هذا مع قريبي مع عبداللطيف جميل

[وادي النوم]

اخواني الاعزاء

إن كنت مخطأ فأرشدوني وإن كنت مصيبا فسددوني ولكم مني عظيم الدعاء

وسأوافيكم بقصة مع ابن خالتي اسأل الله أن يفرج عنه

(( عندما شارفت سيارته على 10000كلم ذهب إلى البنشر

وغير الزيت والسيفون ))

ذهب للبيت وترك سيارته تحت البايكة 3أيام

بعد هذه المدة سافر خارج الرياض ولما قطع 600كلم تفاجأ بأن السيارة

لاتعمل اطلاقا .

حاول مرة أن يشغلها لكن ما استطاع استأجر سطحة ليذهب بها إلى الوكالة

وعندما وقف عند الوكالة قالوا حنا نضمن السطحة كلام جميل من أبو جميل .


ترك السيارة بعد يوم ذهب للوكالة ليطمئن على سيارته لكنه صدم بالخبر وكأنه

صاعقة اتدرون لماذا ؟؟؟؟


قالوا الوكالة الخراب من المكينة وحنا مانضمن خراب المكينة

لأنك مغير السيفون ولم تشتري السيفون من الوكيل

فنحن لانتحمل اصلاح المكينة وتصليحها يكلف 40 ألف ريال

صراحة كاررررثة عليه

حاول مرة مرتين ثلاث مرات قدم شكوى لكن بدون فائدة

وحجتهم أن السيفون لم تشتريه من الوكالة ))



ياجماعة الله يسهل أمركم ويحفظ عليكم حلالكم

من مشرفين وأعضاء


مالحل هل يصلح السيارة أم الوكالة تتحمل

لأنني أول مرة اسمع أن السيفون يتسبب بإفساد المكينة


وجزاكم الله خيرا

[عاشق البترول]

الله يكون بالعون ويعوضه خير
بس خله يداحرهم وكل يوم عندهم
ويقولهم انا كنت بطريج سفر وحصلت فلتر مال ابو جميل
الله لايجمله
وان شاء خير
تقبل مروري :عاشق البترول

[wail2]

لاحول والا قوه الا بالله
الله يكون بعونه ولازم يحاول عبر جميع الطرق بالشكوى على الوكاله التي هلكت مستعملي سيارات تويوتا

[من البدائع]

من تجربه

بلغ ولد خالتك يأخذ اجازه من عمله ويداوم عند الوكا له ويقعد في مكتب المدير ولا يطلع حتى يحل مشكلته ويناقشه امام العملاء لا يستحي لانه يطالب بحق
اعيد يداوم في مكتب المدير ويرفض الخروج من مكتبه من بداية الدوام حتى نهايته واذا حوله لموظف ثاني حتى يخرج من المكتب يرفض يقوله انت المدير وانت من تحل المشكله ولا يقبل منهم التسويف
والتصريف

ويطالبهم بسياره بديله توازي موديل سيارته ونوعها حتى يتم اصلاح سيارته

تاكد سوف يحل المشكله
ان شاء الله

[أبو نـآيف]

لا ياخليهم نصيحه ويبيلهم واحد ملسون شوي يمشيهم صح

[اسهيل]

لا مايحتاج رح فرع ثاني بس قبل غير السفون الصلي وجرب تراهم كلاك اعرف واحد خرب عليه القير وصلحه في ورشه برى الوكلة بعد ماجاه ظربه وهو يمشي قام وراح الوكالة وقالو مانظمنه خربان فيه وفيه قام وطلع وراح فرع للوكالة ثاني وظبطوه بس غير الفرع رح فرع كبير يعني رح فرع خريص او رح فرع الملز لا تقرب السويدي

[خوي الساري]

كل الكلام هذا ماينفع مع ناس من هالجنس لكن عندي لك نصيحه يدور أجنبي بالوكاله ويظبط وضعه معه وراح يحل مشكلته 00000000

