حسبي الله عليكم ياوكالة عبد اللطيف جميل (( شوركم يالربع ))

[بحرالحياة]

السلام عليكم ورحمة الله وبركاته ..

الموضوع باختصار .. أنا شريت سيكويا 2010 في شهر رمضان
بعد تأكيدات قوية من وكالة عبد اللطيف جميل أن السيارة ماراح تنزل دبل
قبل 2012 وكان موظف المبيعات يقولي الحق ماتلحق آخر حبة في مستودعاتنا إلي بجدة
( طبعا هذي نصبة أبو جميل المعتاده )
توكلنا على الله وأخذنا آخر حبة إلي في جدة وبسعر 140000
الآن يفاجأنا الوكيل وينزل السيارة بدبل !!!!! يعني بعد 4 شهور فقط من تأكيداتهم الكاذبة
صراحة شيء يرفع الضغط
وش رايكم يالربع .. والله أحس إني مغبون
هل أستبدل السيارة من الوكالة ( طبعا نصابين بيكسرون سعرها )
أبيعها وأشتري إلي بدبل ؟؟
السيارة جديدة ..
النوع سيكويا sr5 ( فتحة , كرسي كهربائي , تحكم في الدركسون , سلة علوية ....
اللون فضي الداخلي بيج
الموديل 2010
العداد 6000 ( ستة الآف فقط )


شوركم .. يامال العافية

[حسين2002]

هذي عوايده ابو جميل

[البيرق]

اخوي بحر الحياة والله اني حاس بالغبة اللي فيك والحسرة اللي تضيق الصدر لكن ماباليد حيلة اعرف واحد كان يتردد على الوكالة ويبي يشتري سيكويا دبل لكن مندوبي المبيعات يقولون ان السيكويا لن يأتي دبل لانه يبي يطيح سوق اللاند حسب قول واحد منهم وفي الاخير استخار وشرى Z71 2009 فل كامل بسعر اللاند فئة G اردي نوع في المواصفات ومع ذلك كل ماشاف السيكويا يتحسر ويقول ليته نزل دبل وشريته لكن الخيره فيما اختاره الله
اخوي لا تضيق صدرك والخيرة فيما اختاره الله لكن اوصيك تحيسب عليهم وعلى اللي اقنعك بان السيكويا لن يأتي دبل

[][][زلفاوي][][]

المسألة تسويقية لا أقل ولا أكثر ولازم الموظف يكذب ولازم يقول آخر حبة وحتى يمكن يشاور لك على أي واحد يقول إلحق احجزها قبله ، توكل على الله واستبدل الموتر دامه ما مشى إلا 6000 والله يعينك على الفرق وحاول ما تكون لقمة سهلة لهم ، وأولاً وأخيراً العوض من الله ،،

[ابوطاقية]

الله يعوضك خيرا منها وان شاء الله بالامر خيره لك
اقتراحي لاتستبدل معهم لان عندهم بالمستعمل موظفين من احدى الدول العربيه يكسرون السياره ويصغرونها بعينك
اشور عليك توقفها بمعرض والا تعرضها بالنت والا تروح يوم جمعه للسوق والله يرزقك والجميع ان شاء الله
للمعلوميه السياره مرغوبه للعوائل وخاصه السائقين

[بن سليمان]

مع احترامي لك كان من الاساس إذا كنت تبحث عن سيارة عائلية بدبل أخذت أرمادا يوكن اكسبدشن كلها تجي بدبل
أما سالفة أخر حبة والمستودعات متكدسة علشان تستعجل ولا تطير عليه العمولة أهم شيء عرفت أنهم نصابين

[سعد777]

[][زلفاوي][][;3948686']المسألة تسويقية لا أقل ولا أكثر ولازم الموظف يكذب ولازم يقول آخر حبة وحتى يمكن يشاور لك على أي واحد يقول إلحق احجزها قبله ، توكل على الله واستبدل الموتر دامه ما مشى إلا 6000 والله يعينك على الفرق وحاول ما تكون لقمة سهلة لهم ، وأولاً وأخيراً العوض من الله ،،


ههههههههههههههه اما احجز قبله خخخخخخخخخ والله انك صدقت يحمسك انه مافيه سياره

الحل بعها برى وشف كم تبي تجيب ومره عليهم وشف كم تجيب واللي اعلى سعر بعه عليه

[سعد777]

