سيارتي قامت تدخن وتشرب الزيت!!!!!

[المري]

السلام عليكم

اخواني الاعزاء

شريت السنة هذه قبل 10 اشهر سيارة مثل الهايلكس غمارة واسمها دير DEER والسيارة ديزل واستعمالها


زين وسيارة خفيفه بس هالايام قامت تدخن وقامت كل 100 كلم ممشى تنقص الزيت زيت المكينة والسيارة 2004

يعنى مايمديلها تخبط , ويش تتوقعون فيها ؟؟ لاني ناوي اوديها الكراج الاسبوع الجاي..


بس عطونا رايكم..

اخوكم / المري

[السالمي]

والله الدير الي اعرف عنها انها صينيه يعني ماتنفع حتى لو جديده

ونقص الزيت مايبلها مشوره يا نك توضب اوتبدل الماكينه

ونصيحه لاتفكر توضبها حاول انك تحذفها وركب بدالها مكينة هايلوكس ديزل


دامك تفضل الديزل

[الوشاح]

لالالالاتخاف الديزل طبيعي ينقص ويدخن , سيارتي هايلكس 2001من يوم شريته وهي تنقص من ربع إلى نص علبة خاصة اذااسرعت او طعست وهذا مكتوت بالكتلوج
وعرف اكثر من واحد يقول هلكلام وبعضهم سياراتهم جديدة

والدخان بعد طبيعي إذ كان بحد المعقول وتاكد انك إذا دعست للأخر راح تدخن اما أذاكان مشيك عادي مارايح تدخن

ارجو ان اكون افدتك.....وشكرا

[عاشق الرملة]

وعليكم السلام ورحمة الله وبركاته ........ أخي العزيز المري :

أنا أوافق كلام أخونا الغالي عريفجان ساحوق 100%

صدقني أخي العزيز اذا سيارة الديزل ماتستهلك الزيت يعني الزيت ماينقص تأكد ان السياره فيها مشكله

يعني بعكس البنزين ........ الدخان اللي يطلع من سيارة الديزل هذا نتيجة احتراق الزيت .

لكن من الأفضل انك تراجع الوكاله لأنك تقول انها تنقص كل 100 كيلو غريبه شوي.



والله يوفق الجميع ان شاء الله .


اخوكم / تركي الشمري .

[المري]

مرحبا اخوي السالمي وحياك الله يالغالي..

وماقصرت..

*************

اخوي عريفان ساحوق

مرحبا يالغالي وجزاك الله خير بس عندي سفاري 2004 ديزل لايدخن ولايشرب الزيت وعند الوالد


كذلك جي اكس ار 2002 ولا يدخن ولا يشرب الزيت..!!!


والمشكلة ان الديير مكينتها ايسويزو يعنى ماعليه كلام.. بس ماادري ويش اللي صابها..


*************

مرحبا اخوي تركي (( عاشق الرملة)

ماقصرت على ذا الكلام الطيب وجزاك الله خير..


**************

الحل عندي::


كلمنى رجال من القصيم وقال عنده دواء ينصب في المكينة ومن ثم لاعاد تدخن ولا عاد تصرف ان شاء الله..


وانا بجربة عن قريب وبعطيك الاخبار.. (( بنخلي الدير للتجارب))

[الوشاح]

مشرفنا المري

شكلك ملزم
خذ كم سؤال
1-كم تمشي بلخط
2-نوع الزيت
3-كم كيلو تمشي بلزيت
4-احد قالك ولا انت لاحظت الدخان
5-لوافترضت انك مشيت بالزيت 5000كلم كم علبة توقع ينقص

الصراحه ماودي تدبعن بالموتر وهو جديد , مع ان شكلك ناوي تخليه فار تجارب
اما قولك ان عندك سفاري ولا يدخن ولا ينقص زيت وبعد لاند فمن الضلم تقارن دير بياباني
مع ان مع الوالد gxrموديل99 ينقص واجد بس عاد ماشي 400الف لاكن غيرنا المكينة وركبنا تيربو
ورتحنا .......
ولا انصحك تضيف اي محلول لانة بيكون حارق ويدمر عليك الوجية هذا يصلح للمكاين الدايخة بس.....

[المري]

مرحبا بالسنافي عريفيجان ساحوق


امشي على الخط 120 لان الدير ماتتعدى هالسرعة..

اما نوعية الزيت احسن نوع لاتسأل عنه


اما صرفيتها كل الف كيلو اربع علب..


الدخان ملاحظ بشكل عادي..


ملاحظة : اخوي عريفيجان

انا سوف اصب فيها المحلول وعلى الله كل شي..

وتسلم يالغالي..


وسوف اخبركم بعد التجربة.


اخوك / المري

[الوشاح]

اما صرفيتها كل الف كيلو اربع علب..

يا ساتر!! الحين انا معك لازم تنضر بامره
لاكن اكرر كلامي واقول
ان الزيت الي تبي تحط اتوقع والله اعلم انه يفتح السدد , وانت سيارك بلاه زود التفتح
لاتضحك !!,انا اشوف انك توديه لوكالته إذاهي على الضمان , او لورشة متخصصة بالديزل , وانتبة توديه لي ورشة لان الديزل مايعرفله اي واحد واذا تبي ورش بالقصيم فابشر بسعدك
والله يحفظك

[المري]

مرحبا اخوي عريفيجان

ماقصرت يالغالي على رحابة صدرك ..


اما الورشات اللي بالقصيم ماني حولها ..


وان شاء الله على ماقلت اوديها لوكالتها واشوف ويش هي تقول..


وتسلم يالغالي..


اخوك / المري