تكفون يا اهل الخبره ابي مشورتكم

[سعدالقحطاني]

بسم الله الرحمن الرحيم
السلام عليكم ورحمة الله وبركاته
والله يالربع اليوم انقهرت وتمنيت ان عندي موتر دبل
كان عندي اليوم ظيف وهو عمي وشايب وتمنيت ان عندي سياره دبل كان استانس من مناظر بالديسه وهذي الي ما يعرفها بتبوك
ولاكن قدر الله ان تكون سيارتي كامري
بالمختصر انا عزمت ونويت بعد التوكل على الله اني اشتري سياره دبل
والله اني محتار بين تويوتا ونسيان
مع العلم اني مو راعي طلعات بر وطعوس ونفوذ
راعي طلعات خفيفه يوم ويمين قريبه لاكن راعي سفر بر يعني ما سافر طايره واشحن سيارتي اسافر بر واستانس بالتمشيه
مع العلم ان ناس كثير يمدحون الباثفندر وناس الاف جي وناس تمدح اليوكن
وناس تمدح الارمادا المهم ابي مشورتكم ولا خاف من استشار
اخوكم الصغير سعد القحطاني

[king ranch]

الميزانيه تحدد لك نوع السياره

[هاي لكزز]

اخوي كل سيارة لها طابع خاص
يعني الاف جي يعتبر رياضي + الغمارة الثانية صعبه الركوب ( للحريم )
السعر بدون تراكشن 114 الف و مع التراكشن 121 الف من عبدالطيف جميل
ولا تسئلني وش التراكشن هزيت راسي ومشيت يوم سمعت السعر
السيارة جداً قوية وناس تقول عملية وعيبها بس الرؤية الخلفية وحطو لك كميرا بالمرايا الخلفية

الباثفندر سعر اقل نوع توماتيك 106 الف امريكي الصنع مركب النيسان على الخط جاااامد العيب صعب التصريف عن البيع + ثقيل بنفود وطامن شوي

اليوكن ما اعرف عنه الا انه مركب شيوخ + على الخط مو مريح الا فخامه
بختصار عيوب الاند كروزر النساها معه
العيب الثقل في النفود انا سئلت عن التاهو قال لي 125 الف ريال - معرض -


انت وش تبي منهم فخامه او راحة لك او للعائلة
كم تقدر تدفع
كم سنة تتوقع تستخدم السيارة
كم سعر البيع المتوقع بنسبة لك

اخوي أنت الي تحدد ونصيحة لا تستعجل و صل صلاة الاستخارة والله يدلك ولا يحيرك

[راع الشوزن]

شف يا اخوي.

إن كان عندك حول 150000ريال فعليك وعلى الهمر H3 الفا ثمانيه سلندر.

تحفة ححيح.

وإذا تبي مستعمل وسعر عقول فعليك بالباثفندر القديم او الشيروكي القديم او الباترول الربع القديم.

وسلامتكم.

[سعدالقحطاني]

بالنسبه للمبلغ ما عندي مشكله يتدبر والنيه اقساط
ابي لي سياره وكاله وتخدم ولا لي نيه بيع قريبه

[قطب 999]

شف هالمزيون لك وللزمن والقيمه حول ال 110

توجد انواع وارد الخلج مميزه

مع العلم ان الغليون غير موجود

http://www.toyota.com.au/TWR/content/static/68063.jpg


http://www.toyota.com.au/TWR/content/static/68057.jpg

[سعدالقحطاني]

يالربع وين الناصحين
برادوا ولا اليوكن
مع العلم ان طلعاتي قليله للبر
وراعي سفريات كل صيفيه على الاقل 7000 كيلوا
وش ردكم ناس نصحوني بالرادوا الجديد سته سلندر

[VXR.2007]

اسعار البرادو غالي يوصل للجيب لاندكروزر واذا وصل سعره كذا انا اقول الجيب لاندكروزر 2010

والا اكسبلور من شركة فورد
http://up2.m5zn.com/photo/2009/3/2/11/2zewj28k7.jpg/jpg