محلول التنضيف لاهل الخبره..

[نقاء المطوع]

ياخوان الله يعطيكم العافيه حبيت استفسر محلول التنضيف السنسور لانه مغبر وجايه شعر وتراب اكرمكم الله حصلته بـ210 بكام فور وكمرتي d450 وصراحه ماستاهل سعره احد يخبرلي محل يبيعه باقل من سعره وكون له من الشاكرين

[نقاء المطوع]

15 واحد ولا رد وش دعوه

[.ذيب الغدراء]

طيب مر على الحارثي الي على طريق الوشم على شان تفتك من زحمة البطحاء

وخلة ينظفها لك وأنت واقف

وشكراً لك

[نقاء المطوع]

مشكور على ردك ملهي بس على كلام الي مريته ينضفها ب 30 ريال والشغله والله ماتسوى ال30 وبشوف الحارثي واذا على المحلول كم احصله

[الرجم العالي]

مرحباً ..

عن نفسي فأني أنظف السنسور بمنفاخ هوء صغير .. والطريقه بعد فتح العدسه

أجعل الغالق على ثلاثين ثانيه ومن ثم أقلب الكاميره وأقوم بالنفخ قبل الأنتهاء من الثلاثين

ثانيه ..


وهذه صورة المنفاخ :

http://media.uxcell.com/uxcell/images/item/catalog/ux_a06060900ux0040_ux_c.jpg


..

بالتوفيق ..





.

[نقاء المطوع]

مشكور اخوي الرجم العالي بس حبيت اسال وين اصحلها

المنفااخ

[اسماعيل]

السلام عليكم

والله يالمطوع ابعلمك بنصيحة وان شاء الله تفيدك

انا شريت جميع محاليل التنظيف اللي بالانترنت وعن طريق امازون وغيره وقريت كثير عن الطرق للتنظيف هي نظريا بسيطة لكن الظروف عندنا غير مهيأة
بعد ما جلست انظف بالكميرا تقريبا اسبوعين والاقي الاوساخ تزيد
اخيرا استسلمت ووديتها الوكالة ونظفوها ب 100 ريال وانا خسران على المحاليل اكثر من 800 ريال غير التعب في القراءة عن الطريقة والتطبيق

ليت انك تنظفها عند المتخصصين وتجربها عندهم الين ماتلاقي النقط اللي على السنسور اختفت

ارجو اني اكون افدتك

وانسب مكان ينظفها لك الوكالة علما اني ماجربت غيره
كاميرتي كانت Canon 5D

[رعد الجنوب]

السلام عليكم

مشكور اخوي نقاء المطوع على طرح تسألك ليستفيد منه الجميع ,اخوي الرجم العالي اتمنى معرفة موقع بيع المنفاخ فهوا ممتاز لتنظيف الكميرات و الدرابيل وكذلك الالكترونيات .

تحيتي وسلامي للجميع