حطيت القير التماتيك على الـ(r) وأنا أمشي 80 !!!!!!!!!!!

[يازين البر]

بسم الله الرحمن الرحيم

أنا موتري باترول فتك 2002 تماتيك

البارح ما أدري وشلون بالغلط حطيت القير على الريوس (R) :confused: وأنا أمشي 80 !!

وش تتوقعون اللي صااااار ؟!

أترك لكم التعليق وبعدها أعلمكم وش صار

[M.H.T]

اتوقع خرب القير او علق

[دواس ظلمه]

أعتقد أن الجير( لا قدر الله) تعطل....

[سوبر VTC]

ماعندي علم
لكن اتوقع ان الموتر ما صار له شي
اعتقد ربما فيه حماية من الكمبيوتر للقير
اخبر جيب تويوتا تماتيك على سرعة 40
غلط راعيه و حط القير على الريوس
اللي حصل طفى الموتر و سلم
مثال اخر
اخبر جمس م2000 و طالع
راعيه معه ولده الصغير بحجره على سرعه 120
ضغط الولد على زر الدبل الثقيل و بدات لمبة الدبل الثقيل تاشر
و ماعشق الدبل :good:
يوم وقف بالموتر عشق الدبل من حاله

[عبود سليم-جدة]

ماصار شيء بس الي وراك صدمك :d :d

[أبو عمار الخالدي]

لا
لا

انا صارلي مثلك بس كنت امشي 20


قال القير طق طق طق طق طق طق لين وقفت ولا صار شي

[يكفيني نظرة]

اتوقع طق طق شوي وبعدين صار زي الفاضي N

[قرم العيال]

يفضي نفسه ..

بعدين وشلون عشقت الريوس بدون ما تضغط زر الامان

[عبدوش]

صارت معي بموتري الباثفندر وقال قرررررررررررق وبس ماصار شي

[د.قمر الزمان]

يطقطق لين ترجعه مكانه وتبدا السياره تهدي كنك حاطه بنمره اقل

[ابوشجاع911]

السيارات الامريكية الحديثة مصممة على تلافي هذه الغلطة فجعلوا فيها نظام ان القير ماراح يستجيب لاي تعشيقة الا اذا كان الوضع صحيح يعني في حالتك هذه (الرجوع) ماراح يقبل حتى تتوقف السيارة تماما ومن ثم يبدا في الرجوع وهذا انا مجربه في اليوكن والفورد وبصراحة هو يحمي القير بشكل تام لكن عيبه بطء استجابة السيارة خصوصا في حالة الرجوع للخلف بسرعة فتلاحظ تاخر الاستجابة نوعا ما

[الجمــــــــــــــل]

أتوقع انك اتصلت على راعي سطحه وشلت السيارة وعلى الصناعيه على طول

[زيــآدِ]

يطيح القير بالشارع وترجع تآخذه بسطحه هههههههههههه

[براد نجد]

طفى الموتر وشغلت ومشيت وزي الحلاوة ماجاه اي شي""

[الادعج]

اتوقع ماجاه الا العافيه ..لن القير مايعشق او بالاصح بالعامي *مايلقم* بالريوس الا بعد ظغط زر الامان الموجود بالقير والظغط على دواسه الفرامل ....يعني قير موترك يمكن تحرك من D الى R لكنه مالقم صح
,,,,,,,,,
,,,,,,,
,,,,,
,,,
,,
,

[تركي الشقاوي]

اتوقع انه قبل في ال r ورجعت تمشي 80 بالريوس !!!!هههه

[اسهيل]

اتوقع ان السيارة طارة ثم حلقة ثم طارة ثم طارة ثم وقعت وماطار طير ورتفع الا كما حلق وقع

[mr.majid]

أتوقع صحيت من النوم

[وسم 1400]

اتوقع طلع صوت طقطقة ووقف الموتر ، وشغلت ومشيت .



.

[ابن الضمين]

مااا اتوقع شي
اها عجل كمل لاسالفتك
لاوالله اني لاطلع من ا لنت كله واخليه لك
:mad: :mad: :mad: :mad:



بسرعه
هههههههههههههههه
قل وش صار

[رقم صفر]

الحالة سبقت إنها حصلت لأحد الشباب..

