المشورة ياشباب تكفون...

[تبراق]

السلام عليكم ورحمة الله وبركاتة

بعد عودتي من المزاين حبيت ان اسلم عليكم واستشيركم


لي صديق اشترى سيارة فورد رنجلر غمارتين 2دفرنس ديسل ومقطعها بالمدح ويقول انها افضل من جميع السيارات التي مرة علية سوزو هايلكس يعني نفس الفئة وكذلك الدادسون هاه اصدق الرجال ولا لا

يعني اتوكل على الله واشتري مثلة ولا اصمم على رايي السابق واشتري لي واحد جمس او فورد 4*4 قطع عشرة ابي راي النشاما .

ولكم اشكر الجزيل

[سنتافي]

السلام عليكم

اخوي اولا اسمه فورد رينجر ابي اسألك عن الموديل اذا هو 99 وقبل يعني الي يجيك مرتفع وناعم شوي شكله

فخويك ماكذب عليك بالعكس يعزك جدا لاني انا لما اسمع احد يوصي احد بهال موتر فهو فعلا يعزك وبصراحه انا عندي عندي واحد اسود موديل 98 اكس ال غماره دفع خلفي مسوي فيه 27 حادث ومسافر عليه للرياض والشرقيه والطائف طلعتها 3 مرات وكل مره محمله حول الطن براميل بويه وماشي بالسريع 120 وفوق في طلعت الهدا ابد كأنه يمشي على الشارع ماشاء الله عليه وبالمناسبه لا تستغرب هذا الشي لانه الجيب الاكسبلورر مبني على الحوض هذا وهو نفس الجيب لكنه في التحمل اقوى بكثير والغريب اني عمري ما عانيت لا من حراره ولا غيره وترى الاربع سلندر منه يركب عليه 8 بواجي للكل سلندر بوجيين وانا امشيبه اوقات المطر وادخل فيه اوسخ الاماكن واعمقها واحيانا اخذ البحر ابد مايطفي ولاشي ومره من طكثر المياها والله نزلت وفكيت الكبوت وعصرت الفلتر حق الهوا وركبته وكملت ولا كأنه شي وتراه فعلا موتر لكن للاسف محد درى عنه واذا تعرف وين يباع مستخدم نظيف 98 او 99 دفرنسين نظيف جدا تراي موجود

[تبراق]

لاخ سنتافي شكرا للمشاركة لاكن ما اسئل عنه هو الدفع الرباعي 4*4 ديزل وشكرا لك على ها المعلومات

[سنتافي]

لا تقول الي شكله مثل الونيتات العايديه هذا الجديد لانك ان كنت تقصد هذاك فهو مازدا صناعه تايلنديه

[تبراق]

سنتافي تجياتي

هة ماذكرت تايلندي بضمانات فورد

[سنتافي]

والله للاسف صار ولو تروح لأي واحد بفورد وتسأله يبي يقولك نفس الكلام للاسف الحين الفورد الرينجر الي صار يجينا مهب فورد يعني هو نفس المازدا اللهم مغير الشعارات وفي امريكا ينزل عندهم الشكل الجديد الي هو نفس الاكسبلورر بس حوض بأرتفاع ومواصفات الجيب بس حوض وللاسف حنى يجينى مثل الهنود هالمهكع الخرده

[تبراق]

سنتافي لقد تم الشراء وبالله التوفيق