راع الكحيلة
19/01/2005, 02:58 AM
الوصف !!
تدرون وش اقصد بالوصف ؟؟
أقصد به كيف توصف موقع لأحد إخوانك المكشاتيين أو من غير المكشاتيين.
==
مكالمة هاتفية
السلام عليكم
هلا .. هلا.. عليكم السلام .. يامرحبا
كيف حالك يابو عبدالرحمن
بخير الله يسلمك وشلونك يا بو طلال
بخير عساك بخير ... أقول يا بو عبدالرحمن
سم
سم الله عدوّك...بغيتك توصف لي محل الربع يمكن أسيّر عليهم بكرة ..
أبشر والله هذي الساعة المبارك
شف طال عمرك
وعمرك
لامن مسكت الشارع اللي يطلع من ذيك الديرة بتلقى بعده بكم كيلو مراح غنم على يسارك ..ثم عقبه بشوي تجيك دباية على يسار ..انت توحي
اسلم
انزل معها وتراها عقب شوي بتلقاها صارت ثلاث وحدةن تشمل ووحدتن تشرّق ووحدةن تستقبل أنت خذ اللي تشرق منهن ...ما عليك من الشمالية منهن تراها بتقلعك بعيد..ولا عليك من القبلية تراها بتردك للديرة مر ةن ثانية.
وتراك إن اخذت الدباية الشرقية ..بتعيّن....
يا بو عبدالرحمن
بتعيّن لك راعي ابل شمري وعنده عايدي موديل 79 ومركب له كفرات بالون ويمكن تلقى عنده قطعة شويهات ..المهم لامن عينت راع البل ترى قبلةن منه بتلقى راعي مجاهيم عجمي .. والله ونعم فيه كان قصيرن لنا هاك السنين يوم كنا في الديرة الفلانية ..عزمته ابن الحلال يومه نزل عندنا في البر ..حلف وعيّا الله يهدينا وياه
أقول يا بو عبدالرحمن :confused:
ولامن عدّيت ابل العجمي بتنزل في جو كبير اقطعه كذا .....(كذا أظنه يؤشر بيده وهو يتكلم بالجوال)
ثم خذ يمين وبعد الشبك يمين ولا استعدل الخط تيامن شوي ثم اشمل ثم شرّق وبتلقى موتر احمر كفراته سود وعليه شد وحنايا ..وأظن المعثور الحداد ما ظبّط له الحنايا مع انه مركبها بسعر مهوب هيّن ... المهم رح يم ذا الموتر دعوم ثم قبله بشوي ارفع عينك وناظر جهة مغيب شمس بتلقى ضليعات فلان ..ماعليك منها
يا بو عبدالرحمن:looney:
ثم بتلقى نقرة كبيرة ...ماعليك منها
وبتشوف بويتات شعر أظنتي انها مثولثة والاّ يمكن مروبعة أغلب الظن انها مثولثة ..ما عليك منها
ثم بتلقى مراح كل ابله وضح ...هااااه لامن وصلت ذا المحل .....تعّداه وخلّه يولي
يا بو عبد الرحمن!!!!!!!! :mad: :mad:
سم
يا خوك ما فيه غير الدرب هذا؟؟
ألاّ.....فيه درب يطلع من الهجرة الفلانية لكنه إقيشر
لا نزلت على الدباية أقضب الخط سيدة لا تروح لا يمين ولا يسار عقبها راح تشوف بيوتنا على يمينك :confused:
طبعا ها الدرب أسهل لكن ابن الحلال ما خلاّ شي بالطريق ما ذكره..خيام..وايتات..إبل .. غنم..القبائل التي ينتسب إليها من على الطريق..لكنه نسى يذكر أنه يوجد جربوع ميت تحت ذيك الصخرة شمال ذاك الضلع في ذيك الديرة كان متوطيه شفر 89 لونه حمر راعيه كان زميل ن لي .
===========
القصة السابقة مثال حي لمكالمة هاتفية بيني وبين أخ عزيز يحاول أن يوصف لي موقع الخيام
طبعا لم يخلوا الكلام السابق من التمليحات الصغيرة جدا مني أثناء الكتابة عن موضوع خطبته العصماء التي أخذ يوصف فيها الطريق للخيام..مع اختصاري الشديد لطول مدة الوصف بحيث أني لو أردت نقلها بالكامل لاحتجت لعدة صفحات ..والمضحك أن الموقع اصلا لا يبعد عن المسفلت أكثر من 6 كيلوا :)
أولا يجب أن يكون وصف الطريق إلى الموقع بلا إسهاب ممل ولا إختصار مقل .....(حلوة قمنا نكتب حكم)
يعني إختر من المعالم ما يحتاجه الزائر لتحديد دربه.. فقط المعالم المهمة والتي عن طريقها تستطيع فرض مسلك معيّن عليه
مثل أن تقول له ...بعد أن تصل للضلع الفلاني خلّه على يسارك وأشمل
أو أن تقول له ...خلك ماشي على المطيّنة (جادة) لا تتركها إلى أن ترى سبخة على يدك اليمين ثم بعدها إنحرف إلى الجهة الفلانية لمسافة 5 كيلو (مثلا)
نلاحظ هنا أنك أعطيته نقاط دالة تفرض عليه متى يغيّر وجهته وهذا هو المطلوب.