تسمع صوت طقطقة ... والقير ما جاه شيء ما شاء الله

[أبوغيث 2003]

اتوقع طلع صوت طقة بالقير بس ما صار شي

او

القير ما لقم ورجع لـ N

او

الموتر رد نمره ويمكن فحط مع ردة النمرة وحذف الموتر يمين او يسار

[هاوي نفود]

أنا على سرعة 140 كم

حطيت القير على الـريوس ولا صار أي شيئ

ولله الحمد

[المشوار]

اتوقع بعد طول انتظار

يقفل الموضوع

ههههههههههههه

[يازين البر]

ههههههههههههههه


بعض الردود تنبئ عن دم خفيف :) بس يمكن في الواقع دم ثقيل خخخخ :p أمزح


قبل أقول لكم وش صار أنا أبعلمكم كيف عشقت الريوس .. أنا كنت أكلم بالجوال


وهذي غلطة انك تكلم وأنت على الدايري الجنوبي بس وش نسوي بدون جوال ما نسوي شي :)


المهم اني ضغطت مثبت السرعة من غير قصد وأبغى أفك التثبيت (الأمور طبيعية بضغطة زر يفك) , ومن غير شعور حطيته بالفاضي <<<< والله من الخرشة :D


وتعرفون طبعا الأبنص ماسك يعني دااااس وهو فاضي وبسرعة لمست الفرامل عشان يفك الأبنص وانفك بس يدي على القير ومن الربشة كملته للريوس <<<< ليت الله فكنا منك :)


عاد هنا مربط الفرس ..
v
v
v
v
v
v
v
v
v
v
v
v
v
v
v
v
v
v
v
v


أبشركم جت سلامات الموتر طفا مباشرة ولله الحمد وعلى طول حطيته بالـ(N) ودقيت سلف بس بغت تصدمني تريله من ورا ..


يعني هذي ميزة وهي حماية القير


وجعلها ما تصير لأحد منكم




ماعندي علم
لكن اتوقع ان الموتر ما صار له شي
اعتقد ربما فيه حماية من الكمبيوتر للقير
اخبر جيب تويوتا تماتيك على سرعة 40
غلط راعيه و حط القير على الريوس
اللي حصل طفى الموتر و سلم




:good: :good: :good: 10على 10 ماشاء الله عليك


والمقصد من الموضوع الفائدة للإخوان والتنبيه من الاشتغال أثناء القيادة <<<< علم نفسك :)


أشكركم جميعا على التفاعل وسرعة الردود والله يبعد عنكم الشر


(أبو إبراهيم)

[صيادالجبيل]

اذا كنت داعس بنزين بتحجر الكفارات وكأنك ماسك الجلنط الهاندبريك بس الموتر مايطفي بسرعة واذا انت رافع رجلك عن البنزين السيارة بتطفي اول ماتشق الريوس ويمشي الموتر قدام وكأنة ثقيل وبعض السيارا وهو ماشي قدام تسمع في القير طقطقة وعطنا الخبر

[محب الرمنغتون]

أنا أعلمك وش بيصير معك ؟

طال عمرك في البداية لن تشعر بأن هناك اي تغيير ولكن بعد فترة من الزمن سوف تلاحظ أن الجير ما يغير يعني يثبت على أول نمرة

نصيحة سارع للوكالة للفحص وتغيير بعض التروس اذا لزم

[طربان على صوت]

مشكور عشان المره الجايه ماننخرش

[يازين البر]

أنا أعلمك وش بيصير معك ؟

طال عمرك في البداية لن تشعر بأن هناك اي تغيير ولكن بعد فترة من الزمن سوف تلاحظ أن الجير ما يغير يعني يثبت على أول نمرة

نصيحة سارع للوكالة للفحص وتغيير بعض التروس اذا لزم


الله يستر إن شاء الله ما يصير إلا العافية ولا نيب موديه للوكالة الحرامية


يسرقوني ويخربون موتري :)


مشكوووووووور

[يازين البر]

مشكور عشان المره الجايه ماننخرش


:good2: هذا أهم شي :)

[بيكال فيبر]

انا صارت معي بسياره سواقنا فان وند ستار القير علق على الريوس وطفت السياره وولعت لمبات في الطبلون مادر وش تبي والسياره عيت تشتغل الا بعد عشر دقايق

[راعي شوق]

مشكور على هالمعلومة والحمد لله على سلامتك وسلامة الموتر

[ابوديما]

علق علي البنزين ومعي رودماستر وانا حاط رجلي لأن قدامي واحد يبي يدخل الشارع وقلت اسبقه المهم علق علي البنزين والفرامل مامسكت وفي وجهي تقاطع شارع التخصصي حرف Tوش توقعون سويت خرطته على البريك ووقفت السياره ولله الحمد وحركت القير على D ومشيت وماصار لها شيء ولله الحمد والشكر

[أبوغيث 2003]

علق علي البنزين ومعي رودماستر وانا حاط رجلي لأن قدامي واحد يبي يدخل الشارع وقلت اسبقه المهم علق علي البنزين والفرامل مامسكت وفي وجهي تقاطع شارع التخصصي حرف Tوش توقعون سويت خرطته على البريك ووقفت السياره ولله الحمد وحركت القير على D ومشيت وماصار لها شيء ولله الحمد والشكر

