برنامج - رحله الى الشمال [الأرشيف]

مشاهدة النسخة كاملة : برنامج - رحله الى الشمال

عبار1

28/12/2004, 11:10 AM

السلام عليكم ورحمة الله وبركاته

اخواني الكرام :
طرت لي فكره ونا تراني راعي طربات اني اخذ العيال وروح للشمال وهذا ترتيب الي قدرة عليه
اولا السياره دفع ثنائي ( يعني مهيب دبل)
انا مع الاسره (يعني مهوب شباب)

أسباب الرحله :
*طول اجازة المدارس0
*الجو الزين مقارنه بالصيف0
*نحرك دم هالعيال احسن من الدش والسوني0
*تشوف مناطق بلادنا 0

خط السيران شاء الله:
الاحساء الى حائل
حا ئل الى الجوف
الجوف الى تابوك
تابوك الى المدينه
المدينه الى القصيم
القصيم الى الاحساء
كل مدينه يومين ثلاثه

ولان عطيتكم اللي عندي وابي ماتبخلون علي بالنصيحه والشور السنع والراي السديد وحتى تعم الفايده ويستفيد ويفيد كل اخ يمر على هذا الموضوع وفي باله اللي في بالي يعني:
شقق مفروشه مطاعم اسواق شعبيه فياض روضه قريبه من الخط مسافات الطريق اللي عنده علم لايقصر حتى يكون هذا الموضوع مستند يستفيد منه الجميع ان شاء الله 0

وفقكم الله

أخـوكم / عبار 1

tabuki

28/12/2004, 01:29 PM

السلام عليكم ورحمة الله وبركاته
الاخ عبار1

رحلة سعيدة و ممتعة

بس حبيت انبهك ان البرد قوي هالايام في الشمال بشكل عام ولازم تاخذ حاجتك من الملابس و الاغطيه
و مع الاجازة و الحج تكون الطرق مزحومة جدا فخذ حذرك و اذا احتجت شي من تبوك ( ليست تابوك كما كتبت انت ) انا حاضر

رسلان

28/12/2004, 02:28 PM

أخوي : عبار ..
ماشاء الله فكرة جميلة :good2: .. الله يوفقك ويسهل دربك .. :redcar:
فكرة المرور على الديار وشوفتها خاصة اللي ماشافها الواحد قبل أدوخ فيها .. :looney:
لكن الله يعينك رحلة طوييييييييلة شوي .. :redcar:
والديار اللي بتمر عليها مليانة أماكن حلوة .. من مناظر .. جبال .. هضاب .. شعبان .. إلخ ..
لكن السيارة :redcar: بتحكمك الصراحة وجربت أنا رحت بددسن للشمال .. يادفع البلا .. :( كسافة وبهذلة .. لكن لو تعطينا مسيرة الرحلة بالضبط نقدر نعلمك وين الأماكن الحلوة اللي تزار .. ولو تبي نحطلك اقتراح خط رحلة مستعدين وحاضرين أنت تامر :D وحنا نطامر .. :D
تقبل تحيات ...

عبار1

28/12/2004, 05:49 PM

الاخ تبوك/ شكراً لمرورك وجزاك الله خير على الملاحظة
الاخ رسلان/فواك الله حط اللي عندك حنا نبي نستفدلابردك شي وخط السير موضح بالموضوع

وشكراً لمروركم الكريم
أخوكم عيار1

عبار1

28/12/2004, 06:24 PM

شارك برايك تراه مهم /حشى انتخابات
اخوكم/ عبار

عبار1

29/12/2004, 12:31 PM

125 زائر ومابيه الا اثنان بس الي سلموا وعطونا رايهم والله اني الظاهر مخطي يوم كتبت بمنتداكم ابي رايكم ونصايحكم يالله حيال الله اقوا وسلامتكم0 اخوكم /عبار1 :( :( :burnout2:

سمير 800

29/12/2004, 12:59 PM

عبار1

30/12/2004, 01:52 PM

هلابك عبار1
اولا وش برنامج الرحله تبغى داخل المدن او جوله بريه وتخييم بالبر
ثانيا هل عندك فكره عن المناطق اللى تبغى تزورها
ثالثا هل تنوى الاسقرار في موقع معين اذا زان الجو فيه ام لا

خذ فكره عن الجوف
الجو بارد جدآ ولايوجد مكان يصلح للعوائل ولايوجد حدائق ولا منتزهات
فيه مكان خاص للنساء والاطفال فقط وهي القريه النسائيه بسكاكا
توجد مزارع كثيره ولاتصلح بالشتاء
البر وين ماتبغى توجهه فيه ربيع وفيه بعد عن الاماكن السكنيه وتشيل هم الماء والحطب ؟!
واى استفسار حاضرين ومقدرين

مرحبا اخوي/
اولا: برنامج الرحله ابي ادخل المدن ونا قاصد المدن وما يمنع كشته لافضل الاماكن ان كانت تستاهل ماورانا شي ونا خوك
ثانياً: لاماعندي فكره0
ثالثاً: عندي نيه اجلس ليش لا0

وسلامي لاهل الجوف
اخوك عبار1

جميل جمال

31/12/2004, 03:02 AM

على حسب علمي اخوي عبار ..

