فزعتكم يا شباب محتار بين الباترول والاكسبلور

[اعترفلك]

السلام عليكم ورحمة الله وبركاته


يا جماعة الخير مشورتكم بسيارة بداخل المدينة( بكثره) وللسفر وطلعات البر
ومعروضه علي هالسيارتين من زملائي

1- نيسان باترول اربع ابواب ستاندر يعني اقل شي
قير عادي اللون لؤلؤي موديل 2005

2- اكسبلور ستاندر يعني اقل شي اللون اسود موديل 2006


ومحتار بين هالسيارتين لان اسعارهم متقاربه وكلهم انضاف
ارجو منكم المساعدة بالاختيار

شاكر ومقدر لكم جميعاً

[المنيعي1]

أذا كان اباترول رفارف أكيد الباترول

[moooj]

استخر وشف الي يجوز لك وافحص ثم افحص
بس الجير العادي متعب داخل البلد اخاف تشتريه وتتوهق في الزحمة
الأكسبلورر قطعه (اعتقد) ارخص ومتوفرة وخراباته اقل وقير تماتيك اريح لك بالزحمة لكن بالبر النيسان ما عليه كلام ويبيض الوجه

[حزوبر]

باترول ووبسسسسسسسسسسسسسسس

[محمد01]

اذا ماعندك مشكله في القير العادي خذ باترول واذا فيه كشكله اكسبلورر وأهم شيء قبل ان تكلم أي أحد صلي صلاة استخارة.

[التعـ King ـديل]

دامك تقارن الثرا بالثريا .. شف لك غيرهم

الثريا = باترول

الثرا = اكسبلورر

[اعترفلك]

بارك الله فيكم يالنشاما على ردودكم
بس ياليت تفندون وتذكرون اسباب الاختيار عشان نقتنع
وشكرا لكم جميعا

[سفاري959]

المقارنه بين السيارتين ظالمه وش جاب الباترول اللي له سنين في السوق ل ال اكسبلور اللي ماله سبع او ثمان سنوات اذا فكرت تاخذ امريكي فانا انصحك فيه لانه يعتبر من افضل السيارات الامريكيه بالعربي الباترول صبر وعند البيع دارج موفق خير

[برق الشمال AM]

فرق شاسع جدا بين السيارتين اكيد الباترول ياالحبيب

[عقيل2009]

وش جاب القطن يمك ياالحرير

اكيد باترول مافيه مقارنه

ياالحبيب

موفق ان شاء الله

[س ل ي م ا ن]

أخوي لو الباترول تماتيك كان قلتلك باترول

لكن دامه عادي خذ أكسبلورر وتراو حلو وصغير ومريح

[][][زلفاوي][][]

بدون تعصب لفئة معينة ، والأمر مجرد ترشيح وأنصحك لا تفكر إلا بالباترول ، على الأقل موتر تكده وتمده وانت إن شاء الله مرتاح
.
.

[خالد 999]

السلام عليكم ورحمة الله وبركاته
مشاكل الباترول الستاندر
بدون مكيف خلفي وهذي بحد ذاتها مشكله اذا كان عندك عائله
القزاز عادي وكذلك اذا كان عندك اطفال
بدون قفل مركزي لكن هذي لها حل بـ 250 تركب له سنتر لوك
فيه ميزه انك تصلحه في اي مكان وقت ماتبي تبيعه مايخسرك شي يذكر
اما الاكسبلور فلا اعلم عنه شيء الا انك تشتريه اليوم مثلاُ بخميسن الف تبيعه بعد شهر بخسارة النصف تقريباً

[أبوعبدلله99]

ان كنت موصر خذلك نيسان وان كنت منت موصر خذلك تيوتا

[تميم الخضيري]

أخوي انصحك بالباترول [ قير عادي ]

___________________

لعدة اسباب منها :-

1. قوته في البر
2.كثرة المستخدمين وعدم شكواهم منه
.
.
إلخ

على العموم اهم نقطة انك تصلي صلاة الإستخارهـ قبل ماتشتري وتدعي الله انه يسهل لك الافضل لك في دينك ودنياك


تقبل مروري
تميم
:)

[باني طوية]

اذا انت راعي بران ومطامر خذ لك باترول ولاتردك الا دراهمك هههههههههههه واهم شي الاستخارة شف الاكسبلور يصلح حق بر وقوي وموتر رزه لكن الباترول تكرفه ومايقول اح