اشيرو علي يا الاجواد خبطت مكينة موتري !!! [الأرشيف]

مشاهدة النسخة كاملة : اشيرو علي يا الاجواد خبطت مكينة موتري !!!

Mr.3BDULMAJED

02/02/2010, 06:20 PM

السلام عليكم ورحمة الله وبركاته . . .

السيارة : fj
العداد : 65.000
الموديل : 2008
___________________

بداية المشكلة :

ولعت لمبة الزيت وطلع صوت بالمكينة وطفت السيارة فجئه !

طبعا ما حاولت اشغل السيارة علشان ما يصير اعطال اكبر

نزلت من السيارة شيكت على الزيت مضبوووط ما فيه شي . .

قلت ما بدهاش جبت سطحه وعلطووول على الوكالة

قالو نرد لك خبر فيها من بكرة الصباح قلت ماشي

اتصلو علي وفاجئوني بالخبر صراحة والله بوقتها ما استوعبت اصابني ذهول . . .

قالو لي مكينة مورتك خبطت . !! تاكدو يا جماعة يمكن التشيك فيه خطا قالو المكينة مخبطه . .

قلت وش الاسباب طيب قالو اني استخدم فلتر تجاري !!!!!! هذي قويه :eek:

قلت معصي انا اشتري الفلتر بنفسي من احد وكيل تويوتا معتمد كيف تجاري قالو هذا السبب . .

قلت طيب الضمان قالو ما يشملها الضمان على الكاش . . والله صدموني صراحة يعني علشان العطل كبير حملوني الخطا.. .

حاولت معهم طبعا كل هذا بالتلفون . . قال بنرسل تقرير للادارة ونشوف ردهم بعد يومين احتمال يجي بالموافقه واحتمال لا

طبعا انا هنا ما عرفت اتصرف صراحه مدري وش اسوي . . .

طيب نجي الان تاريخي مع السيارة انا انسان احب احافظ على سيارتي واشيك عليها اول بأول يعني معروف اذا صار في مشكلة بالسيارة لابد له مقدمات . . . اما مسألة فجئه هذي ما قد حصلت ! طيب ليش ما يكون عيب مصنعي ...

ابي منكم مشوره من ناس لهم خبره كيف اتصرف في هالموقف . . .

والله يجزاكم كل خير

اخوكم / عبدالمجيد

_دربيل_999

02/02/2010, 06:34 PM

ابو حمد سدير

02/02/2010, 06:38 PM

اول شي الله يعينـك ويصبرك ويخلف عليك

الوكالـه داايهم هذا شغلهم

اذا خرب موترك قالو منك ( ما نتحمل الخطأ )

عشان كـذا لا تتكرهم انشب فيهم
حملهم الخـطأ <<< ودور فاتورة شراء الفلتر ( الي عليها اسم الوكيل )

عشان تثبت ان وضعك في السليم

ولا اوصيك انشب فيهم <<< واحرص على الهواش

لانهم شركه ويحرصون على السمعه قدام العملاء الجديدين :)

نايف الكشات

02/02/2010, 06:48 PM

مستحيل تخبط السياره وهي جديده اكيد فيها عيب
المشكلة في صعود الزيت للمكينه لأن الزيت اذا ماصعد تخبط ولو تنفك سرة الزيت ويهرب كامل الزيت ماتمشي السياره ولاكيلو واحد الا وهي مخبطه
ممكن الفلتر مسدود او طرمبة الزيت ماتصعد الزيت
الله يكون بعونك حاول تجد لك حل مع الوكاله واذا ماحصلت حل
اشكهم على اللي ماتنام عينه

1231

02/02/2010, 07:00 PM

الله يعينك.

مالك الا تنشب لهم وخذ حقك غصب.

واذا مافيه فايده.

وقف موترك على باب الوكاله وعلق عليه ورقه اكتب فيها الي صار بالخط الكبير.

على قماش عند اي خطاط.

وان شاء الله اذا لك حق بتاخذه.

الله لايبلانا لاحول ولاقوه الا بالله.

Abu Saad

02/02/2010, 07:18 PM

اما سالفة انهم يقولون ان سبب التخبيط علشان الفلتر تجاري هذي قوية جدا!
الله يعينك عليك بالمطالب العلني وليس بالتلفون رح لنفس الوكالة شخصيا وسو ضجة وقدام الزباين افضل ...وان شاء الله يسهل الله الامور.

التعـ King ـديل

02/02/2010, 08:05 PM

حبيبي طبعا انت في بلد حمايه المستهلك نايمين اذا الموتر على الضمان خله عندهم واقرب مشوار لجريده الجزيره وقلهم السالفه من طقطق لسلام عليكم

Mr.3BDULMAJED

02/02/2010, 08:10 PM

إخوي اللي صار صار..أهم شيء في الموضوع يعود لأمانة الوكيل..

إنت لاتتوقف عن المطالبة إذا سيارتك تحت الضمان..
حتى لو تشتكي الوكالة,,
طيب إسألهم ليش ساكتين على اللوحات الحمر(وكيل معتمد)اللي على كل محل..
هناك اتفاقية غير نزيهه بين الوكالة وأصحاب المحال التجارية وكلها نحن ندفع ثمنها..
وفقك الله

الروقي

هو الي صار صار و ان شاء الله من يوم ورايح اشتري سيفون من الوكالة بالكرتون ..

