هل تقوم بصيانة مستمرة لسيارتك أم تتركها حتى تعطب ثم تصلحها ؟ ؛؛؛ موضوع للنقاش

[ن م ر]

السلام عليكم ورحمة الله وبركاته
.
.
.
.
.
.

أيها المكشاتيون

أسعد الله أوقاتكم بكل خير وسعادة


فيه مثل انقليزي يقول : إذا لم تعطب ؛ لا تصلحها


يعني دام تمشي مشّها على قولة ابن جدلان



ندخل بالموضوع



هل تعمل صيانه دوريه ولو خفيفه لسيارتك؟
( درهم وقاية خير من قنطار علاج)
عصفور باليد ولا عشرة على الطلحة < وش مناسبة المثل هذا ؟



والا تتركها لين تخرب القطعه ثم توهق وتنجبر انك تصلحها أو تخرّب أشياء أخرى وتصير العواقب وخيمة لا قدّر الله ؟



وفي كلا الحالتين اطرح لنا تجربتك







انا أصالتن عن نفسي ونيابتن عن موتري أقوم بصيانه خفيفه وقائية
فمثلا السيور والبواجي اذا كملت سنه بالسيارة غيرتها بدون ما تشتكي السيارة



وفي الجانب الآخر
قبل سنتين غيرت الكفرات وأهملت الوزنيات ومع الزمن والاستخدام صار بالكفرات مسحيه وصارت الكفرات تطلع صوت مزعج واضطريت أغير الكفرات واوزن السيارة حفاظاً على الكفرات الجديدة



المايك لكم :D

[الستانس]

اهم شي عندي الصيانة

لانها توفر عليك كثير وتعطي الموتر عمر اكثر

[adil33]

الصيانه دورية للسيارة بواجي كل 6 شهور وزيت ماكينة كل 5000 كيلو وزيوت القير والدفرنسات كل 6 شهور ...موية الرديتر كل 3 شهور ...جلد البودي كل سنه...الكفرات كل سنتين ....التشحيم كل 3 شهور ....( هذه الصيانه الي اعملها لسيارتي )
دمتم بود

[Ali Al Hazmi]

عند العطل اصلح والصيانه عند السفر رحله طويلة ومشكوووووور

[ن م ر]

اهم شي عندي الصيانة

لانها توفر عليك كثير وتعطي الموتر عمر اكثر


مرحبا بك يا الستانس مشاركتك اسعدتني

وبالتأكيد الصيانه المسبقة توفر عليك الكثير وتطيل عمر سيارتك

[ن م ر]

الصيانه دورية للسيارة بواجي كل 6 شهور وزيت ماكينة كل 5000 كيلو وزيوت القير والدفرنسات كل 6 شهور ...موية الرديتر كل 3 شهور ...جلد البودي كل سنه...الكفرات كل سنتين ....التشحيم كل 3 شهور ....( هذه الصيانه الي اعملها لسيارتي )
دمتم بود


مرحبا بك يا adil33 ومشكور على مشاركتك

قد لا تحتاج السيارة الى تغيير تلك القطع ولكن افضل من تعطلها في وقت حرج
والله يبارك لك في موترك ويعطيك من خيره ويكفيك شره

[ن م ر]

عند العطل اصلح والصيانه عند السفر رحله طويلة ومشكوووووور


حياك الله يا علي الحازمي ولاهنت على المداخله

احيانا العطل يجيب اعطال ثانيه ولو غير مباشره وهذي تتجلى في كهرباء السيارة وخاصة السيارات الجدد تكون حساسة من ناحية الكهرباء

[abu fares]

حدها تمشي مشها

[السنع كله]

الزود كالنقص صيانة لما تاثر او قارب التاثر اما الصيانه لمجرد الصياة كزميل يرمي سيارته على الوكالة ويغيرون اشياء كثيرة ويتركون المستعمل بمرخرة السيارة حتى امتلا مستودعه من اشياء كثيرة تغييرها في صالح الوكالة وهو اسراف

[الربذي]

تبي الصراحة انا واعوذ بالله من قول انا اغير فقط الزيت والقماشات.......... ولااعمل اي تغيير حاجه حتى تخرب بنفسي اتابع ا لزيت والماء فقط
اما اني ابي ادخل السياره صيانه لا مااذكر الا اول مااشتريها اسوي لها صيانهل فقط عند ورشه محترمه وبعدها مااغير شي ولا اروح للورشه الا لخراب
اما الي يقول صيانه والله انها فقط ضحك اذكر صديقي رحت معه لنيسان وقال ابي ادخل الصني صني صيانه دخلوها خمس دقائق وسوالف حنا واياهم الكلام هذا مبطي شوي قالوا مروا الصندقوق وادفعوا وعطونا برنت الا فيه 460ريال وهو يدفعا وهو يضحك ويشكرهم وش سوو تصدقون ماسوو اي شي بس قالو تشييك وتربيط وهو ضحك على الذقون لاربطوا شي ولا غيروا شي انا اشوفهم لكن شكل دقائقهم غاليه بس فتح الكبوت 200ريال ههههه...
وبعدها اقتنعت ان الوكاله نصب في نصب

