( مروحة كهرب ) جيب ربع 89 [ استفسار ] الرجاء الدخول

[ابو سلافه]

السلام عليكم ورحمة الله وبركاته

مساكم الله بالخير ..




اناعندي جيب ربع تويوتا قديم 89 وصوت المروحه مزعج جدا وش الحل ؟

هل اركب مروحة كهرب .. ؟ وعند مين .. ؟ وهل تضبط ولا لا ؟

اللي عنده أي معلومة يفيدني مع الشكر ..








بانتظاركم ..

[ابو سلافه]

رفع
.............................

[شمالات نجد]

مافيه شي ما يضبط وأنا أخوك

واللي بيركب لك المروحه لازم يكون خبير وعنده خبر هي تضبط أو لا

وأنت عليك بالناس اللي يذكرونهم بالخير ومجربينهم

الله يوفقك

سلام

[المميـز]

اكيد مروحة الكهرب

تخفف الصوت

تخفف صرفية البنزين بشيء بسيط

تعطي عزم اكثر للسيارة

::::::

ورشة العثيم ببريدة متخصص في تركيب مراوح الكهرب لأغلب السيارات

[ابوخالد ب141]

نوع الكينة ويين مكانك
عشان نساعدك
وراح افيدك باذن الله

[كاشت وحداني]

احتمال كلتش المروحه مجيم مع المروحه نفسها
او انه خرب وبعض الميكانيكيين يخرمون لها بالدريل ويثبتونها بمسمار وصاموله تصير المروحه ثابته ومزعجه في نفس الوقت
تأكد من سلامة الكلتش . وبالتوفيق
وافدنا اذا انحلت المشكله ليستفيد باقي الاخوان

[masssdd]

ونا بعد نفس المشكله 91م نرجومن الاخوان الافاده

[ARB]

مكينة 3f ماتركب عليها المراوح لان المكينة بالاصل حارة و دينمو حقها ليس اكتروني
تركيب المراوح عليها مكلف جداً

[كاسر الريح]

أنا معي ربع باترول 86 ..


مركب مراوح كهرب مع حساسات مرسيدس قبل حوالي أسبوعين وإلى الحين ما لاحظت عليها أي شيء

ماهي الأشياء التي فرقت معي ؟؟
( صوت أقل - حرارة المكينة أقل - زيادة بسيطة في العزم - أقل صرفية بنزين بس مو واضحة ) ..

مركبها عند أبو أسامة الدغيري بحي السلي مخرج 16 شرق بعد ثالث اشارة بتجيبك على يدك اليمين محطة الدريس أدخل قبلها يمين ، ثم ثاني ملف يمين بتلقى الورشه على يدك اليسار تقريبا سابع ورشة وترا ما عليها اسم ..

الرجال طيب وناصح وإن شاء يفيدك في أشياء كثيرة بالموتر ، ما عليك إلا تحط الموتر عنده وهو ينجزلك كل شيء ويعطيك عليها ضمان شهر ..

أنا أخذت رقمه من هالمنتدى المبارك للتواصل معه 0552222006

[ابوخالد ب141]

السلام عليكم ورحمة الله وبركاتة



ياجماعة الخير انا معي جيب لاند كروز م91 ومكينته 3f ومع ذالك ركبت مراوح وياسلام لا صوت حنة ولا حرارة بل بلعكس فيه حساس مرسدس تختار الحرارة الي تبي المراوح تشتغل عليه كنت مركب85 السنة الي راحت والسنة هاذي ركبت 75 وياسلام زي الفل الي يبغاني اجرب المروحة له كتجربة مجانية يتصل على وما راح اخذ ولا ريال لانها الشغله مسمارين وخرطوش والسلام ختام للمعلومية انا مجرد فاعل خير وبعاون الشقردية قبل لايخسر فلوسة وانا ماعرف احد يبيع مراوح ولا اعرف احد يصلحها يعني بفكله مراوحي كتجربه له وبعدين باخذها....

الي يبي يرسل رقمة على الخاص وراح اتصل عليه........
تقبلوا فائق احترامي

[عيضه]

السلام عليكم ورحمة الله وبركاته

كان ودي إن عندي معلومة افيدكم فيها عن هل موضوع ولكن حتى انا ودي اركب مراوح كهرباء على صالون مكينة 2f اتمنا التوضيح إذا تركب ومن اللي يضبطها انا في الرياض.