الله يعوضك خيرا منها وان شاء الله بالامر خيره لك
اقتراحي لاتستبدل معهم لان عندهم بالمستعمل موظفين من احدى الدول العربيه يكسرون السياره ويصغرونها بعينك
اشور عليك توقفها بمعرض والا تعرضها بالنت والا تروح يوم جمعه للسوق والله يرزقك والجميع ان شاء الله
للمعلوميه السياره مرغوبه للعوائل وخاصه السائقين


اكيد انه مصري مافيها كلااااااااااااااااااااااااااااااااااام

[عبدوش]

ماالومك الله يعينك بس مع احترامي الشديد (تشري جيب بدون دبل )لا وبذيك القيمه
وغير كذا الشكل الي ماله سنع شوري عليك بيعه وخذلك زي ماقالوو الاخون يوكن اذا انت مرتبط بعائله

[بحرالحياة]

هذي عوايده ابو جميل


صدقت ...
أعرف واحد من إلي مايشترون إلا سيارات فخمة ..
مقتنع باللكزس لكنه يفضل المرسدس عليها لسبب واحد
أن الشركة تحترم الموديل ... يعني مايتغير الشكل إلا بعد 8 سنوات
يقول تشتري اللكزس وبعد سنتين يطلع شكل موترك قديم

[بحرالحياة]

اخوي بحر الحياة والله اني حاس بالغبة اللي فيك والحسرة اللي تضيق الصدر لكن ماباليد حيلة اعرف واحد كان يتردد على الوكالة ويبي يشتري سيكويا دبل لكن مندوبي المبيعات يقولون ان السيكويا لن يأتي دبل لانه يبي يطيح سوق اللاند حسب قول واحد منهم وفي الاخير استخار وشرى Z71 2009 فل كامل بسعر اللاند فئة G اردي نوع في المواصفات ومع ذلك كل ماشاف السيكويا يتحسر ويقول ليته نزل دبل وشريته لكن الخيره فيما اختاره الله
اخوي لا تضيق صدرك والخيرة فيما اختاره الله لكن اوصيك تحيسب عليهم وعلى اللي اقنعك بان السيكويا لن يأتي دبل


بيض الله وجهك أخوي البيرق ...
أشكرك على شعورك الطيب .. ومثل ماقلت الخيرة فيما اختاره الله
رحم الله والديك

[بحرالحياة]

[][زلفاوي][][;3948686']المسألة تسويقية لا أقل ولا أكثر ولازم الموظف يكذب ولازم يقول آخر حبة وحتى يمكن يشاور لك على أي واحد يقول إلحق احجزها قبله ، توكل على الله واستبدل الموتر دامه ما مشى إلا 6000 والله يعينك على الفرق وحاول ما تكون لقمة سهلة لهم ، وأولاً وأخيراً العوض من الله ،،

مرحبا أخوي زلفاوي ..
هذا إلي في البال ... لكن عسى الموتر ماينكسر ..
لأني ماعندي استعداد أدفع فرق كبير

[بحرالحياة]

الله يعوضك خيرا منها وان شاء الله بالامر خيره لك
اقتراحي لاتستبدل معهم لان عندهم بالمستعمل موظفين من احدى الدول العربيه يكسرون السياره ويصغرونها بعينك
اشور عليك توقفها بمعرض والا تعرضها بالنت والا تروح يوم جمعه للسوق والله يرزقك والجميع ان شاء الله
للمعلوميه السياره مرغوبه للعوائل وخاصه السائقين


جزاك الله خير على دعواتك الطيبة ..
ماراح استبدل من عندهم أبدا ..
بمر السوق وأشوف كم يسام .. والله يكتب إلي فيه خير
الله يعطيك العافية

[333]

الله يعينك ويصبرك
وشوري عليك تبيعه في الحراج
وتشري الدبل
تقبل مروري
اخوك:333

[الحسن القاضي]

إذا كنت في جدة إذهب للوكالة الرئيسية واطلب مقابلة محمد عبداللطيف جميل وقدم له شكواك على الموظف الذي غرر بك .وبإذن الله سينصفونك.
أو إذهب إلى نفس الموظف اللي باعك السيارة وانشب في حلقه لين يبدلها وهو يكح.

