الشقردي يدخل

[خطــاب]

السلام عليكم
باختصار انا في الشرقيه في مزرعة ساكن فيها وعندي علوم طيبه وعندي خيول تطارد في المزرعة وعندي كل علم طيب
وابي لي شقردي يسير علي ويعلمني الطبخ والنفخ ويعلمني وش اسوي بموتري الجديد لاني شاري جيب GXR وودي اتعبث فيه وخايف اجيب العيد علشان كذا ابي لي خبير يكسب اجري وان بغى اعطيه فلوس حق التعليم
ترى عمري 25 سنه وابي لي واحد مايتعدى الثلاثين علشان مااستحي منه

اخوكم خطاب

[الطبيب]

وش السلفه اخوي خطاب ؟؟؟؟؟؟؟؟؟؟

وش اللي انت تبي بالضبط ؟؟؟؟؟

هذا والله اعلم

والسلام ختام

[SilverSniper]

:confused: وشو؟؟؟؟؟؟ :confused:
:confused: كيف؟؟؟؟؟؟ :confused:
هه؟؟؟؟
-----------------------------------------------------
أخوي خطاب.... المنتدى قدامك يا بعد الدنيا... والدعوى سهلة.. اقر وطبق اللي تقراه.... أما الطبخ.. عندك خيمة الطبخات... حط قدرك على الظو .. واقرالوصفة وامل القدر... ما يبيلها شي... وان أشكل عليك شي... تعال واسأل بالمنتدى وما حنا برادينك وان شاء الله بنعلمك...
--------------
لكن وضح لنا وش تبي بالظبط؟؟؟؟؟؟؟؟؟ :confused:

[خشم الحصان]

الاخ الغالي
خطاب
السلام عليكم
اخي الحبيب كلام الحبيب الصياد الفضي(ماعليه زود) ولكن يابعدهم البند في مكشات مايغطي مصاريف انتداب العضو الي الشرقيه الله يثيبك
اخوك
خشم الحصان

[الفردوس]

أنت اعزمنا على هرفي وأبشر من يفزع لك

[مراكي الذيب]

:confused: :confused: :looney:

الصراحه ودي اساعدك لكن العمر مايسمح

[المربد]

تستاهل اخي العزيز ،
ولكني اصغر من العمر المطلوب اما انك تصبر لك كم سنة،
او انا انصحك بواحد يصلح لك وبنفس العمر المطلوب
عليك بـ (خشم الحصان ) ترهو ما يحتاج !! تحطه على الجرح ويطيب.















ملاحظة:
يا شباب اسكتو رجاء ، يمكن يصدق خشم الحصان انه صغير

[شايب الصمان]

وعليكم السلام ورحمه الله وبركاته
أولا: الله يباركلك بما رزقك ويمدك من نعيمه .
------------------------------
أسمع ياخطاب / ( لهجة الشيبان )بدون مجامله :D
-----------------------------
وابي لي شقردي يسير علي ويعلمني الطبخ والنفخ ويعلمني وش اسوي بموتري الجديد لاني شاري جيب GXR وودي اتعبث فيه وخايف اجيب العيد علشان كذا ابي لي خبير يكسب اجري وان بغى اعطيه فلوس حق التعليم
ترى عمري 25 سنه وابي لي واحد مايتعدى الثلاثين علشان مااستحي منه

اخوكم خطاب
============
ماعندي مانع أمام هذه المغريات :D .... لكن تراى عمري صغير بس شايل كيس طحين وأنتثر علي شوي طحين على لحيتي وراسي ..أذا تبي ولا كيفك :D السكن عليك والاكل والشرب والمواصلات من بيتي بالدمام الى مزرعتك وعندي شروط بعد 1- السكن يكون منعزل يعني مدخل مستقل علشان أحفادي الـ25 حفيد يأخدون راحتهم باللعب وما أحد يقول لهم شىء لانهم مدللين و معليش تشتري لنا سوبر بان دبل طبعا جديد وحنا نحدد الون علشان أوديهم للمدارس.2- التعليم بطريقة الساعه ( ساعة التعليم بمبلغ وقدره ... نتفق عليه بيني وبينك علشان عيون الحسد ).3- التعليم 5 ساعات فقط بالاسبوع من السبت الى الاربعاء , وساعة الاربعاء الصباح بعد صلاة الفجر .علشان تطبق بالبر عملي { لان الدروس نظري وعملي }.وطبعا كل شىء على حسابك من الاف الى الياء .
4- الفطور الساعه 5.30 صباحا الغداء الساعه 11.15 قبل صلاة الظهر العشاء الساعه 7.30 بعد صلاة العشاء . وترى يوم الجمعه يجون الجماعه عندي بعد الصلاة القهوه والغداء والتقييله. وتراي أحب تسويلي جلسه مرتفعه تشرف على المزرعه كلها قهوة العصر .5- وأحتاج الى هاتف الثريا علشان البر +جهاز قارمن أحدث جهاز وأكبر شاشه علشان الشوف مهب بالحيل ويكون بالعربي ومنزل فيه خرائط مواقع المملكه كلها مع جهاز أيكم أحدث نوع لازوم التدريب وأن حصل مع الرخصه أحسن,,, وتراى بعد فيه نجاح ورسوب ,,, وأذا مانجحت بنعيدماذكر أعلاه كله من جديد .وأما أذا نجحت كل الاجهزه والسياره تكون لي . 6- الدفع يكون فوري بعد كل ساعة تعليم ونقدا {قبل ماأنزل من السياره } .عاد أسمع تراني مني فاضي وعندي تعليم كثير بس علشانك مكشاتي جديد راعيناك وقدمنك على البقيه .تراي جهزة ثيبابي وساعتي الخراشه وأدويتي وبشتي وعلى فكره ؟؟؟ أو أقول يكفي الي جيتك المزرعه أقولك الباقي .ها متى يجي السواق يأخذنا ترانا ننتظره عند الباب .وخذ الخبره من الكبار ,,, وكل هذا والعمر 3؟؟؟؟؟بالثلاثينات بالواسطه تقبلنا أن شاءالله .
===================

