وش سالفت الناس على الديـــــزل ها الايـــام

[السالمي]

السلااااااام عليكم

كثرو الصراحه الايام هذي هواة الديزل

واغلبهم يطلع موتره ديزل من الوكاله جديد سواء كان هايلوكس او لاندكروزر او نيسان


ان انتقداي عن سبب اختيار بعض الناس للماكينه اللي تعمل على الديزل

يعني انا اشوف انها ضايعه فكرة موتر بر ويعمل على الديزل

الديزل من عيوبه


اول شي الـــعزم من المعروف ان عزم الديزل نصف عزم البانزين وتابعو الكاتلوج

واذا تبون تحكمون على الطبيعه شوفو جيب ديزل وجيب بانزين منهو اللي يرقى فيهم الطعس

الديزل يالله يرقى كومة قلاب

ثاني شي مع المده يبدا يدخن والليوم سائل واحد ميكانيكي كنت مدخل موتري عنده

وجا بالصدفه راعي لانكروزر ومن يوم دخل الورش عرفت ان موتره ديزل

قلت للميكانيكي وهو شايب كبير بالعمر كيف مكينه الديزل قال كويس قلتله وتوضيها

قال توضيبها مشكله لانك لافكيت الماكينه لازم تغير كل قطعها

ماهو زي البانزين بأمكانك تستغني عن بعض القطع او ترجع تركبها

يعني مافيه ميزه الا قلة الصرفيه ويوصلك اكثر من مايوصلك البنزين

انا اشوف والله حرام واحد يحط مبلغ فوق الميه بسياره ديزل وخصوصا لاصار الموتر مخصص للبر

البر يبغى موتر عزمه قوى ويتحمل

واذا هي على البانزين تقدر ترهملك تانكي اضافي اذا ماعندك

وبعض انواع الجيوب ماتعرف الصرفيه زي الشروكي


هذا رايي وابي رايكم يمكن للديــــزل مزايا اجهلها انا او يجهلها غيري

[الوشاح]

وعليكم السلام
ا
اخوي السالمي...
انت ضربت على الوتر الحساس
انا معك الناس طاحت ب الديزل
قولك ان عزمه ضعيف فهذاصحيح , لاكن العزم مهب كل شي , صحيح اني ابكون مبصوط إذا سيارتي عزمة قوي لاكن ابكون مبصوط اكثر إذا وقفت اعبي عند المحطه

اما عن قولك انه بعد فتره يدخن , فيبدو ان مالك خبره بلجديد
ابوي معة لاندكروزر 99 ماشي 400الف ولا يدخن مشألله

اما قولك ان توضيبه عله
اقولك ان مكينة الديزل تحمل اكثر من البانزين بمراحل
والي يفك المكينه بعد 400او500الف اكيد يبي يغير كل القطع

ومثل ماقلت مافيه ميزه إلا قل الصرف لاكن هذي الميزه عند اهل المشاوير اهم من العزم
وبعدين يابعدي ليش حرام احط ميلغ كبير في ديزل وانا ابرتاح من البانزين وغلاه


وياعمري اضحكتن يوم قلت يرهمله تانكي , المشكلة ماهي في التانكي وضيقه , المشكله بكم تعبية

وابيك يا حبيبي تجرب الامراتي المقلوب دركسونة وتشوف النشاط , لاكنه منع الدخول علشان مايطيح سوق
السعودي
انا ماجربتة لاكن ابوي ساقه ويمدحه ويقول انه قريب مره من البانزين...

والظاهر اخوي السالمي انك متب راعي مشاوير من يوم شفت سيارتك شيروكي
وقول الي مهوب راعي مشارير لا ياخذ ديزل
وانا لوني مأضرب كل يوم 200كلم كان ماشريت ديزل
اماراعي جلد الخطوط والصحاري مالة إلا الديزل عطي الله

[الوشاح]

وعليكم السلام
ا
اخوي السالمي...
انت ضربت على الوتر الحساس
انا معك الناس طاحت ب الديزل
قولك ان عزمه ضعيف فهذاصحيح , لاكن العزم مهب كل شي , صحيح اني ابكون مبصوط إذا سيارتي عزمة قوي لاكن ابكون مبصوط اكثر إذا وقفت اعبي عند المحطه

اما عن قولك انه بعد فتره يدخن , فيبدو ان مالك خبره بلجديد
ابوي معة لاندكروزر 99 ماشي 400الف ولا يدخن مشألله

اما قولك ان توضيبه عله
اقولك ان مكينة الديزل تحمل اكثر من البانزين بمراحل
والي يفك المكينه بعد 400او500الف اكيد يبي يغير كل القطع

ومثل ماقلت مافيه ميزه إلا قل الصرف لاكن هذي الميزه عند اهل المشاوير اهم من العزم
وبعدين يابعدي ليش حرام احط ميلغ كبير في ديزل وانا ابرتاح من البانزين وغلاه


وياعمري اضحكتن يوم قلت يرهمله تانكي , المشكلة ماهي في التانكي وضيقه , المشكله بكم تعبية

وابيك يا حبيبي تجرب الامراتي المقلوب دركسونة وتشوف النشاط , لاكنه منع الدخول علشان مايطيح سوق
السعودي
انا ماجربتة لاكن ابوي ساقه ويمدحه ويقول انه قريب مره من البانزين...

