكون راعيه نافض بطنه بورشه معروفه
يعني مغيير فيه كل الخرابات والتهريبات
((واهم شي الفواتير علشان تتأكد من التصليحات والقطع وتاريخ التشييك))

ولا يهمك الممشى الواجد اهم شي نضافت مكينته ..
شغله وخله عشر دقايق الين يحتمي شف تهريبات او لا ... وادعس عليه دعسه قويه وشف الشكمان يكربن ولون الدخان .. وان كاانه طلع مويه من الشكمان ترى المكينه ممتازه ..

وباقي القطع اسعارها عاديه مقل ما قال اخونا سوبر فتك فيه عندك قطع موباراسعارها مقبوله ..

باقي القطع الاذرعه والمساعدات والاهواز اسعارها مقبوله ولاتركب الى اصلي خاصه كراسي المكينه والقير ..

وانصحك في التماتيك تراه يصبر اذا حافضت على تغيير الفلتر والزيت الاصلي..

الكثير ما يرغب التماتيك ويرغب العادي لكن اسعار التماتيك اقل من العادي اقصد بالخرابات مثل القير والتوضيب .. سعر القير الياباني 1200 ريال تحصله نضيف جداً إذا ضرب معك لكن القير العادي غالي سعره 2500 تقريباً ..

الشيوركي موتر يصبر لكن يبيله ركاده ولا تهمل خراباته كل 6 شهور شيك عليه

ولا الي بيطامر ويلعب بالموتر ...
لو معه دبابه تبي تخبط معه :D

الفرق بين الامريكي والسعودي ..

أولاً : الــمـــحــركـــات
7
7
7
1- (( الدفرنس الخلفي ))

السعودي >>> يجي (( بكلتشات )) وهو الأفضل

الأمريكي >>> بدون كلتشات

وإذا أردت تغيير الدفرنس من أمريكي (( عادي )) إلى سعودي (( بكلتشات ))

لديك ثلاث خيارات مرتبة حسب الأفضل :

أ- تغيير كل شيء جديد (( جرم كارونة 1950 ريال && بنيون مع رمانه والزيت تقريباً 750 ريال ))

وشغل اليد تقريباً 400 ريال

ب- تغيير (( جرم الكارونة مستعمل )) بــ 650 ريال تقريباً && وبنيون مع رمانه والزيت 750 ريال ))

وشغل اليد 400 ريال



ج- تغيير الدفرنس كامل من التشليح من 1500 وإلى 2000 ريال حسب التشليح وحالت الدفرنس

((( نصيحة لأخواني أصحاب الشروكيات إذا كارونة الموتر ماخربت ولا طلعت صوت لاتغيره ولكن إلتزم

بتغيير الزيت وينصح باستخدام زيت (( اي سي ديلكو )) رقم 90 يجي لون العلبة ابيض >>

الكارونة تأخذ تقريباً (( علبتين ونصف )) وضع معهن علبة الدواء (( زيت احتكاك موبار ))

سعر علبة زيت اي ســي دلكو 25 ريال

سعر علبة زيت الاحتكاك موبار 25 ريال

7
7
7
7
2- الاديتر

السعودي >>>> (( القير العادي )) قسم واحد

أما التماتيك (( قسمين ))

أحدهما للمكينة والأخر للقير وهو افضل من الامريكي ناحية الحرارة (((( شيء بسيط ))))

الإمريكي (( قسم واحد )) في القير العادي والتماتيك

والحل للسعودي أو الامريكي :

تركيب مروحة سوبارو (( صغيرة )) بجوار مروحة الكهرب (( البلد )) تكلف تقريباً 300 ريال

وتغيير بلف الحراره وتركيب بلف كابريس 160 مع الوجه ((( اي سي دلكو ))) وقيمته 25 ريال

وتركيب حساس مرسيدس 75 وقيمته من 30 ريال إلى 40 ريال

7
7
7
7
داخــــــــل الــســيارة
7
7
7
1-المراتب

السعودي>>> مراتب (( بسندات رأس )) وذلك في المراتب قدام ووراء

الأمريكي >>> قدام (( بدون سندات )) مراتب تشبه إلى حد كبير المراتب الرياضيه

أما مراتب وراء بدون سندات

2- الطبلون

السعودي >>> يحسب السرعة والمسافة (( بالكيلو ))

