مكينة gxr ستة سلندر

[M-F-M]

ياشباب انا اسف على العنوان الغير مفهوم

هذي اول مرة اطلب فزعتكم ولاانتم مقصرين

انا عندي جي اكس ار راحت فيه المكينة بسبب انقلاب على الجنب

اللي يعرف لي تشليح ولا ورشة في الشرقية اولا او الرياض ثانيا يرشدني او هل انا ابيع الموتر او اصلحه انا تااااااااااائه ومحتاج الفزعة
الموتر يبيلة سمكرة بسيطة ومكينة ويييييش تنصحوني به
الموتر لاند جي اكس ار 2001

لوسمحتو وبعد اذن المشرفين رقم جوالي 0505924735

[ابورايف]

السلام عليكم
اخوي المكينة فيها شي يوم تسئل عن التشليح بعدين الاتفكر في البيع اذا كان الموتر نظيف
وتقبل مروري

[M-F-M]

انتظـــــر ردودكم

[M-F-M]

المكينة على كلام اثنين من الميكانيكية في الحسا عاضة يعني العمود حق البساتم فيه
عله

[M-F-M]

انتظـــــر ردودكم

[بوسعود 180]

دامك فالحسا رح تشليح الشماسي او الشامسي والله منيب مثبت اسمه عدل بس اسمه زي كذا
عنده مكاين جي اكس ار وخذ معك ميكنيكي يفحصها لك علشان ماتكون موظبه واستبدل مكينتك بالمكينه اللي بتشتريها وطبعا لازم تزيد شوية دراهم

[M-F-M]

مشكور على النصيحة يابوسعود كلمت الشماسي وعندهم خدمة مميزة وشغل نظيف على كلامه
بس انا محتار بين البيع والتصليح

[التعـ King ـديل]

انت احسب قيمه الموتر سليم

واحسب قيمه الموتر تشليح + قيمه التصليح

اذا الفرق واجد والموتر بيطلع اوكي بعد التصليح صلح ولا بعه تشليح والله يعوضك خير منه

[M-F-M]

مشكور ياكنق ع المرور والنصيحة

[KFC]

اول مره اسمع ان المكينه تخبط من الانقلاب طالما ماجاها ضربه تكسرها

من رايي تمر ميكانيكي ثاني وتتأكد .. والله يكتب مالك فيه خير وصالح

[ابو ععع]

لا تحاول تشغيل المكينة الا عند مكانيكي جيد بعد الفحص قارن البيع والتصليح ودور المناسب دون ارتباك

[رفيع المقآم]

يا اخي الحين كم قيمه البيع لو تبي تبيع مثلا وكم قيمه الاصلاح ووازنها وانصحك بع والله كل يوم وانت بالصناعيه

[ابومشخص]

صحيح الموتر ما يرجع مثل اول ميه بالميه بس لا بأس به
انا واحد من ربعنا عندهم جيب قالب على جنبه وصلحوه واستخدموه ثلاث سنين قدام ثم باعوه

[وليم]

بع الموتر وخله علا فاله لاتصلح ولا تقول المكينه بها شي بع علا المنظور وحقين التشليح ابخص ون بغيت شور صديق بعه بتشليح الحاير بالرياض واسعارهم فلكيه

[العاذر]

كان بياع كم حدك فيه فيه واحد يبيه:)

[aaa3]

السلام عليكم
أخي الحبيب تأكد أولا عند مكنيكي ممتاز هل المكينة خبطت يبغالها توضيب او يوجد بعض القطع يبغالها تغير.
كان لدي برادوا 2005 وحدث أن الموتر إنقلب على جنبه و من سوء الحظ أن تم تشغيل الموتر بعد الحادث وبيمت المكينة ذهبت به لمكانيكي وقال لي لابد من فك المكينة فسمحت له ووجد أن أحد البساتم عصاه مكسور طبعا ذهبنا لأبو جميل قال لايوجد إلا نصف مكينة وقيمتها 8800ريال بحثت في التشليح لم أجد عصا للبستم إضطريت لشراء نصف المكينة وتم تركيبها ولله الحمد له الأن مع أخي حوالي ثلاث سنين ولا يوجد مشاكل
وكلف إصلاحة مع السمكرة وقطع الغيار حوالي 45000ريال
نصيحتي زي ماقالو لك الأخوان احسب قيمه الموتر تشليح + قيمه التصليح فهل يخارجك؟
ملاحظة
عندي نصف المكينة القديم بساتم +سلندر من أرادها يسومها علما أن قيمتها بالوكالة 8800ريال