لوحات من خريم

[نفل]

السلام عليكم ورحمة الله وبركاته

هذه الصور التقطتها من آخر كشته لخريم امس الخميس والخميس اللي قبله
وان شاءالله تجوزلكم ويمكن غثيتم بخريم لكن وش نسوي الدنيا برد وهي اقرب مكان
واحسن عشب من البعيد .

http://www.mekshat.com/pix/upload/images6/mk2692_IMG_5374.jpg

http://www.mekshat.com/pix/upload/images6/mk2692_112255.jpg

واخيرا غروب الشمس خلف السحاب يوم امس الخميس ذو الحجة 1425 هـ

http://www.mekshat.com/pix/upload/images6/mk2692_nfl2005.jpg

والسلام عليكم ورحمة الله وربركاته .

[Escaled]

وعليكم السلام ورحمة الله وبركاته ,

إبداع يبو محمد ماشاء الله تبارك الله :)

بالتوفيق

[آل حسين]

السلام عليكم
ماشاء الله تبارك الله
(((وشكلك يااخوي نفل تحب خريم واجد ومانقول الله يلوم اللي يلومك خريم من اجمل واروع الفياض على مستوى المملكة)))

[نفل]

السلام عليكم ورحمة الله وبركاته

هلا اخوي Escaled
وش اخبارك ان شاءالله بخير ومشكور على
مرورك والحمد لله ان الصور حازت على رضاك
وعقبالك وعجل علينا بالصور :)

هلا اخوي آل حسين
وعليكم السلام ورحمة الله وبركاته
والله انك صادق اخوي والله ان خريم عندي من احسن الفياض
لا من ناحية تنوع العشب او المساحة والقرب من الرياض
ولا تنسى التنهات الله يجيلها السيل ان شاءالله وتربع مثل العام .
ومشكور اخوي على مرورك وجزاك الله الف خير .

[عبد الله الفايز]

ياحبي لك يابو محمد

غثنا تكفا كل يوم مثل هالمغثة

من تحصيل الحاصل أن أقول إن الصور جميلة فهذا قد فرغنا منه قديما فتوقيع نفل يساوي علامة الجودة

أشاركك في حب روضة خريم

ولكني انقطعت عنها لما كثر بها الناس وسيجت وهذه طبيعتي لاأحب كثرة الناس في المكاشيت

ليتك ياأبا محمد قد رأيت روضة خريم عام 402 - 403 - 404

كل الروضة بجمالها واتساعها لاترى فيها عشر سيارات

[نفل]

السلام عليكم ورحمة الله وبركاته

هلا اخوي عبدالله الفايز

اولا اشكرك على اطرائك وان كنت لا استحق كل ذلك .
وانت صادق اخوي كثرة الناس اللي يكشتون للروضة جعلها وكانها حديقة
عامة لكن يمكنك تجنب الزحام اذا ما اتيت وسط الاسبوع .
( ليتك ياأبا محمد قد رأيت روضة خريم عام 402 - 403 - 404 ) :D اثرك شايب
وانا ما ادري كم كان عمرك وقتها :) . بيني وبينك اول مرة خيمت بخريم كان عام 1392 هـ
يعني قبل لا يطلع خط رماح وجيناها عن طريق النفود وقتها كان النفل يغطيني :)
الله يعيد هذيك الايام .

[عبد الله الفايز]

( ليتك ياأبا محمد قد رأيت روضة خريم عام 402 - 403 - 404 ) اثرك شايب
وانا ما ادري كم كان عمرك وقتها . بيني وبينك اول مرة خيمت بخريم كان عام 1392 هـ
يعني قبل لا يطلع خط رماح وجيناها عن طريق النفود وقتها كان النفل يغطيني
الله يعيد هذيك الايام .

مشكور حبيبي

اللهم آمين الله يعيد علينا الخير

من ناحية العمر يظهر لي انه ماعليك زود :looney: مادام انك مخيم عام 92 هـ

هاك السنة 92 هـ عمري 11 سنة بس .. الناس ماطاحو بروضة خريم وكثرت مكاشيتهم إلا من 15 سنة وجاي

لأسباب كثيرة منها والله أعلم النعمة والأمن والطرق الزينة والسيارات الزينة ولأجهزة الحديثة الجارمن

وأشباهه والآيكوم وأشباهه

ولا يهون منتدى مكشات وأشباهه

ما أقول إلا الله يحسن لنا ولك الخاتمة

[فارس نجد]

اظاهر الزين مهوب في خريم ؟؟؟ :heart:

[صقر]

السلام عليكم

لوحات رائعة بالفعل أخي نفل ... وهذه المرة ربيع هذا العام ان شاء الله ان فيه بركة ... ونتمنى له التبوع من العزيز الحكيم.

وبارك الله فيك.

تم اضافة نفل وعبدالله الفايز الى شيبان المنتدى ... بناءاً على اعترافاتهم.:D

[عاشق الصفاري]

تسلم اخوي ابومحمد على الصور الرائعة ..
بارك الله فيك ..