نصيحه لاصحاب الباترول 4500

[سلطان 997]

يا اخوان اناكانت تجربتي مع الباترول صعبه من ناحيه الحراره
والحراره كانت دائما علي خط الربع واذا وقفت والمكيف شغال وتاخرت شوي ارتفعت فجاه للنص
واذا عسرت الموتر او اذا كنت توي واقف من خط ارتفعت
واذا طفيته وحرارته الربه ورجعت اشغله بعد 5 دقايق اتفاجئ واذا هي النص
وهذا ممكن يسبب شعر للراس المكينه
وكانت المشكله عندي هي تماتيك المروحه
وركبت ما يقارب 8 كلتشات ولا فيه فايده رحت لقطع الغيار وعطان اكثر نوع الي ياباني والي اصلي والي ما ادري ايش وكل محل يعطين شكل مختلف يعني مو متفقين علي نوعيات وحده
وابشركم تخسرت وركبت تقريبا كل الانواع وانا ما ودي والله تمر عليكم مثل ما مر علي
وكنت من اشد الاعداء للمراوح الكهرب علي اساس انهن ما ينفعن ولا به شي مثل البلد
وانا يا اخوان الي الان اقول ما مثل البلد بس اذا كانت قطع الغيار كلها مغشوشه مالك الا البديل بتقولون رح للوكاله والله العضيم اني رايح للوكاله ومشتري كلتش ب 950 ريال يقولون ان هذا هو الاصلي الي اعلي درجه ولا نزل ولا ريال
وماودي اطول عليكم(يقالي ما طولت :d )
البديل هي مراوح سوبارو بس ماراح تنجح معكم الا بشرط وهو تبديل بلف الحرارح من درجه حراره 76.5 الي82 درجه مئويه والبلف الي يركب عليه هو بلف الباثفاندر 2002 يجي 82 درجه وتجي قطعه زائده من تحت ممكن لازم تشيلها ويصير عندك مثل البلد وراح تكون الحراره علي الربه وراح يحتمي الحمو الي ما يخليك تقرب الكبوت لانهكان اول معذبنا بالحمو والحراره
والي يشكل عليه شي ممكن يراسل علي الخاص بالنسبه للبلف الباثفاندر ومع السلامه واسف علي التاخير.

[شين بس مملوح]

يعطيك العافية
ومشكوووووووووور

[الشنه]

مشكوووووووور

[قطب 999]

يا اخوان اناكانت تجربتي مع الباترول صعبه من ناحيه الحراره
والحراره كانت دائما علي خط الربع واذا وقفت والمكيف شغال وتاخرت شوي ارتفعت فجاه للنص
واذا عسرت الموتر او اذا كنت توي واقف من خط ارتفعت
واذا طفيته وحرارته الربه ورجعت اشغله بعد 5 دقايق اتفاجئ واذا هي النص
وهذا ممكن يسبب شعر للراس المكينه
وكانت المشكله عندي هي تماتيك المروحه
وركبت ما يقارب 8 كلتشات ولا فيه فايده رحت لقطع الغيار وعطان اكثر نوع الي ياباني والي اصلي والي ما ادري ايش وكل محل يعطين شكل مختلف يعني مو متفقين علي نوعيات وحده
وابشركم تخسرت وركبت تقريبا كل الانواع وانا ما ودي والله تمر عليكم مثل ما مر علي
وكنت من اشد الاعداء للمراوح الكهرب علي اساس انهن ما ينفعن ولا به شي مثل البلد
وانا يا اخوان الي الان اقول ما مثل البلد بس اذا كانت قطع الغيار كلها مغشوشه مالك الا البديل بتقولون رح للوكاله والله العضيم اني رايح للوكاله ومشتري كلتش ب 950 ريال يقولون ان هذا هو الاصلي الي اعلي درجه ولا نزل ولا ريال
وماودي اطول عليكم(يقالي ما طولت :d )
البديل هي مراوح سوبارو بس ماراح تنجح معكم الا بشرط وهو تبديل بلف الحرارح من درجه حراره 76.5 الي82 درجه مئويه والبلف الي يركب عليه هو بلف الباثفاندر 2002 يجي 82 درجه وتجي قطعه زائده من تحت ممكن لازم تشيلها ويصير عندك مثل البلد وراح تكون الحراره علي الربه وراح يحتمي الحمو الي ما يخليك تقرب الكبوت لانهكان اول معذبنا بالحمو والحراره
والي يشكل عليه شي ممكن يراسل علي الخاص بالنسبه للبلف الباثفاندر ومع السلامه واسف علي التاخير.