وانا ان قدر الله علي بحاول اني اصلحها على الضمان لكن وش عندي من براهين او حجه يعني الفاتوره هذا عيب فيني ما احفظ الفاتورة ابد خلاص شريته وامرينا لله

وحسبي الله ونعم الوكيل

مشكوري با الروقي على المداخله

اول شي الله يعينـك ويصبرك ويخلف عليك

الوكالـه داايهم هذا شغلهم

اذا خرب موترك قالو منك ( ما نتحمل الخطأ )

عشان كـذا لا تتكرهم انشب فيهم
حملهم الخـطأ <<< ودور فاتورة شراء الفلتر ( الي عليها اسم الوكيل )

عشان تثبت ان وضعك في السليم

ولا اوصيك انشب فيهم <<< واحرص على الهواش

لانهم شركه ويحرصون على السمعه قدام العملاء الجديدين :)

هلا با ابو حمد

انا المشكلة هذي اول مره تصير معي مشكلة مع الوكالة يعني مدري كيف اتصرف هل اصير انسان اطالب بحقي بهدوء من غير اثارت الضجه او اقلبها هواش والعين الحمراء . .

المشكلة يا ابو حمد ما عندي شي يثبت صحة كلامي يعني لو اخذت الفلتر ورحت الوكيل الي شريت منه الفلتر بيقول وبكل بساطه عندك فاتورة !!

ان شاء الله يكتب الي فيه خير

مستحيل تخبط السياره وهي جديده اكيد فيها عيب
المشكلة في صعود الزيت للمكينه لأن الزيت اذا ماصعد تخبط ولو تنفك سرة الزيت ويهرب كامل الزيت ماتمشي السياره ولاكيلو واحد الا وهي مخبطه
ممكن الفلتر مسدود او طرمبة الزيت ماتصعد الزيت
الله يكون بعونك حاول تجد لك حل مع الوكاله واذا ماحصلت حل
اشكهم على اللي ماتنام عينه

انا اقوول نفس كلامك اخوي نايف مستحيل سيارة جديدة تخبط مكينتها . . كان معي هايلكس موديل 2002 هذاك ما عمري اذكر ركبت فيه شي اصلي ولا عمره خالف معي وشف لاحظ اني عارف ان القطعة الي اركبها هي مو اصليها يعني مو مثل هالفلتر واثق 100% انه اصلي

ان شاء الله بحصل حل اذا الله يسر

الله يعينك.

مالك الا تنشب لهم وخذ حقك غصب.

واذا مافيه فايده.

وقف موترك على باب الوكاله وعلق عليه ورقه اكتب فيها الي صار بالخط الكبير.

على قماش عند اي خطاط.

وان شاء الله اذا لك حق بتاخذه.

الله لايبلانا لاحول ولاقوه الا بالله.

مسألة اني انشب ناشب ناشب الله لا يعوقني بشر

لكن فكرة القماش رائعه جدا بس ان شاء الله تتدبر من غير فضائح

اما سالفة انهم يقولون ان سبب التخبيط علشان الفلتر تجاري هذي قوية جدا!
الله يعينك عليك بالمطالب العلني وليس بالتلفون رح لنفس الوكالة شخصيا وسو ضجة وقدام الزباين افضل ...وان شاء الله يسهل الله الامور.

والله سالفة مكينة تخبط من فلتر هذي ما تخش الراس . . .

انا بمر باتسر لهم وعلطول على مدير الفرع اخذ العلم من راسه

مشكورين يا جماعة الخير على المداخلة

bloodomen

02/02/2010, 08:15 PM

بدران9

02/02/2010, 08:48 PM

قابل المسؤول اولاً وكن محاوراً جيداً وتملك اعصابك..
انتبه لاتقع في الفخ!
لاتسب لاتشتم لا تقذف بي كيرفولي..
قد يستفزونك لادانتك..
وقد رأيت رجلاً فقد عقله في وكالة ****** وجعلهم زناه ولقطا وعيال ايه!
طبعاً فيه اكثر عشرين موظف ومكانيكي طالهم القذف...
في النهاية اصطلحوا على طريقة فكو وافك.

مقلع الرمث

02/02/2010, 09:07 PM

والله مااافكهم لا اشغلهم ودور لك واحد من ربعك سليط لسااان وخله يتهجم عليهم ولا يقولهم خذو السياره وعطوني فلوووسي المهم لااا تخليهم وبالاخير انشاء الله راح يصلحونها

طبعا الكلام عن تجربه ولاهيب مره ولا مرتين ولاثلاث طلع السانك تاخذ حقك وفشلهم قدام العملاء وبسسس

هويدي

02/02/2010, 09:41 PM

الله يعينك ويخلف عليك

مالك الا مثل ما قالو الاخوان تنشبلهم وترفع صوتك ـ مافيها شي تطالب بحقك

وحاول تكتب شكوى باللغه العربيه واللغه الانجليزيه وهددهم انك بترسله للشركه الام بالفاكس مانفع ارسله لعله يجيب نتيجه

-الساري-

02/02/2010, 09:54 PM

الله يكون في عونك ، أسال الله عز وجل أن يساعدوك في إصلاحها لك ،،،،

سعد الاحمد

02/02/2010, 10:29 PM

الله يكون في عونك ...

ما عليك منهم .. انشب لهم ولا تدفع ولا ريال وااااااااحد ... حتى لو تطول السيارة عندهم ..

