تكفون ياشباب من يدلّنا على محلات تبيع كفرات البالون التايلندي!!!

[عاشق الرملة]

السلام عليكم ورحمة الله وبركاته .....

من اللي عنده خبره في كفرات البالون التايلندي ... وهل هي مناسبه للرمال

مثل الشاهين ولا لا .


ياليت اللي يخبر لنا محل يبيعهن بالرياض يدلّنا عليهن.


ومشكورين مقدما.

[جميل جمال]

ما قلت لنا اخوي وش اسم الكفرات ؟؟

[عاشق الرملة]

أول شي أشكرك أخي العزيز جميل جمال على الرد.

وبالنسبه للكفرات والله مايحضرني اسمهن حاليا نسيت وش اسمهن.

بس معروفات هالنوعيه من الكفرات .... ولفيت الغرابي محل محل ومالقيتهن.


أشكرك مره ثانيه .

[أبو فيصل]

السلام عليكم ورحمة الله وبركاته

اسم الكفرات صيام نسبة الى مملكة صيام (تايلاند)

وهي طيبة جدّا وتعيش فتره أطول من دنلوب أو الشاهين ، عيبها الوحيد الرجّه أول 5-10 كبلومتر مادامها بارده أو السياره واقفه فتره طويله

أنا أبحث عن حجم 850 أو 900 على جنط 16 أنش فب الشرقية وما حصّلتها

[عاشق الرملة]

ألف شكر لك أخي العزيز ابو فيصل .

ان شاء الله نحصلهن مع بعض .

[عطيب الشوق]

-
-
-
-
-
-
-

السلام عليكم جميعاً

أحسنت أخي ابو فيصل فهي كما تفضلت تسمى أو أسمها صيام أو سيام تاير أكثر من روعه فيها تقنية عجيبة أفضل بكثير من الدنلوب والشاهين بكثير وعيبها كما تفضلت الرجه في البدايه وهي سبب في رجة النيسان بشكل عام أو بداية مشكلته
على العموم كان سعرها قبل شهر رمضان حوالي 320 ريال للكفر الواحد ( حجم 900 - 16 )
في نهاية شهر رمضان وارتفعت أرتفاع خيالي وصل سعر الكفر الواحد 450 ريال هذه الاسعار بالنسبة لمنطقة الشرقية عموماً
وللمعلومية البارح في مجلسي جا طاريها من بعض الاخوان وذكروا لي بأنهم حصلوا عليها من قطر بـ 250 ريال إن صح الخبر والله أعلم

على هذا النحو أثرت الذهاب بعد التأكد بنفسي إلى قطر وأشتري طقم من هناك مع الاسبير إذا كان السعر كما قيل

تقبلوا فائق احترامي وتقديري

أخوكم عطيب الشوق

أبو سعد

[عاشق الرملة]

وعليكم السلام ورحمة الله وبركاته .......

يعطيك العافيه أخي العزيز عطيب الشوق .

أبشرك حصلتهن بـالامارات بأبوظبي بــــ 310 درهم مع التركيب .


والله يوفق الجميع ان شاء الله .