ارجوا المساعده:: كفرات بالون على الباترول

[Patrol-350]

السلام عليكم و رحمة الله و بركاته

كيف الحال ؟

ان شاء الله بخير

معي باترول موديل 90

أنا ناوي اركب جنوط هلل (( الي هي جنوط الباجيرو )) مع كفرات بالون .... و ش نوعيت الكفرات الي نتصحون بها

و عندي سؤال :

هل كفرات البالون تتحمل المشي على الحصى و الاماكن الوعره ؟ لاني نوي أطلع عليه مقانيص

و كيفها في مسكات الخطوط ؟؟

[سفاري959]

اللي اعرفه واسمعه مع الناس احسن كفر بالون هو سيام تاير بس سعره غالي شوي موفق خير اخوي

[فتكاوي الرياض]

والله يااخوك البوالين حلوه وبنفس الوقت فيها سلبيات اولا الموتر يثقل معك ويصرف بنزين

من الثقل ومن دورة الكفر لان الكفر كبير لكنها حلوه بالنفود وغير كذا الموتر يرج معك عالخط

بس عندك الشاهين 245 \85 \16 لكن غاليه يمكن ب470 وفي الهنكوك نفس

الشاهين ونفس المقاس ونفس الشكل ب 390 وحلوه ولينه والحين طايحين فيها

وكلها طبعا على الهلل جنط
16

[Patrol-350]

الله يعافيكم

هل كفرات البالون تتحمل المشي على الحصى و الاماكن الوعره ؟ لاني نوي أطلع عليه مقانيص .

[فتكاوي الرياض]

تتحمل بس لا تنقص الهوا عن 35 في الاماكن الوعره

[ابوحمد666]

اخوي حياك ربي
الاخوان ما قصرو زي ما قالو راح تطلع السياره ثقيله نوعا ما
بالنسبه للافضل بالون ماكسس سعر الطقم تقريبا 1400 ريال
اما من ناحية المقناص فهي مخصصه لذلك
لكن حافظ على نسبة الهواء في البر 18 او 20 ولا يردك شي اضرب الارض الوعره ضرب ولاتخاف,, اما لو كان الهواء 35 زي ما قال احد الاعضاء فتوقع انك تبنشر في اي وقت
وعلى الخطوط والسفر خل الهواء على 35
با النسبه للبالون اسيام تاير غالي على غير فايده لانه ثقيل وقاسي بس اغلب الشباب يركبه كاشكل لانه عريض نوعا ما
تحياتي لك واي خدمه حاضرين اخوي

[«نجم الخير»]

اخوي حياك ربي
الاخوان ما قصرو زي ما قالو راح تطلع السياره ثقيله نوعا ما
بالنسبه للافضل بالون ماكسس سعر الطقم تقريبا 1400 ريال
اما من ناحية المقناص فهي مخصصه لذلك
لكن حافظ على نسبة الهواء في البر 18 او 20 ولا يردك شي اضرب الارض الوعره ضرب ولاتخاف,, اما لو كان الهواء 35 زي ما قال احد الاعضاء فتوقع انك تبنشر في اي وقت
وعلى الخطوط والسفر خل الهواء على 35
با النسبه للبالون اسيام تاير غالي على غير فايده لانه ثقيل وقاسي بس اغلب الشباب يركبه كاشكل لانه عريض نوعا ما
تحياتي لك واي خدمه حاضرين اخوي


الهواء 18 اضرب الارض الوعره ولاتخاف :no2:

لوكان الهواء 35 تبنشر في الارض الوعره :burnout2: :looney:

[Patrol-350]

الله يجزاكم خير

يعني اتوكل على الله و أخذ ماكسس

طيب يعني في الاماكن الوعره اخلي هواها 20 الى 25 اكثر من كذا ما ينفع

و هل قصدكم السياره بتطلع ثقيله في القومه و لا في كل شيء

[هويدي]

ماكسس 8 غاط ممتاز بس الله يعينك على الرجه يبيلك ترصيص ارضي

ولاهو اكيد يضبط الترصيص ... الباترول الشكل القديم مافيه عامود توازن قدام

سمعت انه لازم تركبله عامود اذا ركبت بالون ..

