كعكات الباترول.....

[N1998N]

ياشباب موتري باترول 1998 طايح من ورا وابي ارفعه بكعكات ابي شوركم كم المقاس اللي اخذه وبكم سعرها؟ والتركيب بكم؟ وهل لها اضرار وشكرا

[][][زلفاوي][][]

حياك الله اخوي والافضـل انك تفكر باليايات لانك تضمن هنا الارتفاع والحمولة والاسعار عموما مقبولة سواءً جديدة او مستعملة عندك الرماية ليايات Arbوعندك محل 4500 ليايات Kings والله يوفقنا واياك .

[frnas2010]

والله انا كان معي باترول 98 صالون وكان فيه كعكات الصراحه مالها داعي للأسباب التالية:
1/ تطلع صوت عند المطب :mad:
2/ينزل عند التحميل الخفيف:looney:
الأفضل انك تغير يايات استرالية ترفعةو تحمل علية وتريح نفسك . وبالتوفيق:good2:

[هويدي]

مثل ماتفضلو الاخوان اليايات افضل

واذا ملزم على الكعكات فصل المنيوم 2.5 او 3 اذا كان موترك ربع

اكثر من كذا بيطلع صوت العامود

والتكلفه انت وشطارتك بالمكاسر من 70 الى 100 ريال بالكثير للثنتين

والتركيب سلهل كانك راعي فكفكه ابشر بالطريقه

والمحلات تاخذ خمسين ريال لان كل الشغله اربع مسامير فقط

[عاشق الغضا]

خذلك كعكات 2.5 ممتازة وانا مجربهن على موتري 2009 قيمتهن 60ريال والتركيب 40ريال والي يبيعهن بالرياض فيه الجمعان بصناعية النسيم واذا كنت بالقصيم فعندك التويجري ببريدة