وهددهم بانك سوف تشتكي للشركة الأم وسوف ترسل لها ايميل يوضح مشكلتك وان سيارتك لازالت تحت الضمان وهددهم بانك سوف تشتكيهم عند السلطات العليا وفي المحكمة وايضا هددهم بأنك سوف تذهب الى الصحف اليومية وسوف تشرح مشكلتك لديهم وستنشر تقرير عنهم وعن سوء معاملتهم معك وعدم تصليح سيارتك على الضمان ... وبين لهم بانك لست مغفلا حتى يقولوا لك بان سبب المشكلة من الفلتر التجاري ... واذا كان تجاري فلماذا تسمح له شركة تويوتا بالدخول الى المملكة ..؟؟؟ اذا كان معروف بانه سوف يسبب مشاكل للمكينة وتخبيطها ...!!!!!

صدقني بعدها اذا شافوك صامل سوف يركبون لك مكينة جديدة على حسابهم وربما يستبدلون سيارتك بوحدة ثانية جديدة ... بس اهم شي حمر العين عليهم ولا تتراخى معهم ...

حكيم الدين

02/02/2010, 11:06 PM

اخي الحبيب
نفس الي حصل معك حصل معي شف سيارتي عند تايوتا فرع خريص موديل2009 ولامشى الا30000 لاندكروزر وصلت وزارة التجارة ةلاسوو شي الله يخلف علينا واللي عنوان الشركة الام يتصل علي الله يعافيه هذاجوالي0506464550 ابوعبدالرحمن

اسبيدر مان

02/02/2010, 11:41 PM

الله يكون في عونك
لكن احد الشباب معه جي اكس ار 2008 8سلندر مشتراه كان 182 الف ريال وبعد مامشى 30 الف خبط وطريقة تخبيطه اول شي حس بضعف في العزم وكأن المكينه ماسكها شي وفجئه طفى جلس يشغل ومااشتغل شاله بسطحه وعلى طول للوكاله يوم شيكو عليه قالو مخبط والسبب السيفون تجاري والتوضيب على حسابك قام واخذ فاتوره لسيفون وايضا جاب عدة سيفونات من بناشر وهي نفس الى في السياره اخذو اوراقه وارسلوها لرياض وبعد اخذ وعطا ركبو له نص مكينه على الضمان على طول هو اخذ السياره من الوكاله وعلى المعارض ويبيعها 170 الف واشترى فكس ار 2006 من الامرات
لكن لاتخليهم وانشب لهم كل شوي لين يصلحون لك السياره

سعد الاحمد

03/02/2010, 12:16 AM

هذي صفحة الشكاوي والاقتراحات لشركة تويوتا

http://toyota.custhelp.com/cgi-bin/toyota.cfg/php/enduser/ask_intercept.php (http://toyota.custhelp.com/cgi-bin/toyota.cfg/php/enduser/ask_intercept.php)

جرب بس اهم شيء اللغة الانجليزية مكتوبه بوضوح ماهي معقدة .. وهم راح يتصلون عليك

ايميل مدير العلاقات بشركة تويوتا
ap-overseas@mail.toyota.co.jp (ap-overseas@mail.toyota.co.jp)

بس اهم شي اكتب باللغة الانجليزية الصحيحة والواضحة وفيها شرح لمشكلتك وانها لازالت على الضمان وان هذا هو تعامل الوكيل معك

اذا الانجليزي عندك ضعيف .. شف لك واحد من الشباب اللي انجليزيته تمام وخله يكتب لك الايميل .

اتمنى لك التوفيق ولا تسكت عن حقك ولا تستحي منهم لانهم ما استحوا منك اصلا ..

العابر2222

03/02/2010, 12:21 AM

الله يعينك ونخوك ويعوضك

كيف بتشتكي للشركة الأم وعبداللطيف يملك نسبة فيها ؟؟؟

لاكن حاااول عسى الله يعوضك ولا تسكت لأخر لحظة

ن م ر

03/02/2010, 12:40 AM

أسأل الله أن يعوضك خيراً في الدنيا والآخره

على أي أساس قالوا الموتر خبّط ؟

نقص زيت ؟ انت تقول الزيت تمام
حراره ؟ موترك جديد ولا ذكرت لنا انه تعرض لحراره وأستبعد ذلك لأن الموتر جديد

أنا اتوقع والله أعلم أن تشخيص الوكاله فيه خلل بمعنى : أن السيارة فيها خلل وقد يكون بسيط ولكن لم يستطيعوا تحديد هذا الخلل

أنا برأيي تناقشهم وش الخلل بالضبط وتفهمهم أن السيارة تحت الضمان ويتحملون تكاليف تصليحها
واذا ما تفاهم معك المهندس المسئول توجه لمدير الصيانه في الفرع وطالب بحقك واذا ما نفع عليك بمدير الفرع نفسه واذا ما نفع الشكوى لله عليك بالشركة الأم والاخوان ما قصروا وضحوا عناوينهم

