شركة حماية السعودية لضمان السيارات ,, وش رايكم فيها تصمل ؟

[عبدالله عتيق]

جيت اشري سيارة استعمال امريكي من احد الصالات قالوا لي مضمونة ثلاث سنوات على المكينة والقير والدفرنس بشرط تسوي صيانة كل شهر تقريبا

وش رايكم بالشركة هذي تصمل والا كلام قراطيس ؟؟؟

[_دربيل_999]

تبي الحقيقة..كلام قراطيس..
الوكالات اللي تورد السيارت تغريك بكثر القرق في القراطيس..واذا صار في السيارة شيء ومن سيارتهم العيب قالوا سوء إستخدام وحملوا العميل المغرر به كل شيء,, اليست بخديعة..وتغرير بالزبون,,
وذولا اللي بيضمنون لك سيارة مستعملة ثلاث سنوات لستُ ملائكة...

تحيتي لك اخي..

الروقي

[ابوطلال 34]

هم خصيكم وهم اللي يحكمون وهم اللي يضعون كل الشروط فمعناها اي خلل بيكون منك
الزبدة انهم ما يصملوووووووووووووووووووووووون
وزي ما قال اخوي الروقي اذا الوكالة وهي تجيب جديد ما تصمل فما بالك بذولا

[أبي عبدالله]

أذا جيت تشتري من هالسيارات ولقيت لك وحده نظيفه فيه موقع أمريكي أسئل عنه
هذا سلمك الله ومن يقرأ توضع فيه رقم الشاص حقها ويبين لك هل السيارة قد صدمت
والأ وكانت تبع الشرطه عندهم يعني برنت كامل
وفيه ورشه في الرياض كانك من أهل الرياض في آخر الشفا أسمها ورشة فهد عنده جهاز يكشف الصدمه والسمكرة

لعلي أن شاء الله أكون أفدتك

أبي عبدالله

[PAJERO]

افحص عند الورش المعروفة
ولا تتوهق وتطب
ترا الفحص يوفر عليك

[عبدالله عتيق]

ماقصرتوا وبيض الله وجيهكم

كلام عقل

لكن على ماقالوا كلا يذكر ماواجه وماجرب

يمكن احد وافقت معه صح وغيره خطاً

لكن عساكم سالمين

[نحال الجبال]

انتبه ما احد يصمل كلام ورق وفضيحة التأمين فى كارثة جده اكبر دليليل مسلمه ارقبنا للتجار وهو يسلخ على كيفه ولا حسيب ولا رقيب مير الله ينتقم منهم

[محمد01]

بيني وبينك أنا مآخذ أمريكي ولا قد دخلتها عندهم لكن الي فهمته على قد ماتجيب السيارة لهم بين فتره وفتره يظمنونها لك حتى لو مافيها شي ضروي بشكل دوري تجيبها اعوذبالله، بالعربي حافظ على السيارة واهتم فيها وأنا عن نفسي ما أثق في شغلهم قد غيرت فحمات وزيت قير عند ورشة انا واثق فيها بس.

[العابر]

كم بتكلفك الصيانة الشهرية بيضربونك بالاسعار الين ينحشونك وبعدين اذا صار شي قالوا ما نضمن لك لانك ما تسوي عندنا الصيانة الشهرية