محتار: الباترول أو الـ GXR نبي رأيكم يامن جربتوها؟؟؟؟؟

[مالك بن الريب]

السلام عليكم
الباترول2005 وش أحسن أنواعه وماهي أسعارها ؟
الـGXR ماهي مواصفاته ؟
وأيهم أفضل للي يبي يكرف مايبيع؟
ياليت الإجابة تأتي من أهل التجربة وبس$$$

[الجيب الربع]

اخي مالك بن الريب

لا اقيم الباترول لاني ماجربته ولكن كما يقال ان اللاندكروزر يصبر أكثر وانا جربت GXR موديل 1993 لمدة 9 سنوات بدون اي مشاكل ولله الحمد.

بالنسبة لمواصفات الـ GXR فالخليجي يأتي بجميع المواصفات التي تأتي بالـ VXR بس السعر يفرق طبعا واذا معزم وراعي بر خذ الـ GX القطري

لك اجمل تحية

[مالك بن الريب]

شكرا جيبنا
وين أهل الباترول ؟؟؟؟

[ابو وطبان]

خذ الا ند ولاتشا ور اسئل مجرب vxr

[السويبع]

والله كلهن زينات

من ناحيه السفاري انا معي سفاري من1998الا هالحين وما يطلب شي
وفي النفود انشط بفرق عن الجكس ار

ومن ناحيه السعر الفرق في بحر العشرين

[اعقاب]

اخي العزيز
اذا كنت من اللذين تهمهم قيمة السياره او اللي يقول اشتر تبيع فلا تفظل على اللاند كروزوTOYOTA
اما اذا همك الراحه اقصد تبغي تريح نفسك من وعورة المركب
ولاتبغي اتحس باي مطب اوجرف تمر عليه وانت مسرع
وتبغي تقلل من نسبة خطر الانقلاب بسبب بنشر او لفه عسره
ولاتبغي الاغراض والعفش اللي في الشنطه يحظر عندك عند ادنى مطب
ولا تقعد وقت طويل في التغريز او تنادي اقرب جهاز

فلا تفظل على البترولNISSAN

[ولد الشايب]

اشتر باترول NISSAN إن شاء الله أنك مما تتحسف

[مالك بن الريب]

والله إنكم ياأهل الباترول منتب سهلين
عبارات قوية كأنها فزة الباترول
الآن 3\2 لصالح الباترول
لكن سؤالي وأنتم الآن شجعتون على الباترول أنا عرفت إن أنواعه هي
S
SGL
SAFARI
SUPER SAFARI
وش تنصحونن بأي نوع وهل اشتري جديد2005 أو مستعمل 2004-2003
ياليت اعرف الفروق الجوهرية بينهم يعني القوة المثبت المكيف وغيره

مشكور اخوي
الجيب الربع
ولد الشايب
اعقاب
السويبع
أبووطبان
على الرد السررررررررررررررررريع

[abu rashid]

السلام عليكم

معليش داخل متاخر ..
بالنسبه للنيسان انا مجرب 2002 سوبر سفاري ماخذه مستعمل ماشي واجد 140000
بس انه نظيف وما عليه ممتاز وبالرمل خفيف بس عيبه على الخط لا سرعت فوق 140صوت هوا
والبنزين :( يصرف واجد( على خط داخل حواري ) كله سوا
والمواصفات زينه "زينون, فتحه, سيدي, القير عادي اتوماتيك"

[سفاري نجد]

الأخ مالك بن الريب

السلام عليكم ورحمة الله وبركاته

انواع الباترول
S = يسمونه السلقه عادي جدا مكينته 4500 قزاز عادي ومراتب قاسيه شوي ماشي سوقه بقوه خصوصا الربع
SGL = مكينته 4800 يجي قير اوتماتيك/عادي كهزاز قهرب ثلاجه بدون مثبت مراتب قماش وسريع
SAFARI= مكينته 4800 يجي قير اوتماتيك/عادي كهزاز قهرب ثلاثجه مثبت سرعه مراتب مخمل
SUPER SAFARI= اعلى المواصفات ديف لوك للدبل ومثبت سرعه وتحكم بالمسجل والراديو بمقود السياره وثلاجه ومراتب كهرب

انا معي 2003 سوبر سفاري مافيه خلاف رساوه وخفه اخف من الجي اكس ار بالرمل والطريق ولا فيه صوت تنسيم بالنوافذ ...

فيه ميزة الباترول هي رساوته بالطريق من تجربتي وتجربة غيري ارسى بكثير من GXR
اذا تبغى تاخذ لاند كروزر خذ VXR وبس مكينه وقوه ومواصفات رهيبه

تدفع ذيك القيمه بسياره مافيها مثبت سرعه اعني GXR لا تقربه ولا مواصفات تستاهل القيمه العاليه
للمعلومية قيمة GXR اعلى نوع تاخذ فيه السوبر سفاري فل كامل ....

