أبيكم بكلمة راس== الي عنده يوكن == يدخل عاجلاً == معلومة ؟

[سواليف]

اخوكم سواليف له اول مشاركة بالمنتدى وعنده حول الـ 105000 ريال ابشتري سيارة للأهل والبزارين الله يحفظهم ونصحوني باليوكن ..وش رأيكم
اليوكن زين والا فيه عيوب

ابي مزاياه وعيوبه وهل الدبل زين والا بدون

شاكر لكم مقدماً...وتراني سعيد بينكم

محبكم
سواليف

[الـ ع ـارض]

مدام تبيه للاهل مهوب للبر توكل على الله وخذ العادي بدون دبل هذاه معي موديل 2000 دبل وكاده كد الويل وما شاء الله عليه ما عمره خلابي ابد لا بالبر ولا بالديره وصيانته عند اطرف سباك :) مهيب معقدة صيانته ولا شي

استخر وتوكل على الله


( مازال صدامه حديد مهوب مثل اليابانيات فيبر )

[محب الشمال]

شباب الي عندة معلومات عن اليوكون يفيدنا اكثر
وشكراً لكم
نبي عيون اليوكون والمميزات

[ناصح]

نصيحة لله

اانتبه انتبه انتبه

انا مجرب اليكون ما ينفع نهائيا الميزة الوحيدة فيه هي السعة الداخلية

لكن في السفر وفي الرحالت توهيقة دائما يخرب وتتورط لان قطع غيارة غير متوفرة ولو وجدتها غلية جدا

[السالمي]

شف وانا خوك اللي يقولك انحش ذا راعي قنص وروحات وجيات

بالعربي الموتر اللي تحت رجله يشكي من قو ماهو لاعبن فيه

وبالحاله ذي مايتحمل اليوكن زي التايوتا واخص بالتايوتا القديمات والا الجدد مامن تحمل بعد

لاكن بقولك اللي اعرف مع اني ماجربت لاكن اللي اسمه

واخبر ناس جربوه

هو من ناحية القوه اقوى من الـ vxr وهذا شي ما احد ينكره

ولايصرف بنزين يعني بأمكانك تسافر فيه مسافة 800 كيلو وانت مرتاح لاصرت راكد بالسواقه


وثاني شي وسيع اوسع من الاندكروزر ومريييييييييييح اكثر منه

واللي يقوللك ان قطعه غير متوفر ذا غلطان مع احترامي له قطعه متوفر زيه زي الجمس

وبرخص التراب بعد الا الاشياء الحساسه بتكون غاليه اكيد وهذي بكل السيارات

ونصيحه دامك شاري شاري لاتاخذ الا دبل لان مافيه فرق بالارتفاع زيه زي العادي

والدبل ينفعك مايضرك لامن بغيت تطلع لك في محل فيه طعوس يزبنك ماتقعد تفرك يديك تحت والناس فوقك

لاكن يعيبه شيئين على حسب ماسمعة اول شي ترى قيمة تنزل يعني كانك ما انت مستخدم لاتاخذه

والثاني ثقيل لاطاح في رباضه والا شي تبي تبطي ما طلعت مع ان دبله قوي على حسب ماسمعت

لاكن الموتر ثقيل لا غرز انا اقولك خذه وتوكل على الله موتر معروف واقرب واحد يسويله صيانه

الناس سبة الدوج وسبة الشروكي وسبة الاكسبلور والاكسبدش وسبة جميع الجيوب

وما في راسها الى الاند كروزر فيه مواتر كثيره جربوها الناس ونجحت معهم وماشيه زي الحلاوه

[ناصح]

مع احترامي للأخ الكريم السالمي

انا لست راعي مقناص ولا اقود السيارة الا بكل رفق وانا من النوع الذي يحافظ على السيارة

لكن لي تجارب مع الجمس واليكون والشيروكي كلها فاشلة في الصحاري

الميزة الوحيدة في الجمس واليكون هي السعة الداخلية فقط

و توبه اني اروح بر بعيد بها لأني اكلت مقالب محترمة منها وفي الاخير اضطر ان استعين بمن يسعفني في توصيلي لأقرب شارع ازفلت علشان اجيب سطحة تنقلني للرياض لأن ما فيه قطع غيار ولو فيه أهل الورش لا يعرفون كيف يصلحونه لشدة تعقيده ومشاكلة