[بحرالحياة]

مع احترامي لك كان من الاساس إذا كنت تبحث عن سيارة عائلية بدبل أخذت أرمادا يوكن اكسبدشن كلها تجي بدبل
أما سالفة أخر حبة والمستودعات متكدسة علشان تستعجل ولا تطير عليه العمولة أهم شيء عرفت أنهم نصابين


والله السيارة مقتنع فيها لآخر درجة ..
ولا كنت مستعجل بل أني فوت الصيفية مع أني كنت محتاج لسيارة عائلية
كله عشان أتأكد من عدم نزول السيارة بدبل ولا كنت ناوي آخذ 2009
وانتظرت حتى ينزل الـ 2010 وأتأكد أكثر .. لكن قدر الله وماشاء فعل

[ناصح]

إذا كنت في جدة إذهب للوكالة الرئيسية واطلب مقابلة محمد عبداللطيف جميل وقدم له شكواك على الموظف الذي غرر بك .وبإذن الله سينصفونك.


أو إذهب إلى نفس الموظف اللي باعك السيارة وانشب في حلقه لين يبدلها وهو يكح.



هذا هو أفضل حل

لأنه لو شكيت لأي جهة آخرى لا يوجد ما يثبت أن الموظف قال لك أنه لن ينزل دبل..

ولا يمنع أن كنت في غير جده أن تحاول تراسله بأي طريقة إلكترونية ..

[النايف999]

وبكم بيكون سعرها بدبل ؟؟

[VX-R2005]

بحر الحياة ( و أرض بما قسم الله لك تكن مأمنا) و لاتكسر قيمة الموتر أنت ماتحتاج الدبل إلا في أوقات قليلة و باقي و قتك بدون دبل

[الربذي]

وعليكم السلام
الي يقول اشتك وش تبي تكتب بشكواك لكنه قال ماتنزل الا ب2012 هاهي نزلت بنفس السنه اشوف لاتكتب الا لوكيل تويوتا الشخص عبداللطيف وقله من الالف الى الياء يمكن يشوف لك حل وقله انا نتوارث تويوتا اب عن جد ..
اما بالمحاكم فلن ينظر لشكواك ابدا ابددا

[straitlaced]

السلام عليكم ورحمة الله

يا أخوي الله يعوضك خسارتك

ويبارك لك في سيارتك أنت شريت وبارك الله لك فيها وشايف خيرها ويكفيك شرها

والله لو ماخذ من وكالة مستوبيشي أوأي وكالة ثانيه أنه أحسن لك

عبدالطيف طاير بالعجه والعالم تركض عليه وتتساقط

أعذروني أخواني على التعبير يعني مافي البلد غير ذا الولد الوطالات واجد

وأقل وأحسن والله كان نفسي بجيب من تايوتا لكن مقسمهن أنواع بر ومدينه

ولا مواصفات ولا شي نصيحتي لك مادامك شرية لاتثقل على ظهرك أستخدم سيارتك

والله يبارك لك فيها

أخوك

[Al_safeer]

هذا عبدالطيف جميل اول حاجه موظفين ناس مايعلم بهم الا الله طبع مو كلهم ولا غير كذا يقنعك في سياره وانت جا ناوي سياره ثانيه عشان يخذ عموله اكثر وغير كذا انه كل السيارات الي يجيبها مو نفس المواصفات الاصليه للسياره لانه يطلب مواصفات اقل ويرفع السعر علينا واخيرا ما نقول الا حسبي الله ونعم والوكيل والله يعوضك ويصبرنا على وكلائنا

[بندر بريدة]

بع وشر باترول فتك ورتح وأذا انت ناوي تستعمل الحق على الوكاله وصلح العطل حق الدعسه

[سيف الظفير]

لا تكبر الموضوع وهي بسيط

يا ابن الاجواد انا شريت لي شاص 2008

واستخدمته مدة 5 شهور

لعنت مندوبة ما فيه نفد ولا وعرة الا وجاها من شهر 10 الى 2

حللت حلالي

ودخلته المعارض عقب ما طابت النفس وبعته بخساره ولله الحمد

1000 ريال

ولا هي شئ ابد فدا ساعه الصدر وهابة الريح يا بعد حيي

انت بع السيكويا 2010
وافتك منه لأن فيه عيوب مصنعية وهذا الشئ اكييييد

واعلن عنه ابو جميل

وخذلك عطي الله تاهو او يوكون دفرنسين

وتدلع بالمواصفات اللي تبي

او Gxr فل الفل بريمي

والحمد لله على توفيقه

[قطمان المحازم]

