طالع معه ابوى بس ودي بالربيع ويين يالنشامه

[برق الجزيره]

صبحكم الله بالخير أخوني المكشاتيين والخبراء والمحللين
تكفون ياشباب ودي أطلع للبر مع الشيبه وودي مناطق الربيع الي توسع الصدر ولو فيها فقع تكفون بس تكون حوالي الشيط ومافيها عليكم كلافه:lr :f :good2:

[عاشق الشتاء]

موقعك وين

شف كانك حول القصيم عندك ساحوق به ربيع طيب ومدري عن الفقع بس الرجال الي راح لمه قبل اسبوع يمدحه جايه مطر قبل ا10 ايام

وصفه يالغالي طريقه فهو طريق القصيم المدينه المنوره تجازوز البتراء ومن ثم وادي الرمه حتى يجيك جبل طميه على يدك اليمين قدامك مخرج مكتوب عليه عريفجان ساحوق خذ معه يسار تجيك بعده شركة صخيبرات للذهب بعدها ب4 كيلو يجيك طريق طوال جبيره وبلغه يمين امش معه تقريبا 15 كيلو تحصل وادي ساحوق

[الضيغم]

ياخوي الشيط يونس وعندك شف المواضيع المطروحه بالقسم هذا شف اللي حولك ورح لمه ..




والله يوفقك ويوفق والدك ..



ويرزقكم بالمكان اللي يسر العين بس الله الله بالموضوع الزين يا ذيبان ..

[جلوبلستار]

بإذن الله الاخوان ما يقصرون معك .

[a Falcon]

بإذن الله الاخوان ما يقصرون معك .
لكن ياخي كلمة شيبة تعتبر من عقوق الوالدين قل الوالد افضل ....
تقبل تحياتي ...............