في الحقيقة اليكون والشروكي حدها حول الرياض فقط كي لا تتورط خاصة إذا صار معك عائلة

[(محمد العبري)]

السلام عليكم ورحمة الله
الخلاف في جودة السيارات ورداها قديم ولكن انا ابقول شي ؟
وهو ان كل سيارة لها ميزات وعيوب يعني التايوتا والنيسان والشروكي واليوكن بهن ميزات وبهن عيوب !!!
لكن انا جربت وكشت بيوكن وكشت ب VXRوكذلك GXRوياجماعة صدقوني كلهن أعجبني وتراهن مهمب لي
حقات الربع بس انا أحب السواقه بالبران والخطوط عموماً لو بغيت أشتري الحين سياره كان شريت يوكن فل كامل
ودبل لعدة أسباب :
1- قوته في الطريق والبر
2- سعته الداخلية
3- دبله القوي بالحيل
4- على الخط كنك راكبلك بيوك خص إذاصار جلد زي اللي عند ابو عبدالله خويي
5- مميزات الكمبيوتر وبرمجة المقعد ودعاسات البنزين والفرامل
6- اللي يركب في المقاعد الخلفيه أسئله عن اليوكن وعن غيره
7-اقتصادي بالبنزين
_______________________
ومع العلم انك لو شريت تايوتا تراك معك حق لكن اتوقع بفلوسك ماتاخذ مواصفات كامله يعني مراتب عاديه مافيه مثبت مب تماتيك ((معنه اثبت التماتيك بالتايوتا وبالبران جودته )) مع احترامي للمخالفين .
ــــــــــــــــــــــــــــــــــــــــــــــــــ ـــــــ
اخوي احب امدحلك سياره خابره رخيصه وجربته بالبر وممتازه والحين الناس متوجهين لها بقوه بس تراي مادري عن صيانته وقطع غياره وهالسياره هي الباجيرو ((المستوبيشي ))وتر مقاعده الأماميه رائعة ومريحة جداً
وشكراً لكم
وأتمنى ان تتوفق بشراء السيارة الي تنا سب أحتياجك .

ملاحظة : اذا عزمت على اليوكن لا تشري إلا الدبل تراه مب خسارة

[السالمي]

اخوي ناصح انا ماقصدي اتهمك او شي لاسمح الله

انا قلت الكلام اللي قلته من واقع تجربه

ومعي شروكي وقراند شروكي بعد ماهو كلسك بس 6 سلندر

طلعت فيها للبر كذا مره وطلعات بعيده وقريبه والحمدلله ما اشتكيت منه اي شي

لاحراره لاصرفيه عيبه انه اصغر من الاندكروز بالحجم بس وبالنسبه لي حجمه مناسب جدا

واقل شي شيل اربعه اشخاص مع عزبتهم والخيمه وهذا يكفي من وجهة نظري


وبعدين وانا اخوك بالعقل يوم تقول ان مافيه احد يعرف لليوكن او الشروكي

ياخوي بالنسبه لليكون تراه جمسك والسلام اللهم حجمه اصغر

والشروكي معروف من قبل ولاتنسى انه هو اللي مورد اسم الجيب واللي صار ماشي مع اي سياره ذات دفع رباعي

يعني الموترين تبي تلقى من يصلحها ولعلمك ماشيه مع الناس

يمكن انت ماوفقك ربي في موتر صاحي وعميت العله فيهن كلهن

[سواليف]

جزاكم الله خير ياجبايب والله احرجتوني بالمشاركات الله يجعلها بموازين أعمالكم

يا أخوان ذكرولي ان اليوكن الدبل ثقيل وفيه حنه بالخط

وش الرأي

[(محمد العبري)]

على حسب علمي ومن خلال تجربتي
فلابه حنه ولا هو ثقيل ماشاء الله الا ينوز ويسابق البنوز

[ممتر البران]

توكل على الله بس وخذ>>>>>>>>>>>>> يوكون
بيمشيك وخصوصا اذا ما جلدته بالبران
اذا رفقت عليه بيمشي معكم وين ما وجهته
سم بالله وخذه

[السالمي]

