@@ وش رايكم فيب هالموتر الغريب؟ - الي خابرينه لايبخلون علينا برأيهم @@

[الكرينكوف]

السلام عليكم ورحمة الله وبركاته

هذا الموتر المخزن - مدفون ورى البيت له ثلاث سنوات مااندق سلفه

v
v
v


http://www.mekshat.com/pix/upload03/images145/mk150963_da1.jpg

http://www.mekshat.com/pix/upload03/images145/mk150963_da2.jpg

http://www.mekshat.com/pix/upload03/images145/mk150963_da3.jpg


المهم انه دايو كوراندو ديزل تيربو باب واحد دفع رباعي

موديل 2001

وممشاه قليل على ما اعتقد

جا في بالي اني اظبطه واشغله واستخدمه وابيع الجيب الي عندي - معروض في قسم البيع

لكني محتار وخايف في نفس الوقت لانه دايو واخاف انه مايجمل في البر ولايتحمل الكد

فتكفون ياهل العون الي عنده خبره بهالموتر او رأي أنه لايبخل علينا برأيه ونصيحته ومشورته

وانا بعد توفيق الله ومشيئته معتمد على رأيكم ونصيحتكم

إن نصحتوني به عز الله اني باشغله وباصلحه ان كان خربان وباستخدمه

<< لانه موتر الوالد وهو مستغني عنه

لاعدمناكم يالذيابه

[abuziyad3]

أحس السيارات ذي تخوف

:)

أنا ما لي خبرة والله .. أسأل الله أن ييسر لك الصالح

[الغريب 2000]

اخوي بكم تبيعه وريح راسك من الورش عجل وعلمنأ بكم ؟

[وادي الصحراء]

كان طلعاتك قريبة وساعات وانت راجع للبيت خذه
وان كنت راعي طلعات بالايام فلا تقربه

[aooa]

ان شاء الله يفيدونك اصحاب الخبره ... اما انا فلا علم لي بهذا النوع من السيارات

والسزوكي عندي افضل اذا تبي موتر صغير وموتر بر

[الكرينكوف]

أحس السيارات ذي تخوف

:)

أنا ما لي خبرة والله .. أسأل الله أن ييسر لك الصالح


لاتخوف ولاشي , اسم الله عليها

وجزاك الله خير على الدعوات الطيبة

[الكرينكوف]

اخوي بكم تبيعه وريح راسك من الورش عجل وعلمنأ بكم ؟


ماهو للبيع الله يحفظك

والموتر للوالد الله يطول في عمره

[الكرينكوف]

كان طلعاتك قريبة وساعات وانت راجع للبيت خذه
وان كنت راعي طلعات بالايام فلا تقربه



طلعاتي والله بعيده وطويله

لكن يوم انك تقول لاتقربه هل هي من تجربة؟

ارجو الإفادة والتوضيح حتى اطمأن

[الكرينكوف]

ان شاء الله يفيدونك اصحاب الخبره ... اما انا فلا علم لي بهذا النوع من السيارات

والسزوكي عندي افضل اذا تبي موتر صغير وموتر بر



صدقت

السزوكي انا اشهد انه موتر جبّار وصبور

كان عندي واحد موديل 97 فيتارا 6 سرندل تجمل معي سنين وخدمني وخذ قوه وخذ تحمل وتماسك

ولايصرف بنزين ولايطلب قطع غيار لانها نادر نادر نادر ماتخرب

<< يتغزل في الموتر

لاتلوموني يالربع لاني انقلبت فيه وبعته تشليح والا الموتر ذاك ماينباع

[.أبوعبدالرحمن]

حط الشيء هذا في بالك وبحكم تجربة


موتر ماهوب منتشر لا تقربه

بعه وبقيمته اشتر جيب سوزوكي افضل

ولا تنسى ان الديزل صيانته غثا ووجع راس وغالية بالحيل

[الكرينكوف]

حط الشيء هذا في بالك وبحكم تجربة


موتر ماهوب منتشر لا تقربه

بعه وبقيمته اشتر جيب سوزوكي افضل

ولا تنسى ان الديزل صيانته غثا ووجع راس وغالية بالحيل



كلامك صحيح لكن مو على إطلاقه

فيه سيارات مو منتشره ولكنها زينه وقوية بس سعرها غالي او شكلها مو حلو او..

