الحل الجذري لمشكلة مساعدات الزجاجه الخلفيه للباثفايندر

[أبوناصر]

السلام عليكم ورحمه الله وبركاته

مرحبا بكم جميعا اخواني المكشاتيين



جايب لكم اليوم حل لمشكله عجزت كثيرا في السابق عن ايجاد حل مناسب لها

كانت مشكلتي مع مساعدات القزازة الخلفيه للباث موديل 2003 والي مثله كانت دايما تنفقع معي يعني لو كنت تستخدمها بكثره في طلعاتك زيي فبعد فتره بتنفقع وما راح تمسك القزازه


جربت حل تكرر كثير مع المساعدات الي هو عمل فتحه في المساعد ووضع مسمار لتثبيت القزازة لكن في نظري انها شغله


حط المسمار وخر المسمار واذا معك واحد مطفوق ممكن يسكر القزازة اذا سكرها بدون ما يشيل المسمار ويكسرها عليك

وحل ثاني تشتريها جديده وسعر الواحد فوق ال300 ريال


أو تاخذها من التشليح بـ 100 للواحد أو أقل لكنها مستعمله وممكن تكون على وشك تخرب

أو تتركها وتستخدم الباب
وراح تزعجك قرقعه المساعدات المفقوعه في البر
وفوق كذا أشوف استخدام القزازة في البر مفيد يسهل عليه الوصول لأغراضك

المهم الحل الي لقيه بعد ما لفيت كثير في محلات قطع الغيار كلها أمريكي وياباني وكوري بعضهم ما يعطيك وجه ومهوب فاضي يدور

وبعضهم ما عندي على طول مجرد ما تقوله نيسان

لكن يسر الله لي واحد حبيب وخذت من عنده مساعد كويس لكنه قصير مره وهو مساعد قزازه يوكن 96 بس قصير مره وما تنفتح القزازه بشكل كامل وفوق كذا قويه مره



والمساعد الأنسب في نظري من جهت الطول وقوة دفع المساعد الموجود في الصور التاليه :-

http://www.mekshat.com/pix/upload03/images145/mk3512_1.jpg




http://www.mekshat.com/pix/upload03/images145/mk3512_2.jpg


http://www.mekshat.com/pix/upload03/images145/mk3512_3.jpg




http://www.mekshat.com/pix/upload03/images145/mk3512_44.jpg





http://www.mekshat.com/pix/upload03/images145/mk3512_5.jpg




http://www.mekshat.com/pix/upload03/images145/mk3512_6.jpg


طبعا هذا مساعد كبوت حق لومينا 2007 ويكفي مساعد واحد فقط

ركبت واحد ثاني وما قدرت أسكر القزازه فواحد فقط يكفي


تابع معي باقي كم حاجه

[أبوناصر]

طريقت فك المساعد سهله

دخل مفك كهرب صغير في الفتحه مثل ما هو موجود في الصورة

http://www.mekshat.com/pix/upload03/images145/mk3512_img_8586.jpg



ودف الحديده على برا شوي واسحب المساعد يطلع معك بدون ما تطلع الحديده برا


http://www.mekshat.com/pix/upload03/images145/mk3512_img_8587.jpg




وهذا هو الفرق في الطول بين الاثنين حاجه بسيطه ما تذكر

فوق الجديد
وتحت مساعد الوكالة




http://www.mekshat.com/pix/upload03/images145/mk3512_9.jpg



على اليمين حق الباث وعلى اليسار المساعد الجديد


http://www.mekshat.com/pix/upload03/images145/mk3512_10.jpg


ولا أنسى أن أقول ان كل المساعدين طالعين من شركه وحده وهذا هو الأهم

يعني صناعه مثل صناعة الوكاله وأرخص

فسعر المساعد الجديد فقط 100 ريال وهو أصلي

http://www.mekshat.com/pix/upload03/images145/mk3512_img_8591.jpg


وفي الختام أتمنى أكون أفدتكم


وأن جاهز لأي استفسار


في أمان الله وحفظه

[الجنوبي]

يعطيك العافيه
حل جذري

[أبوغيث 2003]

جزاك الله خير ابو ناصر

والصراحة فرق موب بسيط هذا بـ 300 وهذا 100

والله يا انا كأن موتري ما بوه زجاج خلفي لأني ما قد فتحته:D دايم أفتح باب الشنطه كاملة

يعطيك العافية على الإفادة والله يكتب أجركـ

بأمان اللهـ

[abu fares]

الله يعطيك العافية

والله فعلا زي ما قال ابو غيث من زمان مافتحت الزجاج بسبب هالمساعد

[سليمان 10]

ايظا قم بالضغط بكماشه على اخر الماصوره السوداء قرب الخط الدائري ضغطه خفيفه 000

[الموسيقار6]

بيض الله وجهك والله يكثر من أمثالك حل جذري وموفر ,,

[الموسيقار6]

طيب أستفسار هل مساعد الزجاجة يشحم للمحافظة عليه ؟؟

[أبوناصر]

حياكم الله جميعا وشكرا لكم على المرور على هذا الموضوع

اخوي الموسيقار مره من المرارير زيت الماصوره حقت المساعده من الحرص وخرب بعدها


إذا قصدك تشحييم مكان تركيب المساعد في القزازه والبدي فهذا عادي بل هذا هو المفروض

[أبوناصر]

ايظا قم بالضغط بكماشه على اخر الماصوره السوداء قرب الخط الدائري ضغطه خفيفه 000


حياك اخوي سليمان

بالنسبه لضغط الماصوره جربها واحد من اخوياي وما نفع ولا تغير شي


طبعا انت قصدك ضغط المساعد الخربان


المشكله انه يهرب زيت فما ينفع معه ضغط

[قناص*07]

والله انك مبدع

[DARK2]

ماشاء الله عليك
يا أخي يعجبني الانسان اللي يحب التحدي ويرفض الاستغلال
مساعد مصنوع في نفس الشركة واحد يبيعة بـ 300 ريال والثاني بـ 100 ريال
والله فرق واستغلال

[ayaqaz]

الله يعطيك العافية..

موضوعك مفيد حتى لغير أصحاب الباث..

لأن مثل هذه القطع تتشابه في كثير من السيارات..

وفقك الله..

[أبوناصر]

الله يعطيك العافية..

موضوعك مفيد حتى لغير أصحاب الباث..

لأن مثل هذه القطع تتشابه في كثير من السيارات..

وفقك الله..


حياك الله اخوي وفعلا ممكن انك تلقا بديل لأي قطعه بس يبيله تدوير شوي وتعب

[أبوناصر]

الله يعطيك العافية..

موضوعك مفيد حتى لغير أصحاب الباث..

لأن مثل هذه القطع تتشابه في كثير من السيارات..

وفقك الله..


حياك الله اخي وفعلا الكثير يتشابه بس يحتاج لبحث

[شاص]

مشكووور يابو ناصر .. وأظن هذي صورة من صور استغلال وكيل نيسان عندنا وأن الزيادة بأسعر القطع من عند الوكيل وليست في قيمة التكلفة وما أقول إلا حسبي الله على هالوكلاء الاستغلاليين .

نفس فكرتك جربها واحد من الزملاء على مساعد باب الشيروكي الخلفي الجديد بالوكالة أظنه بحول السعر اللي ذكرت قام الرجل وأخذ رقم المساعد وراح يدور حتى لقى مثله والسعر أقل بالنصف تقريبا

[أبوناصر]

حياك الله اخوي شاص وفعلا استغلال لأبعد الحدود ولا رقيب


الله المستعان

[س ل ي م ا ن]

الله يعطيك العافيه

أفدتن معني منب أستخدم القزازه أستخدم الباب

[أبوناصر]

هلا والله سليمان


اتخدام القزازه أهون من الباب في نظري

[خزان الوادي]

الاخوة الاعضاء

دعوة للمشاركة بمسابقة افضل مواضيع شهر صفر 1431 هجري على الرابط

http://www.mekshat.com/vb/showthread.php?t=262157

مع تحـيات ادارة
خزان الوادي

[الستانس]

الله يعطيك الف عافيه

وجزاك الله خير

[الملهماوي]

موضوع مميز شكرا لك

[أبوناصر]

الله يعطيك الف عافيه

وجزاك الله خير
هلا بكم اخي
ويجزاك ربي خير على مرورك على موضوعي

[أبوناصر]

موضوع مميز شكرا لك

هلا اخوي والله المميز تشريفك لموضوعي

[الصفراوي]

مشكككككككككككككككككور أخوي
من يوم قريت الموضوع وأنا طاير على صناعية أم الحمام وللأسف ما لقيتها لا عند الجميح ولا بالبيد بس قالي الجميح تلقى حبه وحدة في خريص ب 115 وبالبيد قال تلقى 4 في فرع خريص وب 80 ريال وأنطلق ويالله أصل مع أذان العشاء وأشوا أني لحقت عليهم والا مشوار ثاني بكره وأخذها وكالة ونفس الي في الصورة ولله الحمد تم تركيبها ولا أحلى
بس عندي سؤال : أنا ركبت وحده فقط على كلامك لكن الجهة الثانية هل أخلي فيها الأولى أحسن ولا بدون شيء ؟
أنا خليتها زي ما قلت بس أبغى أشوف وش الأفضل
ومشكور مرة أخرى وفرت علينا شي واجد من 600 في حبتين إلى 80 وحبة واحدة والله يعيننا على جشع الوكالة

[أبوناصر]

مشكككككككككككككككككور أخوي
من يوم قريت الموضوع وأنا طاير على صناعية أم الحمام وللأسف ما لقيتها لا عند الجميح ولا بالبيد بس قالي الجميح تلقى حبه وحدة في خريص ب 115 وبالبيد قال تلقى 4 في فرع خريص وب 80 ريال وأنطلق ويالله أصل مع أذان العشاء وأشوا أني لحقت عليهم والا مشوار ثاني بكره وأخذها وكالة ونفس الي في الصورة ولله الحمد تم تركيبها ولا أحلى
بس عندي سؤال : أنا ركبت وحده فقط على كلامك لكن الجهة الثانية هل أخلي فيها الأولى أحسن ولا بدون شيء ؟
أنا خليتها زي ما قلت بس أبغى أشوف وش الأفضل
ومشكور مرة أخرى وفرت علينا شي واجد من 600 في حبتين إلى 80 وحبة واحدة والله يعيننا على جشع الوكالة


هلا والله اخوي الصفراوي

والحمد لله ان قدرت أفيد احد اخواني


بالنسبة للمساعد فيكفي واحد ولو ركبت حق الوكالة فماله أي أثر بس فسه مشكلة وحده


بيزعجك بالقرقعه


وانتبه اخوي من حاجه وحده


لا تسكر القزازه من الطرف الي ما فيه مساعد أخاف من قوه اضغط وأنت تسكر القزازه تنكسر


من باب الاحتياط بس


وبالتوفيق

[fj44]

بارك الله فيك
على مجهودك الرائع

[أبوناصر]

بارك الله فيك
على مجهودك الرائع


وفيك

هلا بك اخوي وأتمنى التوفيق للجميع

[الستانس]

اخوي

طيب الحين القرقعه اللي في الباث من الشنطه

صارت من القزازة ؟!

[أبوناصر]

اخوي

طيب الحين القرقعه اللي في الباث من الشنطه

صارت من القزازة ؟!


ما فهمتك اخوي

فيه صوتين من الباب وحله تلف تيب على حلقت الباب وبيروح الصوت


وفيه من مساعدات القزازة وحلها تفكها وتجرب

أو تغيرها بجديدة

[saad_path]

يعطيييييك العافيه على الحل اللي ريحتنا فيه
وبيض الله وجهك



تحياتي

[أبوناصر]

هلا والله بثبوث والحمد لله إن قدرت أفيدكم

[الستانس]

ما فهمتك اخوي

فيه صوتين من الباب وحله تلف تيب على حلقت الباب وبيروح الصوت


وفيه من مساعدات القزازة وحلها تفكها وتجرب

أو تغيرها بجديدة

الله يعطيك العافيه وصلت خير بارك الله فيك

[أبوناصر]

حياك الله والحمد لله على اني قدرت افيدك بشي

[VXR.2007]

بيض الله وجهك وماقصرت

[دغيم1]

السلام عليكم ورحمة الله وبركاته
يعطيك العافية أخي الغالي
أبو ناصر
طبعا .. الحاجة أم الإختراع
ويجب ألا نتوقف ... فالبحث عن الأفضل والأرخص
سيكون سببا في نزول الأسعار
ومكشات ميدان للبحث والتجريب
شاكرا لك هذه الفائدة التي ستعود على الجميع بالخير
سائلا الله أن يوفقك ويغفر لوالديك
تقبل تحياتي وشكري

[a2005bdullah]

للاسف وكيل نيسان رافع الاسعار 200% وهي ب 100 ريال و كالة الومينا ربحانه
هذا زود طمع و جشع

[م.عمر]

الله يعطييك الف عاافية ..

[الموسيقار6]

للرررفع ,,

[قصيمي 10]

مشكور...........

[ابومحيميد]

يعطيك ألف عافية يالغالي

بصراحة ريحتنا كثير باذن الله بشتري المساعد

شكرً لك الخوي

[أبوناصر]

حياكم الله أخواني جميعا ما سويت الا الواجب


نخدم اخواني كلهم

[البـدر]

موضوع مفديد ومهم .. الله يجزاك خير ..