والظاهر اخوي السالمي انك متب راعي مشاوير من يوم شفت سيارتك شيروكي
وقول الي مهوب راعي مشارير لا ياخذ ديزل
وانا لوني مأضرب كل يوم 200كلم كان ماشريت ديزل
اماراعي جلد الخطوط والصحاري مالة إلا الديزل عطي الله...


ودمت سالماً.....

[هـاوي نفود]

أخوي السالمي ...

كلامك صحيح :good2: وكذلك رد الأخ عريفجان صحيح :good2:

وعموماً أنا معي هايلوكس ديزل
وممشاه مايعجز عن الـ 140كم حتى لو قابله الهوا وإذا كان الهوا راكد فأبشر بالـ 170كم وهو يضحك
وأكثر من كذا مانبي وإذا المسألة على البر فهو يتحمل أكثر من البنزين ومانت بحاجة سرعة وسط البران
وعلى فكرة ... ترى نفس الديزل أطول من البنزين بكثير يعني لو تمشي في نفود والنفود ما يساعدك تاخذ نفس فتأكد إن البنزين ما يأكل عيش عند الديزل وإسأل المجربين ...

عموماً إذا الله منعم عليك :eek: فأكيد غلطان تشري ديزل لأنك إذا كانت المقارنة فالخسران الديزل لكن إذا كانت الحسبة حسبة واحد مثلي :( داااااااااااااااااااج :( فالديزل عمي :good2: وتاج راسي بعد :good2:

ختاماً تقبل تحياتي

[السالمي]

, لاكن العزم مهب كل شي , صحيح اني ابكون مبصوط إذا سيارتي عزمة قوي لاكن ابكون متصوط اكثر إذا وقفت اعبي عند المحطه



لاوالله العزم مهم وانا اخوكم شف لو تبي تروح يم ارض جلد زي الصمان بيزبنك الديزل وتقدر تقطعبه ديار بتانكيه

وهذي ميزه بس لاينقطع فيك الديزل عن غفلتن منك تبي تتوهق ساعتها لانه يمكن يجيك واحد يبي يخدمك

بس موتره بنزين وحتى في الطرق السريعه يبيلك تريله تسعفك لا انقطع الديزل








اما عن قولك انه بعد فتره يدخن , فيبدو ان مالك خبره بلجديد
ابوي معة لاندكروزر 99 ماشي 400الف ولا يدخن مشألله


الله يوفقه فيه وعساه مركب عافيه





اما قولك ان توضيبه عله
اقولك ان مكينة الديزل تحمل اكثر من البانزين بمراحل
والي يفك المكينه بعد 400او500الف اكيد يبي يغير كل القطعد


لا احيانن ينشعر الراس سبب حراره او اي عارض يصير بسبب غفله السائق

البانزين بأمكانك تغير الراس او تخرطه وترجع تركبه واحتمال كبييييير مايحتاج تغير بلوف جديده

لاكن الديزل اذا فكيته لازم تغير كل شي في الماكينه وهذا سمعته من كذا شخص





وياعمري اضحكتن يوم قلت يرهمله تانكي , المشكلة ماهي في التانكي وضيقه , المشكله بكم تعبية


ماتفرق والله بكم اعبيه دام راح اجد العزم اللي يزبن لاطحت في ظرف يحتاج عزم من الموتر


زي الرباضه اعتقد لو طاح فيها ديزل ماطلع خاصه الاندكروزر هو ثقيل خلقه كيف لاصار ديزل

وعندك ايضا لاصرت محمل الموتر او تجر خلفك قلص من اللي يتحملها اكثر البنزين او الديزل




يبدو اخوي السالمي انك متب راعي مشاوير من يوم شفت سيارتك شيروكي
وقول الي مهوب راعي مشارير لا ياخذ ديزل
اماراعي جلد الخطوط والصحاري مالة إلا الديزل عطي الله

لا والله راعي مشاوير بس ماهي دائمه والعيد ذا راح اعيد بالصمان انشاء الله

بس هذي وجهة نظر وتو واحد من عيال خالي شاري هايلوكس 2005 دبل

وذاك مايقعد كل خميس لازم يطلع

بس الحمدلله انه اخذ بنزين صحيح يبي يصرف بس يهون لجل العزم

[الوشاح]