لكن يقولون ان مكاين الديزل قوية وتتحمل فهل هذا الكلام صحيح

خاصة اني سمعت ان السيارة ذي مكينتها مرسيدس إن ماخاب ظني

[جداوي صميم]

والله اول مررة اشووفها

[الخفاره]

تكفى انحش عندنا واحد ماشي 60 الف وكل يوم في ورشه مع ان مكينته مرسيدس بس تجميع الصين

[الستانس]

لا تبيع موترك

وهذا اخسر عليه الفين

ووسع صدرك به

لان وقفته خسارة

[كاشخ 24 ساعه]

انا من رايي تجربه وتشوف وعطه الساخن وانص به اطول عرق وجربه

وامسك لك خط وشغل المكيف وشف الحراره

للمعلوميه

احد جيراني معه سياره سيدان دفع رباعي اسمها سوبارو يسابقنا على الطعوس ولها معه اكثر من 10 سنين وما عمرها أشتكت ابد



انت جرب هالموتر وان شاء الله بيعجبك

[سوبر152]

اقول أنا الطلعات خذلها أحسن المواتر **ترى العمر مادوج به البياع ولا بسط به الصيدلي
الله من واحدوهقنه رديات السيايير** وغابت شمسه من بعد ماكان راعي طولات ولها ينادي
ثمن نفسك وحزلها غالي الامهار ** تونس حالك وتعزها وسط العيال والزمان فاني
هذي بويتات انشدتها لاجل ماتحتار** يالغالي وكل اصيل بالحق لازم النصح له يقالي

[شمالات نجد]

دايو.. خله لأهله وأنا أخوك

ولو في البوم خير ما تركه الصياد

سلام

[راعي الطلعات]

ما انصحك بالدايو كثيرة الخرابات وقطع غيارها غاليه

وترى الشركة الكبرى وقفة من صناعة سياراتها وشرتها جنرل موتورز

وانت وبكيفك والله يوفقك بالي فيه خير

[الكرينكوف]

والله اول مررة اشووفها



ههههههههههههههههههههههههههههههههههههههههههههه

[الكرينكوف]

تكفى انحش عندنا واحد ماشي 60 الف وكل يوم في ورشه مع ان مكينته مرسيدس بس تجميع الصين



اذا عندكم زيه بالضبط دق على جوالي للأهمية الله لايهينك
0558789777

[الكرينكوف]

لا تبيع موترك

وهذا اخسر عليه الفين

ووسع صدرك به

لان وقفته خسارة



هذا الي بيسير والله اعلم

[الكرينكوف]

انا من رايي تجربه وتشوف وعطه الساخن وانص به اطول عرق وجربه

وامسك لك خط وشغل المكيف وشف الحراره

للمعلوميه

احد جيراني معه سياره سيدان دفع رباعي اسمها سوبارو يسابقنا على الطعوس ولها معه اكثر من 10 سنين وما عمرها أشتكت ابد



انت جرب هالموتر وان شاء الله بيعجبك



نصيحة طيبه من رجال طيب

لكن اخوي فيه فرق بينه ويبين السوبارو

السوبارو ماركة قويه والظاهر انها يابانيه

بس هذي كورية والمكينه مرسيدس

[الكرينكوف]

اقول أنا الطلعات خذلها أحسن المواتر **ترى العمر مادوج به البياع ولا بسط به الصيدلي
الله من واحدوهقنه رديات السيايير** وغابت شمسه من بعد ماكان راعي طولات ولها ينادي
ثمن نفسك وحزلها غالي الامهار ** تونس حالك وتعزها وسط العيال والزمان فاني
هذي بويتات انشدتها لاجل ماتحتار** يالغالي وكل اصيل بالحق لازم النصح له يقالي



صح لسانك ياسوبر

[الكرينكوف]

دايو.. خله لأهله وأنا أخوك

ولو في البوم خير ما تركه الصياد

سلام


كن متفائلاً على قولتهم

والمواتر بعد توفيق الله سبحانه على استخدام راعيها

وقد ماتعطيها تعطيك

[الكرينكوف]

ما انصحك بالدايو كثيرة الخرابات وقطع غيارها غاليه

وترى الشركة الكبرى وقفة من صناعة سياراتها وشرتها جنرل موتورز

وانت وبكيفك والله يوفقك بالي فيه خير


جزاك الله خير
دعوة طيبه من رجال طيب