اذا ماتبي وجع الراس ركب دنلوب نقشه شاهين 85 على 245 وحالياً طلع نوع جديد هنكوك نقشه شاهين

واذا ملزم على البالون ان دخلت وعر حط الهوا 20 وماجاك عندي

[سفاري959]

لو ركبت شاهين او دنلوب نقشت شاهين تراها احسن من البالون الا اذا تبي رزه انا جربت الشاهين في باترول والله الكفرات فيها 30 وغالب الاحيان ما اشغل الدبل ويمشي الموتر مرتاح في الرمل خذ نصيحتي وركبها احسن واخف رجه موفق خير اخوي

[Patrol-350]

لو ركبت شاهين او دنلوب نقشت شاهين تراها احسن من البالون الا اذا تبي رزه انا جربت الشاهين في باترول والله الكفرات فيها 30 وغالب الاحيان ما اشغل الدبل ويمشي الموتر مرتاح في الرمل خذ نصيحتي وركبها احسن واخف رجه موفق خير اخوي

الله يعافيك

[النايف999]

والله يااخوك البوالين حلوه وبنفس الوقت فيها سلبيات اولا الموتر يثقل معك ويصرف بنزين



من الثقل ومن دورة الكفر لان الكفر كبير لكنها حلوه بالنفود وغير كذا الموتر يرج معك عالخط


بس عندك الشاهين 245 \85 \16 لكن غاليه يمكن ب470 وفي الهنكوك نفس


الشاهين ونفس المقاس ونفس الشكل ب 390 وحلوه ولينه والحين طايحين فيها


وكلها طبعا على الهلل جنط

16

هذي الدنلوب يجي منها مقاس 17 او لا

[Patrol-350]

للرفـــــــــع

[محيسن1]

هلا باخوي
من واقع تجربه الشاهين غاااااااااااليه ولاتكد لانها مع الجنب رهيفه
ركبتها 8 شهور تشققت علي مع الجنب
وركبت الحين بالون ماكسس
صراحه تحسفت ماركبتها من اول راحه
واذا نزلت البر حط الهواء 18 وريح راسك

[Patrol-350]

الله يعافيك يا محيسن

طيب و الكفرات الي يقولون عنها الشباب نفس نقشت البلون بس من هنكوك و دنلوب وش رائيكم فيها ؟

[سوبر مكشات]

الله يوفقكم

[راع الشوزن]

يالربع ابي انشدكم عن معلومة سمعتها عن الكفرات البلون وودي تاكيدها او نفيها.

يقولون البلون ممتاز للارض المفتوحة بس ما ينفع لطلوع الطعوس العالية.

فهل هذا صحيح ؟؟؟

وشكرا للجميع.

[بحر44]

سؤااااااااال
في الارض الوعره مثل الحره كم مفروض يكون قياس الهوى بالنسبه لكفرات الشاهين

[رائد 44]

سلام عليكم اخوي انا معي باترول 97 وجنوط هلل وباترول 2009 وسيام تير على جنط سفاري 2 والله ما مثلهن في الوعر وغيره انا داخل منطقه كلها حصا سكاكين وكنت مجبور لانها قد جفلت منا نياق مده سبوعين في منطقه العرمه بين الجبال وكفراتي فيها 45 والله ان الحصا يا طاها الكفر وانها تبنط الحصات اخوي توكل وعليك في السيام تير بس رصص عند الطيار ترصيص امريكي يحط فيه ترصيصين الترصيص 160 ريال اعقلها وتوكل وبنسبه للخطوط والسفر زي الحلاوه

[][][زلفاوي][][]

وانا اخوك توكل على الله وخذ البالون تنفع للخطوط وتصلح بالبر حصى او رمل وتصلح بالديرة لا تقول انواع زينة او عادية ولا تقول غلاء سعر او رخص كلهن واحد إستخدام عادي10شهور إلى سنة وتنمسح دعستها بس الفرق بالسعر والثقل وليتك تثبت ببالك شيء اولا الرجة ثانيا ثقل عزم الموتر ثالثا كفرات البالون ما تصلح لطلوع طعوس عالية لأن عزم الموتر يضيع شوي ، أما النصف رملي غالية ومن عيوبها مثل ما تفضل اخونا محيسن وقال جوانبها رهيفه بالحيل يعني اذا خربت خربت من جد "من تجربتي لها".

[محيسن1]

الله يعافيك يا محيسن

طيب و الكفرات الي يقولون عنها الشباب نفس نقشت البلون بس من هنكوك و دنلوب وش رائيكم فيها ؟

ادخل الرابط بينفعك ان شاء الله

http://www.mekshat.com/vb/showthread.php?t=220786