ابي مشورتك بين سيارتين يا اعضاء المنتدى ....

[الرااجحي]

السلام عليكم ... ومساكم الله بالخير جميع


نبي مشورتكم يالربع محتار بين سيارتين تقريبا بنفس المبلغ مع اختلاف الموديلات


يوكن 2008 الى 2009 هذي الاختيار الثاني

اووووو الاختيار الاول


جيب تويوتا جي اكس ار gxr يكون موديل 2004 الى 2005

لي بصراحه حول الشهر محتار بين السيارتين

واليوم ابي شوركم الله لايهينكم بما انا اعضاء منتدى واحد وتحبون الخير لي كما تحبونه لا انفسكم


وبارك الله فيكم

[كريزي نت]

شرط ماتلقا احسن من كلامي :D
خذلك الـ Gx-r وتوكل على الله
لك وللزمن نصيحة محب لك في الله ومجرررب
ولا ابي منك الا الدعاء الصالح ..
وفقك الله للي فيه خير لك

[أبوعلي الجاسر]

السلام عليكم أخوي

بالنسبة لليوكون 2008 يختلف عن 2009 من ناحية القير لأن 2009 أوتوماتيك + عادي و 2008 أوتوماتيك بس

يعني تقريباً 2008 أفضل

أما من ناحية Gx-r إذا أنت تبي تاخذ أوتوماتيك فلا يقربك لأنه ضعيف

إذا تبي الراحة فاليوكون أريح بواااااااجد ماتفرق عن الكابريس والفورد واليوكون 8 سلندر الزيت مايحتاج إلا خمس علب

أما Gx-r الراحة مو بالحيل 6 سلندر الزيت 8 ثمان علب

بالأخير أنصحك وبقوة باليوكون أو تاهو يفضل Ls لأنه أقل كهرب من اليوكون لكن ترا أقصد أنه يكون دبل

وزيادة الكهرب مثل تقديم دعسات البنزين وطي المرايا كهربائياً والمكيف لمس وحساسات خلفية مع الوقت راح تأذيك بالأعطال

[راعي الفورت]

بدون كلام كثير

التويوتا شيك بيدك ( متى مابغيته تلقاه )

واليوكون سيولة بجيبك ( سرعان ما تنتهي )

عليك بالتويوتا

ولا يهمك الأمريكي التاليات كثير خرابهن الله المستعان


الله يوفقك للي تبي

[RPM..5800]

التويوتا لك وللزمن

[أبوسعد76]

الله يوفقك ويكتب ما فيه خير لك .
وبصراحة رأيي في أيهما تختار ؟؟!!
أقول على حسب استخدامك ، فإذا كنت من اصحاب الطلعات الكثيرة للبر والنفود وغيرها فأقول لا تتردد في الجيب .
أما إذا كانت طلعاتك خفيفة وداخل المدينة وخارجها فأشور عليك باليوكون أو التاهو .
دمتم بخير .

[تناساني]

خذ لك الجيب الـ gxr الأسباب:
قيمته ثابته لو بعد كم سنه ينزل شوي.
الـgxr مافيــه أي مشاكل ميكانيكية انسـى إن شاء الله.
الـgxr اذا نويت تبيـع.. زبونه جاهز.
اليوكن.. يزعجك بالرسائل التحذريه في الطبلون طلب التشييك في الوكاله.
اما الـ gxr لا يطلب تشييك الوكاله إلا اذا انت رغبت ذلك.

واذا انت بالرياض نصيحتي لك مر وكالة الجميع على طريق خريص
وادخل مع البوابة حقة الصيانة وشف بعينـه 90% من السيارات الي داخل كلها يوكون
وانت ا دخل وشف بعينك :D

والخيــار لك بكل الحالتيــن :good2:




:f

[S4500]

اخوي اليوكن حق مدينة و خطوط لانة مريح

اما كانك حق بر و نفود فخذلك gx-r لانة صبور و قليل خرباتة

[الرااجحي]

الله يعطيكم العافيه .... ويجزاكم خير على التفاعل مع الموضوع

استفدت من ارائكم الكثير

وشوف التوجه للجيب افضل

وعسى الله يختار الخيره

[s741]

الجيب شيك
بالتوفيق

[ساكن الشمال]

:D اخوي الرااجحي
السلام عليكم
طلبت المشوره وهذا شوري وماتحسف عليك بالياباني
عليك بالجيب ولا يحتاج مقارنة سوا نيسان او تويوتا او مستوبيشي :good2:
بس الافضل
1- تويوتا
2- نيسان
3- ـــــــــــــ لايوجد
4- مستوبيشي

[لعيون خله]

الله يعينك وييسر امرك وامورهم

[قناص الأشهب]

أذا انك بتاخذ مستعمل فلاتقرب الأمريكي
خلك على التويوتا أضمن لك