اكسبدشن ( دبل)(بدون دبل)

[كاشف القارات]

كيفكم شباب
انا ودي اعرف هل اكسبدشن2010 بدون دبل يمشي في الطعوس الخفيفة ولا ابد مايجمل لابد من الدبل
طبعا فئة ستاندر
ولكم كل الشكر

[بن سليمان]

ما اتوقع فيه موتر يمشي بالطعوس الا بالدبل حتى لو كانت خفيفه وخصوصا اذا كان الموتر مثل حجم الاكسبدشين الا في حاله وحدة اذا دك السيل النفود
العب على المضمون وخذ دبل

[مسفر الاكلبي]

الموتر اللي مافيه دبل ماله امان في البر

[بدوي جنوبي]

سياره بهذا الحجم بدون دبل
تقهر

[المارينز]

هالحين السيارات اللي مثلها وبدل يالله تمشي

وتبي بدون دبل تجمل

[آل زايد502]

والله انصحك بدبل لان الاكسبديشن ثقيل يعني لو كنت ناوي تدخل فالبر ماله امان والله

[ابوسعدالحربي]

:f شكرا على موضوعكم المتميز:f

[كاشف القارات]

يعطيكم العافية ياشباب
بس انا من النوع كشتات عائلية خفيفة يعني مو حق قص وهالشغلات كشتة من قريب
وماقصرتو كفيتو ووفيتو

[كاشف القارات]

طيب وش رايكم بفئة الاستاندرلون اسود حلو
دورت على لؤلؤي يقولون ماينزل بس نزل في 2009 اما 2010 مانزل عليه
ومن ناحية العزل الحراري وش تنصحون به اي شركة الوكيل عنده شركة اسعارها 2200
واذا تبيحقالترميل 2000 زيادة احس انه غالي ولا انا غلطان ياشباب

[ابو نوره 2006]

اهم شي الدبل ......... الموتر ثقيل جدا اكثر من 5 طن وزن السياره

[كاشف القارات]

ابو سعد الحربي
شرفني مرورك عزيزي

ابو نورة
لدرجة هاذي الموتر مايخارج الله يعين

[s3ads]

خلك مثلي

واضح انك بتشتري مستعمل دامك تقول 2003 !!!

ان كنت ناوي تاخذ مستعمل ودامك راعي كشتات خفيفه ولقيت سياره نظيفه بدون دبل فالافضل تاخذها

اما ان كنت تبي جديده فالافضل تاخذ بدبل

[كاشف القارات]

اخوي s3ad
انا باخذ جديد2010

[.أبوعبدالرحمن]

شوري عليك خذ دبل وريح بالك ولو كنت ما انت راعي طلعات ابدا

لان الدبل ان نفعك والا ما ضرك خله في السيارة ولا هوب يتعب السيارة لكن فايدة قوية جدا

الوالد معه واحد لكن بدون دبل والله قاهرني مرة والوالد شاريه لانه منحد عليه وهو شاريه مستعمل

ولا لقى شيء نظيف بدبل النظيف بدون دبل وتوكل على الله وخذ له واحد بدون دبل اسود والله يبارك له فيه

[كاشف القارات]

ابو عبدالرحمن
جزاك الله خير