توكل على الله وخذه يارجال

ولاتنسى تاخذ دبل

وترفق ترى فيه انواع منه يجي المكيف موزع فوق البيبان الخلفيه

وفيه نوعيه تجي فتحات المكيف في النص ز طريقة النيسان

الكلام ذا انا اخبره في الـ99 مدري عن الجدد وبعدين ترى فيه نوع يجي فيه شاشه عرض dvd

يعني تنقى موتر ترتاح معه لانك راح تستخدم

[ابو شكاع]

اليوكون

معي يوكون 2002 .دبل......ولولا وجود التزامات واولويات في حياتي كان بعته واشتريت 2005

موتر رهيب ...,ما يخلي من العيوب .... فيه وساع افضل مليون مرة من الجيب .....خفيف ....الغريب انه في كتلوجاته الدبل اقل ارتفاع ب 5 سم من السنقل
مريح جدا على الطريق ..... تمشي 160 وانت ما تدري ....... قطع غياره ....الفحمات امامي وخلفي ب 750
في الصيف تهشمت الزجاجة الخلفية اللي فوق الرفرف الخلفي .... عند الوكالة في ابها ب 2400 ريال وشوي

عند محل في صناعية ابها لقيتها ب 1600 ريال وركبتها .....غاليه الصراحة

مطبه بالبر قوي خصوصا اذا الكفرات فيها هوى واجد ....... رحت عليه الصمان وقطعته من شماله لجنوبة ولا اروع وما قرقع ولا شي

موتر رائع وما يخلو من العيوب

لكن لا تنشد واحد مثلي شاريه وهو معجب فيه من قبل ما يشريه ب 7 سنوات

[Mohammad]

قرأت جميع التعليقات واحب ان اشارك بالاتى:

تويوتا تمسك قيمتها ولو شريت مستعمل قريب للجديد فلن تخسر عند البيع ربما تكسب وربما تخسر شىء قليل.

صيانة تويوتا متميزه من التجربه ولم اجرب صيانة الامريكى لاننى لم امتلك سياره من هذا الصنع

الموديل الجديد من تويوتا قريب قد يكون نهاية 2005 او نهاية 2006...اسأل خبراء السيارات

كنت ارغب فى يوكون ولكن شكله وبصراحه (قبيـــــــــــــــح)!

اكيد يوكون مريح اكثر ككل الامريكى
اكيد قوى ولكن ثقيل وكذلك فى اكس ار ثقيل
اكيد يوكون اوسع

الزبده::: اذا كان وضعك المالى زين وتبي الراحه والوساع يوكون طيب

اذا كان وضعك المالى محدود ولا تتحمل التغيير فخذ تويوتا VXR او GXR واصبر عليها ولن تندم ابدا باذن الله
ميزات اليوكون لا تستحق المجازفه ابدا.

عن نفسى لو توفر التمويل وتحسن مظهر اليوكون كنت وضعته من ضمن اختياراتى مع VXR ولفكرت فيه بجد


نصيحه استخير الله والله اعلم

[سواليف]

الاخوة جميعاً السلام عليكم

ابشركم شريت يوكن وطلعته اليوم وخذت الدرجة الثانية الي برفارف ولونين والحقيقة اني اول مرة اسوقه في حياتي بسم الله ما شاء الله عيني عليه باردة والله الموتر تبارك الله بدون دبل

شاكر للجميع مشاركاتهم ونصائحهم الله يجازيكم بالخير يانعم الرجال

مع تحياتي لكم

سواليف

[ناصح]

مبروك

الله يعطيك من خيره ويكفيك شره

وسوف تبدي الايام ماكان خافيا ...!!!

[(محمد العبري)]

مبارك
الله يطعمك من خيره ويكفيك شره
الله يجعله فال خير عليك

[القناص]

انا كان عندي يوكن للعوال مهوب دبل 2001 كديناه وانبسطنا فيه
ونشب فيني واحد وبعته اياه ب 75 الف
وحسينا بالغربه عقبه
ورحنا وشرينا يديد من الجميح ب 103الاف
انصحك واشد على يدك وادعوا لك بالتوفيق والسلامه
هو اللي يصلح للعوال
مريح وواسع واجودي
توكل على الله
معظم ملاك اليوكن ادمنوه
وفقنا الله واياك

[مناسب]

الله يبارك لك ويخلف عليك بالمال