ياهل الباترول ... ماهو الموديل الأفضل بعد الألفين ؟

[رواق]

سلام عليكم ياهل المكاشيت :)

ضيفكم الجديد راعي مكاشيت قديم سواء داخل المملكة او خارجها بس مالي في الجيوب وقررت اشتري باترول ربع او مايمسى بـ "السلقة" اوقفه واخليه لأيام الويك اند والاجازات فقط

نصحوني اني اخذ موديل من الالفين وفوق لأنه زي ماقالوا أقل في صرف البنزين

وحسب كلامهم ان أسعار الالفين والالفين واحد تتراوح بين الخمس وعشرين الف والثلاثين حسب نظافة الموتر ... وهالسعر مناسب للمبلغ اللي انا محدده

الأسئلة اللي تسدح نفسها بقوة هنا ... هل فيه فرق في الشكل بين الموديلات هذي ؟

هل الالفين وثنين مثلا افضل من حيث الشكل والالوان ؟ لاني ماحب اللون الابيض ... وقد رأيت في احد المكاشيت سلقة لونه رائع جدا ( فضي ) بس شكله جديد

اذا كان فيه احد معه سلقة ومركب لها تانكي موية داخلي ياليت يفيدني كم ياخذ من لتر مويه وهل بيأثر على مساحة شنطة السلقة اللي هي صغيرة أصلا ؟


سمعت انه تقدر تشيل مراتب السلقة وتحط مرتبة بيوك وانها تكون مريحة وثابتة هل الكلام هذا صحيح ؟

هل فيه مساحة في الكبوت كافية لوضع بطارية احتياط وماطور هوا ؟

هل الدعامات والونش لها تأثير كبير على عزم الموتر وصرفه للبنزين ؟ وماذا عن التجهيزات الأمامية اللي ممكن توضع زي المسحاة والفاس والمطرقة وغيرها هل احد منكم جربها ؟

ياليت اللي عنده خبرة واطلاع يعلمنا ويفضل بالاسعار والاماكن .. يفيدني والفائدة عامة للجميع واكون له من الشاكرين :)

[رواق]

تصدقون اني طالع من البيت وراجع وانا اقول تلقاهم متماعطين الشوش في موضوعي الحين

[كشوتي]

السلام عليكم ورحمة الله وبركاتة

شف ياخيي رواق فعلا الطلعه بدون رواق ماله رواق

على الاسئله اللي انت سدحت شكلك فاهم باضافات السلقة بقوه
لكن بالنسبه لصرف البنزين والاسعار افيدك فيهن
اللي اعرفه ان الباترول من 2002 مايصرف بننزين اماالموديلات اللي قبل تصرف
وبالنسبه للاسعاراللي انت حاط زد عليها عشرة الاف الله يسلمك وبتلقاء ان وفقك الله

[رواق]

هلا والله كشوتي

اي والله خبير اللي جاي يسأل :)

عموما معلومتك مهمة ، لان اللي سمعت ان الفرق في صرف البنزين عدلوه من موديل 2000 ، زين اللي نبهتني عشان أعيد النظر واتأكد :)

تسلم حبيب البي وترا ماهو كل رواق رواق ;)

[رواق]

عيدكم مبارك :)

وبهالمناسبة الكريمة ماعندكم لي ردود ؟ بس ترا مهيب ردود رمل :)

[abu rashid]

السلام عليكم
بالنسبه للنيسان ستاندر (سلقه ) كلها سوا من 98 الى 2003 نفس المكينه وتجي كربريتر اتوقع نفس الصرفيه
اما 2004 يجي بخاخ (عزم وقل صرفيه) اما المكينه سوا كلها4500
والالوان متوفره تجي ابيض ورصاصي وبيج(سلاح الحدود) واسود ..

وهذا ما عندي والله اعلم......

[أبو يوسف]

توضيح بسيط
السلقة 98 و 99 المكينة 4300
من الفين المكينة 4500
اما بالنسبة للتانكي اعرف واحد من الاقارب فصل تانكي بارتفاع عشرين صانتي على ما أظن وياخذ تسعين لتر
والاسعار بالثلاثين النظيف ( ثمانية وتسعين او تسع وتسعين ) والالفين اغلى

وسلامتكم

[وهبى]

السلام عليكم

شف طال عمرك

انا عندى سفارى 2000وممتاز جدا نص كامل قير عادى
وانصحك اخى الفاضل بأن تأخذ من 2000 الى 2005 واذا تستطيع ان تأخذ من الجديد افضل
واتمنى ان لاتقع فى الخطأ فما هو الخطأ 00ان تأخذ سلقه --او تأخذ ربع --فهذا خطأ واتمنى تأخذ نص كامل واربع ابواب لماذا اربع ابواب --طبعا السعه اكبر ويشيل افراد اكثر وهذ احسن حتى انه يشيل اغراض واذا ىانت كاشت مع ربع يشيلهم والكل مرتاح ولاتأخذ سلوقى مابه مكيف خلفلى وفكر بالصيف شلون--؟الحر-- ودور الراحه وانا اخوك ---
-----------يتبع -----------
وكنت اتمنى اضع لك صوره سيارتى لاكى تقتنع اكثر ولكن وعد منى ان اضع لك الصور واحتاجك بتذكيرى بعد ثلاثه ايام
------------------------
طبع النص كامل لاتستطبع ان تضع بطاربه اخرى --وانا من رأى بأن لاتضعها فيوجد شاحن قوى لليشغ السياره وانت مقطوع بالبر
وعن مكان لتركيب الشبل والفاس ومعلاق الذبيحه والشراع اى الذرى فتركب سله وعليها العده كامله