[ابو مساعد]

السلام عليكم ورحمة الله وبركاته

الاخ العزيز خطاب ؟؟؟؟؟؟؟؟
الله يزيدك من نعيمه
شنهو انت تبي تسوي اكتب وانشاء الله الشباب ما يقصرون الى درجة انا ندعمك بالصور يعني نوضحلك الى تبيه بالصور حتى تتمكن انت وغيرك من الفائده اما الفلوس فهذا عيب على الرجال تطري لها علم ما عمر الصداقه صارت بفلوس (((((( عشرة المصلحه دايم قصيره ))))))))))) اخي الدنيا والله ما تسوى شيء الوحد يادوب يلحق على نفسه بالعلوم الطيبه ويرضي الله عزوجل ....

على العموم الشباب ما يقصرو معاك بأي شيء تبيه وابشر والله شنهو تبي وحاضرين بس اكتب وش تبي بس من طبخ من عبث بالسيارات من اسلحه وادوات صيد من عدد ولاوازم طلاعات من خيام ...

تحياتي

[خطــاب]

السلام عليكم

الطبيب.... SilverSniper .... خشم الحصان....
السالفه اني كل ماقريت في المواضيع افهم بس مااحصل التفاصيل.. مثلا لو ابطبخ كبسه مكتوب حط الملح والبهارت
طيب كم الكميه؟ ملعقه ولا نص ملعقه ولا فنجال؟ مااعرف 


الاسعدي
ابشر بالهرفي بس الحين خلني اعرف اطبخ ربع دجاجه ولاحقين على الهرفي والمكان مكانكم حياكم الله اي وقت


مراكى الذيب
مااقول الا ياحبي لك وجزاك الله خير والله يوفقك دنيا واخره


المربد
ماقصرت يالغالي وبالنسبه لخشم الحصان احس انه طاق الاربعين ماادري ليش 


شايب الصمان
والله لو انك جاي لمزرعة الوليد اقول تراني هونت كان هاذي شروطك


ابو مساعد
يعطيك العافيه...


طيب ليش مايصير فيه اجتماع مره في الشهر للشباب من الموقع وفيها نتبادل الخبرات بالكلام والفعل وبتكون اوضح من الكتابه في المنتدى... والافكار الجديده تطرح في المنتدى...

ماقصرتوا
اخوكم خطاب

[ابوفزعه]

الاخ خطاب


مساك الله بكل خير وعافيه

بصراحه انا مستغرب من كلامك وطلبك .......... اقول لك ليش ,,,,,,,, معقوله مافيه احد من زملائك يعرف

يطبخ او يعرف للسيارات

ماشاء الله عمرك 25 ..........استعن بالله ثم بزملائك


والله والله والله لو انا عندكم بالشرقيه كان فزعة لك باللي تبي لكن ظروفي ماتسمح لي

[* ضب *]

اخوي خطاب

مساك الله بالخير
الصراحة انا ودي اعلق منذ مبطي ما علقت وارجوك ما تزعل
اذا اسمك قول وفعل .. فانا مستعد وتحت الطلب ومجاني بس ابغا الستر:D .. لكن الخيول مالها داعي
7
7
اما اذا انت جاد في الموضوع فانا مستعد وجاهز ايضاً ومجاني:no2: .. بس الله لا يهينك تركب vxr حقك وتدق سلف وعلى الرياض ولا يردك الا مخرج خمسة :row:.. وابشر بسعدك اذا وصلت ..

وان كان ولا بد نتقابل في الصمان .. اها وش قلت .. اصمل تراك ربحان !!!!