كيف اخلي مسئوليتي عند وضع السياره بالمعرض

[سفاري66]

السلام عليكم ورحمه الله
عندي سؤال محيرن

إذا وقفت سيارتي بالمعرض هل فيه شي يثبت ان السياره في المعرض

المتعارف عليه ان الشخص يوقف السياره ويروح ومتى ما يبي يجي وياخذه إذا ما بيعت بدون اوراق بس شغل ومش

طيب لا سمح الله راعي المعرض أو احد الموظفين اخذ سياره من المعرض وصدم احد او سوى جريمه وترك السياره ومشى وجت الشرطه وحققت بالموضوع

وصرت متهم وانكر راعي المعرض هل فيه شي يثبت انه كانت في المعرض من تاريخ توقف السياره


ابي اجابه كيف احمي نفسي

[سكب]

اخي الحبيب
الافضل ترك السيارة عند ناس ثقة
ويوجد حلول
خذ الوحات معك والاستمارة
خذ رقم العداد قبل المغادرة وسجل ورقه في المعرض مختومه بتاريخ وقوف السيارة مع المحتويات الموجده فيها والصدمات اذا فيها وذا اراد احد يجرب السيارة يعطونك خبر

اسف على التقصير

تحياتي

[mjmo55]

اخي الحبيب

الافضل ترك السيارة عند ناس ثقة
ويوجد حلول
خذ الوحات معك والاستمارة
خذ رقم العداد قبل المغادرة وسجل ورقه في المعرض مختومه بتاريخ وقوف السيارة مع المحتويات الموجده فيها والصدمات اذا فيها وذا اراد احد يجرب السيارة يعطونك خبر


اسف على التقصير



تحياتي




ونعم الحل والراي
:good2: :good2: :good2:

[اميرالصمت]

يعطيك ورقة حجز في المعرض بس اكثر المعارض ترفض تقوال وقفها اودور غيري

[سوسة حطب]

كلام اخوي سكب عين الصواب وإللي يرفض يعطيك إفادة بأن السيارة عنده بالمعرض فهذا مجرم بجد أو واحد نصاب وإلا ما فيه احد يزعل من الحق طلب راعي السيارة إثبات أن السيارة متواجده في المعرض يخليه من المسئولية وهذه يا جماعة قيد حصلت لي والله كنت حاط سيارتي عند راعي ورشة اثق فيه ثقة عمياء لو قال غير غيرت على طول طبعا معرفتي فيه من 10 سنوات واكثر دقيت عليه قبل ما اروح اخذ سيارتي قال مر علي عقب العشاء تكون جاهزه قلت خيرة الحاصل إني يوم جيت أخذ سيارتي قلت اشيك وهذا من طبعي اشيك وش سويت فتحت الكبوت نظارت كل شي مضبوط سكرت الكبوت في هاللحظة كثر حكي معي قلت له شوي بس وافتح الكبوت واسكره مره ثانية إلا الوزنيه متغيرة شيكت عليها حصلت رش على الرفرف والجسر الأمامي معدل !!! على طول دقيت على المرور العامل وربي يبوووس في يدينى ويترجاني كلمت المرور وشرحت له القصة قال خلها عنده ووصف لنا المكان نرسل لك دورية ومع التحقيقات صار طالع بالسيارة يودي عياله وصادم راعي دباب درس يا اخوان انتبهو لحلالكم

[سيف الظفير]

عطي الله السوق بعها بنفسك يالغالي

عندك الخميس والجمعه والسبت والاحد في الشفاء

وعندك معرض السالمي في الشفاء ثقة وراعي حق فيه مصري رجال ويعرف حركات الشريطية وراعين المعارض ويضمن حقك

[عبدوش]

اخوي سو اقرار وهذا النوذج >>>( اقرانا صاحب السياره الاسم /........ وهي من نوع /...... اللون/........ موديل/..... بأن السياره متواجده بمعرض /.......... من تاريخ/.......... وان بهاذه الفتره اخلي مسؤوليتي انا صاحب السياره /............من اي شي يترتب على السياره خلال هذه الفتره
وعلا ذالك جرى التوقيع ...

معد الاقرار/ اسم صاحب السياره
توقيعك/....................
توقيع صاحب المعرض/..............
ختم صاحب المعرض)

[سفاري66]

اشكر الجميع على التفاعل

بس مثل ما قالوا بعض الاخوان اكثر اصحاب المعارض يقولون تبي والا رح لغيري

المفروض فيه دفتر مثل حق المبايعه إذا وقفت السياره يوقع راعي المعرض وإذا بغيت تستلم السياره يوقع صاحب السياره
وياخذ صاحب السياره كربون من الدفتر

[عاشق الدهنا]

اشكر الجميع على التفاعل

بس مثل ما قالوا بعض الاخوان اكثر اصحاب المعارض يقولون تبي والا رح لغيري

المفروض فيه دفتر مثل حق المبايعه إذا وقفت السياره يوقع راعي المعرض وإذا بغيت تستلم السياره يوقع صاحب السياره
وياخذ صاحب السياره كربون من الدفتر


كلام سليم 100%

[سفاري66]

الله يعطيك العافيه

[الوزير2]

لابد أن يكون الإلزام من جهة حكومية ليضمن حق الطرفين وتكون فيه جدية ونظامية .

[ابومناحي]

ياخوك لاتمسك الرجال لحيتك
بعها بنفسك

[الإستراتيجي]

أخوي في الرياض تبيت السيارة خارج المعرض وهذه مشكلة بحد ذاتها


عندي مواتر والله أني ما دخلتهاا المعارض مع اني محتاج دخولها اليوم قبل بكرة


لكن بيعها بشكل عادي يعني تدخل السوق وتبيعها أنت أفضل لك


والمشكلة في مبيت السيارة خارج المعرض أنها تتعرض للصدم أو السرق أو كسر الزجاج لا قدر الله

[ابو شدون]

الله يوفقكم كل طرحكم فايده بحدذاتها