كل ما يتعلق بكمية الزيت ودرجاته والبنزين للسفاريات ( 6 ولا 7 علب ) الاثبات بالصور

[ALBDRANE]

السلام عليكم ورحمة الله وبركاته .
في البداية اذا كنت ممن يستشير (البنشري) او مراسل وكالة (يقولون) فاغلق الموضوع وشف موضوع ثاني http://www.nissan-arabia.com/vb/images/smilies/biggrin.gif

اما اذا كنت تستشير الشخص اللذي صنع سيارتك واخترعها فواصل القراءةhttp://www.nissan-arabia.com/vb/images/smilies/cool.gif

حينما تسأل الكثير عن مقدار زيت الفتك فستجد للاسف الشديد انواع الفتاوي!
البعض يقول 8 علب بدون سيفون وبسيفون 8 ونصف!!
والبعض بدون 7 ومع 7 ونصف او ربع الخ الخ
قلنا ياولد مالها الا صنّاعها خذ من راس ( توشيوكي شيجا)
وفتحنا الكتالوج :



http://nissan-arabia.info/Mlffat/files/98.jpg





وفتحنا القسم المخصص بالزيوت واخترنا نوع محرك الفتك وكانت النتيجة كما في الصورة :



http://www.nissan-arabia.com/vb/images/statusicon/wol_error.gifتم تصغير هذه الصورة ... نقره على هذا الشريط لعرض الصورة بمقاسها الحقيقي علما بأن مقاسات الصورة قبل التصغير هو 670 في 480 وحجم الصورة 159 كيلو بايتhttp://nissan-arabia.info/Mlffat/files/99.jpg


كما ترى امامك عزيزي القارئ ان مقدار الزيت مع الفلتر هو 6.7 يعني تقريبا سبع علب الا ربع.
ومقدر الزيت بدون فلتر هو 6.5 يعني ست علب ونصف.
هذا كلام كاتلوج السيارة وليس البنشري اللذي يتمنى يعبي لك 10 علب لانه هو الربحان !
طبعا استدلينا على نوع المحرك المطلوب محرك الفتك ذو الرمزTB48DE عن طريق حديدة مواصفات السيارة داخل كبوت السيارة (غطاء المحرك) كما في الصورة :


http://www.nissan-arabia.com/vb/images/statusicon/wol_error.gifتم تصغير هذه الصورة ... نقره على هذا الشريط لعرض الصورة بمقاسها الحقيقي علما بأن مقاسات الصورة قبل التصغير هو 700 في 525 وحجم الصورة 163 كيلو بايتhttp://nissan-arabia.info/Mlffat/files/100.jpg



هذا الرمز هو رمز محرك سيارتك الفتك وعن طريقه تعرف المحرك المطلوب والمقصود في الكاتلوج .

انتهينا الان من قضية كم مقدار زيت الفتك كما اوضحنا وشاهدنا في الكاتلوج ..
السؤال اللذي يطرح نفسه لماذا هناك فتاوى مختلفة ومتضاربه في الكمية 7 علب ،8 علب الخ ؟؟
الجواب هو لانهم بنوا المقدار وعدد العلب على عيار الزيت ( بالعربي قارين العيار بصورة خاطئة)
كيف يعني ؟؟
الصور تغني عن كلامي طبعا من الكاتلوج :


http://nissan-arabia.info/Mlffat/files/101.jpg


لو تلاحظون السهم الاحمر ابو علامة X امام الثنية او العفط على عيار الزيت هنا يلخبط الكثيرين ويعتقدون ان الزيت يجب ان يصل الى هذا الحد فلذالك يزيدون علبه او علبه ونصف عن المقدار الطبيعي!!
مع انه في الكاتلوج كما ترون امامكم موضحين انه زاااااائد عن الحد !!
وان المقدار الصحيح هو عند الخط اسفل الـ H



