تغسيل الكفرات بالصابون مضاره وفوائده

[مشغول]

السلام عليكم ورحمة الله وبركاته

حي الله الربع

يوم الثلاثاء الماضي غيرت الكفرات ... والكفرات القديمة مركبها من سنة وعشر شهور يعني مو قديمة مرة قلت لراعي البنشر ليش الكفرات صارت كذا .. قال من الغسيل بالصابون الفيري ومن التلميع به ..

طيب إذا كان الصابون فعلا يضر الكفرات فهذه مشكلة .. وشلون ننظف الكفرات .. طيب إذا كان الفيري او اي منظف صابون .. او بخاخ stop مضر للكفرات وش الحل ؟؟؟

قديما كنا نغسل الكفرات بموية وسكر .. او بعلبة بيبسي :) بس والله تطلع سووووود من جد

[السالمي]

تصدق بالله قد سمعة الكلام ذا من واحد قبلك

لاكن الشكوه لله دايم نغسله ونفركه بذا الفيري لين يصير انصع سوادٍ

[السويبع]

موتر البر ماغسلنا بديه عشان نغسل كفراته
اما موتر الديره يكفي الماء

[وين يبون بنا]

الا على طاري الصابون يا اخ مشغول .. وش ركبت كفرات ؟؟ :good2:

[مشغول]

هلا والله بالسالمي .. شكرا على مداخلتك .


السويبع.. كيف الحال .. أما انا نغسل البدي والكفرات وكل شيء .. موتر بر كان او ديره .. والله يعين .


وين يبون بنا .. على طاري وينك من زمان ما شفنا لك مشاركة

اما الكفرات ركبت مشلان فرنسي .. على كيف كيفك .


شكرا لكم جميعا .

[شاص]

صابون الفيري أو سوائل التنظيف المخصصة لغسيل الأواني ثؤثر بلا شك إذا استخدت في غير ما خصصت له لأنها تحوي مواد كيماوية تساعد عل تفكيك الدهون وبالتالي إزالتها وهي تؤثر أيضاً على بوية السيارة والأفضل استخدام المنظفات المخصصة السيارات

[ناصح]

صابون الفيري أو سوائل التنظيف المخصصة لغسيل الأواني ثؤثر بلا شك إذا استخدت في غير ما خصصت له لأنها تحوي مواد كيماوية تساعد عل تفكيك الدهون وبالتالي إزالتها وهي تؤثر أيضاً على بوية السيارة والأفضل استخدام المنظفات المخصصة السيارات

فعلا هذا هو الصحيح

احسنت يا أخ شاص

[ابوصالح91]

انا رايي من راي اخوي شاص
لان لوتلاحظ السياراتالي تغسل بالفيري كل يوم تلقا الكف متقطع
وممسح بعض الخط