كان معي رود ماستر م92 وكنت مستعجل ما ادري وش اللي معجلن جيت ابي اوقف عند البيت وحطيت القير بـ
P والسيارة ما بعد وقفت,,, طبعا على طول السيارة سحبت فرامل وانا دخلت البيت وما فكرت بالسيارة:p
يوم شغلته مره ثانيه اشتغلت ولا كأن شي صار:D

والصراحة ما قد شفت موتر مريح مثل الرود ماستر

[مغلي]

تساؤل بسيط
وهو
.
.
تفضية القير بوضعه في n ومن ثم تعشيقه d والسياره تسير ... هل تؤثر على القير
سواء تأثير حالي او مستقبلي ... كتقصير عمر القير مثلا
اتمنى من الخبراء الاجابه

[بيكال فيبر]

يؤثر على الجربوكس اذا كنت تمشي بسرعه عالية

اذا كنت تمشي اربعين لاتحطه dحطه نمرة 3

اذا شدة السيارة وهي بنمرة 3 ردة d

وماجاك علي

[رفيع المقآم]

هلا اخوي
انا اعلمك القير ماجاه شي باذن الله
انا ولد عمي معه جمس 2002 وكان مسافر وعنده ورع عمره5 سنوات المهم الورع ابلشه قاعد جنبه ينزل ويجيب اغراض تخبر المسافرين هو حاط الحلويات والعصيرات تحت بينه وبين الراكب الورع نزل يبي ياخذ ويوم رفع راسه وهو يشيل القير معه بالريوووس ويقوم الرجال ويفضي على طول
عيا يلقم الdوهو ماشي يوم وقف لقم d
وكمل طريقه ولا جاه شي

[رفيع المقآم]

هلا اخوي مغلي
انا ماعمري وقفت الا احط القير بـn قبل ما توقف السياره بس كذا عباطه وسالت اكثر من ميكانيكي يقولون ما يسوي شي ابد ابد ابد
جرب ولا تخاف بس هااااه انتبه تحطه بالـr زي خوينا

[ALBDRANE]

الحمدلله على السلامة

[راشد الجريبة]

أبو إبراهيم فيه أحد يثبت السرعة في الدائري

[fusfus]

يحدث للسياره كأنك رابط جلنط مع فرامل واذا فتحت الكبوت تحصل غطاء علبه الزيت منفتح مع خروج زيت من الضغط صحححححححح

[يازين البر]

أبو إبراهيم فيه أحد يثبت السرعة في الدائري





المهم اني ضغطت مثبت السرعة من غير قصد

:) :)

[يازين البر]

يحدث للسياره كأنك رابط جلنط مع فرامل واذا فتحت الكبوت تحصل غطاء علبه الزيت منفتح مع خروج زيت من الضغط صحححححححح



تقصد علبة زيت الفرامل ؟

[سعد777]

ما يعشق يالغالي لآن السرعات عاليه جداُ

[smbm]

الحمد لله على سلامتك وسلامة موترك والله اني توقعت انه راح فيها

[aooa]

زين انك خبرتنا وش صار معك ...

واللي اعرفه من السيارات الامريكي القديمه ان فيها طنجره وهذه صورة الطنجره http://sponsors.transteam.com/ConsolidatedVehicleConverters/converter.jpg
وعند توقف المحرك فجأه تنفرط هذه الطنجره وتنطحن ولكن تحافظ على القير وعلى المكينه وكذلك عند التعشيق في الريوس والسياره تمشي للامام ...

[مقلع الرمث]

صارت مع واحد من الشباب معه 2007 طق طق الين وقف ولا طفاء الموتر ولا شي ولا فيه فاصل الغريبه

[abu fares]

الحمد لله على سلامتك

[راشد الجريبة]

:) :) [/center]

الحمد لله على السلامة




;)

[YUKON_GMC]

على ايام الكوابرس القديمه كان عندي 82 و84 و 88 و 89

كلها كنت اخرط قيرها خرط في جميع النمر كأنه قير عادي ولافيهم اللي خرب قيره

حتى اني تعودت إّذا بغيت اطوف سياره وانا امشي 120 ارد القير نمره حتى يشد عزمه واذا اقلبت على طلعت رديته نمره

وحتى ان فيه واحد خاويني ويوم شافني كل اشوف اعشق القير والموتر يمشي يقول لي " موتر قير عادي ؟؟ قلت له نص عادي ونص تماتيك "

خرب معي بالكم الفرامل وكنت اسبوع كامل امشي على الموتر بدون فرمله واهدي فيه بتبديل النمر وهو يمشي واوقفه بال p والجلنط ولاجاهم الا العافيه

علماً ان القيور القديمه كانت رخيصه وماتوصل الالف ماهي مثل هالحين اعوذ بالله بعض القيور يوصل 30 ألف

المهم ان القير قوي وماتأثر فيه التعاشيق الا إذا كان الموتر مسرع فوق 160 والضرر الاكبر يقع على المكينه