وطـئ راسـك وانـت سـعـودي == الـبـاقـي يـأكـل وانـت تـجـوعــي

[Traveller]

ما اظن ان الموظف الى باعك السيارة راح يفيدك لكن مايمنع تحاول يمكن تطلع بنتيجة

اخي العزيز انت روح حرج عليه وشوف كم راح يجيب وبعدين شف كم راح يعطونك الوكالة واختار الافضل

والله يكون في عونك

[عون الخوي]

اذا رغبان الدبل .. بيع اللي عندك ورح يم الامارات وخذ مواصفات خليجيه افضل من سيارات عبداللطيف جميل وسعرها اطيب من السعوديه

[فيصل التميمي]

ابد اخوي الخيرة فيما اختار رب العالمين

[رفيع المقآم]

الله يعين ابو طبيع ما يخلي طبعه هههههه الله لا يوفق كل واحد كذااااااااااااااااااااب

[اليكي]

اخوي ...
انا اذكر ان فيه واحد اشتر فورتشنر .... وطلعنا للبر وقلتله شغل الدبل قال مافيه ... قلت ليشششش ... قال انه يقولون له هالنوع مافيه دبل ... وانا بصراحه اول مره اشوووف فورتشنر بدون دبل ... واستغربنا ... وقلنا له الا موجود .. وقال بس الموضف قال مافيه ... والرجال شكله استعجل واخذه وكان نضام تاجير على ماعتقد ...
المهم مالك بالطووويله رجع للمووضف وخسخس فيه واعطاه من الكلام والتهديد .... والشكاوي ليييين اعطوووه واحد جديد وبدبل ... والضاهر الي بدووون دبل حطووه بحلق مسلم غيره ... << يعني صرفوه على واحد ثاني ... لا اوووصيك خذ حقك بلسانك .... ولايهمووونك ترا الطلقه الي ماتصيييب تدووووووووووووووووووووووووووووووش

[بحرالحياة]

الله يعينك ويصبرك
وشوري عليك تبيعه في الحراج
وتشري الدبل
تقبل مروري
اخوك:333


هذي النية ..
الله يعين على إلي أنت خابر ... ( كم سيم) وربعه

[بحرالحياة]

إذا كنت في جدة إذهب للوكالة الرئيسية واطلب مقابلة محمد عبداللطيف جميل وقدم له شكواك على الموظف الذي غرر بك .وبإذن الله سينصفونك.





أو إذهب إلى نفس الموظف اللي باعك السيارة وانشب في حلقه لين يبدلها وهو يكح.



فكرة التواصل مع أبناء عبد اللطيف جميل فكرة حلوة ..
للأسف أنا في الرياض ..
لكن سأحاول التواصل عبر الإيميل ..
مثل ماقال أخونا ناصح الله يسلمه
رحم الله والديك

[بحرالحياة]

وبكم بيكون سعرها بدبل ؟؟


ناس تقول 148 ألف
وناس تقول 151 ألف

[بحرالحياة]

بحر الحياة ( و أرض بما قسم الله لك تكن مأمنا) و لاتكسر قيمة الموتر أنت ماتحتاج الدبل إلا في أوقات قليلة و باقي و قتك بدون دبل


حياك أخوي ..
لكن إذا احتجته يسوي مليون ..
جزاك الله خير

[سعود محمد]

اخوي شوري عليك والراي لك لاتستبدلها مع غبداللطيف تراه بيكسر سعر الموتر وقف موترك بمعرض وبيجيك السعر الزين.
واخيرا الله يدلك على الراي الزين .

[مرقاب]

اخوي الله يعوضك خير مشكلتنا حنا فينا طيبه زايده ونصدق على طول يعني الموظف يوم قال اخر حبه وان الدبل مايجي قبل 2012 المفروض انك ثبت واخذت اقرار مكتوب من الوكاله بالشي هذا وريحت راسك
تاكد من امكانيه تركيب دبل فلعل فيه امكانيه اعتقد هذا افضل حل واقل خساير

[الناب الأزرق]

اعانك الله شي يضيق الصدر احس انك كرهت السيارة واذا شعرت بهذا الشعور مالك الا البيع
طيب ما فكرت قبل تشتريه بالتاهو او اليوكن دفع رباعي ،انتشارها في البلد يثير للدهشة ، وانا مقتنع بالقاعدة اللي تقول اي شيء منتشر بكثرة اعلم بانه سهل الصيانة قطعه متوفرة