ننتقل الان الى نقطة اخرى وهي نوعية الزيت وحسب علمي ان زيوت محركات البانزين عندنا في الخليج نوعين الاول (القديم) صاحب الرمز 20 دبليو 50 والثاني صاحب الرمز 10 دبليو 30
طبعا الافضل مواصفات هو الاخير 10 دبليو 30 وهو ما استخدمه شخصيا ويتحمل اكثر
طبعا في الكاتلوج ناصحين باستخدام 5 دبليو 30 وهذا حسب علمي غير متوفر لدينا
وواضعين انواع الزيوت او بالاصح ارقام الزيوت الاخرى حسب الافضلية ونلاحظ ان 10 دبليو 30 ياتي في المرتبة الثانية مباااشرة وموضحين طبعا مقدار التحمل لدرجة الحرارة والبرودة :


http://nissan-arabia.info/Mlffat/files/102.jpg



وهذي صورة الزيت المطلوب والافضل وشخصيا استخدم سوبر شل :

http://nissan-arabia.info/Mlffat/files/104.jpg



وهذا ابو علبه حمراء في المرتبة الاخيرة ولاحظ الرقم والمعذرة على ردائة التصوير :


http://nissan-arabia.info/Mlffat/files/103.jpg




شخصيا اشتري من النوع الاول وهو 10 دبليو 30 ولا اتعامل الا بالكترون ( ارخص بكثير من البنشري)
البنشري يبيعك العلبة بـ 14 ريال !!!
ولو تشري كرتون من محلات الجملة(الكرتون فيه 24 حبه) الكرتون بـ 216 ريال تطلع لك العلبة بـ 9 ريال يعني تفرق معك 5 ريال في كل علبة!
اذا قلنا بتحتاج 7 علب في كل تغييرة زيت راح تكون النتيجة هي 7×5= 35 ريال وفرتها في جيبك :)
وخذ العلب معك ورح غير الزيت عند البنشري بـ5 ريال شغل يد بدون سيفون وبـ 10 ريال مع السيفون ..
صراحة فرق يستاهل العنوه ... والا؟




ننتقل الان الى نوع البنزين وهو معروف عند الغالبية 91 ولكن البعص يصر على نوع 95 يمكن يبغى يدفع اكثر :)
وهذا الكاتلوج وخذ العلم منه :


http://nissan-arabia.info/Mlffat/files/105.jpg


هذا ما احببت ان اوضحه لاخواني مستخدمي الفتكات ..
واعيد واكرر استفتي دليل المستخدم وخل عنك وكالة يقولون والبنشري!!
والسلام عليكم ورحمة الله وبركاته .
الموضوع حصري لنيسان اريبيا ولامانع من النقل مع ذكر المصدر.
اخوكم
ابوسعد2005


منقول للفائدة مع لعلم أنني لا احب النقل ولا كن الموضوع مهم جداً واردت أن يستفيد منه اصحاب النياسين الغالين لانني كنت اصب علبه زيادة حسب كلام البنشري والان اتضحت الصورة مع لعلم اني رجعت للكتالوج في البداية ولاكن العيار ما فهمته لا من هذا الموضوع المصدر نيسان اريبيا مع الشكر للكاتب

[رفيع المقآم]

يسعدني ان اكون اول من رد عليييك
مشكور يالبدراني وما قصرت على اهتمامك
تقبل مرووري

[S4500]

والله ما قصرت على المعلومات قيمة

[القناص 3626]

بيض الله وجهك يابوسعد
الله يرزقك الذريه الصالحه
ويرزقك الخير في الدنيا والاخرة
على حرصك على اخونك المسلمين

[سوبر مكشات]

تابع الرد بنيسان اريبيبا

[عاشق البترول]

قواك الله على هالمعلومات
تقبل مروري محبك:عاشق البترول

[ثاقب]

في البداية اذا كنت ممن يستشير (البنشري) او مراسل وكالة (يقولون) فاغلق الموضوع وشف موضوع ثاني


لا يارجل لم توفق في المقدمه...هل تمنن بفائده تقدمها لنا؟
إن لم تكن هذه المعلومه للجاهلون بها ألا وهم الفئه اللذين نعتهم بمستشيرين البنشري وغيره..إذن لمن تكون ؟؟ للعالمين بها ؟ إذن مالفائده..أنت كمن طرد الطلاب وشرع بتدريس المدرسين!
تحيه طيبه لك والله من وراء القصد

[ALBDRANE]

لا يارجل لم توفق في المقدمه...هل تمنن بفائده تقدمها لنا؟
إن لم تكن هذه المعلومه للجاهلون بها ألا وهم الفئه اللذين نعتهم بمستشيرين البنشري وغيره..إذن لمن تكون ؟؟ للعالمين بها ؟ إذن مالفائده..أنت كمن طرد الطلاب وشرع بتدريس المدرسين!


تحيه طيبه لك والله من وراء القصد



حياك الله اخوي ثاقب سعدت بمرورك وياليت توسع صدرك علينا شوي

اولاً الموضوع منقول ولست انا من كتبه وقد اوردته كما هوا
ثانياً نصيحة ستنفعك في كل مجالات الحياة (( لا تنظر الى نص الكوب الفارغ )) .

