وش لون نشتري من النت.

[1231]

السلام عليكم ورحمه وبركاته.

شلون نشتري عن طريق النت.

لازم يكون عندك صندوق بريد بامريكا.

ولا وش لون.

سمعت ان ارامكس تشتري لك الي تبيه بس انت ادفع كاش.

من جرب هالشي يالربع.

ياليت تفيدونا وتعطونا خبراتكم .

ولو يفتحون مكاتب تشتري لك من النت احسن.


كل الشكر.

[1231]

المشاهدات 15 ولا رد.

يعني محد يعرف.

[wild man]

أخوي 1231 .
أنا جالس قبل فترة مع واحد وطلع جواله <==، طبعا جواله غريب . ثم طلع البطارية وقال لي: هذي أنا شاريها من الصين عن طريق الأنترنت . طبعا من موقع (اي باي) أكبر موقع بيع وشراء في الأنترنت .

بس لازم يكون معاك بطاقة فيزا أو ماستر كارد . لأنها شئ ضروري في التعاملات المالية اللي في الأنترنت .


تحياتي ..

[الجمــــــــــــــل]

أخوي هذي المواضيع بتفيدك كثير ان شاء الله
http://www.moq3e.com/t1210.html


http://www.ce4arab.com/vb7/showthread.php?t=87156

[sameer_1798]

وعليكم السلام ورحمة الله وبركاته .......... يفيدك هذا الموضوع بإذن الله .
http://mekshat.com/vb/showthread.php?t=259386

[1231]

مشكور على مروركم الاكثر من رائع.

بس انتم تقولون فيزا او ماستر كارد وهذي فيه شغله حرارم وماحرام.

هذا الي مخوفنا منها.

ياليت فيه محل تعطيه الفلوس وهو يشتري لك من النت.

[Magellan]

مشكور على مروركم الاكثر من رائع.

بس انتم تقولون فيزا او ماستر كارد وهذي فيه شغله حرارم وماحرام.

هذا الي مخوفنا منها.

ياليت فيه محل تعطيه الفلوس وهو يشتري لك من النت.

أحووووول حرام مره وحده...
أخاف بكره يطلع لنا واحد ويقول التعامل بالعملات الورقية حرام لأن فيها صور:(
شوف حبيبي انا اتعامل ببطاقة فيزا حقت الراجحي واشتري من هناك
إذا كان شغلك خفافي فارامكس وخدمة واصل من البريد السعودي تقوم بالمهمة
إذا شغلك ثقيل والأوزان اكثر من 10 كيلو يعني من 500 كيلو وانت جاي الأفضل الشحن بالسفينة أو تتقاط مع أخويا لك وتستأجرون حاوية صغيرة وتملونها بضايع وتشحنونها

[adel090]

اهم شئ للي يستخدم بطاقات الفيزا والماستر عن طريق النت ان يتاكد من ان الموقع من المواقع الموثوقة



إذا شغلك ثقيل والأوزان اكثر من 10 كيلو يعني من 500 كيلو وانت جاي الأفضل الشحن بالسفينة أو تتقاط مع أخويا لك وتستأجرون حاوية صغيرة وتملونها بضايع وتشحنونها

ممكن تفيدنا عن كيفية استاجار حاوية من ناحية سعر وكم جمرك عليها

[ابوطاقية]

الشغله بسيطه واعلمك الطريقة حبه حبه
بالنسبه لافضل شركة شحن وصندوق بريد داخل امريكا هي واصل البريد السعودي ( عن تجربه )
ماعليك الا الاشتراك بصندوق بريد للمنزل ويعطونك صندوق بريد امريكا مجانا
موقع البريد السعودي www.sp.com sa (http://www.sp.com sa)
اولا تروح للراجحي وتطلب بطاقة انترنت فيزا بطاقه عليها رسوم قليله ولايمكن الشراء بواسطتها الا بالدفع مقدما يعني تشحن البطاقة وتشترى وهذي ماعليها فوائد
طريقة الشراء
بالنسبه لموقع امزون فهو يقبل البريد السعودي بامريكا وكذلك البطاقة الائتمان السعوديه فلا مشكله
بالنسبه لموقع اي بي يقبل الشراء عن طريقة PAYPAL وهذا موقع وسيط بالشراء وياخذ عموله بسيطه لاكن يضمن لك بضاعتك واسترداد اموالك بحالة لم تستلم البضاعه
عند استخدام PAYPAL فلا يمكن استخدام بريدك بامريكا انما الارساليه تكون الي السعوديه فقط
اي موقع تريد الشراء منه يلزمك التسجيل بالموقع
يجب عليك قبل الشراء قرائة شروط الشحن واذا اللغه عائق استخدم مواقع ترجمة النصوص

بالنسبه للشحن فاي بضاعه تشتريها انت مخير بنوع الشركة الشحن
البريد الامريكي وهذا رخيص لاكن ياخذ وقت اطول بالارساليه
والبريد الاخر حسب اتفاقية البائع مع شركة الشحن فمثلا
تجد البريد الامريكي الزامي ومعه الاختيار الثاني اما فيدكس والا يو بي اس والا دي اتش ال
افضلهم دي اتش ال لان ارساليتها دايركت للرياض
وبعدها فيدكس واسؤها يو بي اس UPS لان ارسالتيتها تروح للبحرين وبعدها للدمام وبعدها للرياض

والسلام ختام

[1231]

مشكور جميعا ع المشاركه.

بس لويفتحون محلات تشتري لك من النت اصرف.

[الجمــــــــــــــل]

هذي روابط ناس يشترون لك من الانترنت ويأخذون عموله بسيطه 20الى 50 ريال وهم ثقه ان شاء الله وانا مجرب كذا مره الشراء من عندهم
وهذا رابط شركه في الرياض تقدم خدمه الشراء من الخارج عن طريق النت
http://www.adslgate.com/dsl/showthread.php?t=285891

والباقين تحت اشخاص ثقه ان شاء الله (عن تجربه )

http://www.adslgate.com/dsl/showthread.php?t=474737

http://www.adslgate.com/dsl/showthread.php?t=415461

http://www.adslgate.com/dsl/showthread.php?t=376517



ما عليك الا تدخل احد المواضيع وتحط رابط السلعه الي تبيها ويعطيك السعر للسلعه واصله بيتك وبعدين خلاص اذا اعجبك السعر تتفاهم معه وقضينا