اما عن تركيب ماطور الهواء فيوجد به مكان لتركيب فى المكينه
وعن التانكى الماء طبعا هذا فى دبه السياره
------------------------
انا مركب ماطور هواء --تانكى ماء وبانزين مع بعض نص -بنص - ومركب جهاز ايكم -ومركب جهاز القارمن عند المرايا الاماميه --
-----------------------
الخلاصه =ببساطه --طال عمرك انت مرتاح من السياره والى راكب معك --وعندك كل سبل الراحه -ماء بانزين -ايكم -قارمن -سله تشيل اغراض ونفس لون السياره بالضبط -
----------------------
واذا تبينى اضبطك اتمنى ان تزورنى فى الكويت وانا حاضر وبالشوفه وشغلك يخلص فى يوم واحد
اذا عزمت ارسل لى رساله
وفى النهايه اسمحلى على كثر الكلام الذى بذر منى

وتقبـــــــــــــــــــــــــــــــل الله طاعتك
محبك بالله

[وهبى]

السلام عليكم

شف طال عمرك

انا عندى سفارى 2000وممتاز جدا نص كامل قير عادى
وانصحك اخى الفاضل بأن تأخذ من 2000 الى 2005 واذا تستطيع ان تأخذ من الجديد افضل
واتمنى ان لاتقع فى الخطأ فما هو الخطأ 00ان تأخذ سلقه --او تأخذ ربع --فهذا خطأ واتمنى تأخذ نص كامل واربع ابواب لماذا اربع ابواب --طبعا السعه اكبر ويشيل افراد اكثر وهذ احسن حتى انه يشيل اغراض واذا انت كاشت مع ربعك يشيلهم والكل مرتاح ولاتأخذ سلوقى مابه مكيف خلفى وفكر بالصيف شلون--؟الحر-- ودور الراحه وانا اخوك ---
-----------يتبع -----------
وكنت اتمنى اضع لك صوره سيارتى لاكى تقتنع اكثر ولكن وعد منى ان اضع لك الصور واحتاجك بتذكيرى بعد ثلاثه ايام
------------------------
طبع النص كامل لاتستطبع ان تضع بطاريه اخرى --وانا من رأى بأن لاتضعها فيوجد شاحن قوى لليشغل السياره وانت مقطوع بالبر
وعن مكان لتركيب الشبل والفاس ومعلاق الذبيحه والشراع اى الذرى فتركب سله وعليها العده كامله

اما عن تركيب ماطور الهواء فيوجد به مكان لتركيب فى المكينه
وعن التانكى الماء طبعا هذا فى دبه السياره
------------------------
انا مركب ماطور هواء --تانكى ماء وبانزين مع بعض نص -بنص - ومركب جهاز ايكم -ومركب جهاز القارمن عند المرايا الاماميه --
-----------------------
الخلاصه =ببساطه --طال عمرك انت مرتاح من السياره والى راكب معك --وعندك كل سبل الراحه -ماء بانزين -ايكم -قارمن -سله تشيل اغراض ونفس لون السياره بالضبط -
----------------------
واذا تبينى اضبطك اتمنى ان تزورنى فى الكويت وانا حاضر وبالشوفه وشغلك يخلص فى يوم واحد
اذا عزمت ارسل لى رساله
وفى النهايه اسمحلى على كثر الكلام الذى بذر منى

وتقبـــــــــــــــــــــــــــــــل الله طاعتك
محبك بالله

[رواق]

جويعد وابويوسف ووهبي

الف شكر لكم

واعتذر عن التأخير :)

استفدت من نصايحكم كثير وان شالله اني اتخذت الخيار الصحيح

شريت باترول ربع 98 بتسع وعشرين الف ريال نظيف ولله الحمد والآن له معي سنة ماسفت منه الا كل خير وهذا من فضل ربي

ركبت فيه تانكي موية اللي قال عنه ابويوسف وممتاز جدا

وركبت بطارية احتياط ومددت عليها كل كهربا السيارة بالإضافة الى ماطور هوا في الكبوت وتمديدات الايكم

وركبت سلة حليلة وبالحايلي ( وذفة ) :)

واللي عنده أي سؤال عن مكان التركيبات ذي انا مستعد :)

[فتى الدهناء]

ماشاء الله الله يبارك لك فيه

وهذا الشغل الزين ..

[بواسامه]

vtc4800وبس

[بواسامه]

يارواق
لا تاخذ الا من 2002 وفوق
واخص فتك بالذكرvtc4800
لانه اقل صرفيه ونشيط بمعنى الكلمة
اس جي ال يفي بحاجتك ويوسع صدرك
وفقك الله
http://www.mekshat.com/pix/upload/images24/mk7296_aa.jpg