[ن م ر]

حدها تمشي مشها




حياك الله يا عمود الخيمه ومشكور على المرور

سابقا كانت السيارات بسيطة وبدائية التركيب والعمل والاستخدام وكانت تقتصر على حاجة الناس أما الآن تطورت السيارات بشكل كبير واصبحت بالغة التعقيد والقادم مذهل

التطور هذا في السيارة يحتاج صيانة مستمره ومراعاه على الأقل

اشكرك على المرور والمشاركة مرة اخرى

[1231]

البعض يقول دام السياره شغاله خلها لا تصلح شي.

وهو يدري انها خربانه.

يحسب انه يوفر فلوس.

وهو بالعكس يخسر لانه هو مصلح مصلح بس اذا تركت الخراب ييمكن يخرب شغلات ثانيه.

وبالنهايه على حسب الميزانيه.

[ن م ر]

الزود كالنقص صيانة لما تاثر او قارب التاثر اما الصيانه لمجرد الصيانة كزميل يرمي سيارته على الوكالة ويغيرون اشياء كثيرة ويتركون المستعمل بمؤخرة السيارة حتى امتلئ مستودعه من اشياء كثيرة تغييرها في صالح الوكالة وهو اسراف



تبي الصراحة انا واعوذ بالله من قول انا اغير فقط الزيت والقماشات.......... ولااعمل اي تغيير حاجه حتى تخرب بنفسي اتابع ا لزيت والماء فقط
اما اني ابي ادخل السياره صيانه لا مااذكر الا اول مااشتريها اسوي لها صيانهل فقط عند ورشه محترمه وبعدها مااغير شي ولا اروح للورشه الا لخراب
اما الي يقول صيانه والله انها فقط ضحك اذكر صديقي رحت معه لنيسان وقال ابي ادخل الصني صني صيانه دخلوها خمس دقائق وسوالف حنا واياهم الكلام هذا مبطي شوي قالوا مروا الصندقوق وادفعوا وعطونا برنت الا فيه 460ريال وهو يدفعا وهو يضحك ويشكرهم وش سوو تصدقون ماسوو اي شي بس قالو تشييك وتربيط وهو ضحك على الذقون لاربطوا شي ولا غيروا شي انا اشوفهم لكن شكل دقائقهم غاليه بس فتح الكبوت 200ريال ههههه...
وبعدها اقتنعت ان الوكاله نصب في نصب




حياك الله يالسنع كله + الربذي واشكركم على المشاركة


انا لا أقصد صيانة الوكالة بالعكس انا تضررت من صيانة الوكالة كثيراً
وخلوني اغير قطع ما تحتاج تغيير بل لا يوجد فيها عطل اساساً


أنا احث الشخص على صيانة سيارته بنفسه ويسأل الخبراء ويتعلم منهم

[Ali Al Hazmi]

العطالات تختلف في الي لازم تصلحها حتي لاتخر غيرها وفيه الي خرابها محدود عليها
الاقمشه تخرب الهوبات وتحتاج خرط وتغيير اذا طولت البواجي تضعف العزم بس ماتسوي مشاكل ثانيه

وشكرآللجميع

[ن م ر]

البعض يقول دام السياره شغاله خلها لا تصلح شي.

وهو يدري انها خربانه.

يحسب انه يوفر فلوس.

وهو بالعكس يخسر لانه هو مصلح مصلح بس اذا تركت الخراب ييمكن يخرب شغلات ثانيه.

وبالنهايه على حسب الميزانيه.


نرحب بالمداخله الرائعه من الأخ 1231

انت تقصد ان العطل يسبب أعطال اذا لم يتم تصليحه يعني يتراكم عليك أشياء انت في غنى عنها


نشكرك على مرورك ومشاركتك القيّمة

[ن م ر]

العطالات تختلف في الي لازم تصلحها حتي لاتخر غيرها وفيه الي خرابها محدود عليها
الاقمشه تخرب الهوبات وتحتاج خرط وتغيير اذا طولت البواجي تضعف العزم بس ماتسوي مشاكل ثانيه

وشكرآللجميع


يا هلا ومرحبا يا علي مرة أُخرى ونرحب بالرأي والرأي الآخر


انت شاري السيارة وتبيها في أفضل حالاتها للإستفادة منها

واذا اهملت القماشات ومشيت على السيارة فلابد أنك تحتاج للفرامل في وقت حرج لا ينفع الندم فيه ( الله لا يجيب الشر لمسلم )

البواجي وهي مولد الشرارة في غرفة الإحتراق واذا اهملته تضعف الشرارة وبالتالي تضعف القدرة الناتجة من المحرك ولا تنسى ان أسلاك البواجي تنقل الكهرباء من الكويلات إلى البواجي واذا البواجي متعطلة أو ضعيفة وين تروح الكهرباء ؟ فكر بالإجابة زين

وقس على ذلك

[ابو محمد ....]

