رايكم يهمني

[جبر الجابر]

السلام عليكم


اعلومكم يالربع

هاذا طير ثاني بغيت اعرف كم يسوى

1- الطير حر
2-السن فرخ
3-الحجم 15ونص في 15ونص
4-اللون ماميزته بالضبط يا اشقر او اشعل
5-الطير مب صايد شي ولا شاف لحباره ولا الارنب ولا الكروان
6- بس معلمه على التلواح
7- وراعيه يقول هادينه على حمامه زاجل وصادها ويوم قربو منه تروع وطار بالحمامه 200 متر تقريبا والله اعلم هاذا الي وصلني
8- يقول راعيه مايكوش على الصيده ما فهمت قصده

(وياليت تقولون وش يعني مايكوش وكم يسوى الطير )

وحاولت انزل الصوره ماقدرت مهما اصغرها يكتبون انها كبيره

[مشبر البران]

الأخوان ما يقصرون
بس ما أعتقد فيه حر يصيد الزاجل

[جبر الجابر]

هاذا كلام راعيه ويمكن انهم شالين من الزاجل ريش والله اعلم

[ذيب الحرار]

قله ابشريه ب5000 بس بشرط انك تهدله حمام زاجل
سلم واذ جبه اشترى واذ ماجبه قله الله يروقك

[جبر الجابر]

هو السعر الي طالبه 5000 وريشه الطير حلوه واذا قرنص عندي راسه منحره بيكون ابيض بس حجمه شوي صغير

[صاحب نوماس]

الله يوفقك

بس تاكد من علوم الطير

[ديوان العرب]

اخوي هاذ مثلوث مهو وافي حرار الي قياسه 15 في 15 يعتبر مثلوث وقيمته من الفين وخمس الا ثلاث الاف ريال الا اذ هو لحق الحمام الزاجل يستاهل خمسه

[صقار الأسياح]

اخوي ما يكوش يعني ما يرفض انك تاخذ الصيده منه يعني تقدر تعزل صيده

[حاتم البدراني]

افااااااااادوكـ

[جبر الجابر]

راعي الطير يقل كان الطير عن رجال كان يهده على حمام زاجل مال المزارع وصيد الزاجل ويطيير بها حوال 200 متر وفرط الطير وعينوه بعد شهر قد الطير راجع وحش وشريته 5000 ريال قطري يستاهل الطير ولا؟؟؟

[رماني زماني]

انت بتبع الطير انا شراي ولا تبدل بيطير شهانه تبع فرخ بحري المقاس 14 في 14 سبوق حيل بعد اذن المشرفين رقمي 0569603444

[قرناس شماالي]

الله يرزقك اخوي كلمت يكوش معناه يفرد جنحانه على الفريسه وينفش ريشه وهاذي من

اعلوم الطير الي يقوش

[احب الجير]

اخوي انا عندي طير يكوش لجيته يمشخك بمخالبه
الكوشه علفه بيدك وتخف منه الكوشه وانا طير اعلفه بيدي وماعاديكوش

[وراد.]

اشتر الطير انشالله إنه كفو والله يبارك لك