ولا تكثر عليه من النقاط الدالة الغير ضرورية لأن هذا من شأنه أن يشوّش على الشخص
فأنت عندما تقول له كما في مثالنا السابق ..خلّك على المطيّنة إلى أن تصل إلى السبخة
فلا تزد عليه بقولك ..سترى على يمينك برميل قديم ثم بعده لا فتة صغيرة خاصة بتنقيب النفط ثم ستجد مراح إبل وانظر شمال الابل ستجد راعي شويهات عنده وايت حمر ...و...و... صراحة شيء ممل ومضيّع للذاكرة
ما دامت المطينة في آخر المطاف ستصلك إلى النقطة الدالة وهي السبخة فكفى
وأفضل شيء مجرب وممتاز جدا هو التوصيف عن طريق حساب الكيلومترات المقطوعة
مثال أن تقول له بعد 6كيلومتر من طرف الهجرة الفلانية وانت مشمل سترى مزرعة ومن هذه المزرعة إتجه غربا لمسافة 3 كيلو..طبعا أنت توصف لصاحبك بالارقام لأنك قد حسبتها مسبقا عن طريق تصفير عداد المسافة لسيارتك أثناء ذهابك وإيابك للموقع المراد
اتمنى للجميع السلامة وأن يوفقوا في أن يجدوا أحد يستطيع أن يوصف لهم المكان
أما أنا فأخذت أتصل على اصدقاء معينين ليصفوا لي الدرب بدل بو عبدالرحمن
وأتمنى ألا يخبروه أني طلبت منهم الوصف.
وان ابطيت عليكم يا الربع اعرفوا اني دجيت دجة ن عند الله خبرها :D
تدرون وش اقصد بالوصف ؟؟
أقصد به كيف توصف موقع لأحد إخوانك المكشاتيين أو من غير المكشاتيين.
==
مكالمة هاتفية
السلام عليكم
هلا .. هلا.. عليكم السلام .. يامرحبا
كيف حالك يابو عبدالرحمن
بخير الله يسلمك وشلونك يا بو طلال
بخير عساك بخير ... أقول يا بو عبدالرحمن
سم
سم الله عدوّك...بغيتك توصف لي محل الربع يمكن أسيّر عليهم بكرة ..
أبشر والله هذي الساعة المبارك
شف طال عمرك
وعمرك
لامن مسكت الشارع اللي يطلع من ذيك الديرة بتلقى بعده بكم كيلو مراح غنم على يسارك ..ثم عقبه بشوي تجيك دباية على يسار ..انت توحي
اسلم
انزل معها وتراها عقب شوي بتلقاها صارت ثلاث وحدةن تشمل ووحدتن تشرّق ووحدةن تستقبل أنت خذ اللي تشرق منهن ...ما عليك من الشمالية منهن تراها بتقلعك بعيد..ولا عليك من القبلية تراها بتردك للديرة مر ةن ثانية.
وتراك إن اخذت الدباية الشرقية ..بتعيّن....
