تنضيف السلاح (خرازة)

[الطرقي]

مساكم الله بالخير جميع

يالخبير ودي أسألك كم سؤال وياليت تجاوبني لا هنت

ودي أسأل عن تنضيف الخرازة هل يكون بعد كل إستخدام أو مرة في السنه يعني كم المدة التقريبيه لتنضيف السلاح؟

ووش أفضل ماركه لأدوات تنضيف السلاح وتزييته أو كلهن واحد علمنا أن السلاح الي عندي جديد هل يلزمه تنضيف وتزييت ولا لا

ووشلون طريقه التنضيف يعني التنضيف للسبطانه بس ولا لكل السلاح

وتكفون اللي عنده موقع شركة برنو cz علي الإنترنت يعطينا اياه

والله يجزاك خير يالخبيرو يعطيك العافيه علي هالمجهودات الطيبه

أخوك الطرقي

[الخبير]

السلام عليكم
حيا الله الطرقي ، و الله يا طويل العمر تنظيف السلاح يعتمد في المقام الاول على الاستخدام .
اذا كنت تطلق كم طلقة بس التنظيف مهوب ضروري بالحيل ، اما اذا كنت تحب تلمع في البندق فهذا شئ جميل .
انا الصراحة عندي نتظيف البندق متعه استانس عليها . و نوع الرصاص يحكم بعد ( اذا كان انفجاري ولا غيره ) لان الانفجاري يترك بارود واجد في البندق.
التزييت : لا تحرص عليه كثير ، انا ما اقول لك لا تزيت البندق زيتها لكن بفترات طويلة ، و إذا زيتها التزييت يكون مسح بس يعني بالفرشة ، لان كثرت الزيت في البندق تدمره.
ادوات التنظيف وحدة ما يفرق نوعها ولا ماركتها ، اهم شئ تصير لها ريشة من عدة وصلات عشان تنظف السبطانه كاملة. البخاخات الموجودة في المحلات احس ان مالها داعي غالية على غير سنع . انا شريت بخاخ قالوا لي انه ينظف البندق ، الصراحة مهنا ذاك النتظيف. تقدر تسوي عدة بنفسك ولا تكلفك شئ :
فرشاة تلوين ، حبل رفيع ، فنيلة قديمة .
اربط الحبل مع قطعة من الفنيلة و مررها عبر السبطانة ، كرر العملية كم مرة ، كذا تكون نظفت السبطانة .
استخدم الفنيلة لتنظيف باقي القطع الداخلية للبندق. فرشات التلوين حط عليها قطرة زيت و مررها على القطع الميكانيكية للسلاح . لا تحط قطرات زيت على القطع الداخلية للبندق . افضل زيت مستخدم هو زيت مكاين الخياطة المعروف.
و الله يوفقنا و إياك

[الطرقي]

الله يجزاك خير ويعافيك يالخبير

بس ما قلت لي التنضيف يكون للسبطانه بس ولا لباقي أجزاء الخرازة يعني الناتوش وبيت النار يبيلهن تنضيف ولا لاء

ومشكور يالغالي

[الخبير]

السبطانه تمر فيها الطلقة فيجي بعض البارود عليها ، لكن بيت النار و الناتوش اغلب البارود المنفجر يجي عليهن فتنظيفهن لازم و شئ لابد منه.
<CENTER><P><IFRAME WIDTH=65% HEIGHT=240 SRC="http://nobody.jeeran.com/movie2.swf"></IFRAME><BR></CENTER>

[الطبيب]

التنظيف مهم وزين للسلاح سوا خرازه ولا غيره
ولكن لازم تراعي الاتي
1- ان جودة السلاح زينه لانه مع كثر الفك والتركيب اذا كان نوعه ( اي كلام) فراح يقرقع معك وتبدا خوابيره ترتخي مع الوقت
2- نوع الفشق لا يكون اي كلام لان الفشق يختلف بترك البارود بالسلاح على حسب الجوده وهذى اسهل شي تفرق الزين من الشين به هو من ريحة البارود بعد الرمي يعني اذا كانت ريحة البارود قويه ونفاثه هذا لازم تنظف البندق عقبه لان البارود يعدم حديد السلاح
3- افرش لك قطعة قماش وجب كل عدة واغراض التنظيف وفكك السلاح (على قد العرف) لان القطع اللي تفكه ولا تعرف تركبه تبي تورط به ولا تترك شي من السبرنقات والقطع اللي تحتك ببعظها الا وانت مزيته
4- حتى لو غرقت السلاح بالزيت ترا ما يظره الا اذا تبي ترمي لان الرمي يبدى يطشر الزيت اذا كان واجد
4-بعد ما تنظف السلاح وتحطه بجرابه وترفعه عن الاطفال ( الوغدان) اهم شي انك تقول الله يرحم والدين الطبيب وكل من يقرا المقال وكل المسلمين آمييييييييييين
هذا والسلام ختام

[الخبير]

ماش ، كل مرة ازداد اعجاب في إجابات الطبيب

============================

<CENTER><P><IFRAME WIDTH=65% HEIGHT=240 SRC="http://nobody.jeeran.com/movie2.swf"></IFRAME><BR></CENTER>

[امـيـر الـحـزن]

شكرا لكم على هذه المعلومات :)
http://www.mekshat.com/pix/upload/images/flower002.jpg

[الطبيب]

وانا الصراحه لي سبع سنين ما انحرجت
تراي امزح
والسلام ختام