طبعا الكلام هذا كله وجهة نظري وقد تكون صواب وقد تكون خطأ

وبالتوفيق اخوي

اخو سعود

03/02/2010, 12:52 AM

اما خبطت والسبب فلتر كثرول يا وكالت السرق
تبي الراي اللي يجمد على الشارب من واقع تجربه بالوكالات (( خص وكاله عبد اللطيف ))
ماك الا توطاهم بالكلام وتسوي صجه ولجه ولا تخلي كلمه شينه الا تجيبها وكل يوم تصبحهم بدري وتولجهم واشتك عليهم وغثهم
واذا ما نفع مالك الا الجرييييييييييييييييييييييييييييييييييييييييده هو احسن حل اللي بيحليهم يجونك بموتر جديد ويقلون طلبه ما نتعودها
بس اهم شي حمر العين عليهم ولا تتراخى معهم ..عليك بالشركة الأم ارفع شكوا ضدهم خلهم يدورون السلامه والعافيه.وانا اعرف واحد مشكته قريبه من مشكلتك ورد حقه عقب جهد جهيد
تحياتي لك

جداوي صميم

03/02/2010, 01:02 AM

اخوووي ترى ماضااع حق وراه مطاالب
لا تسكت لهم ترى
تسير عيب مصنعي ولفقوولك قضية التجااري
حاول تدوور الفااتورة حتى لو تراجع نفس المحل الي حتله
وتطلبهم فاتوة على الفلتر قلهم ابي فاتوورة قديم او اي شئ اه شئ لا تسكت
ولو تووصل المحاكم.
والله يعينك عليهم ,

كاشت وحداني

03/02/2010, 01:20 AM

الحل طول الله عمرك انك تصير جرئ شوي
وكل يوم وانت عندهم وصيح عليهم
واتهمهم بالنصب والاحتيال
ولا تخلي مدير ولا اي شخص في مكتب من مكاتبهم الا وتقدم عليه شكوى وانت منرفز .
صارت معانا في كورولا 2009 وفضحناهم بالصياح والتهزئي في الصاله وفي المكاتب وشكوى في طريق خريص وشكوى في السويدي وما تركنا واحد جالس في مكتب الا صايحنا عليه واخيرا استرجعوا سيارتهم ورجعوا فلوسنا .

moooj

03/02/2010, 01:35 AM

الستانس

03/02/2010, 01:45 AM

هذا رابط للترجمة

ادخل عليه واكتب اللي تبي ويترجم لك

ولكن كتب باللغه الفصحى

ترجمة (http://translate.google.com.sa/#)

كاشت...

03/02/2010, 01:54 AM

اولا انت تقول سيارتك ماشيه 65000 كم
وعلى حد علمي ان الضمان الى 60000 كم
يعني طافك الضماان
وبعدين عندنا مشاكل في الضمان والوكلاااااء ..
من السيااارات الى الاجهزة الكهربائية الاكترونيه

كلامهم دايم سوء استخداام ...
الله يعينك ونا اخوووك
بس حاول انك تشب عليهم

عرق الأرطى

03/02/2010, 02:47 AM

حياك اخوي الله يعينك ان شاء الله
لا اوصيك انشب فيهم وشتك ووصلها محاكم وجب لهم فاتورة الفلتر على شان
مايتحججون انه تجاري ونشاء الله اذا شافوك ناشب فيهم مهاوش يبي يشمله
الضمان عصبآ عنهم تراهم ماينعطون وجه.

Mr.3BDULMAJED

03/02/2010, 06:33 AM

لاحول ولا قوة الا بالله
الله يعوض عليك
لا تترك الوكالة ابدا
اما ماكينة تخبط بسبب فلتر زيت
شايفين الناس مغفلين ولا ايش
سيارتك ماشاءالله 2008 يعني جديدة وانشب في حلوقهم ولو مالقيت فايدة عليك بالمحكمة ارفع قضية عليهم

هذا الي مخليني في ذهول ان مكينة سيارة تخبط بسبب فلتر زيت تجاري !!

ان شاء لله ما راح اخليهم

مشكور عزيزي

قابل المسؤول اولاً وكن محاوراً جيداً وتملك اعصابك..
انتبه لاتقع في الفخ!
لاتسب لاتشتم لا تقذف بي كيرفولي..
قد يستفزونك لادانتك..
وقد رأيت رجلاً فقد عقله في وكالة ****** وجعلهم زناه ولقطا وعيال ايه!
طبعاً فيه اكثر عشرين موظف ومكانيكي طالهم القذف...
في النهاية اصطلحوا على طريقة فكو وافك.

انا اتمنى احصل احد اولا يتكلم بالعقل - متفاهم :good2:

لكن وين احصله فيه عندهم لان لو اخذناها بالمنطق الكلام هذا غير صحيح . . .

والله مااافكهم لا اشغلهم ودور لك واحد من ربعك سليط لسااان وخله يتهجم عليهم ولا يقولهم خذو السياره وعطوني فلوووسي المهم لااا تخليهم وبالاخير انشاء الله راح يصلحونها

طبعا الكلام عن تجربه ولاهيب مره ولا مرتين ولاثلاث طلع السانك تاخذ حقك وفشلهم قدام العملاء وبسسس

اخوياي ما قصرو الي يقول وصني عليهم اجيب حقك بالغصب قلت له خلنا نتعامل باسلوب دبلوماسي واذا ما نفع ما فيه الا اسلوب الفضائح

الله يعينك ويخلف عليك

مالك الا مثل ما قالو الاخوان تنشبلهم وترفع صوتك ـ مافيها شي تطالب بحقك

وحاول تكتب شكوى باللغه العربيه واللغه الانجليزيه وهددهم انك بترسله للشركه الام بالفاكس مانفع ارسله لعله يجيب نتيجه

انا بنتظر رد الادارة وش راح يكون ان كان بالرد بالرفض براسل شركة الام

الله يكون في عونك ، أسال الله عز وجل أن يساعدوك في إصلاحها لك ،،،،

آمين جزاك الله خير

الله يكون في عونك ...

