الهاف للي مايعرف الهاف يوجد صور

[الهاف]

الهاف هو أحد السيارات القديمة من نوع الفرد ويتحمل أقسى الظروف
وإليكم الصور
http://www.mekshat.com/pix/upload/images6/mk12102_DSCN033612.JPG

ياحلوه في أي مكان :cool:
http://www.mekshat.com/pix/upload/images6/mk12102_DSCN033812.JPG

وما يجيب الذيب الا الذيب

http://www.mekshat.com/pix/upload/images6/mk12102_DSCN036812.JPG
:D :D :D :D :D

[آل حسين]

السلام عليكم
ماشاء الله يااخوي
بس ودي انشدك
وش موديله ؟؟؟
وش النفود اللي مصور فيه السيارة
وعسى ماطولت عليك

[ابورخا]

السلام عليكم ورحمة الله وبركاته :
الله يعطيك العافيه على هالصورالحلوة
وياليت تزوددنا باكثراذاامكن الله لايهينك..

(من يسب الهاف جعله فدوة له**جعل يفدنه غنادير البناتي)

[مهراس]

أهلا فيك يالهاف بدايه جيده لهواة السيارات القديمه:



http://www.mekshat.com/pix/upload/images6/mk6074_R4.JPG

ياهل الونيت اللي نوى مشتل البيب ما دق صدره بالخطوط الغزيـره
يوم يتخضّع في محير الاداعيـب يشدي تخنّع جادلٍ فـي حريـره
لا تجربونه ما يبي الفرت تجريب قد جربه في البيت الأبيض خبيره

[الهاف]

أهلاً بك يا آل حسين والمديل 76 والنفود الساروت
أبو رخا أبشر بسعدك
المهراس أهلاً بك صديق دائم
وشكراً للجميع على مرورهم

[مهراس]

الأخ الـهاف شكرا على الرد لكن هذا ماهو موديل 76، الوجه 66 لكن السياره موديلها بين ال 61 و 64 وأقولك ليش بس بعد مشاركات الأخوان يعطيهم العافيه. تحياتي

[القناص]

بارك الله فيك
وشكرا على الموضوع

هل ممكن نعرف بعض المعلومات الفنيه عنه
يعني كم سلندر
كم حصان
القير كم نمره
ودي اعرف وش كانت مواصفات السيارات القديمه
ودمت :good:

[القناص]

وهذا الست وسبعين مع احترامي للجميع

http://www.berryauctions.com/may3_2003_images/may_3_007_truck.JPG

وهذا ال الواحد وستين

http://summerville-novascotia.com/PickupTrucks/1963Ford-2.jpg

وهذا السبع وستين

http://www.cars-on-line.com/2qdirectory/67ford5486-A.jpg

[ابوفزعه]

مشكور اخوي على الموضوع

يعطيك الف عافيه والله يبارك لك فيه ويعطيك خيره ويكفيك شره

[الهاف]

حياكم الله جميعاً
المديل والله مناب متأكد منه لأنه موتر واد من العيال
بس أنا من المعجبين به وحبيت أخليكم تشوفونه ونشاء الله نجيب كل المعلومات منه ونعطيكم خبر :good2:

[3:16]

http://www.mekshat.com/pix/upload/images6/mk12102_DSCN036812.JPG

وش ذا!؟ :no:

با اعلم عليك الحياة الفطريه اخليهم يصادرون سيارتك لانك تذبح الذيابه<< ناوي يشتري سيارته اذا صادروها ;)

[الفهد454]

انا اشهد يالهاف وبالمناسبة ابعطيكم قصيدة من قصايد التهريب بالهاف








انا تل قلبي تل فرت تحت منحاش *** عليه القريفل واقتفى الهاف دورية
ماهي مباحة حملته والخليط غراش *** جديد تعرض للنمر وراعيه زايد فنه
عطاه الثلاثة لين مي الرديتر غاش *** ولا ريحه لين الحمر عقب الميه

[رفيع الشان]

يعطيكم العافيه على هالمعلومات القيمه

الا هالنوع من الفورد يجي دبل ولا بدون


ودمتم

[ABU-AL-3eeS]

انا اشهد انه شنب
http://www.mekshat.com/pix/upload/images6/mk12102_DSCN036812.JPG


صح لسانك يالفهد 454


وكل عام وانتم بخير

[الفهد454]

صح بدنك ياعاطل وكل عام وانت بصحة وسلامة لكن وين الناس هذا وانت بنفس الديرة معي ماتنشاف

[ABU-AL-3eeS]

وانت بخير وصحة وسلامة

مالك لوا انا معيد بالوسطى ((الرياض))


نشوفك ولا تقطع

تامرنا على شي يابو برا....

يالله فمان الله :good:

[مهراس]

الأخ رفيع الشان: كل عام وانتم بخير،،،،، فقط أحببت أن ارد على استفسارك عن الونيتات الفرت الدبل، نعم فيها وأليك هذه الصوره، تحياتي.

http://www.mekshat.com/pix/upload/images6/mk6074_My 66 Ford F100-1 003-R.JPG

[Bader-M]

الصراحه كل ما قريت هذا الموضوع
احسن اني جالس قدام تلفزيون ( اسود و ابيض ) :D

......

صور كلاسيك ورايقه :good2:

وقصيده حلوه يا الفهد454

تسلم يمانك يا الهاف

[رفيع الشان]

مهراس لاهنت يالحبيب ... وجزاك الله خير

[الاحداثي]

اخوي الهاف : لقد حركت شجوني . وبالمناسبة ما تخبر لي عادي 66 ..
اخوي رفيع الشان سبق أن شاهدت فورد هاف دبل 66 ولكنه قليل جدا بالمقارنه بالعادي والهاف .. ولمن يريد معرفة الفرق بين الهاف والعادي فان العادي له ياي في المقدمه والهاف له سست .. وصندوق العادي أقصر من الهاف .. وبطارية الهاف في الغمارة تحت أرجل الرديف أما العادي فالبطارية بجانب المكينه ..بالإضافة الى بعض الفروق الأخرى ...
وللجميع خالص ودي واحترامي ... ;)