[بدوي جنوبي]

اخوى وضح اكثر ايش صار فى المكينه ؟
بعدين مستحيل السيفون يخرب المكينه
صور للتوضيح :

http://img189.imageshack.us/img189/5863/0filter6.gif

تدرى لو ان السيفون خربان او مسدود
يوجد بلف فى القاعده اللى تمسك السيفون
http://www.mekshat.com/pix/upload03/images144/mk32037_7.gif
وظيفة البلف يسمح بمرور الزيت فى حال انسداده او اى خراب يحصل فيه

http://opc.mr2oc.com/online_parts_catalog/Engine/oil%20filter.GIF


حجتهم ضعيفه مستحيل يكون السفون هو السبب
لابد من وجود سبب آخر

بالتوفيق

[M.H.T]

ياخوي اقول خل ولد خالتك مثل

ماتكرموا الاخوان يجلس عندهم لين

مايصلحون له سيارته ترا مايبيلهم الا

العين الحمراء


وياحبيل الحمراني مريحنا ولا هو استغلالي

وبالتوفيق للجميع

[بدوي جنوبي]

تم تعديل العنوان
يمنع كتابة عناوين مخالفه

[بدوي جنوبي]

الله يكون بالعون ويعوضه خير
بس خله يداحرهم وكل يوم عندهم
ويقولهم انا كنت بطريج سفر وحصلت فلتر مال ابو جميل
الله لايجمله
وان شاء خير
تقبل مروري :عاشق البترول

اخوى عاشق ردك هذا ما يجوز ومخالف
لان صاحب الوكاله متوفى
رحمة الله عليه

الرجاء عدم تكرار مثل هذه الردود

[النايف999]

هذي صارت مع واحد اعرفه وصار السبب من السيفون راعي البنشر ركب سيفون ماربطه مزبوط وبعد 150 كيلو خبطت السياره واشتكى راعي البنشر وصلحها له
انا صراحه مااغير زيت الاكل 5000 كيلو مع السيفون وعند الوكاله او المراكز المعتمده

[رفيع الهامه]

حسبنا الله هو نعم الوكيل انا اقول قدم شكوى لديوان المظالم او لحماية المستهلك او اتصل على رقمهم المجاني او اكتب شكوى لشركة تويوتا الام واذا مانفع شي مالك الا قلة الادب والملسنه رح احشرهم حشر وداوم عندهم لاتطلع من عندهم ابد الين يصلحون موترك وحاول تكبر الامر ليصار شي مثلا لياستدعا المديرالامن لا تطلع الا بحضور الشرطه وخربها تخريب والله العظيم اني منغبن الله يسهل امرك وتنحل مشكلتك

[و لد ملهم]

شف و أنا أخوووك رح أكبر فرع رئيسي بالرياض و سكر باب الصيااانه و قل لهم طلعوا لي المدير و يبغالك تجيب معك واحد ملسون عشان ياخذ حقك

[وادي النوم]

الله يعطيكم ألف عافية

صراحة احرجتوني بتواضعكم

أخوي بدوي جنوبي

صراحة هذا اللي محيرني إن السيفون ماله دخل بالخلل

أنا اذكر اشتري سيفون أي كلام ولاضر الموتر

والمشكلة هل الجيوب الجديدة حساسة الى هذه الدرجة

[سفاري959]

يسوي مثل واحد من الشباب معه باترول وصار فيه عطل في المكينه وداه الوكاله ويصلحونه على الضمان ويرجع يخرب اكثر من مره صارت وارفضوا يبدلون الموتر بواحد جديد وقفه قدام باب الوكاله وكتب على القزازه الاماميه من الداخل لوحه كبيره كاتب طريقتهم معه وكلن يجي يشوف ويصور وينشر اخر شي دقوا عليه وقالوا الحمراني يبيك شخصي راحله وشرح القصه له صرفله نفس الموتر ونفس اللون جديد خله يسوي مثله الله يكون بعونه