ما عليك منهم .. انشب لهم ولا تدفع ولا ريال وااااااااحد ... حتى لو تطول السيارة عندهم ..

وهددهم بانك سوف تشتكي للشركة الأم وسوف ترسل لها ايميل يوضح مشكلتك وان سيارتك لازالت تحت الضمان وهددهم بانك سوف تشتكيهم عند السلطات العليا وفي المحكمة وايضا هددهم بأنك سوف تذهب الى الصحف اليومية وسوف تشرح مشكلتك لديهم وستنشر تقرير عنهم وعن سوء معاملتهم معك وعدم تصليح سيارتك على الضمان ... وبين لهم بانك لست مغفلا حتى يقولوا لك بان سبب المشكلة من الفلتر التجاري ... واذا كان تجاري فلماذا تسمح له شركة تويوتا بالدخول الى المملكة ..؟؟؟ اذا كان معروف بانه سوف يسبب مشاكل للمكينة وتخبيطها ...!!!!!

صدقني بعدها اذا شافوك صامل سوف يركبون لك مكينة جديدة على حسابهم وربما يستبدلون سيارتك بوحدة ثانية جديدة ... بس اهم شي حمر العين عليهم ولا تتراخى معهم ...

المشكلة الفني ما قال لي ان سيارتك طاف عليها الضمان قال ما يشملها الضمان لانك مركب فلتر تجاري يعني الاستنتاج من كلامه ما زالت على الضمان

اخي الحبيب
نفس الي حصل معك حصل معي شف سيارتي عند تايوتا فرع خريص موديل2009 ولامشى الا30000 لاندكروزر وصلت وزارة التجارة ةلاسوو شي الله يخلف علينا واللي عنوان الشركة الام يتصل علي الله يعافيه هذاجوالي0506464550 ابوعبدالرحمن

لا إله الا الله يا سبحان الله نشتري سيارات جديدة علشان نبحل فيها !!

الله يعوضك ان شاء الله خير

انا بدور ارقام شركة الام واجمع لي حلول للمشكلة ان شاء الله نحصل حقنا

الله يكون في عونك
لكن احد الشباب معه جي اكس ار 2008 8سلندر مشتراه كان 182 الف ريال وبعد مامشى 30 الف خبط وطريقة تخبيطه اول شي حس بضعف في العزم وكأن المكينه ماسكها شي وفجئه طفى جلس يشغل ومااشتغل شاله بسطحه وعلى طول للوكاله يوم شيكو عليه قالو مخبط والسبب السيفون تجاري والتوضيب على حسابك قام واخذ فاتوره لسيفون وايضا جاب عدة سيفونات من بناشر وهي نفس الى في السياره اخذو اوراقه وارسلوها لرياض وبعد اخذ وعطا ركبو له نص مكينه على الضمان على طول هو اخذ السياره من الوكاله وعلى المعارض ويبيعها 170 الف واشترى فكس ار 2006 من الامرات
لكن لاتخليهم وانشب لهم كل شوي لين يصلحون لك السياره

لا حول ولا قوة الا بالله

يا ناس وش سر تويوتا مع السيارات الجديدة يعني يركبون لها محركات مش حالك والا وش الموضوع

الله يستر بس

وحسبي الله ونعم الوكيل

هذي صفحة الشكاوي والاقتراحات لشركة تويوتا

http://toyota.custhelp.com/cgi-bin/toyota.cfg/php/enduser/ask_intercept.php (http://toyota.custhelp.com/cgi-bin/toyota.cfg/php/enduser/ask_intercept.php)

جرب بس اهم شيء اللغة الانجليزية مكتوبه بوضوح ماهي معقدة .. وهم راح يتصلون عليك

ايميل مدير العلاقات بشركة تويوتا
ap-overseas@mail.toyota.co.jp (ap-overseas@mail.toyota.co.jp)

بس اهم شي اكتب باللغة الانجليزية الصحيحة والواضحة وفيها شرح لمشكلتك وانها لازالت على الضمان وان هذا هو تعامل الوكيل معك

اذا الانجليزي عندك ضعيف .. شف لك واحد من الشباب اللي انجليزيته تمام وخله يكتب لك الايميل .

اتمنى لك التوفيق ولا تسكت عن حقك ولا تستحي منهم لانهم ما استحوا منك اصلا ..

بشوف لي واحد مترجم اعرفه زين

ان شاء الله يشوف لي كلام مرتب

عوافي اخوي

الله يعينك ونخوك ويعوضك

كيف بتشتكي للشركة الأم وعبداللطيف يملك نسبة فيها ؟؟؟

لاكن حاااول عسى الله يعوضك ولا تسكت لأخر لحظة

آمين الله يجزاك خير

وان شاء الله تنحل المشكلة

أسأل الله أن يعوضك خيراً في الدنيا والآخره

على أي أساس قالوا الموتر خبّط ؟

نقص زيت ؟ انت تقول الزيت تمام
حراره ؟ موترك جديد ولا ذكرت لنا انه تعرض لحراره وأستبعد ذلك لأن الموتر جديد

أنا اتوقع والله أعلم أن تشخيص الوكاله فيه خلل بمعنى : أن السيارة فيها خلل وقد يكون بسيط ولكن لم يستطيعوا تحديد هذا الخلل

أنا برأيي تناقشهم وش الخلل بالضبط وتفهمهم أن السيارة تحت الضمان ويتحملون تكاليف تصليحها
واذا ما تفاهم معك المهندس المسئول توجه لمدير الصيانه في الفرع وطالب بحقك واذا ما نفع عليك بمدير الفرع نفسه واذا ما نفع الشكوى لله عليك بالشركة الأم والاخوان ما قصروا وضحوا عناوينهم

طبعا الكلام هذا كله وجهة نظري وقد تكون صواب وقد تكون خطأ

وبالتوفيق اخوي

الزيت ما كان ناقص ابد ابد مشيك عليه زين . .

