المساعد الشخصي الرقمي

مشاهدة النسخة كاملة : يا أخوان وش تشورون علي بالجمس دبل ولا عادي؟؟ أبغا فزعتكم!


قنآص المقنآص
02/02/2010, 02:17 PM
السلام عليكم ورحمة الله وبركاته /
أخواني العنوان واضح ولأ أريد التكرار أنا محتار بين الأثنين فيه نا س تقول أن الدبل فيه مشاكل وأنا ماجربته وأنا طلعاتي للبر خفيفه بس انا أبغا الدبل يعني يطلع بنا نفود صغير عشان نكون بعيدين عن العالم
أما اذا كانت مشاكلة كثيره فالأستغناء عنه أفضل
ودمتم برعاية الله......
_دربيل_999
02/02/2010, 04:03 PM
إخوي الغالي..
لمعلوماتك بأن دبل الامريكي اصبر واقوى من الياباني..
والسيارة اللي بدبل افضل من الاخرى..
والمشاكل اللي يتحدثون عنها انت شفت الشباب كيف يستخدمون الدبل بعنف..ويبونه يعيش..
خذ موتر دبل واستخدم الدبل عند الحاجة فقط وبيعيش معك سنين بلا مشاكل..

وفقك الله

الروقي
Ali Al Hazmi
02/02/2010, 04:07 PM
خذ موتر دبل واستخدم الدبل عند الحاجة فقط
وانتبه الاطفال يلعبون في زر الدبل تراه يخرب وحاول تعلم عليه زين قبل الاستخدام
العجيب 2000
02/02/2010, 04:15 PM
دبل الجمس لازم توقف وتعشق مايصلح ونت تمش
السنع كله
02/02/2010, 04:19 PM
معي من سنين دبل وعز الطلب اشتر ولا تتردد وهو افضل حتى عند البيع وحاجة الدبل ولو مرة في السنة تراها تسوى شيء كثير وتراه ابو الفزعات توكل على الله
ابوشجاع911
02/02/2010, 04:41 PM
الدبل الدبل وتوكل على الله ولمعلوميتك الجمس الجديد بون دبل ماينفع بريال في البر قصدي لان فيه نظام ((ستابيلي تراك)) هذا بلوا يموت حيل السيارة بالبر خصوصا بالغراز فمالك الا الدبل ولاتشاور
نايف الكشات
02/02/2010, 04:48 PM
اذا تبحث عن الراحه لاتشتري ابو دبل
الدبل مع الخط يدبل الكبد تحس انه اثقل من العادي بكثير
وسواقته تقول تشيله على ظهرك
وبس يتهبد ويراوغ ومع الوقت تخرخر زيوته على الفحمات الاماميه ثم ينملص لايمسكه ابريك ولايرده حتى الرصيف
السيارات الجدد ماجربتها انا جربت من الموديلات القديمه الى موديل 95 يمكن السيارات التاليه طوروها والله مدري
آل زايد502
02/02/2010, 07:09 PM
والله ياخوي انصحك بدبل وبقوه انصحك
والدبل اللهم لك الحمد الى الان ماخرب معي
abu-turki2009
02/02/2010, 07:27 PM
مايبيلها مشوره وأنا أخوك
توكل على الله وخذ دبل
والله يعطيك خيره ويكفيك شره مقدماً
ع و ن
02/02/2010, 07:27 PM
السلام عليكم و رحمة الله و بركاته


معي من سنين دبل وعز الطلب اشتر ولا تتردد وهو افضل حتى عند البيع وحاجة الدبل ولو مرة في السنة تراها تسوى شيء كثير وتراه ابو الفزعات توكل على الله

:good2:
الله يجزاه الجنة .. قال نفس الكلام اللي كنت بأقوله بالضبط :good2:




دبل الجمس لازم توقف وتعشق مايصلح ونت تمش


سلامتك أخوي العجيب .. عندنا جمس 94 و 98 كلها دبل أرضي .. و نعشقها و هي تمشي و لا جاها إلا العافية (( بس السرعة طبعاً أقل من 60 كلم / س ))

***********

و في الأخير أقول لك :

خذ الدبل و لا تشاور أحد .