انه ما فيه طريق مسفلت مباشر بين حائل والجوف ..

عموما في القصيم بالتحديد في محافظه عنيزة غالبا ما يكون هناك مهرجان شتوي ويبكون فيه العديد من الفعاليات المتميزه ..

عموما اتمنى لك رحله مميزه وشيقه .. وعلى قولة احد الاخوان سياره الدفع الثنائي ستحد من الكثير من تنقالاتك او ستمحرمكم من بعض المناطق لبريه المتميزه ..

عاشق النفود

03/01/2005, 08:41 PM

الاخ عبار
الاخوه اعضاء مكشات
السلام عليكم
الاخ عبار بما انك تبي تكون جولتك في ربوع بلادي وبما انه العائله والاولاد بيكون معك وسيارتك ماهي جيب فالنصيحه اذا كانت تمشيه داخا المدن فانصحك بعد السفر للشمال خاصه الجوف وتبوك رغم اني من اهل الجوف وحياك الله باي وقت لكن سيكون موعد سفرك في منتصف شهر يناير ولدينا الجو بارد جدا ليس يوم او يومين ولكن الى شهر مارس الله يسلمك وكذلك فترة الحج والحجاج من العراق والاردن وسوريا ولبنان وتركيا والروس فتكون الخطوط مع ردئتها زحمه فانصحك حتى تكون رحلتك جميله ولن تنساها ان تكون في بداية اجازة الصيف مباشره لتستمع اولا بالاجواء ويكون موسم الفاكهه في الجوف وتبوك والمزارع الجميله بالاظافه الى عمق التاريخ والقلاع فعلى سبيل المثال بمنطقة الجوف تستطيع ان تزور مدينة سكاكا وهي مدينه جميله وهي عاصمة المنطقه وتزور قلعة زعبل وبئر سيسرا وكذلك وفيها فنادق وشقق مفروشه من مستوى اربع نجوم وفيها القريه النسائيه
وتزور اثار الرجاجيل بالقرب من قارا التي تبعد عن سكاكا 12 كيلو
ثم تزور مدينة دومة الجندل تبعد عن سكاكا50 كيلو والتي يطلق ايضا اسم الجوف عليها والتي سميت المنطقه باسمهاوهي التي وقعت فيها غزوة دومة الجندل ايام غزوة تبوك وفيها قلعة مارد التي بناها الاكيدر بن عبدالملك التي اعتقد انها اقدم اكبر قلعه موجوده بالجزيره العربيه ومسجد عمر بن الخطاب وتزور حي الدرع وكذلك سور دومة الجندل وكذلك لاتنسى زيارة المتحف الرسمي وبجانبه ايضا متحف شعبي اما اللسكن فاسال اي شخص سيدلك على عدد من استراحات العوائل التي توجر وللاسف ليس هناك فندق
ومن دومة الجندل تنطلق الى منطقة المشاريع الزراعيه المسماه بسيطا وفيها مشاريع ضخمه جدا ومنها مشروع الراجحي الوطنيه وهو اعجوبه من اعجايب الزمان وكذلك شركة الجوف الزراعيه
هذا بالمختصر فقط ولكن اذا اكملتها بتبوك والساحل فاعتقد انك لن تنساها وستذكرني بالخير ان شاءالله

نمر بن حثلين

04/01/2005, 11:41 AM

مثل ما سبقني جميل جمال عليك بعنيزة

عندهم مهرجان الغضى في الاجازه ممتاز بالحيل للصغير والكبير
والفعاليات بمخيم حول الاسفلت يعني ما تبلش بموترك
والغضى والمكاشيت كلها حول الخط وفيه ايجار مخيمات ودبابات وفلة حجاج

وهنا تحصل صور ومعلومات عن مهرجان العام الماضي
http://www.onaizah.net/majlis/forumdisplay.php?f=49

وعنيزة فيها فندقين فندق الواحه وفندق عنيزة وكلهم على طريق بريدة ، وفيه كثير من الشقق المفروشه ابرزها شقق قصر الكوثر وشقق السفير وكلهم على طريق الزلفي

ومن ابرز معالم عنيزة ( محلات مبارك ) حلم وامنية وطموح اي امرأه عربيه من المحيط الى الخليج :D

ابو مساعد

04/01/2005, 06:05 PM

السلام عليكم ورحمة الله وبركاته

الاخ العزيز عبار1

نسمع عن السفر وعرفنا ان السفر يكون وقت الصيف الى المناطق البارده اما في الشتاء والله اخوي صعبه الا اذا كان لك اقارب في تلك المدن الى ذكرت اما تبي تسكن شقق مفروشه والله انك تبي تندم ليش اخي المناطق الى انت تبي تروح يمها بارده حيل خاص ان الاحساء برودته قليله ...

اخوك كل سنه يصيف في الجنوب اخذ عمره وبعدها الى الشفا أو ابها اما في الشتاء بس رحلات خفيفه الى البر ومن تغيب الشمس الى البيت على طول ياخي والله الاطفال ما تحمل البرد ....

تحياتي ورحله موفقه انشاء الله .