الحرارة كانت ولا ازين منها طبيعيه جدا ولا لها علاقة الزيت بالحرارة . . والله الموتر ما شاء الله كان يخن خنين ولا ازين منه لكن . . مدري وش جاه

شف عزيزي انا سالت ميكانيكي عن موضوع موتري يقول اغلب السيارات الي تولع لمبة الزيت وتطفى السيارة هذي من طرمبة الزيت ما توصل الزيت للمكينه

لكن كيف تقنهم بالشي هذا

اما خبطت والسبب فلتر كثرول يا وكالت السرق
تبي الراي اللي يجمد على الشارب من واقع تجربه بالوكالات (( خص وكاله عبد اللطيف ))
ماك الا توطاهم بالكلام وتسوي صجه ولجه ولا تخلي كلمه شينه الا تجيبها وكل يوم تصبحهم بدري وتولجهم واشتك عليهم وغثهم
واذا ما نفع مالك الا الجرييييييييييييييييييييييييييييييييييييييييده هو احسن حل اللي بيحليهم يجونك بموتر جديد ويقلون طلبه ما نتعودها
بس اهم شي حمر العين عليهم ولا تتراخى معهم ..عليك بالشركة الأم ارفع شكوا ضدهم خلهم يدورون السلامه والعافيه.وانا اعرف واحد مشكته قريبه من مشكلتك ورد حقه عقب جهد جهيد
تحياتي لك

انا الي دابل تسبدي ان مكينة تخبط بسبب فلتر زيت ياناس اشرحو لي وضحولي الامر كيف

اخوووي ترى ماضااع حق وراه مطاالب
لا تسكت لهم ترى
تسير عيب مصنعي ولفقوولك قضية التجااري
حاول تدوور الفااتورة حتى لو تراجع نفس المحل الي حتله
وتطلبهم فاتوة على الفلتر قلهم ابي فاتوورة قديم او اي شئ اه شئ لا تسكت
ولو تووصل المحاكم.
والله يعينك عليهم ,

برووح للمحل اليوم العصر وبقول تفرغولي زيييين ابي فاتورة للفلتر

علشان تكون لي حجه

الحل طول الله عمرك انك تصير جرئ شوي
وكل يوم وانت عندهم وصيح عليهم
واتهمهم بالنصب والاحتيال
ولا تخلي مدير ولا اي شخص في مكتب من مكاتبهم الا وتقدم عليه شكوى وانت منرفز .
صارت معانا في كورولا 2009 وفضحناهم بالصياح والتهزئي في الصاله وفي المكاتب وشكوى في طريق خريص وشكوى في السويدي وما تركنا واحد جالس في مكتب الا صايحنا عليه واخيرا استرجعوا سيارتهم ورجعوا فلوسنا .

انا الي غاثني في الموضوع ان الفني الي يكلمني يكلمني باحترام ما عطاني فرصه اني اتناشب معه وكل ما ارفع صوتي بالكلام يقول اذكر الله ترا الامور ما تنحل بالمشاكل اقول له انت جالس تقولي كلام غير منطقي

او تروح لأقرب مكتب للترجمة وهم يضبطون لك الموضوع

الله ييسر امرك ويعوضك وانا اخوك
ولا تنسى سهام الليل على كل ظالم

بس لا تنسى تسجل رقم الشاسي في الشكوى
وتأكد ان الضمان ما ينتهي عند 60000

الترجمه امره بسيط موجود المترجم

اما من ناحية الضمان ما وضح لي ان الضمان طاف على السيارة

هذا رابط للترجمة

ادخل عليه واكتب اللي تبي ويترجم لك

ولكن كتب باللغه الفصحى

ترجمة (http://translate.google.com.sa/#)

الله يجزاك كل خير ويوفقك . . وهل يخفى القمر قوقل صار معروف اكثر من اي شي ثاني

اولا انت تقول سيارتك ماشيه 65000 كم
وعلى حد علمي ان الضمان الى 60000 كم
يعني طافك الضماان
وبعدين عندنا مشاكل في الضمان والوكلاااااء ..
من السيااارات الى الاجهزة الكهربائية الاكترونيه

كلامهم دايم سوء استخداام ...
الله يعينك ونا اخوووك
بس حاول انك تشب عليهم

بس يا اخوي كاشت ما وضح لي ان الموتر طاف عليه الضمان

انا ما غثني الا سوء استخدام نشتري جوال ويخرب يقولون سوء استخدام وسيارات والخ

حياك اخوي الله يعينك ان شاء الله
لا اوصيك انشب فيهم وشتك ووصلها محاكم وجب لهم فاتورة الفلتر على شان
مايتحججون انه تجاري ونشاء الله اذا شافوك ناشب فيهم مهاوش يبي يشمله
الضمان عصبآ عنهم تراهم ماينعطون وجه.