اتمنى اني وصلت لك معلومه

اخوك سفاري نجد

[سنتافي]

والله الباترول افخم وخصوصا الشكل الجديد بصراحه مسكت واقوى من اللاند على ما اظن وبعدين اذا تبي تيوتا خذ شاص غيره ما انصحك


http://tinypic.com/1fajgp

[شاص]

إذا معزم على الباترول خذ سفاري ماهوب سوبر والقير عاديي لاتاخذ عايدي تماتيك لأن كثير من اللي جربوه ما صلح لهم ولا تاخذ 2005 لأنه أول دفعة من الشكل الجديد ومايندرا وش به من مشاكل أو عيوب

[نمر بن حثلين]

الgxr يعيبه ارتفاع سعره وقلة مواصفاته (هايلوكس مصندق)
اما السفاري والسوبر سفاري فيهم مواصفات كبيره مقابل سعر معقول
واذا بتاخذ بعد باترول مستعمل استعمال خفيف يكون سعره طايح وتوفر اكثر وتاخذ موتر لك وللزمن
وخصوصا اذا اخذت من الموديل الجديد 2005 يستمر معك باذن الله 8 سنوات وهو نظرته فخمه
واحاكيك من تجربة سوبر سفاري من 98 وللحين ولله الحمد جديد


واذا عيالك كثار وتبي سياره حجمها مثل حجم الجمس ورا ما تفكر بالارمادا الجديد ترا سعره معقول جدا يبدا من 110 الف والفل كامل 138



http://www.nissan-arabia.com/mystore/suvlaunching/Armada/2.gif

http://www.nissan-arabia.com/mystore/suvlaunching/Armada/4.gif

[أبو يحيى]

لا تجنب عن اللاندكروزر, هو صحيح إنه غالي ولكن أفخم وأصبر وأحسن منظر وأحسن شيء إنك إذا إنلزيت وبعته ترى قيمته فيه .....

أنا توي ولله الحمد والمنه مشتري GXR 2005 وكاله, وأعتقد إنه نازل على الأرض ما هو مرتفع - أحسن من الباترول – يعني راكد بمشيئة الله مع الخط. (واسئل مجرب).

وهذا اللي عندي.

وأسأل الله أن يكتب لك الخير.

[وهبى]

السلام عليكم وعيدكم مبارك جميعا

----------
بالنسبه للموضوعك السفارى او فكس ار
شوف ياخوى السفارى مايعيبه الا شى واحد (((البانزين))) فيه شرب وطبعا لاتوجد خرابات الا شئ بسيط لايذكر والسفارى زين وطيب ويازينه بالبر وبالطب على كيف كيفك وطبعا كل سفارى بسرعه يتفكك لاكن مايئثر
ووانا مسعمل السفرى بدون مبالغه من مودي 91 -2000 ولاافكر انى اغير السفارى ابد
مزايا وعيوب السفارى
1-يشرب قليلا
2- يتفكك بسرعه
3- يوجد به تنسيم من النوافذ الاماميه فقط
4- خراب طرمبه البانزين
-------------------------------
1- قطع الغيار رخيصه
2- عزم المونر
3- لايوجد حراره
4- الخفه
5-الدبل قوى جدا
6-واسع من الداخل
-----------------------------
واسمح لى ياخوك طبعا يوجد اشياء اخرى لااحصاها الان
وتقبل الله طاعتك والعذر والسموحه منك ومن الاخوان المشاركين

[ذيب بن هدلان]

السلام عليكم جميعاً ..
حياكم الله يا جماعة الخير ..
وهذه أول مشاركة لي في هذا المنتدى الرائع ..
وأتمنى أن أكون عضواً فاعلاً ، ومقبولاً لدى الأعضاء جميعاً ..

http://www.toyota.com/images/vehicles/landcruiser/gallery/exterior/photo_4.jpghttp://www.arabianautomobiles.com/vehicle/patrol/images/patrol_gal_b_img7.jpg

بالنسبة للموضوع .. في الحقيقة جربت ثلاث أنواع من الجيوب :
VXR (بريمي )
GXR
باترول

كفخامة ومحافظة على القيمة خذ VXR أو GXR ..

وكمتعة قيادة خذ الباترول . خاصة ما بعد موديل 2002 بمحرك سعة 4800
والقير automatic transmission with manual shift mode ( أتوماتيك مع تغيير عادي ) ..
وهذا النوع قوي وعزم عالي خاصة في النفوذ ..

أما VXR و GXR فهو متماسك أكثر لكنه ثقيل ..

أيضاً ما يميز الباترول ليونته ( عدم الوعورة ) ..

وعموماً .. سواء اخترت VXR أو GXR أو الباترول .. فنصيحة بأن يكون القير أتوماتيك ..

وسلامتكم ...

[كشاتي]

السلام عليكم والرحمه ...

اخوي اذا بغيت موتر حق بر وضرب مشاوير رايح جاي سوا بالمدينه او بالطرق الوعره عليك باللاند

وبالذات اللي يسمى (ستداندر) هذا موتر كرف ومقناص ولاعقبه ومن وجهة نظري افضل من البترول لان البترول

اسم على مسمى عليه صرفية بترول ماحصليتش يجيب الفلس ...

ومن ناحيه ثانيه مايستحمل لوعره يقرقع بسرعه ولو ان اللاند الجديد بديه ماهو قوي زي القديم لكن بعد اعتقد انه افضل من البترول...

واللاند سعره فيه اذا جيت تبيع بعكس البترول ...

انا اتكلم عن السوق لقطري ...

هذا والله اعلم ...

وبالتوفيق ان شاءالله ..

[@ بوفهد @]

االسلام عليكم ورحمة الله وبركاته ...........

انا مع اخوي عقاب في الراي مع احترامي للربع وانصح SGL 2004 او موديل 97

اسمحولي اول مشاركه لي بالمنتدى موعارف بعض الامور بالكتابه والارسال