ماشاء الله عليك ..........سنحذو حذوك ........بالتوفيق يارب

[راعي الطلعات]

الوكاله معروفين لابد من النصب والسرقه ابتعد عنهم مره الا اذا تعرف احد بالصيانة يعني واسطة :)

والمشكلة الثانية انه اذا خربة السيارة من هم الميكانيكي الأمين الي بيصلحها بأمانه او انه بيقول هذا هو الي خربان ويحتاج تصليح تعرفون بعضهم يقول هذا وهذا وذاك خربانه ويبيلها تغيير قطع جديده ويأخذ قيمة شغله وفي الاساس مافيه شي خربان بالنسبة لي هذا الي محبطني من الصيانة الدائمة

[ن م ر]

ماشاء الله عليك ..........سنحذو حذوك ........بالتوفيق يارب



يا مرحبا بك يا ابو محمد

ما يهتم بالشغله احد كثر صاحبها واذا اهملها صاحبها فلا تتوقع ان احد بيعطيها اهتمام

[ن م ر]

الوكاله معروفين لابد من النصب والسرقه ابتعد عنهم مره الا اذا تعرف احد بالصيانة يعني واسطة :)

والمشكلة الثانية انه اذا خربة السيارة من هم الميكانيكي الأمين الي بيصلحها بأمانه او انه بيقول هذا هو الي خربان ويحتاج تصليح تعرفون بعضهم يقول هذا وهذا وذاك خربانه ويبيلها تغيير قطع جديده ويأخذ قيمة شغله وفي الاساس مافيه شي خربان بالنسبة لي هذا الي محبطني من الصيانة الدائمة



حياك الله يا راعي الطلعات ومشكور على مرورك العطر

الوكالة عانيت منهم اشد المعاناه ووالله العظيم اني جيت في صيانة إحدى الوكالات ودخلت موتري فيها عن طريق معرفه يشتغل بالصيانه ولا سلمت من نصبهم بل دفعت مبالغ لقطع مالها دخل بالاعطال وزيادة على ذلك كنت اطمع بخصم ممتاز ولا حصلت عليه

[مقناص 20]

بارك الله فيك يالغالي على هالموضوع
بالنسبه لي على طول الصيانه للسياره
بحكم ان السياره جديده الي معي لاكن
لو السياره مستعمله ضروري راح اسوي لها صيانه
لان الصيانه تزيد من عمر السياره بأذن الله
الف شكر لك وتقبل تحياتي وتقديري
وموضع جدا ممتاز
http://www.gulfup.com/gfiles/12647707352.jpg


http://www.gulfup.com/gfiles/12647707351.jpg
http://www.gulfup.com/gfiles/12647707353.jpg

[ن م ر]

بارك الله فيك يالغالي على هالموضوع

بالنسبه لي على طول الصيانه للسياره
بحكم ان السياره جديده الي معي لاكن
لو السياره مستعمله ضروري راح اسوي لها صيانه
لان الصيانه تزيد من عمر السياره بأذن الله
الف شكر لك وتقبل تحياتي وتقديري
وموضع جدا ممتاز
http://www.gulfup.com/gfiles/12647707352.jpg


http://www.gulfup.com/gfiles/12647707351.jpg

http://www.gulfup.com/gfiles/12647707353.jpg





حياك الله يا مقناص20 واسعدتني مشاركتك بل انها من أروع المشاركات

واسأل الله ان يبارك لك في سيارتك

[salih100]

القطع الي تخرب غيرها على طول اغيرها اما الي تخرب نفسها بس اخليها لمى تجيم وتقول جيج
مثل مره خليت كرسي المكينه الي تحت حتى خرب المساك الي فوق والمساعد خرب وخليته لمى خرب كرسي المساعد يعني تسحب عليها تكويك

[سرحان طويق]

الصيانه تطيل عمر المركبه والعنايه تكفيك شر العطل المفاجىءوخصوصا عند السفر ولا في البر ومعك عيالك والله تزهد بموترك ويصير مايسوى بعينك بيزه .

[ن م ر]

القطع الي تخرب غيرها على طول اغيرها اما الي تخرب نفسها بس اخليها لمى تجيم وتقول جيج
مثل مره خليت كرسي المكينه الي تحت حتى خرب المساك الي فوق والمساعد خرب وخليته لمى خرب كرسي المساعد يعني تسحب عليها تكويك


يعطيك العافيه على المرور والمشاركه


الواجب الفحص باستمرار لتفادي الاعطال المفاجئة

[ن م ر]

الصيانه تطيل عمر المركبه والعنايه تكفيك شر العطل المفاجىءوخصوصا عند السفر ولا في البر ومعك عيالك والله تزهد بموترك ويصير مايسوى بعينك بيزه .




بارك الله فيك يا سرحان طويق ولا هنت على المشاركه

كلامك عين العقل والمنطق

[البوعينين99]

حتى تعطب :d
لأن المواتر الي عندي قدام ، إلا طبعا الزيوت والشغلات الأستهلاكيه لازم أبدلها كل فتره .

[ن م ر]

حتى تعطب :d
لأن المواتر الي عندي قدام ، إلا طبعا الزيوت والشغلات الأستهلاكيه لازم أبدلها كل فتره .



مرحبا بك يالبوعينين ومشكور على المشاركه

[هامة نجد]

بالنسبة الي فسيارتي فورد 2000
اقوم بتغيير زيت المكينة كل 8000 كم تقريباً كل شهرين
واقوم بعمل الصيانة كاملة للسيارة سنوياً قبل شهر رمضان تكلفني تقريباً في حدود 1000ريال
وفي حالة وجود اي صوت بالسيارة مفاجئ أسارع للفحص الكمبيوتر بحكم ان السيارات الحديثة كهربائية اكثر من ميكانيكية واختصار للوقت والجهد
والحمد الله السيارة تمام
علماً اذا كانت السيارة يقودها شخص واحد عادتاً لايوجد بها خرابات ولكن اذا المفتاح مع 3 فعلى السيارة السلام

[ن م ر]

بالنسبة الي فسيارتي فورد 2000
اقوم بتغيير زيت المكينة كل 8000 كم تقريباً كل شهرين
واقوم بعمل الصيانة كاملة للسيارة سنوياً قبل شهر رمضان تكلفني تقريباً في حدود 1000ريال
وفي حالة وجود اي صوت بالسيارة مفاجئ أسارع للفحص الكمبيوتر بحكم ان السيارات الحديثة كهربائية اكثر من ميكانيكية واختصار للوقت والجهد
والحمد الله السيارة تمام
علماً اذا كانت السيارة يقودها شخص واحد عادتاً لايوجد بها خرابات ولكن اذا المفتاح مع 3 فعلى السيارة السلام


حياك الله يا هامة نجد وما تفعله هو الطريقة السليمة لإطالة عمر السيارة والمحافظه عليها لفترة اطول

اما السيارة اذا تعاقبت عليها الايدي الله يخلف عليها

[سهم قيادي]

على حسب الخراب والميزانيه والوقت

[بو خليفه]

لا صيانة اذا تعطلت بدلت السيارة

[بدوي جنوبي]

انا ما اغير الا اذا حسيت فعلا ان القطعه على وشك الخراب
اما بظهور صوت مثلا او احساس:)

لكن انا حصل معى موقف بسيط
طلع عندى صوت في كمبرسر السياره

قلت يا ولد خلنى امر على كهرباني اشوف ايش يقول
اولا ما سمع الصوت قال عندك الكلتش والرمان حق الكمبروسر
لازم تغيرها ،،،

انا طنشت كلامه جلست السياره معى اقل من سنه لانى بعتها وتبريده تقول فريزر جلاسي :d.

[أبوحمد 505]

على حسب الموتر أن كانة غالي على قلبك تسوي صيانة أما اذا كان حق كرف وحمار مكدة
خلة لين يوقف
ويعطيك عافية





المايك لكم :d

الله من كثر المطامر في البالتوك كم مرة صقعوك باند :)

[الكيان]

انا اقوم بالصيانة المستمرة لاني كل شوي بمنطقة من مناطق مملكتنا الحبيبة فلا بد من الصيانة لاني راعي سفر

[فهد773]

في اشياء يعني لازم تغيرها مثلا شي يضر المكينه والقير بغيره اما غيرها لين يقول السلام عليكم وباقي الاشياء اذا بغيت اسافر بشيك عليها

[المميـز]

:

عندي جدول صيانه دوريه

واسويها مع احد المحلات غير الوكاله

مجرد فحص وتشييك سريع سريع

واذا فيه شي يحتاج تغيير غيرنها

:

[audais]

بالنسبة للأشياء المهمة والحساسة مثل الأذرعة والصلبان والجوزات والمقصات وسيور المكينة اشيك عيلها بنفسي على فترات وخاصة قبل السفر
اما الباقي القطع ماهي مشكلة حتى لوتعطلت يتم استبدال ما لا تنفع صيانته
ومشكور اخوي على الموضوع المهم