أستشــآرهـ من محتــــــآر في شراء سيـآرة..

[البيطار777]

السلآم عليكم ورحمة الله وبركآتة ..
أخوآني الاعزآء ..


أنني أرغب في شرآء سيآرة وأحترت بين سيآرتين ..
وهمـا..
الاول: أكس أبدشن 2010
الثـآني: جيب بآترول سفآري 2009


وسعرهما متقارب نقداً..
لذا ارجوا من اهل الخبره وأهل المعرفه ..
أفــــــــآدتي ونصحي مع التفصيـل في كل ..
نصيحه أنصح بهآ عن فوآئدها ومضرتها ..


وأسأل الله العلي القدير ان يجعل نصآئحكم في موازين حسناتكم ..


ولكم مني ولجميع أعضاء المنتدى الراقي خآلص الشكر والتقدير ..


وتقبلوا خآلص تحيـــــــــــــــــــآتـــــــي .

[fh...fh]

وانا اخوك
خذ الياباني ((الباترول ))ولا تشتريه جديد دور مستعمل نظيف يكون طايح من سعره شي واجد واذا بغيت تبيع يرد اغلب راس ماله والاهم قوي جدا وخفيفعلى الرمل ويعتمد عليه ........
هذي نصيحتي والله اعلم

[مدمن فتك]

على حسب استخدامك تحدد حاجتك:
1: تبي موتر راحه وممشى لاباس بالبر >>اكسبدشن
2:تبي موتر متوسط الراحه لكن جبار بالبر >>>فتك
وعلى هالمقومات تحدد اختيارك والله يكتب الخير لنا ولك ولكل مسلم

[لاخلى ولى عدم]

فتك ولى تشاور

ابعد عن الامريكي صح انه فخامه بس ما يعيش واجد ويطيح من سعره كثيررر

والفتك الجديد فخم واجمل من الاكسبيدشن

[abuktab]

ما يبي له كلام باترول ياباني ومضمون

[الجنيه الأسود]

أضم صوتي لصوت أخي ( مدمن فتك )

وكلام عقلاني وفيه واقعية

أما بعض الأخوان يقول الأمريكي ما يعيش واجد أقول هذاك أول

الحين تتطور الأمريكي

[سفاري959]

وجه تعرفه ولا وجه تنكره وش جاب الباترول اللي شعبيته كبيره عند الناس عند الاكسبدشن اللي ماله كم سنه في السوق انا ما اقلل من قيمه الفورد وهو من افضل السيارات الامريكيه لكن مع الفتك المقارنه ظالمه الله يكتب لك الصالح وتقبل مروري

[Explorer2007]

اول شي ترجع لإستخدامك

كثير نقتني اشياء تفوق احتياجاتنا

فأنت واحتياجاتك

انت تبي راحه ومساحه .. ولا ماتفرق معك

انت انسان مقطع عروق الدهناء ودايم بالربع الخالي ولا طلعاتك على خفيف

الشي المهم انت انسان حسبت حسابك في خدمات مابعد البيع

قطع غيار صرفية بنزين صيانة ؟؟؟

على ضوءها حدد الشي المناسب لك مو شرط القيمة وحده وقت الشراء

المهم مابعد الشراء كيف راح تكون ؟

وافهم يافهيم

وبصراحه للجميع ولاحد يزعل

(( خلو العنصرية عنكم ياشباب وتكلموا بالكلام الواقع ))

افتوا الرجال بصدق

(( ماقلتوا له ترا السفاري يشرب بنزين واجد ))

(( ماقلتوا له ترا قطع غيار النيسان نااااار الله الموقده ))

خلكم صادقين معه في النصح عشان مستقبلا

مايقول لابارك الله فيه اللي استشرتهم

باختصار ياخوي صاحب الموضوع

(( شوف احتياجاتك في السيارتين وقارن بينهم بالمواصفات وماتحتاج منها ))

وفقك الله لما يحبه ويرضاه

ولاتنسى الاستخاره

[المقاطي1985]

حسب حاجتك للسياره


اذا كنت راعي بران وطلعاتك للبر كثيره خذ لك باترول


واذا كنت تبي سياره عائليه واسعه وطلعاتك للبر خفيفه خذ الاكسيبديشن

لا تنسى صلاة الاستخاره





بالتوفييق

[شمالات نجد]

فعلاً حسب استخدامك وكلهن مواتر تودي وتجيب والمحافظة واجبة عشان ما نكون من المبذرين وأخوان الشياطين.

س/ ما فكرت تشتري بقيمت هالموتر موترين واحد جديد والثاني مستعمل، بمعنى واحد للبر والثاني صغيره للديره.. طبعاً إن كان عندك بايكه بترتاح مره.

الله يسهل أمرك ويوفقك

سلام

[البيطار777]

أشكركم أخوآني الاعزاء ..
على نصآئحكم الطيبه والمفيده والصادقه ..
وجزاكم الله خير الجزاء على ردودكم وتوضيحكم ..
لي بعض النقاط المفيده
وأن شاء الله أني أستفدت منكم الشيء الكثير ..


وسوفا استخير الله عزا وجل في ذلك ..


ولكم ولجميع أعضاء المنتدى كل الشكر و خالص التقدير ..


تقبــلوا تحيـــآتــــــــــي ..