طالبكم يالربع إستشارة فورية وعاجلة

[imad59]

السلام عليكم يا أخوان نويت أشتري سيارة يوكون دبل2009 ولا حصلت إلا مكينة 2500وجنط 17 وبعض الأخوان نصحوني ان السيارة ماهي زينة في البطانيج والمطبات وقاسية ولا تصلح للعائله هل هذا الكلام صحيح وهل المكينه 1500 أفضل وياليت تشورون علي لأني حجزت الأولى وإذا فيه أي معلومة ياليت تضيفوهاأوآخذ موديل 2010

[imad59]

يا أخوان وين الفزيعة والله وقتي ضيق وياليت أحد يرد

[ابو الشمقمق]

الله يكتب لك اللي فيه الخير
ثم ترا مكينة 2500 كبيرة جدا وقوية ولكن ماهو مرغوب بالسوق عند البيع وثقيل داخل الديرة جدا واذا ماعندك سيارة صغيرة تستخدمها بداله فما يصلح
اما مكينة 1500 عملية ومرغوبة وخفيفة وهي الماشية مع الناس مرة خصوصا من موديل 2000 الى يومنا هذا والله يوفقك



واما شوري عليك انحش عن مكينة 2500

طبعا الماكينة جت ثلاث انواع
ماكينة 5300 مرغوبة جدا جدا جدا جدا
ماكينة 6000 الدينالي غير مرغوبة
ماكينة 8100 غير مرغوبة مرررررررررررررة

[imad59]

رحم الله والديك أخوي أبوالشمقمق ونصيحتك على راسي وياليت المزيد من الإخوان يفيدونا وخاصة المجربين

[هاوي البرري]

كلام اخوي ابو الشمقمق صحيح

[imad59]

تسلم اخوي هاوي البرري وماقصرت

[علي101]

السلام عليكم يا أخوان نويت أشتري سيارة يوكون دبل2009 ولا حصلت إلا مكينة 2500وجنط 17 وبعض الأخوان نصحوني ان السيارة ماهي زينة في البطانيج والمطبات وقاسية ولا تصلح للعائله هل هذا الكلام صحيح وهل المكينه 1500 أفضل وياليت تشورون علي لأني حجزت الأولى وإذا فيه أي معلومة ياليت تضيفوهاأوآخذ موديل 2010

وعليك السلام ورحمة الله وبركاته
أولا: رأيتك تذكر ما تعتقده مساوء في السيارة فإن كنت متخوف فلا تشتري

وثانيا : المطاب والمطانيج في الجمس 1500 و 2500 متشابهة ( السيارة وحدة ) مع ثقل بسيط في الأكبر
وثالثا : مكينة 2500 أقوى وأقوى وأتعجب ممن يحذرك منها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ودمت بخير

[imad59]

بارك الله فيك يا أخ علي 101 على الرد اما من ناحية إني متخوف فلا ولكن الإنسان يدور الأفضل لكي لا يندم وأما شورة اللي قالوا ان السيارة اللي مكينتها 2500 قاسية لوجود سست بدل الياي وهذا اللي يخلي السيارة قاسية شوي .الله يعطيك العافية وماقصرت