اخوي السالمي
تحية طيبه
لوكان صرف البانزين قاصرعلى الكشتات كان هانت
الكشتة بسيطه, قطه على الشباب
المشكله بالمشاوير
انا مثلاً
كل يوم امشي 200كلم , سيارتي هايلكس ديزل , اصرف تقريبا 7ريال
الشباب الي معي معهم هيلكسات بانزين يصرفون 25ريال , شفت الفرق
الفرق واجد ويقصم الضهر
خل احسبه لك
لو قلنا25ريال *30يوم بالشهر =750ريال بالشهر الواحد
750ريال *10اشهر (منب قايل سنه)=7500ريال بالسنة
هذا البانزين
اما الديزل
7*30=210ريال في الشهر
210*10=2100ريال في السنه
البانزين يصرف7500في السنة
الديزل يصرف2100في السنة
7500-2100=4500ريال
وش رايك بالفرق
الفرق كبير 4500ريال سنويا
هذي سنه وحده
خلنا نشوف الفرق في عشر سنوات
للبانزين
4500*10=45000ريال في 10سنوات
اما الديزل
2100*10=21000ريال في 10سنوات
يعني تدفع للبانزين خمس وربعين الف ريال في عشر سنوات
وتدفع لديزل واحد وعشرين الف ريال في عشر سنوات
المهم
اكرر كلامي واقول:
الناس ماشرو الديزل حب فيه
بل حب في الاقتصاد والتوفير
متناسين بطريقه اواخرى سلبياته

اخوي السالمي
تصدق ان عمي يصرف بانزين من70 إلى100 ريال يوميا
وسيارته في اكس ار 98
لين طفش وشرا سيارة المانية ديزل وارتاح

اما انا إذا خلصت الكليه ابشري بنزين وبيكون شروكي إن شالله
وبكب الديزل
إذا ماوراي تردد


كلمه اخيره
ترا الديزل احسن مما تتوقع بالعزم , سيارتي الهايكلس رحت علية لم دباب , واماكن كثيره , ومره دخلت 30كلم بنفود صعافيق ,ما غرزت الى مره , لاكن هوا الكفرات 10بس .....
اما اللاند غير مكينته وحط مكينة تيربو وخذ موتر ....

واي استفسار اخوي السالمي انا حاضر

دمت سالما...

[Bader-M]

فيه نقطه يجب ان ينتبه الشباب اليها
هي

مزياء المحرك الديزل

1- عزم عالي جدا
2- العمر الافتراضي اطول
3- القطع المكونه للمحرك اقل


عيوبه
- التسارع بطئه
- صوت المحرك



البنزين
1- قوة احصنه
2- تسارع عالي
3- قليل الازعاج ( صوت المحرك منخفظ جدا )


.......
في الفتره الاخيره قامت شركات سيارات عالميه بانتاج محركات ديزل ذات اداء عالي جدا

خذ مثلا
http://www.dodge.com/engines/img/pic_cummins_600.jpg

هذا محرك ديزل قامت شركة كرايلسر بتطويره
معلومات عنه
......

عندما يعمل هذا المحرك
فانه لا تستطيع ان تحدد ان محرك بنزين ام ديزل ( من شدة هدوءه )
الا عندما تكون قريبا جدا منه
محرك هادي و مرن و لا يسمع له الظجيج المعهود لمحركات الديزل
ومع هذا كل هذا الهدوء
يملك قوه جباره و عزم هائل
وهو ايضا مزود بشاحن تربيني
وهو مزود في اربع صمامات لكل اسطوانه وكامه لعويه
(هذا الشي يعتبر مخالف لنهج الامريكي في صناعة المحركات )
السعه / 5.9 لتر
عدد الاسطونات / 6 على خط مستقيم
القوه الحضانيه / 325 حصان ( هذا الرقم يعتبر خيالي بنسبه لمحركات الديزل )
العزم / 600 lb.-ft ( لا تعليق )
ومع كل هذا الموضفات الخارقه للعاده
الا انه يعتبر محرك عملي و قليل الاعطال
والدليل على هذا
انه
حصل على عضوية في نادي المليون ميل ( 1.6 مليون كلم )
يعني ان المحرك اجتاز مليون ميل دون اعطال كبيرة
وهذا الرقم يعتبر خرافي

.......

ولكم مني كل محبه وتقدير

[السالمي]

لاهنتم يالربع على تشريفكم موضوعي

وطرح ارائكم وهذا ممايسعدني


ولاهنت ياطاير بالعجه على التوضيح