ودرجة الحراره (( بالدرجة المئوية ))

الإمريكي >>> يحسب السرعة والمسافه (( بالميل ))

ودرجة الحراره (( بالفهرنهايت ))
7
7
7
7
3- المسجل

يتفق السعودي والإمريكي على مسجل واحد

إلا أن المسجل في الشروكي الإمريكي يكون محمي برقم سري بعكس السعودي

ويمكن فك الشفرة لدى الوكالة
7
7
7
7
الشكل الخارجي
7
7
7
1- الأنوار الأمامية

السعودي >>> تحتوي (( أصطبة النور )) على نور (( عالي + واطي + سكن )) أما الأصطبة البرتقاليه

اللي تحت النور فهي اشارة فقط

الامريكي >>> تحتوي (( أصطبة النور )) على نور (( عالي + واطي فقط )) أما الأصطبة البرتقاليه

اللي تحت النور فهي (( اشارة + سكن ))

&& لو أردت تغيير اصطبة الامريكي لسعودي فسعر الاسطب الواحد تقريباً 50 ريال وشمعات 50 ريال

* ملحوظة : تحتاج عند تغيير النور إلى فصل السكن من الاشارة البرتقالية وشبكه في الاصطبة لذلك ينصح

بأن تكون لدى كهربائي معروف (( يعني يشتغل صح ))
7
7
7
7
2- الأنوار الخلفية

السعودي >>> ترتيب النور الخلفي من الأعلى إلى الأسفل كالتالي (( نور / نور الفرامل / إشارة / ريوس / نور ضباب ))

الامريكي >>> ترتيب النور الخلفي من الأعلى إلى الأسفل كالتالي (( نور / نور الفرامل / إشارة / ريوس ))

أي أن الشروكي الامريكي يكون بدون نور ضباب خلفي

لو أردت تغيير اصطبة الامريكي لسعودي فسعر الاسطب الواحد (( موبار )) 450 ريال
7
7
7
7
3- الإشارات الجانبية

وهي التي تكون على الرفرف الأمامي (( برتقالة اللون ))

السعودي >>> هذه الإشارة موجودة

الامريكي >>> غير متوفره
7
7
7
7

4- الواقيات (( الحاميه للسيارة من الأسفل ))

السعودي >>> تتوفر صاجة حامية لخزان الوقود (( التانكي ))
وأحياناً للمحرك

الامريكي >>> لاتتوفر اي من هذه الحاميات (( الصاجات ))

وتستطيع تركيبها بسهولة لوجود قواعد لها

والتكلفه لو اشتريتها من التشليح 150 ريال تقريباً (( أنا مركبة بالبيت وشريته من تشليح عجلان ))
7
7
7
7
5- الزجاج

السعودي >>> جميع المواصفات يكون زجاج السيارة فيه شفاف (( عادي ))

الامريكي >>> الزجاج الخلفي (( بما في ذلك زجاج المرتبة الوسطية والحوض الخلفي )) يأتي الزجاج مظلل
بدرجة 0/2 (( زيرو تو )) أم الزجاج الأمامي (( السواق واللي قدام )) لون عادي (( شفاف ))
7
7
7
7
6- الجنوط

يختلف أحياناً ويتفق أحياناً
7
7
7
7
7- نور اللوحة الخلفية

السعودي >>> لمبتين
الامريكي >>> لمبة واحد تتوسط اللوحة
7
7
7
7
8- إريل الراديو ((( الانتل )))
السعودي >>> متحرك
الامريكي >>> ثابت

[4x4ofroad]