وبالتوفيق يالغالي،،،،

[ابو حسان الجنوبي]

بيض الله وجهك على هالنقل الطيب ولعلمك انا لا أملك فتك ولكن اعجبني الموضوع
وسأستشير كاتلوج سيارتي من الأن فصاعداً

[استشاري]

و عليكم السلام و رحمة الله و بركاته
موضوع مهم تشكر عليه
بالنسبه لحرارة الجو في السعوديه ارى من وجهة نظري ان الزيت الامثل هو 20-50
ولو لاحظت في الصوره لتحمل الزيت للحراره فان 20-50 يتحمل من حرارة -10 الى + 40
بينما 10 - 30 يتحمل حراره ما بين -20 الى +40
اذا الانسب لاجوائنا هو 20-50
النقطه الثانيه هي نوعية اللزوجه اما Sj او Sl
sl لمعظم السيارات الحديثه فنيسان مثلا تطلب لزوجه Sl او Sc
اما السيارات الاقدم فجميع الانواع يمكن ان تستخدم لها
و استغرب ان يكون الزيت الافضل لاجوائنا حسب دليل المستخدم في سيارات نيسان هو ( 5-30) لانه حسب الجدول يتحمل بروده عاليه و هذه غير ممكنه لدينا اطلاقا

للعلم سيارات تويوتا تضع الافضل هو 20-50
و للعلم ايضا فان عندي نيسان و تويوتا
هذا من وجهة نظر شخصيه بعد الرجوع لدليل المالك لكلا النوعين من السيارات
و منذ زمن طويل و انا استخدم بترومين اكسترا للسيارات القديمه Sj و بترومين الترا 7 Sl للسيارات الحديثه
و دمتم بالف خير

[العتين]

الله يعطيك العافية

[ثاقب]

بارك الله فيك..
اتمنى من الجميع عند النقل ان يقرأوا الموضوع وينقحوه وينفثوا عنه مايثير الحفيظه بعدها يطرح ..والله نصيحه من محب
والله يوفقني وإياك وكل مسلم,, السلام عليكم.

[~ V T A C ~]

http://www.hotagri.com/data/media/73/21.gif

[جيبي جايزلي]

الله يعطيك العافيه علي نقل الموضوع
والله يجزاك الف خير

[ALBDRANE]

يا صبر نجداً على وطي البعارين ...!

[الربذي]

وعليكم السلام ورحمة الله وبركاته

انا مستغرب انهم يقولون الزيت يتحمل من -10 الى 40 والحرارة بالمحرك قد تاصل 150 درجة مئوية.وهي حرارة الزيت ..

وفيت وكفيت

[wail2]

الله يعطيك العافيه علي نقل الموضوع
والله يجزاك الف خير

[فارس الديار]

مشكووووووووور والله يعطيك العافية .
بالنسبه لليوكن 2009 لم اجد معه كتلوج :( علما بانه من الوكالة:mad: فماهي الطريقة الصحيحه لاستخدام الزيت وكذلك البنزين.

[ابوو زيد]

طيب انا اعبي 6.5 بدون سيفون يصير ناقص المعيار لزم اعبي 7 علب بدون سيفون

ومع السيفون 7.5

ومع انه تحت الشرطه الثانيه بشوي

هل معياري فيه شي او انه طبيعي مع انه اليمنيه يقلون ياخذ 8 مع السفون و 7 بدون سيفون وماني مصدقهم

[q8salem]

بيض الله وجهك يابوسعد
الله يرزقك الذريه الصالحه
ويرزقك الخير في الدنيا والاخرة
على حرصك على اخوانك المسلمين

[الطيار2000]

طيب اخوي ليتك تصور لنا صفحة الكتلوج اللي فيها انواع زيت قير الدبل وزيت الدفرنسات
وشكرا

[ALBDRANE]

نبي مواضيع مفيدة لا تبخلون علينا

[ALBDRANE]

الربذي
wail
فارس الديار
q8

حياكم الله
ابو زيد اذا موترك فتك 4800 سبع الا ربع مع السيفون كحد اقصى
وهذا الي اسويه بموتري
ارجع للكتلوج وتعرف الكميات الي مكينته 4500 ياخذ تقريباً علبه زيادة


الطيار راجع كتلوجك كانه عندك وحاضرين

[جهام القصيم]

بارك الله فيك يقول الاول الزود اخو النقص (الزيدة في الزيت تخرب الصوف) يعني خل الزيت ناقص احسن لك ولن يضر سيارتك تجربة في تنقيص الزيت 25سنة والامور 100% وفق الله الجميع لكل خير

[ALBDRANE]

جهام القصيم يحبي لك هذاالي انا اسوية بسياراتي

[moafaq999]

يعطيك العافيه على هذا الطرح والنقل الرائع
ولك كل الشكر

[هريدي900]

بارك الله فيك يقول الاول الزود اخو النقص (الزيدة في الزيت تخرب الصوف) يعني خل الزيت ناقص احسن لك ولن يضر سيارتك تجربة في تنقيص الزيت 25سنة والامور 100% وفق الله الجميع لكل خير

احسنت:good2: وهذا الي اسويه لكن فيه ناس منسم يسئل راعي البنشر وهو ماعنده سالفه حده انه يفك صره وعلبة زيت وسيفون:mad:،،،
ياناااااس فيه كتلوج في كل سياره فيه تفصال لكل صغيره وكبيره في السياره،،
ودمتم بي الف خير.

[راعي الفتك 9]

مشكور على الموضوع المفيد لجميع مالكي الفتك

[السنونو]

جزاك الله خير يابو سعد على المعلومات المفيدة
ولكن عندي بعض التوضيحات الا وهي:
1- إذا بغيت مكينة موترك تكون نظيفة من الخارج نقّص الزيت علبة وهذا الأفضل وماراح يضر المكينة لأنه في المجال الطبيعي على العيار وهذا من واقع تجربة وهذا عشان تبخير الزيت مايطلع من بين راس المكينة وغطاها

2- الزيت يتحمل درجات الحرارة العالية في جميع الأنواع ماهو أنه يتحمل 40 درجة عشان بعض الناس يفكر كذا من بعد مايشوف الكاتلوج

[Al_safeer]

الصراحه موضوع جدا مفيد والله يعطيك العافيه من جد الي يمشي ورا كلام اي بنشري ممكن يدهوره ولا اقصد الكل انا صراتلي سالفه مع بنشري جديد اول حاجه خرب الصره وياله ركبت وثاني شي زادلي علبه وانا ما ادري يقول هذي السياره هي تاخذ كذا طبعا من راسه فعشان ما تتعب نفسك مث ما قال اخونا البدراني ارجع للكتلوج واسف على الاطالع في ردي وشكرا

[عاشق الغضا]

جزاك الله خير الجزاء

[* ابو باسل *]

[quote=استشاري;3869178]و عليكم السلام و رحمة الله و بركاته
موضوع مهم تشكر عليه
بالنسبه لحرارة الجو في السعوديه ارى من وجهة نظري ان الزيت الامثل هو 20-50
ولو لاحظت في الصوره لتحمل الزيت للحراره فان 20-50 يتحمل من حرارة -10 الى + 40
بينما 10 - 30 يتحمل حراره ما بين -20 الى +40
اذا الانسب لاجوائنا هو 20-50
النقطه الثانيه هي نوعية اللزوجه اما Sj او Sl
sl لمعظم السيارات الحديثه فنيسان مثلا تطلب لزوجه Sl او Sc
اما السيارات الاقدم فجميع الانواع يمكن ان تستخدم لها
و استغرب ان يكون الزيت الافضل لاجوائنا حسب دليل المستخدم في سيارات نيسان هو ( 5-30) لانه حسب الجدول يتحمل بروده عاليه و هذه غير ممكنه لدينا اطلاقا

للعلم سيارات تويوتا تضع الافضل هو 20-50



كنت داخل ابي اقول نفس الكلام و 20-50 هو المناسب للجو الحار .

[الجندي2005]

بيض الله وجهك ،،،،،،،،،،،،،،،،،،،،،،،،،،،،،،،،،،،،

ما قصرت تسلم يالذيب ،،،،،،،،،،،،،،،،،،،،،،،،،،،،،

[قناص خلاوي]

بيض الله وجهك اخوي
هالعلم يبي يفيد راعين الفتك
لاهنت



طيب انا اعبي 6.5 بدون سيفون يصير ناقص المعيار لزم اعبي 7 علب بدون سيفون

ومع السيفون 7.5

ومع انه تحت الشرطه الثانيه بشوي

هل معياري فيه شي او انه طبيعي مع انه اليمنيه يقلون ياخذ 8 مع السفون و 7 بدون سيفون وماني مصدقهم


أبو زيد انا مثلك
معي فتك 2005 حطيت بدون سيفون 6.5 وعايرته اكثر من مرة بارد حار واقف يوم بأرض مستوية يطلع العيار ناقص عن الحد
وحطيت فيه 7 طلع ارفع شوي من العيار لكن تحت الاتش يعني بالمستوى المطلوب..

أما البنشري اللي يقول السيفون ياخذ علبه فما عنده سالفة السيفون حجمه صغير مايشيل ولا نصف علبه مبين من شكله وحجمه ..

[قولد]

بارك الله فيك موضوع يستاهل التوقف عنده والقراءة اشكرك على الموضوع

[ALBDRANE]

عاشق الغضا
الجندي
قناص خلاوي
قولد
هريدي
شيخ المعنى
السفاري
سعدت بمروركم وتحياتي

[أسد تميم]

جزاك الله الفردوس الاعلى

[العرندس909]

موضوع مفيد

تشكر على النقل الرائع

[العابر]

كلام في الصميم

لازم يكون مرجعنا دائما وابدا كتالوج المعدة ونترك عنا وكالة يقولون

انا معي يوكون وابو يمن لاعبين علي من مدة يحطون لي 8 علب زيت ( طبعا عشان يكسب اكثر)

ويوم رجعت للكتالوج لقيته 6,7 علبه يعني زايد علي علبه كامله وهذا اكيد يضر السيارة

[الساهر2003]

بيض الله وجهك اخوي

طيب الgx 2005 كم ياخذ ؟؟

[ALBDRANE]

بيض الله وجهك اخوي

طيب الgx 2005 كم ياخذ ؟؟

ما عندي له كتلوج للاسف الي عندي كتلوج الفتك

[_دربيل_999]

http://imagecache.te3p.com/imgcache/beed3f5b3350863e0c55327d45c6e38e.gif

[ALBDRANE]

مشكور يا دربيل على التعليق

[نفود حائل]

جزاك الله خير

نورتنا

[ALBDRANE]

مرحبا بك نفود حايل أرجو أنك أستفدت من الموضوع

[ساري 111]

موضوع الزياده بالزيت كثير من الناس يتساهل فيه وهو الدمار الكبير

مايفقع الصوف ويخلي المكينه تندي مع كل جهه الا زود الزيت

خذها قاعده نقص نصف علبه ولازوده

[جهام القصيم]

بارك الله فيك وبجهودك السؤال الاهم هو مقدار زيت القير للباترول الفتك التمتيك

وفق الله الجميع لكل خير

[ALBDRANE]

ساري كلامك عين العقل
جهام القصيم الا الان ما غير زيت القير بس أذا انت مصمل بشوف الكتلوج وأعلمك .
شاكر مروركم

[شيخ الرعوجي]

بيض الله وجهك على هالمعلومات

[goold6060]

طيب الباترول 4500 كم ياخذ من الزيت
مشكور يالبدراني

[ALBDRANE]

حياك الله يالشيخ الرعوجي على فكرة يقربلك عبدالله الرعوجي أبو ناصر

goold6060
ولا يهمك هذي الصورة عليها الشرح للمكينة 4500




http://www.mekshat.com/pix/upload04/images177/mk34504_99.jpg
(http://www.mekshat.com/vb/showthread.php?t=264659)

[FJ 40]

وافي يالبدراني ..
كلام رائع ووفقك الله ..
مميز ..
تحياتي .

[التل الصامت]

مشكووور يا اخوي وما قصرت ما شاء الله تبارك الله عليك قطعت الشك باليقين والله يوفقك

[ALBDRANE]

fj 40
حياك الله في ذا المكان
التل الصامت
الساعة المباركة والله يسلمك من كل شر

[راعي الفتك 9]

مشكوووووووووور على الخبريه

[عاشق الموطن]

بارك الله فيك واشكرك على النقل

واسال الله ان لايحرمك الاجر

لان الكثير قد يلتبس عليه مثل هذا الموضوع

[ALBDRANE]

شيخ المعنى
عاشق الموطن

مشكورين والله يحييكم

[طاغي نظره]

جزاك الله خير

معلومه قيمه

[السفير2000]

يعطيك العافية اخوي وماقصرت

[السفير2000]

يعطيك العافية اخوي وماقصرت

[ALBDRANE]

السفير سعدنا بمشاركتك

[كسول]

مشكور أخوي وبارك الله فيك

[hz1oo]

بارك الله فيك وياليت بعض الناس يتركون النقد ويفيدون مثل الغير افضل لنا ولهم

[Bader-M]

الكتلوج موجود به كل المعلومات المتعلقة بالسيارة و كذالك جدول الصيانة وبعض الاصلاح البسيطة
ولكننا للاسف لا نقراها

تحياتي للجميع

[ن.ن.د]

http://nissan-arabia.info/Mlffat/files/105.jpg

لو سمحت وش قصده ب 91 او اعلى
يعني يصلح 95؟ :confused:

[ALBDRANE]

http://nissan-arabia.info/mlffat/files/105.jpg

لو سمحت وش قصده ب 91 او اعلى
يعني يصلح 95؟ :confused:


حياك الله

يصلح 91 و95 يصلح حسب قريشاتك وحسب كثرة الأستعمال وبالنسبة لي أعبي 91 ولا شفت منه شر

[سرباية]

موضوع ممتاز وبالنسبة للمسافة التي نغير عندها الزيت البنشري يقول كل ما تمشي على السيارة 2000 كم غير الزيت والكتالوج يقول 10000 كم .

[ALBDRANE]

موضوع ممتاز وبالنسبة للمسافة التي نغير عندها الزيت البنشري يقول كل ما تمشي على السيارة 2000 كم غير الزيت والكتالوج يقول 10000 كم .


أذا كان الكتلوج يقول 10000 كيلو

لازم تاخذ في الحسبان درجة الحرارة في المملكة ونوعيات الزيوت المتوفرة لدينا

تحياتي

[يريور عيمان]

انا عبيت 7 علب و نص
والزيت كان على H بالضبط
المرة الجاية بعبيه 7 علب و بشوف كم بتكون القرايه

[ALBDRANE]

انا عبيت 7 علب و نص
والزيت كان على H بالضبط
المرة الجاية بعبيه 7 علب و بشوف كم بتكون القرايه



لحظه طال عمرك أول شي المحرك قوته كم ونا أخوك راجع الجدول تحصل فيه فرق في كمية الزيت

بين محرك 4500 ومحرك 4800

[مجنون باترول4800]

بيض الله وجهك ما قصرت

[ALBDRANE]

بيض الله وجهك ما قصرت


مرحبا الساع

[علي الهبهاب]

والله يجزاك الف خير

[يريور عيمان]

لحظه طال عمرك أول شي المحرك قوته كم ونا أخوك راجع الجدول تحصل فيه فرق في كمية الزيت

بين محرك 4500 ومحرك 4800


المحرك فتك 4800
عبيت 7.5 و كان الزيت على خط H بالضبط

[ALBDRANE]

المحرك فتك 4800
عبيت 7.5 و كان الزيت على خط H بالضبط

وييييييييييين يبو الشباب

7.5 أنت كذا زايد الزيت بحدود العلبه وهذا يؤثر على المحرك

أذا كان فتك 4800
بالسيفون 6.8علب
بدون سيفون 6.5

راجع الجدول في الصفحة الأولى


والله أنه يضيق صدري أذا شفت ناس مثلك يصبون الزيت حسب كلام البنشري وكنه الي صانع السيارة !!
البنشري ما يفرق بين حجم المحرك ولا نوع السيارة عنده الجيوب كلها سوى نيسان تويوتا الخ ...

[يريور عيمان]

ان شاء الله المرة الجاية بعبيه 7 علب بس

انا مرة عبيت سبع علب عند البنشري
و شغل السيارة و على طول دعس دعسة على البنزين و بند بعد خمس ثواني تقريبا
و جا يقيقس كانت القراية عند L
انا قلت له خل السيارة شغالة خمس دقايق على الاقل
قال ما يحتاج و وشوف الزيت ناقص لازم ازيد

[جوالة]

بارك الله فيك
وحقيقة لست من أهل السفاري ولكن لحسن عرضك للموضوع آثرت أن أسجل كلمة شكر لك على موضوعك .

وفقك الله لكل خير

[ALBDRANE]

بارك الله فيك
وحقيقة لست من أهل السفاري ولكن لحسن عرضك للموضوع آثرت أن أسجل كلمة شكر لك على موضوعك .

وفقك الله لكل خير


يعطيك العافيه والهدف تقديم الفائدة للجميع

[wafian]

مشكور يالغالي الله لا يهينك
الله يجعله في موازين حسناتك و يرحم والدينا و والديك

تحياتي

[أبو نـآيف]

الربع ياخذ مع السيفون 7ونص

يعني مع كل تغييره 8 علب جمس مهب ربع ليه وش فرقه عن مكينة الفتك

[بريق الحسام]

الله يجزاك الجنة خير من الدنيا ومافيها...وش تبي غير كذا

[ALBDRANE]

مشكور يالغالي الله لا يهينك
الله يجعله في موازين حسناتك و يرحم والدينا و والديك

تحياتي

حياك الله وتشرفنا بخدمتكم


أبو نـآيف

الفرق أسئل الي صنعو السيارة والكتلوج هو الأثبات

مكينة 4800 الفتك
تختلف عن 4500

[ALBDRANE]

[QUOTE=بريق الحسام;6158490]الله يجزاك الجنة خير من الدنيا ومافيها...وش تبي غير كذا[/QUO


تشرفنا بمروركم وخدمتكم

[عيش صحاري]

مشكور على الموضوع الله ايعافيك ...

[اخر كلام]

السلام عليكم بارك الله فيك على الموضوع القيم ومن المصدر الله يسدد خطاك يالبدراني
اخواني احد عنده دليل او كتالوج سوبر سفاري 1998 لاتبخلون علينا لاهنتوا

[ALBDRANE]

أخوي اخر كلام طلبك لا يتوفر لدي وممكن أحد المكشاتيين يتكرم ويوفر طلبك وتحياتي

[سلكي نت]

ان استعمل زيت عيار 20-50

[بيق مان]

المشكلة حتى الوكالة يزيدون الزيت
عندي نفارا 2010 ولقيتهم مغطين العفطه
والتغييرة الثانية راجعت الكتالوج وحصلت المعيار الصحيح وغيرته برى الوكالة وخليت العامل يقيسه صح تحت اشرافي.
الزبدة .. لا تثق بأحد .. وما يحك جلدك مثل ظفرك.

[عود رمثه]

بارك الله فيك

[ALBDRANE]

المشكلة حتى الوكالة يزيدون الزيت
عندي نفارا 2010 ولقيتهم مغطين العفطه
والتغييرة الثانية راجعت الكتالوج وحصلت المعيار الصحيح وغيرته برى الوكالة وخليت العامل يقيسه صح تحت اشرافي.
الزبدة .. لا تثق بأحد .. وما يحك جلدك مثل ظفرك.


كلامك في محله حياك الله اخوي

[هوايتي مكشات]

الله يعطيك العافية

[gassimsm]

مشكووووووووووووووور

[خالد العويند]

جزاك الله اخوي صراحه البنزين تعبنا الفل 80 وال91 عن ال 95 حول 30 ريال فرق

بيض الله وجهك على هالموضوع

[عبد الرحمن عل]

مشكور على المعلومات لدى استفسا ر عندى باترؤل سفارى موديل 2000 جربت بانزين 91 طلع عزم السيارة ثقيل

[ahg55]

بيض الله وجهك على هالنقل الطيب ولعلمك انا لا أملك فتك ولكن اعجبني الموضوع

[ALBDRANE]

بيض الله وجهك على هالنقل الطيب ولعلمك انا لا أملك فتك ولكن اعجبني الموضوع



حياك الله أخوي وتشرفنا بمرورك .

[asaa1386]

انا استخدمت زيت سوبر جيتي 50W20بسعر 14 ريال
يوكون 2003م اللون اسود

[ALBDRANE]

انا استخدمت زيت سوبر جيتي 50W20بسعر 14 ريال
يوكون 2003م اللون اسود

أذا اللون أسود المفروض تصب زيت نور العلبه 17 ريال

[هواي البر فهد]

تسلم يمينك على هالموضوع الجبار
والمفيد الله يعطيك العافيه


عندي بترول ربع glمديل 99 كربريتر مدري مكينته 4200 او 4500 كيف عرف؟


اوش افضل زيت حطه لوه؟؟؟؟؟

وكم علبه ؟؟؟؟

انتظر ردك يابعد حييي
والله لايهينك

[بن لوتيه]

موضوع قيم ومفيد
لكن لو تفيدنا عن موضوع زيت القير بالنسبه للفتك القير توماتيك
وش نغير له زيت وعند مين ومتى يغير (اذا مشى كم الموتر)؟
شاكر ومقدر تعاونك

[شاص نيسان 93]

اجل 4200 10 علب وييييييييين

[ALBDRANE]

موضوع قيم ومفيد
لكن لو تفيدنا عن موضوع زيت القير بالنسبه للفتك القير توماتيك
وش نغير له زيت وعند مين ومتى يغير (اذا مشى كم الموتر)؟
شاكر ومقدر تعاونك

حياك الله بن لوتيه وبخصوص القير فيه مواضيع كثيره فقط أبحث في القسم أو في قوقل أكتب زيت القير للفتك بتلقى تفصيل أكثر من الي بقوله لك وتحياتي

[صاحب مبدا]

كل مانقص الزين ربع علبة او نص ازين من انك تفلفل المكينة لين لو فلفلتة راح يطلع الزين من وجة المكيتة واذا نقص ربع واو نص ماراح يضر اما اذا زاد ربع او نص راح يضر المكينة هذااا من وجهة نضري وتقبلوو مروري بكل رحب

[راعي البرثن]

السلام عليكم ما اسهبت الله يخليك بايضاح استخدام البنزين91....او95 بالنسبه لل في تي سي وليس كما يقول البعض (فتك)؟؟؟؟؟

[الحشار70]

جزاك الله من خيره ورزقه

[مكشاتي متقدم]

انا استخدمت زيت سوبر جيتي 50W20بسعر 14 ريال
يوكون 2003م اللون اسود




مستحيل تاخذ سوبر جي العلبة السوداء بهالسعر (طبعآ الأصلي ) اللي هو فوكس
ياجماعة خوذو حذركم من بعض المشاحم يبيعك سوبر جي مغشوش وهو منتشر وجودته دمار وهو يجي علبة حديد يتبع للشراع الأحمر وكرتونه سعره 140 ريال بينما سوبر جي الأصلي سعر الكرتون حقه 280

[ALBDRANE]

السلام عليكم ما اسهبت الله يخليك بايضاح استخدام البنزين91....او95 بالنسبه لل في تي سي وليس كما يقول البعض (فتك)؟؟؟؟؟

أجل ما أسهبت ...!
الصراحة ما توقعت بشوف ردود زي كذا والى كان أسبهت أقصد أسهبت
أنت بس قريت الموضوع ولا بس ودك تسولف...
على العموم الشيخ الفتك يشرب 91 وبالعافيه عليه

[تركي ابوسعود]

معلومات طيبه من وجه الطيب
انا فتك اللي فهمته من شرحك يالغاالي ادامك الله
انه مع السيفون 6,8
بدون سفون 6,5
اتمنى اشوف ردك اخوي

[الطبيب]

يا الربع ..

الموضوع بديره وانتم بديره ...

كلش موضح .. من أول الموضوع .. وبالصور ...

والأسئله مكرره .. أقرا بالاول .. بعدين رد ...

هذا والله أعلم
والسلام ختام

[binobaid]

جزاك الله خير

[مسلم سني]

مشكور وبارك الله فيك عندي تعقيب على بانزين 91 لا اعلم هل هو نفس 91 اللي باليابان عندي ميكانيكي يحذرني منه يقول يخرب المكينه والبخاخات وووووو ويردي عزم السياره ! يقولي اوكتان 95 هو نفس 91 باليابان اما 91 حقنا لا تعبي منه

[الأعصـــــار]

جزاك الله خير

[سيد النشاما..]

الله يعطيك العافية

[المسروحي]

كلام سليم 100%

[قرناس الشرقيه]

يعطيك العافيه على النقل الكامل

كفيت ووفيت

[masssdd]

السلام عليكم ياشباب بنسبه عن البنزين 91 او 95

[masssdd]

اعرف واحد في شريكة ارامكو يقول ان المحطات الي داخل الشريكه مافيه 95 كلها 91 وشرايكم يالربع

[ALBDRANE]

معلومات طيبه من وجه الطيب
انا فتك اللي فهمته من شرحك يالغاالي ادامك الله
انه مع السيفون 6,8
بدون سفون 6,5
اتمنى اشوف ردك اخوي



كلامك صحيح يبو سعود اذا موترك فتك
ومعنى فتك يعني محرك 4800 :good2:لا تكون مثل الي يقولون فتك ومحرك سيارته 4500:(

[التغلبي 502]

طيب مكينة البخاخ 4500 كم علبة ؟؟؟؟؟

[ALBDRANE]

معليش ارجع للجدول في الصفحة رقم واحد .... شكلك ماقريت الموضوع

بس ما عندك مشكلة علشان 502 هههه

للمحرك 4500

7.3 بدون فلتر
7.6 مع الفلتر

وحياك يالتغلبي

[ابو محمد64]

معليش الموضوع قديم واتمنى من المشرفين يثبتوه اقسم بالله معلومة من ذهب و دايم نشوف تناقض الي يقول 10 والي 6 والله اتكلم من جد لازم يتثبت

[ابو محمد64]

يا اخوان يقول البنزين 91؟؟؟