يا بو عبدالرحمن
بتعيّن لك راعي ابل شمري وعنده عايدي موديل 79 ومركب له كفرات بالون ويمكن تلقى عنده قطعة شويهات ..المهم لامن عينت راع البل ترى قبلةن منه بتلقى راعي مجاهيم عجمي .. والله ونعم فيه كان قصيرن لنا هاك السنين يوم كنا في الديرة الفلانية ..عزمته ابن الحلال يومه نزل عندنا في البر ..حلف وعيّا الله يهدينا وياه
أقول يا بو عبدالرحمن :confused:
ولامن عدّيت ابل العجمي بتنزل في جو كبير اقطعه كذا .....(كذا أظنه يؤشر بيده وهو يتكلم بالجوال)
ثم خذ يمين وبعد الشبك يمين ولا استعدل الخط تيامن شوي ثم اشمل ثم شرّق وبتلقى موتر احمر كفراته سود وعليه شد وحنايا ..وأظن المعثور الحداد ما ظبّط له الحنايا مع انه مركبها بسعر مهوب هيّن ... المهم رح يم ذا الموتر دعوم ثم قبله بشوي ارفع عينك وناظر جهة مغيب شمس بتلقى ضليعات فلان ..ماعليك منها
يا بو عبدالرحمن:looney:
ثم بتلقى نقرة كبيرة ...ماعليك منها
وبتشوف بويتات شعر أظنتي انها مثولثة والاّ يمكن مروبعة أغلب الظن انها مثولثة ..ما عليك منها
ثم بتلقى مراح كل ابله وضح ...هااااه لامن وصلت ذا المحل .....تعّداه وخلّه يولي
يا بو عبد الرحمن!!!!!!!! :mad: :mad:
سم
يا خوك ما فيه غير الدرب هذا؟؟
ألاّ.....فيه درب يطلع من الهجرة الفلانية لكنه إقيشر
لا نزلت على الدباية أقضب الخط سيدة لا تروح لا يمين ولا يسار عقبها راح تشوف بيوتنا على يمينك :confused:
طبعا ها الدرب أسهل لكن ابن الحلال ما خلاّ شي بالطريق ما ذكره..خيام..وايتات..إبل .. غنم..القبائل التي ينتسب إليها من على الطريق..لكنه نسى يذكر أنه يوجد جربوع ميت تحت ذيك الصخرة شمال ذاك الضلع في ذيك الديرة كان متوطيه شفر 89 لونه حمر راعيه كان زميل ن لي .
===========
القصة السابقة مثال حي لمكالمة هاتفية بيني وبين أخ عزيز يحاول أن يوصف لي موقع الخيام
طبعا لم يخلوا الكلام السابق من التمليحات الصغيرة جدا مني أثناء الكتابة عن موضوع خطبته العصماء التي أخذ يوصف فيها الطريق للخيام..مع اختصاري الشديد لطول مدة الوصف بحيث أني لو أردت نقلها بالكامل لاحتجت لعدة صفحات ..والمضحك أن الموقع اصلا لا يبعد عن المسفلت أكثر من 6 كيلوا :)
أولا يجب أن يكون وصف الطريق إلى الموقع بلا إسهاب ممل ولا إختصار مقل .....(حلوة قمنا نكتب حكم)
يعني إختر من المعالم ما يحتاجه الزائر لتحديد دربه.. فقط المعالم المهمة والتي عن طريقها تستطيع فرض مسلك معيّن عليه
مثل أن تقول له ...بعد أن تصل للضلع الفلاني خلّه على يسارك وأشمل
أو أن تقول له ...خلك ماشي على المطيّنة (جادة) لا تتركها إلى أن ترى سبخة على يدك اليمين ثم بعدها إنحرف إلى الجهة الفلانية لمسافة 5 كيلو (مثلا)
نلاحظ هنا أنك أعطيته نقاط دالة تفرض عليه متى يغيّر وجهته وهذا هو المطلوب.
ولا تكثر عليه من النقاط الدالة الغير ضرورية لأن هذا من شأنه أن يشوّش على الشخص
فأنت عندما تقول له كما في مثالنا السابق ..خلّك على المطيّنة إلى أن تصل إلى السبخة
فلا تزد عليه بقولك ..سترى على يمينك برميل قديم ثم بعده لا فتة صغيرة خاصة بتنقيب النفط ثم ستجد مراح إبل وانظر شمال الابل ستجد راعي شويهات عنده وايت حمر ...و...و... صراحة شيء ممل ومضيّع للذاكرة
ما دامت المطينة في آخر المطاف ستصلك إلى النقطة الدالة وهي السبخة فكفى
وأفضل شيء مجرب وممتاز جدا هو التوصيف عن طريق حساب الكيلومترات المقطوعة
مثال أن تقول له بعد 6كيلومتر من طرف الهجرة الفلانية وانت مشمل سترى مزرعة ومن هذه المزرعة إتجه غربا لمسافة 3 كيلو..طبعا أنت توصف لصاحبك بالارقام لأنك قد حسبتها مسبقا عن طريق تصفير عداد المسافة لسيارتك أثناء ذهابك وإيابك للموقع المراد
اتمنى للجميع السلامة وأن يوفقوا في أن يجدوا أحد يستطيع أن يوصف لهم المكان
أما أنا فأخذت أتصل على اصدقاء معينين ليصفوا لي الدرب بدل بو عبدالرحمن
وأتمنى ألا يخبروه أني طلبت منهم الوصف.
وان ابطيت عليكم يا الربع اعرفوا اني دجيت دجة ن عند الله خبرها :D