وراكم حاقرين الشيروكي ومستغربين منه
انا يامحاكيكم من عشاق الشيروكي
وعندي 99 قير عادي امريكي
وسافرت عليه من الشرقيه الىالامارات ثم عمان ثم اليمن والى مكه والعوده الى الشرقيه رحله مدتها 28 يوم قطعت فيها 14 الف كيلو من تمشي وخطوط وماخليت جبل الا ورقيته ولا ردميه الا وطمرتها وموتر يجمل ويرفع الراس ويجمع بين القوه والاقتصاديه والخفه والجلافه بصراحه مامثله
والكل يقولي كيف تسافر عليه ومامعك موتر ثاني يخاويك واللي يقوللي وشلون تجزم تسافر عليه انت وام العيال المفروض تشوف موتر ثقه ما دمت انت واهلك
كأنهم يقولون الموتر اللي معك لعبه يمكن تنكسر باي وقت
وللامانه كل موتر بر يطلب سواء شيروكي ولا غيره وانا جربت الباث 2003 وجربت واليوكن والتريل بليزر كلهن يطلبن ولا يطربونك مثل الشيروكي

[أعذب الياس]

أنا والله ان الشروكي معجبني بالحيل وشكلة وخفة نفسة وكنت ادور لي واحد بس قالولي الناس هج عنة وأبعد تراة خراب بوسط خراب وانا والله اني ماقد جربتة وودي أشترية وبنفس الوقت خايف منة 0

انا كنت نفس سالفتك كان معي باترول 99 بعته وعقب صرت ادور لي جيب

ومن زمان وانا نفسي بشروكي بس كلام الناس عن الخرابات خلتني اقول انحش

قلت بنفسي ياولد طيح اللي براسك واشتر واحد والحمد لله ا ما عمري انطربت على سيارة كثر الشروكي

بس النصيحة النصيحة لابغيت تشري لاتدور الا النظيف الوردة على قولتهم حتى لو زادت قيمته شوي وراح تنبسط عليه ان شاء الله


بالتوفيق للحيع

[راع الشوزن]

ايها الاخوة الكرام.

اسعد الله اوقاتكم.

إلي يبي رأي مجرب لكافة انوع الشيروكي في الرمال والبر والمقناص والسباقات بعد فهذا هو الرأي :

الشيروكي من 1991 إلى 1995 جيد.

والشيروكي من 1996 إلى 2000 ماعليه كلام ( متميز واكثر من رايع ).

اما الشيروكي الموديلات الجديدة بعد موديل 2000 فماهي إلى هناك إلا الاستندر منها ( مواصفات استندر ) هو المعقول في الرمل.

وعموماً الشيروكي بكل انواعه لايختلف كثيراً فيه الاوتماتيك عن العايدي إلا في الرمل والسباق والضغط المتواصل لمدة طويلة والقيادة القاسية فالاوتماتيك ماينفع لانه يرفع حرارة السيارة ولهذه الانواع من الاستعمالات الخاصة مالها إلا القير العايدي.

وسلامتكم.

[4x4ofroad]

ننتظر تجارب الشباب ووجهات نظرهم

[وطني]

بصراحة ومن واقع تجربة طويلة مع الشيروكيات تمتد ل 8 سنوات
املك سيارة جيب شيروكي كلاسك موديل 2000
اول مااشتريته كان ماشي 113000 الف والحين 501000 الف ولله الحمد والفضل والمنة (ما شاء الله تبارك الله )
لا توجد صحراء في المملكة إلا وذهبت إليها (ماعدا الربع الخالي )بواسطته ولم اجد منه مايكدر الخاطر كان نعم الرفيق قلب ذيب مايهاب ولا يرده شي..إلا قدر الله .. ومعي أخي الذي يملك أيضاً جيب شيروكي كلاسك موديل 1998 باب واحد كارفه كرف غير طبيعي كشتات وتطعيس ومطامر غير طبيعي بصراحة سيارة رائعة جداً
قد تواجه بعض المشاكل الفنيه في هذه السيارة مثلها مثل أي سيارة ولا تلتفت للإشاعات وكلام المرجفين خاصة من ملاك طايوطا
اكثر ماوجهني خلال الفترة الطويلة مع الأستخدام ..
تغيير فحمات فرامل صوف للمكينة والقير مساعدات صليبات اعمدة
اوصيك بالنظيف خاصة البدي اهم شي بدي سليم مع القير والمكينة :good: