ام رقيبة 1431هـ !!!

[sami2003]

السلام عليكم ورحمة الله وبركاتة ،،،


ياخوان ابغى اعرف معلومات عن مهرجان ام رقيبة مثل :


1/ كم المسافة من الرياض ؟
2/ الطريق المؤدي الية ؟
3/ افضل مكان للتخييم هناك ؟
4/ افضل محل للايجار الخيم
5/ هل يمكن الذهاب اليه عن طريق الطوقي - التنهاة و دوار حفر العتش ؟؟؟


اللي عندة معلومات لا يبخل علينا وجزاه الله الف خير ويسر امره .

[مشعل2020]

المسافه هي كالتالي
الرياض الى المجمعه 180 كيلو ومن ثم الارطاويه تبعد عن المجمعه 70 كيلو ومن ثم ام رقيبه تقريبا عن الارطاويه 70 كيلو وهناك المزاين.
وافضل مكان انك تبتعد شوي عن الزحمه لان هناك زحمه وازعاج قريب من المهرجان اذا وصلت وجتك المزاين على اليمين احسن لك تخيم بالجهه المقابله يعني يسار .
ومحلات الايجار كثيره جدا طب وتخير
وبالنسبه لطريق الطوقي لا اعلم يالغالي بس طريق الارطاويه حلو والله يحييك لامريت الارطاوية القهوه والمه

[المهند تمير]

السلام عليكم ورحمة الله وبركاتة ،،،



ياخوان ابغى اعرف معلومات عن مهرجان ام رقيبة مثل :


1/ كم المسافة من الرياض ؟
2/ الطريق المؤدي الية ؟
3/ افضل مكان للتخييم هناك ؟
4/ افضل محل للايجار الخيم
5/ هل يمكن الذهاب اليه عن طريق الطوقي - التنهاة و دوار حفر العتش ؟؟؟



اللي عندة معلومات لا يبخل علينا وجزاه الله الف خير ويسر امره .



وعليكم السلام ورحمة الله وبركاته

ج1: المسافة من الرياض تقريباً 300 كيلو ..
ج2: الرياض * المجمعة * الأرطاوية * أم الجماجم * أم رقيبة ..
وإن بغيت التمشيه : الرياض * تمير * الشحمة * القاعية * الأرطاوية * أم الجماجم * أم رقيبة ..
ج3:كل الدعوة هناك مخيمات .. وجايها مطر طيب .. وأرضها نفود يعني طب وتنق وأبعد عن الازعاج ..
ج4: عندك الحبيش لتجهيز المخيمات .. وعندك أبوراشد للخيام .. والشارع كله مليان أجارات ..
ج5: لا يمكن الذهاب من عند التنهات إلا إن كانك تتروح قطوع من التنهات إلى أم رجوم ومن ثم الشحمة لكن بعيد ..
ج6 : دعواتك ...

[القنـاص2008]

الاخوان افادوك

[sami2003]

الاخ العزيز ،،،

مشعل 2020
جزاك الله الف خير وكثر الله خير ك على القهوة .

الاخ المبدع المهند تمير ،،
شكر لك عزيزي على التوضيخ وكفيت و وفيت وجزاك الله خير ورحم امواتك وامدك الله بالصحة والعافية.