شف الفلتر انا اجزم انه اصلي لاني انا اتعامل مع المحل من 4 سنوات وكانت معي سيارات كثيرة ولا الحمد الله اشتكت من ناحية فلتر الا هالموتر

الله ييسر امري وامركم وجميع المسلمين امين

الصراحه بينتو لي امور كانت تخفي علي الله يجزاكم خير مدري كيف اشكركم . .

والله يبعد عنكم المشاكل والفلتر التجاري :D

عبدالمجيد2003

03/02/2010, 11:54 AM

ارسل برقيه شكوى للملك ابو متعب الله يطول في عمره .
إرسال البرقية كالتالي:-
1ـ اتصل على الرقم 969 واتبع التعليمات إلى أن يرد عليك الموظف .
2 ـ اطلب منه ارسال برقيه لخادم الحرمين الشريفين.

3ـ أمل عليه نص البرقية .

ورقم البرقية لمن يريد الارسال 0907030292392

نموذج لصيغة برقية موجهه لوالدنا وقائدنا خادم الحرمين الشريفين نص البرقية

واكتب مشكلتك وصدقني ما يقعد الموضوع اكثر من اسبوعين بالكثير الى هم يتصلون عليك وينهون الموضوع

أبو عمار الخالدي

03/02/2010, 11:58 AM

انا من وجهت نضري تعرضها على فني فاهم (( واذا قال انهم صادقين ))

رح قدم شكوى عليهم وخذ حقك كامل

الشنه

03/02/2010, 12:12 PM

صعافيق 911

03/02/2010, 01:18 PM

مساء الخير ..............

الله يرحم الحال ويعوضك خير .....
لكن ماينفع لهم الا العين الحمرا لانهم استغلاليين كل الوكالات الا من رحم ربي ..
لان المستهلك مسكين ملعووووووووووووب عليه داخل او طالع .....
خاصه لو صار مسوووووووؤؤؤؤؤل الصيانه اجنبي مايشوف الناس شييييييييي وش عليه انت تطلب ابسط حقوقك صارت قبل معي هايلوكس بس الله لايوريك تسمع اللجلجه بالصيانه على بعد عشرين كيلو اخرشي وضبو المكينه وتعويض سياره ايجار لمده التوظيب .... بعد تهديد بالجريده وهواش ......

أبو جوري 634

03/02/2010, 03:16 PM

اخي العزيز :

الله يكون في عونك أولا واخيراً ....

اخي على حسب ما ذكرت أن سيارتك توقفت فجأة بدون مقدمات !!!!
ثم ذهبت للشركة وقالوا فلتر الزيت ليس اصلي والإخوة هنا استبعدوا أمر مهم جداً ألا وهو العين .....

اخوي يمكن فيه أحد من اصحابك أو اقاربك أو جيرانك عينه على سيارتك ولايذكر الله حين يراها .... هذا احتمال لأن العين حق ...

وهناك قصص كثيرة مشابهة ...

انا هنا لا أبرر لأحد ولا أحامي عن أحد حتى لا يفهم ما كتبته خطأ ...

اخي الكريم هذا احتمال قد يكون صواب أو خطأ ولكن يجب أن تضعه بعين الاعتبار .. والله اعلم ...

وأخيراً الله يكون في عونك ...

اخوك / ابو جوري

سفاري959

03/02/2010, 09:27 PM

نفس السالفه صارت لقريب لي في كامري 2004 على وقتها ماشيه 16000 ولعت لمبه الزيت على الرجال وهو بالخط شالها بسطحه ودخلها عليهم قالوا تخبيط ولا تتحملها الوكاله عشان الزيت ما تغيره عندنا ونفس الكلام السيفون تجاري طبعا كذب في كذب بس نشبلهم ودخل واسطه وضبوها على حسابهم ومن الوكاله على معارض النسيم بس انشبلهم لا تسكت عن حقك الله يكون بعونك ويعوض عليك

chaste

03/02/2010, 09:43 PM

فنجال شاهي

04/02/2010, 02:24 AM

الله يعينك ويعوضك بالي تسرك

النايف الشامخ

04/02/2010, 08:58 AM

السلام عليكم ورحمه الله وبركاته
الله يعينك ياخوي على هذه المشكلة , والحقيقة أن العذر ألي تقوله الوكاله غير مقنع وغير مجدي .
الحل ياخوي ارسل أميل بالمشكلة للمدير الأقليمي لوكيل تيوتا في الشرق الأوسط وشرحله المشكلة وإذ انه ماتجاوب وما حل المشكلة ، مايبالها كلام عليك بالمقر الرئيسي للشركة باليابان .
والله يوفق الجميع لما يحب ويرضى
والسلام عليكم ورحمه الله وبركاته

asdali

04/02/2010, 09:58 AM

الله يعوض عليك بخير اخوي

خلهم يفكون المكينة وانت عندهم وبعد مايفكون الكرتير ويطلعون طرمبة الزيت اذا كان فيها انسداد من ورق الفلتر فهم على حق ونفس الشي تقدر تخليهم يقصون الفلتر اللي مركبه قدامك واذا طلع مفتت فكلامهم صحيح واذا كان العكس طالب بحقك بدون ماتحط قماش وتكتب لنه ماحد حولك عليك التوكل على الله ثم الجرايد ورفع قضية اسلم واكرم لك .
بعدين اخوي مثل ما قال احد الاخوان ممكن تكون عين الواحد لازم يقرا الاذكار ولو شوي عشان الله يحفظه ويحفظ ما استخلفه فيه

الله يأجرك في مصيبتك ويخلف لك خيرا منها .

