مين عندة خبرة في الدفع الامامي ؟ سؤال ؟

[ابو وليم]

السلام عليكم
عندي مشكلة في السيارة وهي كامري 2001
المشكله هي في الصباح بس او وقت ما تكون السيارة باردة
يطلع صوت من جهه الكفرات الاربع في البداية كان من جهه اليمين الكفر
اللامامي والخلفي وبعدين صار الجنب الايمن والكفر الامامي الايسر وبعدين صارت كله
صوت قربعة او شي كانة مفكوك مع العلم ان استخدامها نظيف ولا ركبنا فيها لا جنوط ولا شي
شد بلد
من محلة احترت بين المكانيكية كل واحد يقلي سالفة
والي عندة خبر ولا حل عن هاذي المشكلة تكفون ساعدوني :dance: :dance:

[سنتافي]

يمكن يبغالها تربيط وبعدين انت ماوضحت متى يطلع الصوت فرامل بدون يعني

[ابو وليم]

عزيزي الصوت يطلع لما يكون فية حفر او مطبات
يعني لما يهتز الكفر

[الضرسي]

هذاي القصة صارت لأحد زملائي مطلع على ايامها 2001 وكنت لما اركب معه اسمع صوت قربعة في الركن الأيمن الخلفي ولما سألته قال انه محتار مدري وش اللي فيها وقال انه مر كذا ميكانيكي وكل واحد يصرف له من عنده ......المهم يوم انه راح للعمرة (مكة) وجدة مر على مكيانيكي وشرح له القصه ...فرد الميكانيكي رح وجب لي مساعد جديد من الوكاله وتعال اركبه ومن يومها انقطع الصوت من عنده.....وسلامتك

[راعي الكيف]

يابو وليم هذا عيب الدفع الامامي بشكل عام ومن عيوب الكامري بشكل خاص ...


انا عندي نفس موديل سيارتك ونفس المشكلة ... بس ترا المشكلة مهب من المساعدات لأنه تو الناس عليها ((في حالة الاستخدام النظيف)) عمرهاحول ست سنوات ....

بس هذا الدفع الأمامي وهذي صجته وخصوصا في الشتاء ..... تدري ليش ؟؟؟

لأن الدفع الامامي يكون نفس العكس اللي هو الاجزاء الداخلية للأذرعة الامامية لأنها معقدة - للدفع الامامي- لأنها تختوي على المقصات والمساعدات والبكرات واذرعة التحكم يعني انواع الزحمة ومع هالزحمة لابد أن يكون فيها شوي مشاكل ....


عموما لو تلاحظ ترا هالطقطقة بس في الشتاء لأن الزيوت اللي في العكس تقل لزوجتها حبتين فمن الطبيعي ان تسمع هالاصوات ..بس في الصيف ما راح تسمع لها أي حس ...


والله اعلم ..

[ابو وليم]

اشكركم جميعا
واخص بالشكر راعي الكيف انك طمنتني لاني كشفت على المسعدات قالولي جديدة وما فيها شي