بلف الحراره اذا غيرته الى درجه اعلى زادت الحراره والرقم الادنى تنزل مع العلم ان الحراره مهيب بس اسباب مروحه وكلتشات عندك الطرمبه- الرديتر-توقيت الاشتعال البواجي-نضافة الرديتر من الخارج وعدم وجود معوقات خول الهواء للتبريد -الخراطيش-البلف الخربان وقافل-ماء الرديتر بعض النوعيات تجي ثقيله وتحتاج خلط(انصحك تستخدم ماء تويوتا الاحمر ما حتاج خلط وعلى اسمه ) الجالون 35 ريال - ممكن تشبك المروحه بس الصوت طياره والمكينه بتكون ثلج

[مقلع الرمث]

سيارتك فيها مشكله توقعاتي غير تماتيك المروحه

ممكن الراس يبيله مسح بسيط

عندك الديلكو اذا انفر ترتفع درجه الحراره

عندك الاديتر اذا امسكر ولا ملحم وامسكر يسوي ارتفاع للحراره

عندك مويه الاديتر لا تحط الا اي سي دلكو

عندك طرمبه الماء ممكن دفعها ضعيف ولا تبرد الماء

عندك الشكمان ممكن يكون منسد ويسبب حراره للموتر

فيه اسباب واجد وواجد لكن انا اللي اعرفه ااذا ركبت

مرواح كهرب ترتفع درجه الحراره عندك اشوي

والمكيف لك عليه

بالتووفيق

وشكر على النصيحه

[بيكال فيبر]

مقلع الرمث بالعكس المراوح عكس كلامك تماما

وبالتوفيق للجميع

[سلطان 997]

بالعكس اخوي انا جربت شبكه المروحه ولنتيجه ارتفعت الحراره نتيجه تحميل المروحه الزائد علي المكينه واذا علي الراس انا مركب راس اصلي من الوكاله قيمته 3500 ريال
اما بالنسبه للبلف كل ما كان اعلي انت تحافض علي ثبات الحراره وتضمن تخزين كميه ماء بارد اكثر بالراديتر ومن فوائد البلف اذا كان حرارته عاليه تضمن تبريد سريعه للراديتر وثبات درجه الحراره علي المطلوب
وموتري بعد ماركبت له المراوح والبلف نجح نجاح مبهر وانا اضمن هذي الحركه للي يبي يركب مراوح بي بشرط ما يكون عنده اي مشاكل اخري تسبب بارتفاع الحراره
وتمنياتي لكم بالتوفيق

[سفاري959]

المراوح انا ركبتها على باترول 92 كانت حرارته الربع وركبتها عشان يخف الموتر وافتك من صوت المروحه المزعج بس الحراره بعد المراوح صارت توصل النص والله احيانا اسكر المكيف خاصه بوسط الزحمه يعني بلد بالنسبه للحراره احسن بكثير حتى اني اعرف ناس يركبونها في الشتاء ويرجعونه بلد في الصيف

[m1m]

أما أنا الحمد له .. اعتبر نفسي من أوئل من ركب مراوح كهرب على الباترول قبل 8 سنوات وكان التركيب مباشر مع السلف ما كان فيه ترهيم صح مثل الآن .. ركبتها على موديل 90 وكانت النتيجة فل فل .. وممتاز ..

وركبتها على 98 وحصلت في البداية مشاكل مع الدينمو والحساس والكتاوت لندرة الأصلي .. ثم تم حلّ المشكلة

البلد ليس صح على طول .. كل شي له ميزة وكل شي له عيب ..

بالنسبة للحرارة عندك مش طبيعية أصلا يعني مش من الكلتشات .. هناك مشكلة لم تكتشفها أنت ..

عندي غيرت لمراوح كهرب لإطالة عمر المكينة .. وابعاد الحنّة .. والعزم ..أما الحرارة ممتازة في جميع الأحوال


عموما الله يكتب لك الخير

[سلطان 997]

اخوي سفاري اذا اتبعت كلامي وركبت بلف 82 حق تايوتا يركب علي المديل الي من 97 وتحت
صدقني ماراح ترتفع ابد عن الربع واتحدي اذا وصلت النص
كلامي هذا جربه انا شخصيا علي باترول رفيقي 91 ونجح جرب وشوف ورد لي