دخنآوي

04/02/2010, 01:52 PM

يآخي تآيوتآ والله تعبآنه مآآآش قآيمتن تخربهآ
يآخي قريب لي معآهـ اف جي 2008 يقول ان موتره ضرب عليه مطب قوي والكفرآت صار به مسحيه
المهم انه قالو له فلآن احسن للوزن وفلآن قال لآ ابوديه للوكآله وان شاء الله بيضبطونه والمهم الرجآل ودآهـ لهم وقآلو له مآدري عآد متى يطلع لانه زحمه عندهم المهم ان فجئه رآح لهم بيشوف وش صار ع موتره ويوم رآح يدور الموتر مآلقآه عندهم
ويروح له يآولد موتري وين قآل موترك عند أحد الورش اللي برا الوكآله
قال انا منزله عندكم عاد رد عليه ع مااظن قال حنا مشغولين ..

<< وش تبي اكثر من كذا اذا هو شئ بسيط سو كذا ..
فالله لآيوفقهم لآ بدنيآ ولآ بآخره لآهم ولآ وكيلهم اذا كآنو بيسوون كذآ ..

abc-00-abc

04/02/2010, 08:39 PM

الله يعوضك باحسن منها

شيك عى علبة الفيوز الداخلي و الخارجي
يمكن تلقى واحد منها مقطوع او طالع من مكانة

ما اتوقع السيارة تكون مخبطة اكيد فيه مشكلة ثانية

الربذي

04/02/2010, 09:32 PM

وعليكم السلام بشر وش صار عليك

الربذي

04/02/2010, 09:41 PM

برووح للمحل اليوم العصر وبقول تفرغولي زيييين ابي فاتورة للفلتر

علشان تكون لي حجه

:D

لاتنسى التاريخ يكون بتاريخ الشراء ماهو بتريخ حضورك تدين نفسك

الله يعين الناس تشتري سياره برواتب خمس سنين او اكثر وبعدها من ورشه لورشه

system

04/02/2010, 10:14 PM

اول شي الله يسر امورك وتنحل المشكله

مكاين التايوتا ال4 لتر الجديده يركب عليها ثلاث احجام فلاتر اي واحد اللي كنت تشتريه؟

ابو فارس 055

05/02/2010, 04:32 AM

الله يعينك ياخوي الحمدلله على ماقدر الله قدر الله وما شاء فعل كل شيء في امر المسلم هو خيره ان شاء الله ان الله فكك من شيء اقوى ..
بس بيني وبينك ماني مقتنع ان السبب من الفلتر مع ان مالي خبره في هالامور ؟؟؟ بس تأكد بالاول يمكن يبون يحملونك خراب مصنعي او شي زي كذا

وعشان الذمه يمكن يكون كلامهم صدق ويمكن يكون كلامهم غلط بعد ؟؟

ابوخالد ب141

05/02/2010, 05:05 AM

الشكوى لله عليك بهم افعل السبب.,
وربك يعين

Mr.3BDULMAJED

09/02/2010, 06:26 PM

معليش يا اخوان على عدم التعقيب على الردود

لكن والله ترااا انسدت بوجهي طبعا بعد جهد جهيد رفضو الضمان وكما كان السبب السابق ان الفلتر تجاري

طلع للاسف كلامهم صحيح طبعا انا سالت عن التكاليف قالو التوظيب يكلفك 18,000 ريال - سعر المكينة جديدة 31,000 ريال طبعا انا سحبت السيارة من عندهم بعد ما اقتنعت بالسبب

تابعو معي الصور :-

http://img20.imageshack.us/img20/2924/20100209032.jpg

http://img59.imageshack.us/img59/2452/20100209033.jpg

طبعا بأخذ معي الفلتر مع التقرير الي اخذته من وكالة تويوتا عن المشكلة الرئسية وبرووح لحماية المستهلك وزارة التجارة طبعا اخذت كروكي للمحل ورسمته ورقم المحل وان شاء الله احصل نتيجة

لكن الان وش تنصحوني اعمل هل اكتب خطاب او وش بالضبط

اتمنى اني ما اكون ثقلت عليكم بمشكلتي

وحسبي الله ونعم الوكيل

سلطا ن

09/02/2010, 07:39 PM

الله يكون في عونك
والله غبنه

نواف2222

09/02/2010, 08:45 PM

لاحول ولاقوة الا بالله حسبي الله عليهم وعلى وكلائهم الله يعينك ويأجرك انشالله

Mr.3BDULMAJED

09/02/2010, 08:47 PM

يا اخوان ممكن تطلون على المشاركة هذي

http://www.mekshat.com/vb/showpost.php?p=3957187&postcount=45

aooa

09/02/2010, 09:10 PM

لا حول ولا قوة الا بالله

في امريكا يسحبون ملايين السيارات ويعوضون اصحابها وترفع عليهم قضايا من قبل الدوله

وعندنا تضيع حقوقنا عن وكلاء السيارات وجميع الوكلاء في كل شيء وكلاء الاجهزة الكهربائيه واجهزة حاسب آلي وشركات الاتصالات و ... و ....

ما لنا الا الله وحــده اليه المشتكى ...