تقبل تحياتي .
al faris
02/02/2010, 09:24 PM
اذا تبحث عن الراحه لاتشتري ابو دبل
الدبل مع الخط يدبل الكبد تحس انه اثقل من العادي بكثير
وسواقته تقول تشيله على ظهرك
وبس يتهبد ويراوغ ومع الوقت تخرخر زيوته على الفحمات الاماميه ثم ينملص لايمسكه ابريك ولايرده حتى الرصيف
السيارات الجدد ماجربتها انا جربت من الموديلات القديمه الى موديل 95 يمكن السيارات التاليه طوروها والله مدري

مع خالص تقديري ماسمعت عن مشكلة زي كذا بحياتي

ولا تنسى وش يقول الرجال يبي جمس يعني ماهو حق مطامر وغيرها

عزيزي نصيحة مجرب عندي يوكن طويل 2001 والله اني توني جاي من البر
ماعمري مريت على احد مغرز الا وسحبته بالعكس احاول ادور مغرزين واسحبهم بالذات العوايل
الموتر معي له ثلاث سنوات شاريه من صاله ماشاء الله تبارك الله ولازال على حاله والي يقول الدبل ثقيل وغير مريح بالسفر انا اكبر معارض لهذا الكلام وسفراتي ماهي اقل من 1700 كم واذا تبي تجرب قبل ما تشتري انا بخدمتك
بدران9
02/02/2010, 09:29 PM
لا تشتري انتبه!!
ولاتدري بالعكس اشتر ولا تشاور.
اشتر وانتبه تشاور أو انتبه تشاور ولاتشتري.

هذا زبدة الردود اللي فوق لاكن اهم شي دبل ولا بدون دبل افحص افحص افحص قبل لاتشتري. لايغرك الشكل اعرف واحد معه يوكون 2009 ماشي خمسة الاف فقط وخرب قيره ودخله عند الوكالة على الضمان... ومن الوكالة للمعارض على طول...
الزبدة لاتغرك نظافة الموتر عن الفحص.
abu fares
02/02/2010, 09:32 PM
الدبل الدبل
Al3rands
02/02/2010, 09:35 PM
الشورعندي وانا ابوهندي عليك بابو دبل تراه عندي من اربع سنين روعه وين ماتروح
صديق كلم رفيق
02/02/2010, 10:05 PM
يا زين الدبل لاطلعت للبر يكون قلبك على كراسيه .

فنصيحتي لك توكل على الله وخذ دبل .
قنآص المقنآص
03/02/2010, 12:32 AM
والله يا أخواني أنتم على العين والراس والله خجلتوني بسرعة ردودكم وانشاء الله اني سوف اتوكل على الله واشتري دبل.....
الله يجزي الجنة كل من رد واشار على يارحمن يارحيم
ابوياسر1971
03/02/2010, 12:43 AM
توكل على الله واشتر دفرنسين ولكن نصيحه اقراء طريقة استعمال الدبل واهم شي ياخي في البر التنسيم حتى لو معك دفرنسين والله يوفقك .
علي ابونواف
03/02/2010, 01:39 PM
وانا اخوك توكل على الله وخذ لك دبل واستخر
اقل مافيها إذا بغيت تطلع أنت وعيالك وحصل غراز واثرك ماتوهق زتبلش تدور احد يسحبك خصوصاً انك قليل طلعات للبر

وبيني وبينك أنا شخصياً لوعندي دراهم شريت يوكن دبل وريحت مخي

استخر وتوكل على الحي القيوم وانشاء الله ماراح تندم
حسين السبيعي
15/02/2010, 08:56 PM
توكل على الله استخر وعليك بسوال من جرب نفس موديل السياره التي تريد ؟؟؟ بتوفيق
أبوعبدالملك الجهني
15/02/2010, 10:30 PM
توكل على الله و اشتر سيارة بدبل ...

بعد الأمطار التي استهل على المنطقة عندنا ... أخذت لي كم لفة كذا على آثار السيول ...

بصراحة أطربني الدبل جداً جداً ... أمشي و أحس بسعة الصدر ... :good2:


http://www.mekshat.com/vb/showpost.php?p=3800737&postcount=50




و لا تنس الاستخارة ... وفقك الله .





.
راع الشوزن
15/02/2010, 11:25 PM
أسمع يا الطيب.

عليك بالدبل وما جاك عندي.

الجمس بدون دبل ما يسوى.

وجاك العلم.
أبوعلي الجاسر
23/02/2010, 12:57 AM
إذا أنت تقصد اليوكون إكس إل أو السوبربان

فأنا أقولك لايقربك الدبل من واقع تجربة

لاتأخذ إلا بدون دبل

أما يوكون تاهو أفلانش سييرا سلفادروا والباقي لاتأخذ إلا دفرنسين