أفزوعوا لي يالربع

[سواق الشيخ]

القصه ومافيها


عندي كمره كانون دجتال أصلي اشتريتها من ماليزيا ومن حوالي شهر فجأه تعطلت


وديتها لوكيلهم بالرياض(القريشي) وقالوا لي نرسلها إلى جده ورشتنا هناك وبعد 15 يوم أتصلوا


بي وقالوا بيكلف التصليح مع قطعة الغيار 500 ريال(الكمره جديده بــ1000 ريال) طبعا رفضت وقلت رجعوها


الكمره عليها ضمان ولكن القريشي قالوا ضمانا يغطي دول الشرق الأوسط فقط


أبي فزعتكم تدلوني على ورشه ممتازه في الرياض


تكفون لاتخلوني انتظركم يارجال مكشات

[MOHAMMED..]

شف وأنا أخوك عندك في عمائر الراجحي
قبال سوق الفلبينيين عندك محل صغير يبيع الكامرات
الجديده والمستعمله وفيه عندك هندي في المحل شغلته تصليح
الكامرات شفه باسط عند المحل تقول مهندس ساعات وللأسف ماعرف اسم المحل
ولكن يعتبر في اول المجمع من جهة الشمال وان شاء الله اكون وفقت وتحياتي

[H5N1]

شف واحد عنده محل تصليح كاميرات في عماير الراجحي
أنا سبق صلحت عنده كاميرات ( أكثر من خمس كاميرات )
وعنده خبرة وأعرفه من أكثر من 15 سنة
آخرهن كاميرا سوني ديجيتال والثانية كاميرا فيديو باناسونيك أخذتهن منه قبل يومين .
اسم المهنس أبو وليد ( باكستاني أو هندي )
وهذي معلومات المحل
مؤسسة عالم القدرة
ورشة الأصيل للإلكترونيات
لإصلاح جميع أنواع الكاميرات
أبو وليد
العنوان :
عمارة الراجحي خمسة - عمارة رقم 2 - الدور الأول - محل رقم 16x
الرياض - المملكة العربية السعودية - جوال رقم 0563976114

[سواق الشيخ]

أخي محمد وأخي H5N1

لكما مني خالص الشكر والتقدير ورحم الله والديكم وفرج الله كربتكم

فوالله كان القريشي مضيق صدري وسع الله صدوركم