استفسارات عن الجيب الباترول

[ابو فالح]

احبتي اعضاء مكشات العزيز :
السلام عليكم ورحمة الله وبركاته،،،
اخوكم ابو فالح وده يستزيد من خبراتكم الكبيره فطرح هذة الاسئلة لعله منكم يستفيد ويفيد.
سيارتي جيب نيسان سفاري 96 (كلبليتر) وذبحني الكلبيتر من كثر الخراب:
- هل هناك طريقه لتحمية السيارة وخاصة في الشتاء لانها تاخذ الكثير من الوقت واحياناً تكون متأخر عن الدوام ودك تمشي بسرعة.
- حل مشكلة الهواء اللي تسمع صوته كنك في كشف.
- صرفية البنزين وهل هناك امكانية لتركيب تانكي اضافي وكيف.
- قرأت لأحد الخوان في المنتدى ان هناك خزان للماء يتم تركيبه مكان الكراسى الصغيرة على مستوى المراتب الخلفية بحيث ليا بسطت الكشنات الخلفية مع الخزان صارت متساوية مع بعض والخزان ياخذ 170 لتر ماء ياليت من يعرف الطريقه يوضح اكثر وبالصور.
وسلامتكم و الجميع سالمين،،،،،،،،،،،،،،،،،،،،،،،،،،،
:looney:

[المرنقط]

السلام عليكم أخوي ابو فالح
هذا الباترول الكلبليتر وهذي بلاوية
انا الله بلاني بحبي للباترول على كثر بلاوية
- اما بالنسبة للكلبليتر ما لك الأانك تغيرة بالكامل لأن الكلبليتر اذا فتح مرة خلاص ما عاد يرجع مثل اول وتبداء الخرابات في فاحسن شي انك تركب واحد من التشليح بشرط انة ما قد انفتح ولا الله يعين دورلك جديد
-مادري اذا كان اتماتيك الكربليتر شغال ولا اذا غيرت الكربليتر يجي معة اتماتيك الكريليتر وهو اللى يخللي الدعسة الأنبير على 2 أو 2.5 على حسب البرودة
-اما عن مشكلت الهواء رح الى بن مرضاح يشوفون الوزن للبيبان او تركب جلب للباب جديدة وتركب زود علية قطعة اسفنج تباع فى محلات الزينة تتلزق على المكان اللى يتسكر فية الباب ويطبق على الربل حق الباب
- الصرفية وما ادراك ما الصرفية ما لك الا انك تركب ابر بساتم التيما راح يقل عليك الصرفية ويقل عليك العزم والتانكي يمديك تركب أكبر ورح شفهن عند الرماية ومحلات 4*4 في العليا اذا كنت من سكان الرياض
- بما ان موترك موديل 96 فأنة في مجال للتانكي الماء انك تركبة تحت السيارة بجوار تانكي البانزين ومكانة يكون قدام من جهة اليمين للتانكي البانزين ويشيل ما يقارب 50 لتر ماء
اما للتوانك اللى داخل ففية توانك الفيبر تفصلة على الحجم اللى تبية في مصانع الفيبر واذا كنت في القصيم ففية مصنع الذيب في صناعية بريدة
والحل الأخير لكل هذي المشاكل
بع موترك واشتر موديل 2005 ديزل وارتح ومني لك هدي خزان فيبر للماء
واسف على الأطالة وعدم التفصيل
اخوك المرنقط
وشكرا

[ابو فالح]

اشكرك اخي المرنقط على المعلومات القيمه.
ويا ليت عنوان ورشة بن مرضاح .
وبالنسبة للتوانك الداخلية فيه في الرياض.
فكرة البيع بدأت تراودني بس كم سعر الجديد :what: