زيت القير ناقص ومحروق ............... ممكن أحد يقولي وش السبب

[ابو بدر الجوف]

السلام عليكم ورحمة الله وبركاته

شباب بغيت اشتري سياره وأخذتها للفحص قبل اشتريها

السياره فورد 150 دفع رباعي موديل 2005 ماشيه ميتين الف كيلو (130 الف ميل)

نتيجة الفحص طلع فيها التالي

زيت القير ناقص ومحروق . الي فهمت ان زيت القير لما ينقص ينحرق

الي سوى الفحص قالي انا مستغرب مافيه أي تهريب زيت من الخارج وماني عارف كيف نقص زيت القير (بين قوسين وبشويش همس لنفسه وقال يمكن انفك القير من قبل)

قلت له انفك القير؟؟؟ قال يمكن ولو ان تاريخ السياره الي عندي يوضح انه ما صار عليه شغل من قبل

سألته عن ميكانيكيه القير كيف هي ؟؟ قالي تمام مافيه شي بس اذا ماتغير الزيت وتعبت زيت جديد راح ينعدم القير.

مادري وش رايكم وش الي سبب نقص زيت القير و خلاه ينحرق وهل هي مشكله فعلاً ولا على قوله الي فحصها يقول القير تمام وماعندك مشكله اذا عبيته زيت جديد؟؟

الشور ياجماعه , مع العلم ان السالفه كلها صارت بأمريكا, السياره والفاحص والمفحوص

وتسلمون ومشكورين مقدماً

[سالم45]

السلام عليكم ورحمة الله وبركاته
اخوي الموضوع غريب موديل 2005 و زيت القير محروق قد يكون اساس من المصنع الزيت ناقص وصاحب السيارة ماشيك على زيت القير وسبق وحدثت بسيارة فورد قير عادي وخبط القير كامل لكن شيك على صرة زيت لقير من الخلف فيها مغناطيس ان كان فيها رايش حديد بكثرة هذا يدل على تاكل التروس ( وما نصحك بالسيارة )
وشكرا:l

[قطب 999]

عادي القير او تماتيك

[ابو بدر الجوف]

السلام عليكم ورحمة الله وبركاته
اخوي الموضوع غريب موديل 2005 و زيت القير محروق قد يكون اساس من المصنع الزيت ناقص وصاحب السيارة ماشيك على زيت القير وسبق وحدثت بسيارة فورد قير عادي وخبط القير كامل لكن شيك على صرة زيت لقير من الخلف فيها مغناطيس ان كان فيها رايش حديد بكثرة هذا يدل على تاكل التروس ( وما نصحك بالسيارة )
وشكرا:l

بارك الله فيك اخوي سالم

هذا الي حصل والي فحص السياره كان مستغرب بس يقول ممكن محروق لأنه ناقص. لاكن وش سبب النقص؟ هذا الي ماحد عارفه. اذا كان النقص بسبب ان القير انفك من قبل و حصله تصليح فهذا بالنسبه لي مشكله وخصوصاً اني ابي اشري السياره لواحد موصي عليها بالسعوديه

[ابو بدر الجوف]

عادي القير او تماتيك

تسلم اخوي قطب على المرور

التشغيل بالدفع بالعجلتين وبالدفع الرباعي كله توماتيك

[سوبر VTC]

لايهمك كلامهم
دام الموتر يمشي طبيعي و عزمه تمام :good:
اهم شي غير زيت + فلتر
و غالبا تحصل على جه الكرتير تعريق زيت
و هذا اللي يسبب النقص
و قد يكون من قبل ماتشريه ناقص من الاساس
بحكم ان راعيه الاول ماعاير الزيت تمام
اهم نقطه
اسحب العيار و امسحه بفاين
اذا كان لون الزيت احمر فهو تمام
اذا كان لونه يميل الى السواد على نفس الفاين
فغير الزيت مع السيفون
و لاتوسوس
ماعليك الا العافية :)

ادخل هذا الرابط للمشرف بدوي جنوبي :good:
+ اقرا ردود الاخوان و ردي

http://www.mekshat.com/vb/images/misc/subscribed.gif ๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402) ‏

موفق

[ابو بدر الجوف]

لايهمك كلامهم
دام الموتر يمشي طبيعي و عزمه تمام :good:
اهم شي غير زيت + فلتر
و غالبا تحصل على جه الكرتير تعريق زيت
و هذا اللي يسبب النقص
و قد يكون من قبل ماتشريه ناقص من الاساس
بحكم ان راعيه الاول ماعاير الزيت تمام
اهم نقطه
اسحب العيار و امسحه بفاين
اذا كان لون الزيت احمر فهو تمام
اذا كان لونه يميل الى السواد على نفس الفاين
فغير الزيت مع السيفون
و لاتوسوس
ماعليك الا العافية :)


ادخل هذا الرابط للمشرف بدوي جنوبي :good:
+ اقرا ردود الاخوان و ردي


http://www.mekshat.com/vb/images/misc/subscribed.gif ๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402) ‏


موفق





تسلم وبارك الله فيك اخوي

الصراحه السياره للحين ما اشتريتها ولاكن الي شاف صورتها معجبته وبيني اشتريها له. فصحتها قبل اشتريها وقلت له نتيجة الفحص وان هذي هي ا لمشكله الرئيسيه , بس للحين نفسه فيها. قلت خلني أجرب افحصها عند احد ثاني اذا قال القير تمام ومافيه مشكله ولا انفك انشاء الله كلها تغير زين القير وانشاء الله نقوله مبروك