المساعد الشخصي الرقمي

مشاهدة النسخة كاملة : الفزعة يا أهل لفزعة


بري بحري
30/12/2004, 05:02 AM
السلام عليكم ورحمة الله وبركاته
أخواني اعضاء المنتدى ومشرفينه ودي أنضم لكم كعضو جديد لكم لأني من هواة البر والبحر
وانا أبشتري سيارة وبجهزها وعندي كم خيار بس متردد أبغى المشورة منكم
الخيارات هي :
1 - لاند كروزر vxr ولا gxr موديل 98 -99
2 - فورد حوض دفرنشين موديل f-150 موديل 97
3 - نيسان سوبر سفاري موديل 2000 وطالع
وإذا ركبت توانك في اللاند كروزر وهي معباه يأثر على ممشاه في الأسفلت ولا في البر ؟

أرجو الرد الله لا يهينكم
شايب الصمان
30/12/2004, 07:16 AM
وعليكم السلام ورحمة الله وبركاته

أخوي بري بحري

رأيي الخيار الاول والثالث أفضل بكثير من الثاني .

أما تركيب التوانك مايأثر بشكل كبير على الممشى وعلى حسب كميه الماء الى يشيلها التانكي .
يعني كم تتوقع كمية الماء الى يشيلها التانكي بالكثير 90لتر .وهذي كميه ماتأثر على الممشى ابدا ومجربها شخصيا.
والله يباركلك فيما رزقك الله امين.
نمر بن حثلين
30/12/2004, 11:22 AM
مثل ما تفضل شايبنا الخيار الاول او الثالث

مع تفضيل الثالث لان قيمة الباترول تنزل وبالتالي ك تقدر تاخذ موديل احدث بسعر يعادل قيمة لاند كروزر قديم شوي

واحرص على الي مكينتة 4800 تراها ازين من الاوله واقوى بفرق واجد
وان حصل تاخذ قير تماتيك عادي (تترونك ) فهو نور على نور ويصير عندك موتر اللهم احفظنا كذا :good:
Bader-M
30/12/2004, 11:38 AM
الباترول

افضل الاخيارات


مثل ماقال لك الاخ

نمر بن حثلين


ولك مني كل محبه وتقدير
MARINE
31/12/2004, 02:23 PM
السلام عليكم

انا بصراحه رأيي من رأي الشباب اللي قالوا لك الاول والثالث...

لكن انا اشوف ان الباترول افضل لانك بتاخذه جديد من 2000 وطالع

وبصراحه انا انصحك بالقير العادي انا جربت باترول 2003 تترونك عادي اوتوماتيك اشوف انه جيد

وجربنا باترول عادي العادي افضل وفي الاخر الخيار يرجع لك وانت صاحب القرار وهذه رأيي..

اخوك
MARINE
:heart:
بري بحري
01/01/2005, 11:48 AM
السلام عليكم ورحمة الله وبركاته
أشكركم أخواني على ها النصايح وأعتز بها
وأنا عارف أني ما نصيت إلا الذيابه منكم وشرواكم
بس السفاري مشكلته صرفيته للبنزين بس الميزه أن سعره رخيص مقارنة باللاند كروزر
وبيض الله وجيهكم
شايب الصمان , نمر بن حثلين , طاير بالعجه , مارين
والله يكتب ما فيه الخير والصالح
محب الشمال
31/01/2005, 09:55 AM
انا من رايي النيسان بس زي ما قلت عيبه الصرف البنزين
ولا هن ماشاء الله عليه قوي
كان عندي واحد موديل 97 لعنت والدين والديه وكان معي زي الورد ولله الحمد
والله يحفظك ويستر عليك يحفظ كل المسلمين